1 YOANO 2
2
1Anami akepe, yino yuma ngunasoneka kuli yenu, hanga kunuchi kuvulumuna, nyi kachi umwe mavulumuna, Hako tuli nenyi kumeso ja mwe Tata, Yesu Kristu, mwe mukwa ululi. 2Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe. 3Ku chino tunase chinyingi ngwetu, tunamunyingika, kachi tunafungu shimbi jenyi. 4Yoze mamba ngwenyi, Ngunamunyingika, aiioze keshi kufunga shimbi jenyi, iye mukwa mahuza, ni umwenemwene kuushimo muli iye; 5aiioze mweswe mafunga liji lienyi, muli iye chamwenemwene zango lia Zambi linapu lingunu. Ku chino tunanyingika ngwetu, Tuli muli iye; 6yoze mamba ngwenyi, Ngunatwama muli iye, chamutamba nawa kwenda chizechene ngwe endele iye.
7Akwetu a zango, shimbi yaha Chasonekene kuli yenu, aiioze shimbi yikulu yize nwapwile nayo chize ku uputukilo: shimbi yikulu lie liji lize nwevwile. 8Cheka nawa shimbi yaha ngunasoneka kuli yenu; chenacho chamwenemwene muli iye ni muli yenu; mumu milima yinapalika, ni pangu liamwenemwene linapanguka kulu. 9Yoze mamba ngwenyi, Nguli mu pangu, mba mavwila kole ndumbwenyi, mu milima ali ndo haliapwila. 10Yoze mazanga ndumbwenyi, matwama mu pangu, ni chitalingiso chakuhi muli iye, nichimwe. 11Alioze yoze mavwila kole ndumbwenyi mu milima ali, kakwenda mu milima, kanyingikine kuze maya, mumu milima hiyinapupuchisa meso jenyi.
12Ngunasoneka kuli yenu, anami akepe, mumu hananukonekena milonga yenu mumu ha jina lienyi. 13Ngunasoneka kuli yenu, atata, mumu nunanyingika yoze wapwa chize ku uputukilo. Ngunasoneka kuli yenu, akweze, mumu hinunakumbu mwe chingulungulu. Ngunasoneka kuli yenu, ana, mumu nunanyingika mwe Tata. 14Nasonekene kuli yenu, atata, mumu nunanyingika yoze wapwa chize ku uputukilo. Nasonekene kuli yenu, akweze, mumu nwatakama, ni liji lia Zambi kuliakutwama muli yenu, hinunakumbu mwe chingulungulu.
15Kanda nuzanga hano hashi, chipwe yuma yize yili hano hashi. Kachi umwe mazanga hano hashi, kachi zango lia Tata kulishimo muli iye. 16Mumu yize yeswe yili hano hashi, usolo wa musunya, ni usolo wa meso, ni kulizata cha mwono, hi ya kuli Tata ko, aiioze ya hano hashi. 17Ni hano hashi muhapalika, ni usolo waho: aiioze yoze malinga upale wa Zambi matwama ndo ku miaka ya mutolo.
18Yenu ana, haliapwila ye ola ya kusula: ngwe nwevwile ngwo, Mukwa kulimika ni Kristu kumeza, chipwe haliapwila akwa kulimika ni Kristu anji haneza; ku chino tunanyingika haliapwila ye ola ya kusula. 19Atuhukile mukachi ketu, aiioze kapwile a kuli yetu; mumu kachi apwile a kuli yetu, kachi atwamine hamwe ni yetu, aiioze hanga akaasolole ngwo, O eswe hi a kuli yetu ko. 20Ni yenu kuwayisa nuli nacho cha kuli mwe Musandu, nunanyingika yuma yeswe. 21Chasonekene kuli yenu mumu kunwanyingikine umwenemwene, aiioze mumu nunaunyingika, ni mahuza niamwe hi a ku umwenemwene ko. 22Iya mukwa mahuza shina yoze malikala ngwenyi, Yesu hi Kristu ko? Yono mwe mukwa kulimika ni Kristu, te yoze malikala ni mwe Tata ni mwe Mwana. 23Mweswawo malikala mwe Mwana keshi ni mwe Tata nawa: yoze matayiza mwe Mwana, kali ni mwe Tata nawa. 24Ha kutwala kuli yenu, chize nwevwile katu ku uputukilo chikatwame muli yenu. Kachi chize nwevwile katu ku uputukilo muchitwama muli yenu, kachi ni yenu nawa munukatwama muli mwe Mwana ni muli mwe Tata. 25Ni chino che chilakenyo chize hanatulakenya, te mwono wa mutolo.
26Yino yuma hinasoneka kuli yenu ha kutwala kuli waze akunupiangula. 27Ha kutwala kuli yenu, kuwayisa chize hinunatambula kuli iye kuchakutwama muli yenu, mba kunushi kufupa umwe anulongese; aiioze ngwe kuwayisa chenyi kuchakunulongesa ha kutwala ku yuma yeswe, chinapu chamwenemwene, hi mahuza ko, chizechene ngwe hichinanulongesa, nwakutwama muliiye.
28Haliapwila, ana akepe, twamenu muli iye; hanga muze makamusolola, tukapwe ni hamu, kutuchi kevwa sonyi kumeso jenyi ha kuheta chenyi. 29Kachi nunanyingika iye mwe mukwa ululi, nyingikenu mweswe wakulinga ululi kanasemewa kuli iye.
Currently Selected:
1 YOANO 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
