1 A-KORINDU 8
8
1Achi, ha kutwala ku yuma yize hanayilamtula yitapo ku mahamba: tunanyingika yetu eswe yinyingi tuli nayo. Yinyingi kuyakufuza, alioze zango kuliakukolesa. 2Kachi umwe manyonga ngwe kananyingika chuma chimwe, kachi kanda achinyingika nichimwe ngwe chamutamba kunyingika; 3alioze kachi umwe mazanga Zambi, iye kanamunyingika kuli Zambi.
4Kashika ha kutwala ku kulia cha yuma yize hanayitambula yitapo ku mahamba, tunanyingika hamba hi chimwe ko hano hashi, ni Zambi mukwo wakuhi niumwe, shina umuwika. 5Mumu chipwe kwali waze anaavuluka ngwo mazambi, chipwe mwilu, chipwe hano hashi; ngwe kwali mazambi anji ni ene anji. 6Hindu kuli yetu, kwali Zambi umuwika, mwe Tata, yuma yeswe yinakatuka kuli iye, ni yetu tuli hali iye; ni Mwene umuwika, Yesu Kristu, kuli iye yuma yeswe yinakatuka, ni yetu kuli iye.
7Alioze yinying; yize amwe keshi nayo; alioze amwe ku mbunge jo ha kutwala ku hamba, ndo haliapwila kakulia ngwe chuma chize hanachitambula chitapo ku hamba; ni mbunge jo se jilelu mujilichisa. 8Alioze kulia kuchishi kutuneha kumeso ja Zambi: chipwe kutushi kulia, kutushi kuhona; chipwe kachi mutulia kutushi kuhiana. 9Alioze kanyamenu kuchina hanji chino chiyulo chenu cha kulia muchipwa chitalingiso kuli alelu. 10Mumu kachi umwe makumona, yena uli ni yinyingi, unatwama nikulia mu tembele ya hamba, mbunge yenyi, kachi mapwa mulelu, muyalumuka kulia yuma yize hanayitambula ku mahamba, nyi? 11Mumu ku yinyingi ye yoze mulelu malumbuka, ndumbu yoze Kristu wamufwilile. 12Chocho ha kuvulumuna mandumbu, ha kulemeka mbunge jo jilelu, munuvulumuna Kristu. 13Kashika kachi kulia muchitalingisa ndumbwami, chichi kalia nawa yifwo niyimwe ndo ku miaka ya mutolo, hanga chichi katalingisa ndumbwami.
Currently Selected:
1 A-KORINDU 8: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
