Rom 3
3
Nongen le asu Juda.
1Sehe memrad hian i da ndro su Juda, i da ndro su Juda hanu asu Haiden bui, gelman ad Jehova i da ndro su, aga longu hendre molhege de derbe? 2Gelman ad Jehova i da ndro su molhe bugane, Jehova i da gin boharni le ndro su le longu, i da beg meher le ndro su, su da hirong nongen aden. 3Be su mabosanged asu gin hangaini Jehova, Jehova i danen bieni su masigane derbe? 4Bugane, longu hendre i dandon: Jehova, i ndangen ge, hom ndramed ge ber boan, homo ma homo i hom bahilou ge, dege su gin hondre dugian: Gord adem i da monen ge, uo da dieni monen gane, uo de bahilou de la ndro hom hebsa bui. 5Malabo derbe? Longu ad Jehova monen gane, i dege sul i da hinganen le ndrogmoan, ndrogmoan, aga longu asu ndramed momen. Aga i de monen bui, be Jehova i da bo gord, le ndro su, be gus aden i hilou le ndro su ndramed, de derbe? Malabo io da bosoui heb hanguruen molhege asu ndramed ber boan. 6Io bai: Bugane, Jehova i de danen bo gord le ndro su gor masi bui, ar hanguruen aden i da monen bugane. 7Io ndemani lie, i hi derbe, be io da bahilou le bohernou ordo ge, io dege homo i da le gor ndrogmoan ge, nongen ad Jehova ge i da hinganen manden, dege sul i da hinganen le gor ndrogum. Aga longu hendre hian ge be nongen ad Jehova monen gane i da hinganen manden, su ndramed dansu ilndri sul ogo ber lang hian monen ge. Aga longu hendre ordo momen bui, Jehova de danen dieni io le longu ordo bugane, longu ordo momen io gin hinen i, su ndramed dansu ilndri sul ber lang hian ge. 8Desa iou de hanguruen i bui, dege su holel, su gin bosoui me ndro du heb nongen ogo, iou beg bo longu momen, boen longu hian ge i meher ri, Ndorlaben Jehova i da gob gord le ndro su, su da hanguruen dagara.
9Malabo i hi derbe? Heb longu hian ge i da ndro su Juda hanu le asu Haiden? Ehe, de bui? Iou gin hirong i, su Juda, ma su Haiden, su da bo longu momen, longu momen gin ndounen su. 10Dege su gin hondre: Homo i da hian monen bugane. 11Homo i ha lengi Jehova bui. 12Su masigane gin bieni i. Su masigane gina momen ge. Homo i do da bui, i da bo longu hian, ndangen homo i do da bugane. 13Bohosu i dege ngai momen ge, germesu i da bahilou ge. Ndungian ad ndrondrhun i da le ngusen asu. 14Bohosu i beb le longu momen ge, su da bo iil, su da boii. 15Ndegesu i da hilou su harngeni ndrai asu ndramed le boan. 16Longu momen mabosanged i da le sal asu, su da bo iil, su da ndumbue ge. 17De dansu benu ad Jehova bui. 18Su de noh Jehova heb bugane. 19Dandu i, longu ogo momen masigane bohon ad Jehova gin boharni me ndro du, bohon ad homo ma homo de danen bosoui heb le ndro Jehova bui, su ndramed masigane ber boan su gina momen ge le gord ad Jehova. 20Homo i da heb hian monen bui le bormarn ad Jehova be iou ha leng hinen mburer hian ge, beg hinen nongen ad Jehova masi, dandu meher le gor aden bugane. Lo ad Jehova i bosilieni me ndro du, i da henunuen du sehe longu i hian, sehe longu i momen.
Nongen le longu hian ber lang le ndro su Haiden ma le ndro su Juda lie. Jesu Kristo, i ge, gin regunha su le ndro Jehova.
21Malabo mburer ad Jehova hian monen gane i da gin mehere ndro du, dege Mose i da gin boharni, dagara su Provet lie. 22Aga mburer ad Jehova hian monen ge, i da gin hinen i gle Jesu Kristo le ndro du masigane, le ndro homo ma homo, i da boro ndoui ad Jesu Kristo. Homo i do da hian bui. 23Su masigane gin hinen longu momen, Jehova de danen mugueni homo bui. 24I da hengen me ndro du masigane golnisden aden ge. I da hanguruen, iou hian monen gane le ndoui ad Jesu Kristo, i da bolumiadu. 25I gin hinen Jesu Kristo surian le longu adu momen, i gin surien longu momen le ndrai ad Jesu Kristo, aga i vonei, aga gord aden le ndro longu momen ber gor. Mahanu Jehova gin belengen su ndramed, de gin surien longu asu momen bui, i dandon molhege. 26Malabo i gin hinen i boen. I beg henunuen iou masigane, gord aden i da monen gane. I da gin surien longu momen ber gor masi, gin daii Jesu Kristo. Malabo homo ma homo i da boro ndoui ad Jesu Kristo, i monen gane le hanguruen ad Jehova.
27Sie danen mugueni mburer aden? Bugane, homo de danen hinen i bui, homo de danen bosoui heb nongen aden bui, homo i de danen hinen heb mburer leri bugane, dandu mugueni mburer ad Jehova ge, be iou da boro ndoui ad Ndorlaben. 28Jehova i da hinen hom ndramed hian monen gane gle mburer ad hom ndramed hian bui, ar homo i boro ndoui ad Ndorlaben hian, aga i vonei le ndro Jehova. 29Hi derbe, Jehova i Ndorlaben asu Juda ge, i Ndorlaben asu Haiden bui? Ndangen, I Ndorlaben asu Haiden lie. 30Jehova Ndorlaben i da hinen su Juda hian monen ge, be su boro ndoui ad Ndorlaben, i da hinen su Haiden hian monen gane, be dansu boro ndoui aden lie. 31Be iou da boro ndoui ad Ndorlaben Jesu Kristo, hanguruen adu le nongen ad Mose i hi derbe? Dandu hanguruen i ber mahanu i molhege? Bugane, iou da hanguruen nongen ad Mose gle hian ge le bergoldu.
Currently Selected:
Rom 3: LLENT
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956
Rom 3
3
Nongen le asu Juda.
1Sehe memrad hian i da ndro su Juda, i da ndro su Juda hanu asu Haiden bui, gelman ad Jehova i da ndro su, aga longu hendre molhege de derbe? 2Gelman ad Jehova i da ndro su molhe bugane, Jehova i da gin boharni le ndro su le longu, i da beg meher le ndro su, su da hirong nongen aden. 3Be su mabosanged asu gin hangaini Jehova, Jehova i danen bieni su masigane derbe? 4Bugane, longu hendre i dandon: Jehova, i ndangen ge, hom ndramed ge ber boan, homo ma homo i hom bahilou ge, dege su gin hondre dugian: Gord adem i da monen ge, uo da dieni monen gane, uo de bahilou de la ndro hom hebsa bui. 5Malabo derbe? Longu ad Jehova monen gane, i dege sul i da hinganen le ndrogmoan, ndrogmoan, aga longu asu ndramed momen. Aga i de monen bui, be Jehova i da bo gord, le ndro su, be gus aden i hilou le ndro su ndramed, de derbe? Malabo io da bosoui heb hanguruen molhege asu ndramed ber boan. 6Io bai: Bugane, Jehova i de danen bo gord le ndro su gor masi bui, ar hanguruen aden i da monen bugane. 7Io ndemani lie, i hi derbe, be io da bahilou le bohernou ordo ge, io dege homo i da le gor ndrogmoan ge, nongen ad Jehova ge i da hinganen manden, dege sul i da hinganen le gor ndrogum. Aga longu hendre hian ge be nongen ad Jehova monen gane i da hinganen manden, su ndramed dansu ilndri sul ogo ber lang hian monen ge. Aga longu hendre ordo momen bui, Jehova de danen dieni io le longu ordo bugane, longu ordo momen io gin hinen i, su ndramed dansu ilndri sul ber lang hian ge. 8Desa iou de hanguruen i bui, dege su holel, su gin bosoui me ndro du heb nongen ogo, iou beg bo longu momen, boen longu hian ge i meher ri, Ndorlaben Jehova i da gob gord le ndro su, su da hanguruen dagara.
9Malabo i hi derbe? Heb longu hian ge i da ndro su Juda hanu le asu Haiden? Ehe, de bui? Iou gin hirong i, su Juda, ma su Haiden, su da bo longu momen, longu momen gin ndounen su. 10Dege su gin hondre: Homo i da hian monen bugane. 11Homo i ha lengi Jehova bui. 12Su masigane gin bieni i. Su masigane gina momen ge. Homo i do da bui, i da bo longu hian, ndangen homo i do da bugane. 13Bohosu i dege ngai momen ge, germesu i da bahilou ge. Ndungian ad ndrondrhun i da le ngusen asu. 14Bohosu i beb le longu momen ge, su da bo iil, su da boii. 15Ndegesu i da hilou su harngeni ndrai asu ndramed le boan. 16Longu momen mabosanged i da le sal asu, su da bo iil, su da ndumbue ge. 17De dansu benu ad Jehova bui. 18Su de noh Jehova heb bugane. 19Dandu i, longu ogo momen masigane bohon ad Jehova gin boharni me ndro du, bohon ad homo ma homo de danen bosoui heb le ndro Jehova bui, su ndramed masigane ber boan su gina momen ge le gord ad Jehova. 20Homo i da heb hian monen bui le bormarn ad Jehova be iou ha leng hinen mburer hian ge, beg hinen nongen ad Jehova masi, dandu meher le gor aden bugane. Lo ad Jehova i bosilieni me ndro du, i da henunuen du sehe longu i hian, sehe longu i momen.
Nongen le longu hian ber lang le ndro su Haiden ma le ndro su Juda lie. Jesu Kristo, i ge, gin regunha su le ndro Jehova.
21Malabo mburer ad Jehova hian monen gane i da gin mehere ndro du, dege Mose i da gin boharni, dagara su Provet lie. 22Aga mburer ad Jehova hian monen ge, i da gin hinen i gle Jesu Kristo le ndro du masigane, le ndro homo ma homo, i da boro ndoui ad Jesu Kristo. Homo i do da hian bui. 23Su masigane gin hinen longu momen, Jehova de danen mugueni homo bui. 24I da hengen me ndro du masigane golnisden aden ge. I da hanguruen, iou hian monen gane le ndoui ad Jesu Kristo, i da bolumiadu. 25I gin hinen Jesu Kristo surian le longu adu momen, i gin surien longu momen le ndrai ad Jesu Kristo, aga i vonei, aga gord aden le ndro longu momen ber gor. Mahanu Jehova gin belengen su ndramed, de gin surien longu asu momen bui, i dandon molhege. 26Malabo i gin hinen i boen. I beg henunuen iou masigane, gord aden i da monen gane. I da gin surien longu momen ber gor masi, gin daii Jesu Kristo. Malabo homo ma homo i da boro ndoui ad Jesu Kristo, i monen gane le hanguruen ad Jehova.
27Sie danen mugueni mburer aden? Bugane, homo de danen hinen i bui, homo de danen bosoui heb nongen aden bui, homo i de danen hinen heb mburer leri bugane, dandu mugueni mburer ad Jehova ge, be iou da boro ndoui ad Ndorlaben. 28Jehova i da hinen hom ndramed hian monen gane gle mburer ad hom ndramed hian bui, ar homo i boro ndoui ad Ndorlaben hian, aga i vonei le ndro Jehova. 29Hi derbe, Jehova i Ndorlaben asu Juda ge, i Ndorlaben asu Haiden bui? Ndangen, I Ndorlaben asu Haiden lie. 30Jehova Ndorlaben i da hinen su Juda hian monen ge, be su boro ndoui ad Ndorlaben, i da hinen su Haiden hian monen gane, be dansu boro ndoui aden lie. 31Be iou da boro ndoui ad Ndorlaben Jesu Kristo, hanguruen adu le nongen ad Mose i hi derbe? Dandu hanguruen i ber mahanu i molhege? Bugane, iou da hanguruen nongen ad Mose gle hian ge le bergoldu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society 1956