Boharni ad Johanes 3
3
Nongen le ndro su Sardes.
1Ha hondre le ndro ndremda hernou ber lodu ad Ndorlaben, i da le gor Sardes: i ge, i vong, Meluan manondrdilmou ad Jehova i da ndro i, biri manondrdolo i da le nemen: Io dono longu adem, su ha vong, uo mamaren. Uo de mamaren bui uo ginmad. 2Edne, hian uo mamed ge, osbani su, su heb ndoa bui, su baghege na gmed, mburer adem i de heb monen bui le bormarn ad Jehova. 3Hanguruen nongen ber lang, i da gin meher ndro uo goru, uo gin hirong i. E boro i, garbelueni bern adem. Be uo da medir ge, be uo mbuerem ndne le berle adem, io gmeher ndro uo dege hom ndremda behena. Ndangen uo de danem bui, gehere io gmehere ndro uo. 4Su holel ademu ber Sardes, salo asu de heb segdan bui, rosan ge. Su gorbo su gdogi le salo beren ge, la born ndro io, su vonei dagara. 5Ar homo ir ndounen longu momen dege ogoro, i ogo i hivane le salo beren ge. Io de sibui ngarn aden le buk ordo, ngarsu mamaren bugane, io beg boharni ngarn aden le bormarn ad Bo Domo ma le bormarsu Angelo aden. 6Ar homo i delengan i hirong nongen ad Meluan i da boharni le ndro su ber lodu aden!
Nongen le ndro su Philadelvia.
7Hondre le ndro ndremda hernou ber lodu asu Philadelvia: Aga nongen aden ge, i da helian ge, nongen aden i ndangen ge ki, i ad David i da ndro i, i da ndoa le audi babi, homo de danen vadi i bui, i da ndoa le vadi babi, homo de danen audi i bui. 8Io dono mburer adem. E lele, babi ber um i deh, homo de danen vadi i bui, heb ndoui adem mandehege. Uo gin boro nongen ordo, uo de gin bieni io bui, uo de gin hangaini ngoro bugane. 9E lele, io beg hinen dege ogoro: Su ber lodu ad Satan su ha bosoui ngarsu Juda, su Juda ndangen bui, su bahilou ge, e lele, io beg hinen i, su gmeher, su godurhu ngondrnegesu baghege ndro uo, muren dansu, goloisden uo. 10Uo gin bogulue nongen ordo i da gin meher ndro uo, i da gin bai: Uo belengeni io, e lele, io beg bogulue uo lie, io beg rumburdi uo le rang momen i da beg meher ndro uo, le ndro su gor ma gor bosanged, be i beg seslaini su ndramed ber boan. 11Io gmeher roud e boro memrad aden hian i da ndro uo, debosan homo i behena salion adem ber gor lundielang. 12Ar homo ir ndounen longu momen, io beg hinen i le bahud ber um ad Jehova i Ndorlaben ordo. Logna aden i da ndro io sidegesi. Io beg hondre ngarn ad Jehova, Ndorlaben ordo, le ndro i, dagara ngarn ber um ad Jehova, ngarn le Jerusalem houen i da beg meher le boan. Io beg hondre le ndro i ngarn ordo houen ge. 13Ar homo i delengan i hirong nongen ad Meluan i da boharni le ndro su ber lodu aden!
Nongen le ndro su Laodisea.
14E hondre le ndro ndremda hernou ber lodu asu Laodisea: Aga nongen aden ge, ngarn aden aga: Amen. I ber nandugian, be longu de gin meher masou. I da boharni monen ndangen ge, i vong, i bai: 15Io dono mburer adem, io dono, uo de niela bui, uo de ngendehan bugane, ndangen io ha lengi, uo niela, de uo ngendehan. 16Uo de ngendehan bui uo heb ngenda ge, io mbuere uo, io beg rogumbunhi uo le boho. 17Uo vong: Memrad ordo dsoln, ehe, io dege labenen ge, memrad ordo mabosanged, io mbuere heb longu la born. Uo de danem bui, uo gina momen ndangen heb memrad adem bui, heb begmarn adem bugane, heb salo adem bui. 18Io boi le ndro uo: Hian e sim gold ordo i da hian rosan gane, moan gin hinen i rosan ge, muren memrad adem dsoln. E sim salo beren uo ilgi gle mandrm, debosan su ilndri mandrn adem, momen segdan ge. E sim ndrelgei hian, sibui begmarm gleri muren uo danem lele hian. 19Io rii su masi goloisden su, hanguruen longu ogoro, e belueni bern adem. 20E lele, io da baghege le babi, io reregdi, ar homo i hirong ngasen ordo, i audi babi, io la lundieum aden, io bo gous le ndro i, i bo gous me ndro io. 21Ar homo ir ndounen longu momen, io beg hengen le ndro i, i lugdo im logna ordo le born ndro io, muren i dege io ie, io de gin ndounen longu momen masi, io lugdo im logna ad Bo Dom. 22Ar homo i delengan i hirong nongen ad Meluan i da boharni le ndro su ber lodu aden!
Currently Selected:
Boharni ad Johanes 3: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
Boharni ad Johanes 3
3
Nongen le ndro su Sardes.
1Ha hondre le ndro ndremda hernou ber lodu ad Ndorlaben, i da le gor Sardes: i ge, i vong, Meluan manondrdilmou ad Jehova i da ndro i, biri manondrdolo i da le nemen: Io dono longu adem, su ha vong, uo mamaren. Uo de mamaren bui uo ginmad. 2Edne, hian uo mamed ge, osbani su, su heb ndoa bui, su baghege na gmed, mburer adem i de heb monen bui le bormarn ad Jehova. 3Hanguruen nongen ber lang, i da gin meher ndro uo goru, uo gin hirong i. E boro i, garbelueni bern adem. Be uo da medir ge, be uo mbuerem ndne le berle adem, io gmeher ndro uo dege hom ndremda behena. Ndangen uo de danem bui, gehere io gmehere ndro uo. 4Su holel ademu ber Sardes, salo asu de heb segdan bui, rosan ge. Su gorbo su gdogi le salo beren ge, la born ndro io, su vonei dagara. 5Ar homo ir ndounen longu momen dege ogoro, i ogo i hivane le salo beren ge. Io de sibui ngarn aden le buk ordo, ngarsu mamaren bugane, io beg boharni ngarn aden le bormarn ad Bo Domo ma le bormarsu Angelo aden. 6Ar homo i delengan i hirong nongen ad Meluan i da boharni le ndro su ber lodu aden!
Nongen le ndro su Philadelvia.
7Hondre le ndro ndremda hernou ber lodu asu Philadelvia: Aga nongen aden ge, i da helian ge, nongen aden i ndangen ge ki, i ad David i da ndro i, i da ndoa le audi babi, homo de danen vadi i bui, i da ndoa le vadi babi, homo de danen audi i bui. 8Io dono mburer adem. E lele, babi ber um i deh, homo de danen vadi i bui, heb ndoui adem mandehege. Uo gin boro nongen ordo, uo de gin bieni io bui, uo de gin hangaini ngoro bugane. 9E lele, io beg hinen dege ogoro: Su ber lodu ad Satan su ha bosoui ngarsu Juda, su Juda ndangen bui, su bahilou ge, e lele, io beg hinen i, su gmeher, su godurhu ngondrnegesu baghege ndro uo, muren dansu, goloisden uo. 10Uo gin bogulue nongen ordo i da gin meher ndro uo, i da gin bai: Uo belengeni io, e lele, io beg bogulue uo lie, io beg rumburdi uo le rang momen i da beg meher ndro uo, le ndro su gor ma gor bosanged, be i beg seslaini su ndramed ber boan. 11Io gmeher roud e boro memrad aden hian i da ndro uo, debosan homo i behena salion adem ber gor lundielang. 12Ar homo ir ndounen longu momen, io beg hinen i le bahud ber um ad Jehova i Ndorlaben ordo. Logna aden i da ndro io sidegesi. Io beg hondre ngarn ad Jehova, Ndorlaben ordo, le ndro i, dagara ngarn ber um ad Jehova, ngarn le Jerusalem houen i da beg meher le boan. Io beg hondre le ndro i ngarn ordo houen ge. 13Ar homo i delengan i hirong nongen ad Meluan i da boharni le ndro su ber lodu aden!
Nongen le ndro su Laodisea.
14E hondre le ndro ndremda hernou ber lodu asu Laodisea: Aga nongen aden ge, ngarn aden aga: Amen. I ber nandugian, be longu de gin meher masou. I da boharni monen ndangen ge, i vong, i bai: 15Io dono mburer adem, io dono, uo de niela bui, uo de ngendehan bugane, ndangen io ha lengi, uo niela, de uo ngendehan. 16Uo de ngendehan bui uo heb ngenda ge, io mbuere uo, io beg rogumbunhi uo le boho. 17Uo vong: Memrad ordo dsoln, ehe, io dege labenen ge, memrad ordo mabosanged, io mbuere heb longu la born. Uo de danem bui, uo gina momen ndangen heb memrad adem bui, heb begmarn adem bugane, heb salo adem bui. 18Io boi le ndro uo: Hian e sim gold ordo i da hian rosan gane, moan gin hinen i rosan ge, muren memrad adem dsoln. E sim salo beren uo ilgi gle mandrm, debosan su ilndri mandrn adem, momen segdan ge. E sim ndrelgei hian, sibui begmarm gleri muren uo danem lele hian. 19Io rii su masi goloisden su, hanguruen longu ogoro, e belueni bern adem. 20E lele, io da baghege le babi, io reregdi, ar homo i hirong ngasen ordo, i audi babi, io la lundieum aden, io bo gous le ndro i, i bo gous me ndro io. 21Ar homo ir ndounen longu momen, io beg hengen le ndro i, i lugdo im logna ordo le born ndro io, muren i dege io ie, io de gin ndounen longu momen masi, io lugdo im logna ad Bo Dom. 22Ar homo i delengan i hirong nongen ad Meluan i da boharni le ndro su ber lodu aden!
Published by the British and Foreign Bible Society 1956