Evesus 5
5
1Hian, mu mbunana ad Jehova, ha dogi monen le bormarn, gorndrbon sal aden ge. 2Aga, sal le golnisden su, dege Kristo golnisden mu, i gin hengen mandrn e ndrai aden, gin dohor me ndro du, aga memrad hian ge, Jehova i mugueni i, dohor aden i dege ngohondonreen, i gin meher le ngohon ad Jehova. 3Mbue hanguruen longu ber sungsou hendre e hendre i da heb rosan bui, mbue meruamu dsoln. Heb longu dege ogoro i da le hanguruen ademu bui, mbue absou heb nongen gleri. Aga i hian ge le ndro su lao helian be su gbieni longu masigane. 4Mbue mu vong nongen molhege, nongen le bo ndroud, aga i bern asu lao ad Ndorlaben bui, i de hian le ndro mu bugane. Hian gabmugueni Ndorlaben ge. 5Danmu longu hendre ogo: Hom ndramed i da hanguruen longu ber sungsou, homo i da hanguruen memrad ber boan ge, aga ndramed meruan dsoln ge, aga i vonei, dege hom ndramed i dohor le ndro su beld, su gorbo de ngab gle memrad ber lang bui, su de meher le gor lundielang ad Jehova bugane.
6Orgulue meluamu, debosan homo i bahilou ndro mu le nongen molhege, gus ad Jehova i da ndro su, su da bo momen dagara, gord aden ir belengen su, delengasu le nongen ad Jehova bui. 7Mbue al ndro su, su da hinen longu dagara. 8Goru mu ndrogum ge dege su, malabo ge mu sul gle ndoui ad Ndorlaben. 9Ha dogi monen ge mu mbunana ber rang. Aga longu hian ge ber rang, ber sul ad Ndorlaben: Su bo longu hian ge, su bo longu monen ge, su bo longu monen ndangen. 10Seslaini longu hendre e hendre, i hian le ndro Ndorlaben de bui. I mugmug leri de bugane. 11Mbue la born ndro su, su da bo longu momen le ndrogmoan. Gob iil le ndro su gle nongen ademu, mbue ha somui ri. 12Su da gorni longu asu momen, su gina momen ge, heb nongen gleri i momen lie. 13Be sul i hinganen le ndrogmoan ogo, longu hendre e hendre i mbsig, sul i gdieni i, longu masi ndrogum su gboharni, irbelueni gle sul. 14Dege homo gin hondre: Edne, uo da medir ge, edne, uo da ginmad, boen Kristo i hinganen le ndro uo. 15Hian, orgulue meluamu, ha dogi hian munie, monen ge dege su ndramed hian ge. 16Gob mburer hian le rang ademu, rang i da ndro mu, aga rang momen. 17Mbue hanguruen molhege le bergolmu, ghanguruen longu hendre e hendre, Ndorlaben i ha lengi i. 18Mbue ilmui ndrunvain dsoln, su dogi momen ge su da hinen dagara. Hian bergolmu i beb gle Meluan Helian. 19Ha mugmug ge, gabmugueni Ndorlaben le Psalm, ma le gagaile absoui le ndro Jehova ge. Gagaile le ndro i le bergolmu. 20Gabmugueni Jehova, i Damen adu sidesi. Gabmugueni i le ngarn ad Ndorlaben adu Jesu Kristo.
Lo le bern hian asu Kristen le um asu.
21Hian, delengamu le nongen asu labenen dege Kristo i ha lengi i. 22Su bihin delengasu le nongen asu nambulen, dege su delengan le nongen ad Ndorlaben. 23Gamel aga ndorlaben ad bihin, dege Kristo i Ndorlaben asu lao aden. I da gin rumburdi su lao aden. 24Su lao aden delengasu le nongen ad Ndorlaben Kristo, dagara su bihin delengasu le nongen asu nambulen le longu hendre e hendre.
25Mu gamel golmugisden su nambulmu, dege Kristo golnisden su lao aden, i gin hengen mandrn e ndrai aden le ndro su. 26I beg hinen su rosan, beg dohor su le ndro Jehova. I gin surhi su le ndran, gle ndoui aden i da le nongen aden. 27I gin hinen su lao aden rosan, i gin hinen su mamali ge, heb longu segdan bugane, su gina mamali sumburdi, su helian gane, heb longu asu momen bui. 28Su gamel golsugisden nambulsu, dege voasuiso mandrsu. Ar homo golnisden nambulen, i golnisden mandrn. 29Hom ndramed i do da le boan bui, ndrnen i mah le ad mandrn aden, I bogulue mandrn, i gien gan, i voaniso mandrn, i hinen i dege Kristo i hinen i le ndro su lao aden. 30Iou longu hendre e hendre ber mandrn ad Kristo, sengen ber sengen aden, ndrun ber ndrun aden. 31Hom gamel i bieni damen e nanen, ir ndrbon nambulen sor marmou bersi ge. 32Longu hian manden ge i do da ri, io hanguruen, aga heb nongen dohongein le ad Kristo ma su lao aden. 33I dege ogoro de bui, io ha lengi homo ma homo ademu i golnisden nambulen, dege i voaniso mandrn. Bihin i delengan le nongen ad gamel, i gabmugueni i.
Currently Selected:
Evesus 5: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
Evesus 5
5
1Hian, mu mbunana ad Jehova, ha dogi monen le bormarn, gorndrbon sal aden ge. 2Aga, sal le golnisden su, dege Kristo golnisden mu, i gin hengen mandrn e ndrai aden, gin dohor me ndro du, aga memrad hian ge, Jehova i mugueni i, dohor aden i dege ngohondonreen, i gin meher le ngohon ad Jehova. 3Mbue hanguruen longu ber sungsou hendre e hendre i da heb rosan bui, mbue meruamu dsoln. Heb longu dege ogoro i da le hanguruen ademu bui, mbue absou heb nongen gleri. Aga i hian ge le ndro su lao helian be su gbieni longu masigane. 4Mbue mu vong nongen molhege, nongen le bo ndroud, aga i bern asu lao ad Ndorlaben bui, i de hian le ndro mu bugane. Hian gabmugueni Ndorlaben ge. 5Danmu longu hendre ogo: Hom ndramed i da hanguruen longu ber sungsou, homo i da hanguruen memrad ber boan ge, aga ndramed meruan dsoln ge, aga i vonei, dege hom ndramed i dohor le ndro su beld, su gorbo de ngab gle memrad ber lang bui, su de meher le gor lundielang ad Jehova bugane.
6Orgulue meluamu, debosan homo i bahilou ndro mu le nongen molhege, gus ad Jehova i da ndro su, su da bo momen dagara, gord aden ir belengen su, delengasu le nongen ad Jehova bui. 7Mbue al ndro su, su da hinen longu dagara. 8Goru mu ndrogum ge dege su, malabo ge mu sul gle ndoui ad Ndorlaben. 9Ha dogi monen ge mu mbunana ber rang. Aga longu hian ge ber rang, ber sul ad Ndorlaben: Su bo longu hian ge, su bo longu monen ge, su bo longu monen ndangen. 10Seslaini longu hendre e hendre, i hian le ndro Ndorlaben de bui. I mugmug leri de bugane. 11Mbue la born ndro su, su da bo longu momen le ndrogmoan. Gob iil le ndro su gle nongen ademu, mbue ha somui ri. 12Su da gorni longu asu momen, su gina momen ge, heb nongen gleri i momen lie. 13Be sul i hinganen le ndrogmoan ogo, longu hendre e hendre i mbsig, sul i gdieni i, longu masi ndrogum su gboharni, irbelueni gle sul. 14Dege homo gin hondre: Edne, uo da medir ge, edne, uo da ginmad, boen Kristo i hinganen le ndro uo. 15Hian, orgulue meluamu, ha dogi hian munie, monen ge dege su ndramed hian ge. 16Gob mburer hian le rang ademu, rang i da ndro mu, aga rang momen. 17Mbue hanguruen molhege le bergolmu, ghanguruen longu hendre e hendre, Ndorlaben i ha lengi i. 18Mbue ilmui ndrunvain dsoln, su dogi momen ge su da hinen dagara. Hian bergolmu i beb gle Meluan Helian. 19Ha mugmug ge, gabmugueni Ndorlaben le Psalm, ma le gagaile absoui le ndro Jehova ge. Gagaile le ndro i le bergolmu. 20Gabmugueni Jehova, i Damen adu sidesi. Gabmugueni i le ngarn ad Ndorlaben adu Jesu Kristo.
Lo le bern hian asu Kristen le um asu.
21Hian, delengamu le nongen asu labenen dege Kristo i ha lengi i. 22Su bihin delengasu le nongen asu nambulen, dege su delengan le nongen ad Ndorlaben. 23Gamel aga ndorlaben ad bihin, dege Kristo i Ndorlaben asu lao aden. I da gin rumburdi su lao aden. 24Su lao aden delengasu le nongen ad Ndorlaben Kristo, dagara su bihin delengasu le nongen asu nambulen le longu hendre e hendre.
25Mu gamel golmugisden su nambulmu, dege Kristo golnisden su lao aden, i gin hengen mandrn e ndrai aden le ndro su. 26I beg hinen su rosan, beg dohor su le ndro Jehova. I gin surhi su le ndran, gle ndoui aden i da le nongen aden. 27I gin hinen su lao aden rosan, i gin hinen su mamali ge, heb longu segdan bugane, su gina mamali sumburdi, su helian gane, heb longu asu momen bui. 28Su gamel golsugisden nambulsu, dege voasuiso mandrsu. Ar homo golnisden nambulen, i golnisden mandrn. 29Hom ndramed i do da le boan bui, ndrnen i mah le ad mandrn aden, I bogulue mandrn, i gien gan, i voaniso mandrn, i hinen i dege Kristo i hinen i le ndro su lao aden. 30Iou longu hendre e hendre ber mandrn ad Kristo, sengen ber sengen aden, ndrun ber ndrun aden. 31Hom gamel i bieni damen e nanen, ir ndrbon nambulen sor marmou bersi ge. 32Longu hian manden ge i do da ri, io hanguruen, aga heb nongen dohongein le ad Kristo ma su lao aden. 33I dege ogoro de bui, io ha lengi homo ma homo ademu i golnisden nambulen, dege i voaniso mandrn. Bihin i delengan le nongen ad gamel, i gabmugueni i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956