Timoteus II 2
2
Paulus i ha lengi Timoteus i hom misionare ndangen.
1Nduro, hian uo ndoa le golnisden ad Jesu Kristo i da le bergolm. 2Gobharni longu masi hian io da gin boharni le ndro uo le ndro su ndramed leri lie. 3Hian, bo bahun, bahun ad Kristo Jesu, ibdi ngendian aden gle mandrm. 4Hom, polisboi i de bo mburer le gan amen bui i hanguruen mburer ad Ndorlaben aden ge. 5Ar homo i hilou i ngab danen ibdi memrad hian bui be i de hilou roud bugane. 6Ndremda beleng i da gin bo mburer manden i gien le gan ber beleng aden hanu. 7Hanguruen heb nongen ordo, Ndorlaben i gobharni le ndro uo longu masi monen ge. 8Hian, ghanguruen Jesu Kristo i da gin ndne lie le ngad aden, i homo ber um ad David aga nongen ordo io ha bosoui le ndro uo. 9Su gin daui io le kalabus gle nongen ogo, io dege hom ndramed momen ge, io gin ha somui le ngendian aden, nongen ad Jehova de dansu hosi i bui, i hilou ge sidesi. 10Io ha somui le longu masi i da gin meher ndro io, io ha leng sobani su, Ndorlaben gin loh su, su ibdi longu ber lang Jesu Kristo beg hengen le ndro su, ma engerang aden beg meher ndro su. 11Heb nongen ogo i monen ge: Be iou ginmad la born ndro i, iou mamaren bersi ndro i. 12Be iou ha somui le ngendian masi, be iou ha belengen i, bersi muren i hinen du le Ndorlaben ber lang. Be iou hangaini i, i gbieni du lie. 13Be iou bieni mburer aden, i ge, i hanguruen du sidegesi, golnisden aden i da ndro i bing si e rang si.
14Henunuen su longu ogo masi, su ghanguruen leri le bormarn ad Ndorlaben, mbue su gob iil le nongen asu, aga molhege, de danen sobani su bui, su da hirong i. 15Gob mburer hian monen ge le bormarn ad Jehova, boen bombulem i de mesi le mburer adem bui, uo dege ndremda mburer monen ge, be uo gin bohernou le ndro su longu ber lang monen. 16Nongen molhege i da le bohom heb bui, su ndramed su da bosoui nongen molhege, su bieni Jehova bersi ma bersilie, su hangaini i. 17Nongen asu molhe na ge momen, su dege legen, hanu i da mandehe i reg la manden, i gien sengen ad hom ndramed. Homo asu aga Himeneus sor Viletus. 18Sor gin bieni sal hian ad Ndorlaben, sor gin bieni nongen ad Ndorlaben monen, sor ha vong, Ndorlaben gin meher lie le boan bomud. Su seslaini su holel le hanguruen asu. 19Bahud ber um ad Jehova i ndoa ge, nongen dege ogoro i do dari: Ndorlaben i danen su lao aden hian ge, heb nongen lie, homo ma homo i boharni, i ad Ndorlaben i gbieni longu hendre e hendre momen giao. 20I da le um hom manden lus hian e lus momen, gur hian e gur momen, holel gle gan ansu, holel gle gongol ber um. 21Ar homo asu i bogulue meluan gle rosan ge, i dege lus ber gan, su da mugueni i, labenen ber um i ha mugmug ri, i begulue i, i hedi i gle mburer aden hian ge.
22Ha vob gle longu momen asu ulhou, ghanguruen longu hian monen ge, e boro ndoui ad Ndorlaben, ibdi golnisden aden, hanguruen benu ge, la born ndro su, suda lodu le ndro Ndorlaben le bergoln rosan. 23Sendraini su, be su ha leng hanguruen nongen molhege, uo danem, bahun i gmeher ri sidesi. 24Hom lao dandendegei ad Ndorlaben mbue de gob iil gle nongen aden, i hanguruen hian ge le ndro homo ma homo, i ghenunuen su hian monen ge. 25I henunuen su bergolsu ndoun gle benu hian ge. I seslaini su, su ghirong nongen ad Jehova de bui, su belueni bern asu de bugane, delengasu le nongen ber lang bersilie. 26Su ghanguruen monen le meluasu, su sindrdi vas ad Satan, i da gi nhosi su, su gin bo mburer aden ge.
Currently Selected:
Timoteus II 2: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
Timoteus II 2
2
Paulus i ha lengi Timoteus i hom misionare ndangen.
1Nduro, hian uo ndoa le golnisden ad Jesu Kristo i da le bergolm. 2Gobharni longu masi hian io da gin boharni le ndro uo le ndro su ndramed leri lie. 3Hian, bo bahun, bahun ad Kristo Jesu, ibdi ngendian aden gle mandrm. 4Hom, polisboi i de bo mburer le gan amen bui i hanguruen mburer ad Ndorlaben aden ge. 5Ar homo i hilou i ngab danen ibdi memrad hian bui be i de hilou roud bugane. 6Ndremda beleng i da gin bo mburer manden i gien le gan ber beleng aden hanu. 7Hanguruen heb nongen ordo, Ndorlaben i gobharni le ndro uo longu masi monen ge. 8Hian, ghanguruen Jesu Kristo i da gin ndne lie le ngad aden, i homo ber um ad David aga nongen ordo io ha bosoui le ndro uo. 9Su gin daui io le kalabus gle nongen ogo, io dege hom ndramed momen ge, io gin ha somui le ngendian aden, nongen ad Jehova de dansu hosi i bui, i hilou ge sidesi. 10Io ha somui le longu masi i da gin meher ndro io, io ha leng sobani su, Ndorlaben gin loh su, su ibdi longu ber lang Jesu Kristo beg hengen le ndro su, ma engerang aden beg meher ndro su. 11Heb nongen ogo i monen ge: Be iou ginmad la born ndro i, iou mamaren bersi ndro i. 12Be iou ha somui le ngendian masi, be iou ha belengen i, bersi muren i hinen du le Ndorlaben ber lang. Be iou hangaini i, i gbieni du lie. 13Be iou bieni mburer aden, i ge, i hanguruen du sidegesi, golnisden aden i da ndro i bing si e rang si.
14Henunuen su longu ogo masi, su ghanguruen leri le bormarn ad Ndorlaben, mbue su gob iil le nongen asu, aga molhege, de danen sobani su bui, su da hirong i. 15Gob mburer hian monen ge le bormarn ad Jehova, boen bombulem i de mesi le mburer adem bui, uo dege ndremda mburer monen ge, be uo gin bohernou le ndro su longu ber lang monen. 16Nongen molhege i da le bohom heb bui, su ndramed su da bosoui nongen molhege, su bieni Jehova bersi ma bersilie, su hangaini i. 17Nongen asu molhe na ge momen, su dege legen, hanu i da mandehe i reg la manden, i gien sengen ad hom ndramed. Homo asu aga Himeneus sor Viletus. 18Sor gin bieni sal hian ad Ndorlaben, sor gin bieni nongen ad Ndorlaben monen, sor ha vong, Ndorlaben gin meher lie le boan bomud. Su seslaini su holel le hanguruen asu. 19Bahud ber um ad Jehova i ndoa ge, nongen dege ogoro i do dari: Ndorlaben i danen su lao aden hian ge, heb nongen lie, homo ma homo i boharni, i ad Ndorlaben i gbieni longu hendre e hendre momen giao. 20I da le um hom manden lus hian e lus momen, gur hian e gur momen, holel gle gan ansu, holel gle gongol ber um. 21Ar homo asu i bogulue meluan gle rosan ge, i dege lus ber gan, su da mugueni i, labenen ber um i ha mugmug ri, i begulue i, i hedi i gle mburer aden hian ge.
22Ha vob gle longu momen asu ulhou, ghanguruen longu hian monen ge, e boro ndoui ad Ndorlaben, ibdi golnisden aden, hanguruen benu ge, la born ndro su, suda lodu le ndro Ndorlaben le bergoln rosan. 23Sendraini su, be su ha leng hanguruen nongen molhege, uo danem, bahun i gmeher ri sidesi. 24Hom lao dandendegei ad Ndorlaben mbue de gob iil gle nongen aden, i hanguruen hian ge le ndro homo ma homo, i ghenunuen su hian monen ge. 25I henunuen su bergolsu ndoun gle benu hian ge. I seslaini su, su ghirong nongen ad Jehova de bui, su belueni bern asu de bugane, delengasu le nongen ber lang bersilie. 26Su ghanguruen monen le meluasu, su sindrdi vas ad Satan, i da gi nhosi su, su gin bo mburer aden ge.
Published by the British and Foreign Bible Society 1956