Korint II 8
8
Heb nongen le moni asu ber Korint le ndro su lao ad Jehova ber Jerusalem.
1Mu ndere hian, io beg bosoui le ndro mu malabo heb nongen le golnisden ad Jehova, i da le gor asu Masedonia. 2Rang asu momen ge ngendiasu dsoln, heb memrad asu bui, Jehova gin hengen ndoui le ndro su, dansu hengen le ndro su heb le memrad asu mandehege. 3Su gin hengen, dege dansu hengen, homo de gin bai le ndro su bui. 4Su ge, su gin soling me ndro du, su gin ndemani du, iou ha somui, be su beg hengen heb moni asu le ndro su lao helian ber gor Jerusalem. 5Su de gin hengen heb ge mandehe bugane, dege iou gin hanguruen, su gin hengen longu asu masi, ma su gin dohor ndoui asu le ndro Ndorlaben hanu. Boen su gin hengen me ndro du dagara lie, dege Jehova i ha lengi.
6Iou gin bai le ndro Titus, i ilgi me goure gle moni ademu dagara lie. 7Dandu, mu da ndoa gle ndoui ad Jehova, danmu longu ber lang, danmu bohernou leri, golnisden ademu i da le bergolmu dagara lie, danmu hengen le ndro su, heb memrad asu bui. 8Be io ha lengi, mu daui me goure gle moni ademu, mbue hanguruen, io ndoun le ndro mu, io beg seslaini mu ge, golnisden ademu i monen ge de bui. 9Danmu golnisden ad Ndorlaben adu Jesu Kristo memrad aden dsoln ber gor lundielang, i ge, i gin bieni memrad aden masi sumburdi, i gina le boan dege ndramed molhege, heb memrad aden bui, i beg sobani du gleri. Beg hengen me ndro du gle memrad ber belengan. 10Io ha lengi, mu hanguruen longu hendre ogo: I hian ge, be mu hinen bomud mburer le moni ademu mu da gin daui me goure goru. 11Mu hengen le ndro su lao ad Jehova dege danmu hinen i. 12Ar mu ha lengi i, hian ghinen i dege mu hanguruen i gmonen le bormarn ad Jehova, homo ma homo i hengen le ndro Jehova gle memrad aden dege i hanguruen le bergoln i monen ge. 13Io mbuere mu hengen dsoln le ndro su, boen heb memrad ademu bui, ar mu hengen heb le memrad ademu, aga i hian le ndro mu, ma le ndro su lie. 14Memrad ademu dsoln i da ndro mu, i osbani su le rang asu momen, bersi muren memrad asu dsoln i osbani mu lie, be rang momen beg meher ndro mu, aga i hian monen ge. 15Dege homo gin hondre goru: Ar homo gin daui me goure, longu aden dsoln bui, dagara ar homo i daui me goure heb ge mandehe, de gin mundrul bui.
16Io bamugueni Jehova, i da gin hengen le ndro Titus, dege i gin hengen me ndro io lie, iou bo mburer aden le bergoln gane. 17Iou gin loh i le mburer, i delengan le nongen adu, i gin bo mburer ad Jehova hian ge, gin dogi le ndro mu. 18Iou gin rendegien hom ndere la born ndro i, su lao ad Jehova ber gor masi su mugueni mburer aden lie. I da gin hinen i le molengasu, gin bohernou le ndro su longu ber lang. 19Su gin loh i le mburer ber lodu, su ha lengi i dogi la born ndro du, i osbani du le mburer ogo ber memrad asu. 20Aga i hian ge, homo i de danen bahilou bugane, i de danen hanguruen bui iou gin behena heb memrad asu. 21Iou ha lengi i, mburer adu masigane na ge monen ge le bormarn ad Ndorlaben, ma le bormarsu ndramed lie. 22Homo asu ndere ber gor i la born ndro sor marmou. I ogo, i hom lao ad Jehova monen ge, aga dandu i, iou gin ilndri bern aden ma mburer aden mabersanged. I da bo mburer le ndro mu le bergoln gane. 23Be io ha bosoui nongen ogo le ad Titus, io hanguruen, i ndere ordo, i da gin sobani io le mburer ordo, sor ndere marmou io gin bosoui sor asu lao ad Jesu Kristo su gin rendegien sor, Kristo i bamugueni bern asor. 24Bosilieni le ndro su golnisden ademu, henunuen su lao ad Jesu ber gor masi nongen ordo, io da gin bosoui le bern asu hian, mugueni adu le ndro su i hian monen ndangen.
Currently Selected:
Korint II 8: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
Korint II 8
8
Heb nongen le moni asu ber Korint le ndro su lao ad Jehova ber Jerusalem.
1Mu ndere hian, io beg bosoui le ndro mu malabo heb nongen le golnisden ad Jehova, i da le gor asu Masedonia. 2Rang asu momen ge ngendiasu dsoln, heb memrad asu bui, Jehova gin hengen ndoui le ndro su, dansu hengen le ndro su heb le memrad asu mandehege. 3Su gin hengen, dege dansu hengen, homo de gin bai le ndro su bui. 4Su ge, su gin soling me ndro du, su gin ndemani du, iou ha somui, be su beg hengen heb moni asu le ndro su lao helian ber gor Jerusalem. 5Su de gin hengen heb ge mandehe bugane, dege iou gin hanguruen, su gin hengen longu asu masi, ma su gin dohor ndoui asu le ndro Ndorlaben hanu. Boen su gin hengen me ndro du dagara lie, dege Jehova i ha lengi.
6Iou gin bai le ndro Titus, i ilgi me goure gle moni ademu dagara lie. 7Dandu, mu da ndoa gle ndoui ad Jehova, danmu longu ber lang, danmu bohernou leri, golnisden ademu i da le bergolmu dagara lie, danmu hengen le ndro su, heb memrad asu bui. 8Be io ha lengi, mu daui me goure gle moni ademu, mbue hanguruen, io ndoun le ndro mu, io beg seslaini mu ge, golnisden ademu i monen ge de bui. 9Danmu golnisden ad Ndorlaben adu Jesu Kristo memrad aden dsoln ber gor lundielang, i ge, i gin bieni memrad aden masi sumburdi, i gina le boan dege ndramed molhege, heb memrad aden bui, i beg sobani du gleri. Beg hengen me ndro du gle memrad ber belengan. 10Io ha lengi, mu hanguruen longu hendre ogo: I hian ge, be mu hinen bomud mburer le moni ademu mu da gin daui me goure goru. 11Mu hengen le ndro su lao ad Jehova dege danmu hinen i. 12Ar mu ha lengi i, hian ghinen i dege mu hanguruen i gmonen le bormarn ad Jehova, homo ma homo i hengen le ndro Jehova gle memrad aden dege i hanguruen le bergoln i monen ge. 13Io mbuere mu hengen dsoln le ndro su, boen heb memrad ademu bui, ar mu hengen heb le memrad ademu, aga i hian le ndro mu, ma le ndro su lie. 14Memrad ademu dsoln i da ndro mu, i osbani su le rang asu momen, bersi muren memrad asu dsoln i osbani mu lie, be rang momen beg meher ndro mu, aga i hian monen ge. 15Dege homo gin hondre goru: Ar homo gin daui me goure, longu aden dsoln bui, dagara ar homo i daui me goure heb ge mandehe, de gin mundrul bui.
16Io bamugueni Jehova, i da gin hengen le ndro Titus, dege i gin hengen me ndro io lie, iou bo mburer aden le bergoln gane. 17Iou gin loh i le mburer, i delengan le nongen adu, i gin bo mburer ad Jehova hian ge, gin dogi le ndro mu. 18Iou gin rendegien hom ndere la born ndro i, su lao ad Jehova ber gor masi su mugueni mburer aden lie. I da gin hinen i le molengasu, gin bohernou le ndro su longu ber lang. 19Su gin loh i le mburer ber lodu, su ha lengi i dogi la born ndro du, i osbani du le mburer ogo ber memrad asu. 20Aga i hian ge, homo i de danen bahilou bugane, i de danen hanguruen bui iou gin behena heb memrad asu. 21Iou ha lengi i, mburer adu masigane na ge monen ge le bormarn ad Ndorlaben, ma le bormarsu ndramed lie. 22Homo asu ndere ber gor i la born ndro sor marmou. I ogo, i hom lao ad Jehova monen ge, aga dandu i, iou gin ilndri bern aden ma mburer aden mabersanged. I da bo mburer le ndro mu le bergoln gane. 23Be io ha bosoui nongen ogo le ad Titus, io hanguruen, i ndere ordo, i da gin sobani io le mburer ordo, sor ndere marmou io gin bosoui sor asu lao ad Jesu Kristo su gin rendegien sor, Kristo i bamugueni bern asor. 24Bosilieni le ndro su golnisden ademu, henunuen su lao ad Jesu ber gor masi nongen ordo, io da gin bosoui le bern asu hian, mugueni adu le ndro su i hian monen ndangen.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956