Korint II 3
3
Mburer ad Ndorlaben hian ad Paulus.
1Iou hi derbe malabo? Iou ha leng mugueni nongen adu, de bern adu? De iou ha lengi, nongen adu, iou da gin hondre le ndro mu, i mugueni du, dege su holel su hondre nongen su ha lengi mu gabmugueni su ie? 2Bugane, mu ge, mu dege peper adu Ndorlaben gin hondre i le bergoldu, su gor masi dansu lele, dansu abui gleri. 3Ndangen mu dege peper ad Jesu Kristo, iou da gin hondre, iou da gin bo mburer leri, gle ink bugane, gle Meluan Helian ge ad Jehova, i da mamaren, gle bad bui, gle bergolmu ber sengen ma ber ndrai. 4Longu ogo dandu i gle ndoui ad Kristo Jehova, i danen hengen i. 5Ndangen iou de vonei i bui, de dandu mugueni bern adu, bugane, dandu mugueni peper ogo bui, Jehova, i ge, i gin hengen ndoui aden me ndro du.
6I gin hengen ndoui me ndro du, iou lao dangendegei aden, iou da bo mburer aden houen, iou da bosoui nongen molhe ber boan bui, nongen le Meluan Helian ge. Nongen molhege ber boan i rii su ndramed, nongen ad Meluan Helian i hinen su ndramed mamaren. 7Mburer ad Mose le nongen su gin hondre ndre bad, i hian ge engerang ber gor lundielang i da ndro i, i gin hinganen le bormarn ad Mose. Su Israel dansu lele bormarn ad Mose bugane, engerang ad Jehova gina le bormarn lie, murai ge. Heb eluen bui muren i gineao. 8Ndangen mburer le nongen ad Meluan Helian i hian hanu le mburer ad Mose, engerang ad Ndorlaben i do dari. 9Ehe, ar mburer le nongen i da dieni su ndramed nagmed, i hian ge, mburer le nongen ber lang, i da regunha su ndramed le ndro Jehova i hi derbe? Ndangen, i engerang gane. 10Enger mernal i da gina le bormarn ad Mose, i de vonei le engerang ogo bui. 11Enger mernal i do da le mburer ad Meluan Helian sidegesi, de bieni i bui. 12Dandu longu ogo, iou de noh hebsa bui, iou bohernou le ndro su nongen ogo hian ge. 13Iou de gorni i bui dege Mose i gin hinen i goru, i gin nhui bormarn le salo, debosan su Israel su ilndri engerang ad Jehova gin bieni bormarn gineao. 14Su de delengan le nongen ad Jehova bui, de dansu nongen ad Jehova heb hian monen masou, be su hirong i. Mabenan range salo ad Mose i nhui engerang ad Ndorlaben i da le nongen aden. Homo ber boan de danen hedi salo ogo giao bugane, Kristo, i ge, i rumburdi i giao. 15Ndangen mabenan range salo i nhui nongen ad Mose, su da hirong i, de dansu i bui. 16Bersi muren, be su Israel garbelueni bern asu, be su ibdi Kristo gle Ndorlaben asu, salo na glos, dansu ilndri engerang. 17Ndorlaben aga Meluan ge gle Meluan ad Ndorlaben gorbo, iou mamaren, iou horuan gleri. 18Iou masigane dandu ilndri bormarn helian ad Ndorlaben engerag i hinganen me ndro du, i garbelueni bern adu, iou ibdi bern ad Jesu Kristo ge, iou dege i ge, iou ibdi engerang aden bersi ma bersi lie. Meluan ad Ndorlaben Helian i ghinen mburer ogo.
Currently Selected:
Korint II 3: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
Korint II 3
3
Mburer ad Ndorlaben hian ad Paulus.
1Iou hi derbe malabo? Iou ha leng mugueni nongen adu, de bern adu? De iou ha lengi, nongen adu, iou da gin hondre le ndro mu, i mugueni du, dege su holel su hondre nongen su ha lengi mu gabmugueni su ie? 2Bugane, mu ge, mu dege peper adu Ndorlaben gin hondre i le bergoldu, su gor masi dansu lele, dansu abui gleri. 3Ndangen mu dege peper ad Jesu Kristo, iou da gin hondre, iou da gin bo mburer leri, gle ink bugane, gle Meluan Helian ge ad Jehova, i da mamaren, gle bad bui, gle bergolmu ber sengen ma ber ndrai. 4Longu ogo dandu i gle ndoui ad Kristo Jehova, i danen hengen i. 5Ndangen iou de vonei i bui, de dandu mugueni bern adu, bugane, dandu mugueni peper ogo bui, Jehova, i ge, i gin hengen ndoui aden me ndro du.
6I gin hengen ndoui me ndro du, iou lao dangendegei aden, iou da bo mburer aden houen, iou da bosoui nongen molhe ber boan bui, nongen le Meluan Helian ge. Nongen molhege ber boan i rii su ndramed, nongen ad Meluan Helian i hinen su ndramed mamaren. 7Mburer ad Mose le nongen su gin hondre ndre bad, i hian ge engerang ber gor lundielang i da ndro i, i gin hinganen le bormarn ad Mose. Su Israel dansu lele bormarn ad Mose bugane, engerang ad Jehova gina le bormarn lie, murai ge. Heb eluen bui muren i gineao. 8Ndangen mburer le nongen ad Meluan Helian i hian hanu le mburer ad Mose, engerang ad Ndorlaben i do dari. 9Ehe, ar mburer le nongen i da dieni su ndramed nagmed, i hian ge, mburer le nongen ber lang, i da regunha su ndramed le ndro Jehova i hi derbe? Ndangen, i engerang gane. 10Enger mernal i da gina le bormarn ad Mose, i de vonei le engerang ogo bui. 11Enger mernal i do da le mburer ad Meluan Helian sidegesi, de bieni i bui. 12Dandu longu ogo, iou de noh hebsa bui, iou bohernou le ndro su nongen ogo hian ge. 13Iou de gorni i bui dege Mose i gin hinen i goru, i gin nhui bormarn le salo, debosan su Israel su ilndri engerang ad Jehova gin bieni bormarn gineao. 14Su de delengan le nongen ad Jehova bui, de dansu nongen ad Jehova heb hian monen masou, be su hirong i. Mabenan range salo ad Mose i nhui engerang ad Ndorlaben i da le nongen aden. Homo ber boan de danen hedi salo ogo giao bugane, Kristo, i ge, i rumburdi i giao. 15Ndangen mabenan range salo i nhui nongen ad Mose, su da hirong i, de dansu i bui. 16Bersi muren, be su Israel garbelueni bern asu, be su ibdi Kristo gle Ndorlaben asu, salo na glos, dansu ilndri engerang. 17Ndorlaben aga Meluan ge gle Meluan ad Ndorlaben gorbo, iou mamaren, iou horuan gleri. 18Iou masigane dandu ilndri bormarn helian ad Ndorlaben engerag i hinganen me ndro du, i garbelueni bern adu, iou ibdi bern ad Jesu Kristo ge, iou dege i ge, iou ibdi engerang aden bersi ma bersi lie. Meluan ad Ndorlaben Helian i ghinen mburer ogo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956