Korint II 12
12
Longu ber lang Paulus gin ilndri gle meluan.
1I de hian bui ar homo i mugueni longu aden, io beg hinen i malabo ge, io beg bosoui malabo heb le gelman, ma le boharni ad Ndorlaben i da gin meher ndro io. 2Io dono hom ndramed ad Kristo, year masongul e hahu goru meluan gin hilou le gor lundielang. Meluan gin bieni mandrn, de i da oho aga io de dono i bui, Jehova, i ge, i danen i. 3Io dono longu hendre le ad ndramed ogo meluan gina le gor hian ber lundielang, i gin hirong nongen bohon ad hom ndramed de danen bosoui ri bui. 4Io de dono i bui, meluan gin bieni mandrn de i da le mandrn, Jehova ge, i danen i. 5Aga Ndorlaben gin hengen me ndro io gle gous, aga longu hendre ordo bui, io de dono mugueni dege longu hendre ordo bugane. Longu hendr ge io beg mugueni, io beg mugueni, io heb ndoa bui. 6Be io ha leng mugueni longu ordo, nongen ordo gouge bui, nongen ordo i monen ndangen, io mbuere hinen i, debosan homo ma homo i hanguruen manden me ordo, i ilndri longu hendre e hendre i hirong nongen ordo, boen i danen hanguruen monen. 7Longu mandromai Ndorlaben gin boharni me ndro io. Ndorlaben i mbueren, io ha mugueni longu ordo, i gin daui heb longu hendre le mondro i ogo, i dege borndrui i da le sengen ordo. Hom Angelo ad Satan i rii io le budnemen, debosan io hanguruen manden le bergolo. 8Io gin soling le ndro Ndorlaben maberdolo i ghedi longu ogo giao. 9I ge, i gin bai me ndro io, golnisden ordo ge, aga i vonei le ndro uo, ndoui ordo ge le ndro su, su heb ndoa bui, io ha leng mugueni longu hendre ge ogo: Io heb ndoa bui. Io ha lengi ndoui ad Kristo i gmeher le bergolo. 10Io ha mugmug ge be io heb ndoa bui, be su bo momen ndro io, be rang momen i da ndro io, be su hingismad ordo, be su bo momen me ndro io le mburer ad Kristo, io ndoa ge, be heb ndoui ordo bui.
11Malabo io hom gouge, mu gin ndounen io, io dege ogoro. Aga i monen ge be mu bamugueni io. Ndangen io dege su Apostel hohunan, be io hanguruen mburer ordo. 12Mu gin ilndri longu hendre e hendre ordo, i dege mburer asu Apostel, bersi ma gelman manden gle ndoui ad Ndorlaben. 13Sehe bersilie io da gin bo longu ndoun, io da gin hinen longu i da ndro su ge, i da ndro mu bui? Longu hendre ge io dono leri: Io de gin hedi heb le memrad ademu bersi bui, aga longu hendre ordo momen. Mbue hanguruen gleri. 14E lele, heb eluen bui muren io beg meher le gor ademu le maberdolo, malabo lie io de hanguruen heb longu ademu bui, io de gahi heb memrad ademu bugane, io gahi mu ge. Su ndurn su de huri me goure memrad asu le ndro damen e nanen bui, damen e nanen su huri memrad le goure, beg hengeni le ndro su ndurn. 15Io ge, io ha leng dohor moni e memrad ordo, io ha leng dohor mondro e ndoui ordo sumburdi, be io dono sobani mu gleri. Ar goloisden mu manden dagara de danmu golnisden io dagara lie bui? 16Aga i hian, io de gin hanguruen longu ademu bui. Malabo io gin hosi mu gle bahilou ordo. 17Io gin hedi memrad ademu gle nemen ad homo de homo, io da gin rendegien me ndro mu ie? 18Io gin rendegien Titus, ma ndere homo la born ndro i. Titus i gin behena heb longu ademu ie? Iouoro ha dogi gle Meluan Helian bersi de bui? Iou ha dogi sal hasel ge, de bugane?
19Eluen mu gin hanguruen, io hinen heb gord ogo gmonen le bormarmu masi. Bugane le bormarn ad Jehova ge. Io gin bai gle ndoui ad Kristo, iou ha lengi nongen adu masigane i gob hian le ndro mu, mu ndere hian. 20Io ha noh, io de dono ilndri mu, dege io ha leng ilndri bui, danmu ilndri io dege mbueremu ha leng ilndri io. Io ha noh, io gilndri iil le molengamu, ma gus, su holel la horo, su holel la horo. Io noh gogobaini i da le dogromu. Longu hendre e hendre momen i da ge ndro mu. 21Io ha noh, Jehova, Ndorlaben ordo i rii io bersilie, be io ilndri longu hendre e hendre momen le molengamu. Io ha noh, bergolo i gosusngo le su mabosanged, su da gin hinen longu momen, su da gin bo sungsou, su da gin hanguruen sengen asu ge, su de gin belueni bern asu bugane.
Currently Selected:
Korint II 12: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
Korint II 12
12
Longu ber lang Paulus gin ilndri gle meluan.
1I de hian bui ar homo i mugueni longu aden, io beg hinen i malabo ge, io beg bosoui malabo heb le gelman, ma le boharni ad Ndorlaben i da gin meher ndro io. 2Io dono hom ndramed ad Kristo, year masongul e hahu goru meluan gin hilou le gor lundielang. Meluan gin bieni mandrn, de i da oho aga io de dono i bui, Jehova, i ge, i danen i. 3Io dono longu hendre le ad ndramed ogo meluan gina le gor hian ber lundielang, i gin hirong nongen bohon ad hom ndramed de danen bosoui ri bui. 4Io de dono i bui, meluan gin bieni mandrn de i da le mandrn, Jehova ge, i danen i. 5Aga Ndorlaben gin hengen me ndro io gle gous, aga longu hendre ordo bui, io de dono mugueni dege longu hendre ordo bugane. Longu hendr ge io beg mugueni, io beg mugueni, io heb ndoa bui. 6Be io ha leng mugueni longu ordo, nongen ordo gouge bui, nongen ordo i monen ndangen, io mbuere hinen i, debosan homo ma homo i hanguruen manden me ordo, i ilndri longu hendre e hendre i hirong nongen ordo, boen i danen hanguruen monen. 7Longu mandromai Ndorlaben gin boharni me ndro io. Ndorlaben i mbueren, io ha mugueni longu ordo, i gin daui heb longu hendre le mondro i ogo, i dege borndrui i da le sengen ordo. Hom Angelo ad Satan i rii io le budnemen, debosan io hanguruen manden le bergolo. 8Io gin soling le ndro Ndorlaben maberdolo i ghedi longu ogo giao. 9I ge, i gin bai me ndro io, golnisden ordo ge, aga i vonei le ndro uo, ndoui ordo ge le ndro su, su heb ndoa bui, io ha leng mugueni longu hendre ge ogo: Io heb ndoa bui. Io ha lengi ndoui ad Kristo i gmeher le bergolo. 10Io ha mugmug ge be io heb ndoa bui, be su bo momen ndro io, be rang momen i da ndro io, be su hingismad ordo, be su bo momen me ndro io le mburer ad Kristo, io ndoa ge, be heb ndoui ordo bui.
11Malabo io hom gouge, mu gin ndounen io, io dege ogoro. Aga i monen ge be mu bamugueni io. Ndangen io dege su Apostel hohunan, be io hanguruen mburer ordo. 12Mu gin ilndri longu hendre e hendre ordo, i dege mburer asu Apostel, bersi ma gelman manden gle ndoui ad Ndorlaben. 13Sehe bersilie io da gin bo longu ndoun, io da gin hinen longu i da ndro su ge, i da ndro mu bui? Longu hendre ge io dono leri: Io de gin hedi heb le memrad ademu bersi bui, aga longu hendre ordo momen. Mbue hanguruen gleri. 14E lele, heb eluen bui muren io beg meher le gor ademu le maberdolo, malabo lie io de hanguruen heb longu ademu bui, io de gahi heb memrad ademu bugane, io gahi mu ge. Su ndurn su de huri me goure memrad asu le ndro damen e nanen bui, damen e nanen su huri memrad le goure, beg hengeni le ndro su ndurn. 15Io ge, io ha leng dohor moni e memrad ordo, io ha leng dohor mondro e ndoui ordo sumburdi, be io dono sobani mu gleri. Ar goloisden mu manden dagara de danmu golnisden io dagara lie bui? 16Aga i hian, io de gin hanguruen longu ademu bui. Malabo io gin hosi mu gle bahilou ordo. 17Io gin hedi memrad ademu gle nemen ad homo de homo, io da gin rendegien me ndro mu ie? 18Io gin rendegien Titus, ma ndere homo la born ndro i. Titus i gin behena heb longu ademu ie? Iouoro ha dogi gle Meluan Helian bersi de bui? Iou ha dogi sal hasel ge, de bugane?
19Eluen mu gin hanguruen, io hinen heb gord ogo gmonen le bormarmu masi. Bugane le bormarn ad Jehova ge. Io gin bai gle ndoui ad Kristo, iou ha lengi nongen adu masigane i gob hian le ndro mu, mu ndere hian. 20Io ha noh, io de dono ilndri mu, dege io ha leng ilndri bui, danmu ilndri io dege mbueremu ha leng ilndri io. Io ha noh, io gilndri iil le molengamu, ma gus, su holel la horo, su holel la horo. Io noh gogobaini i da le dogromu. Longu hendre e hendre momen i da ge ndro mu. 21Io ha noh, Jehova, Ndorlaben ordo i rii io bersilie, be io ilndri longu hendre e hendre momen le molengamu. Io ha noh, bergolo i gosusngo le su mabosanged, su da gin hinen longu momen, su da gin bo sungsou, su da gin hanguruen sengen asu ge, su de gin belueni bern asu bugane.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956