Tesalonik I 2
2
Paulus i boharni le mburer i da gin hinen i le molengasu.
1Mu ndere hian, danmu, iou de gin meher ndro mu dahed bugane. 2Be iou gin meher le gor asu Philipi, su ber gor gin bo ngendian, su gin bo momen me ndro du, iou de gin bieni mburer ad Jehova bui, iou gin hilou le gor ademu, iou gin bohernou le ndro mu nongen ad Jehova ber lang, iou gin bo iil, iou gin bo bahun ad Jehova. 3Iou gin bohernou le ndro mu le hanguruen adu monen ge, heb bahilou i da le hanguruen adu bugane. 4Jehova i da gin somui le adu, i gin daui nongen aden helian ber lang me ndro du, i gin hengen me ndro du, iou gin bohernou nongen aden monen ge, iou de gin mugueni su ndramed bui, iou gin mugueni Jehova ge, i danen bergoldu masi gle hian. 5Iou de gin mugueni mu gle nongen mamali bui, iou de gin hanguruen heb memrad ademu bugane, aga Jehova, i danen i, i da ilndri hanguruen adu. 6Iou de gin gahi mugueni asu ndramed bui, ademu dagara lie heb bugane. 7Iou lao ad Kristo, i gin rendegien du, aga i monen ge ar mu gabmugueni du, iou de gin hanguruen mugueni adu bugane. Iou da le molengamu dege hom nanen i da bogulue su ndurn. 8Iou dege ogoro le molengamu, ehe, iou gin daui nongen ad Jehova ber lang le ndro mu, aga i de vonei bui, iou gin daui mandru e ndoui adu le ndro mu. Goluisden mu ge ndoun. 9Mu ndere hian, danmu hanguruen i de bui, iou gin bo mburer le ndro mu hi derbe: Lobing e lorang iou gin bo mburer le nemedu, mburer le gan anu, debosan iou hedi heb gle memrad ademu. Iou gin bohernou le ndro mu nongen ad Ndorlaben dagara. 10Danmu hian ge, dagara Jehova i danen i, iou gin dogi hi derbe le molengamu, iou gin dogi monen ge le bormarmu masi, mu da gin boro ndoui ad Ndorlaben. 11Danmu i hian, iou gin henunuen homo ma homo ademu, dege damen i da henunuen su ndurn. 12Iou gin ndemani mu, iou gin soling ndro mu, hian, mu girgai monen ge le bormarn ad Jehova, i da gin loh mu, mu gibdi gor aden le engerang aden. 13Iou bamugueni Jehova sidesi, ar mu gin hirong bohernou adu gle longu ber lang, mu gin ha somui ri, mu de gin hanguruen bui, aga nongen molhege ad hom ndramed, mu gin ha somui ri: Aga nongen ad Jehova ge, i da ndoa le ndro mu, mu da gin boro ndoui aden ge. 14Mu ndere hian, mu dondrbon sal asu lao ad Jehova ge, dege su lao ad Jesu Kristo ber Judea. Su ber gor ademu su gin bo momen le ndro mu, dege su Juda gin hinen i le ndro su ber gor asu. 15Su gin daii Ndorlaben Jesu, dagara su Provet ad Jehova, su gin bo iil me ndro du lie. Jehova, i mbueren asu, dagar su ndramed su bo iil le ndro su. 16Su mbueresu iou bohernou le ndro su Haiden nongen ber lang, aga longu momen asu lie, i gina la born ndro su longu momen asu mabosanged. Gus ad Jehova gin hilou le ndro su, i dandon.
17Ndere hian, eluen hebe iou gin ilndri mu bui, bergoldu i da baghege ndro mu, iou gin hanguruen mu ndoun, beg ilndri mu. 18Le ogo iou gin hanguruen beg hilou ndro mu, io Paulus bersi e bersi lie, hendre ge, Satan i mbueren. 19Sie i longu, iou belengeni, sie i mugmug adu, sie mugueni adu? Uomu ge, le bormarn ad Ndorlaben Jesu be i gmeher lie. 20Ehe uomu mugueni adu, uomu mugmug adu!
Currently Selected:
Tesalonik I 2: LLENT
Highlight
Copy
Compare
Share
Want to have your highlights saved across all your devices? Sign up or sign in
Published by the British and Foreign Bible Society 1956
Tesalonik I 2
2
Paulus i boharni le mburer i da gin hinen i le molengasu.
1Mu ndere hian, danmu, iou de gin meher ndro mu dahed bugane. 2Be iou gin meher le gor asu Philipi, su ber gor gin bo ngendian, su gin bo momen me ndro du, iou de gin bieni mburer ad Jehova bui, iou gin hilou le gor ademu, iou gin bohernou le ndro mu nongen ad Jehova ber lang, iou gin bo iil, iou gin bo bahun ad Jehova. 3Iou gin bohernou le ndro mu le hanguruen adu monen ge, heb bahilou i da le hanguruen adu bugane. 4Jehova i da gin somui le adu, i gin daui nongen aden helian ber lang me ndro du, i gin hengen me ndro du, iou gin bohernou nongen aden monen ge, iou de gin mugueni su ndramed bui, iou gin mugueni Jehova ge, i danen bergoldu masi gle hian. 5Iou de gin mugueni mu gle nongen mamali bui, iou de gin hanguruen heb memrad ademu bugane, aga Jehova, i danen i, i da ilndri hanguruen adu. 6Iou de gin gahi mugueni asu ndramed bui, ademu dagara lie heb bugane. 7Iou lao ad Kristo, i gin rendegien du, aga i monen ge ar mu gabmugueni du, iou de gin hanguruen mugueni adu bugane. Iou da le molengamu dege hom nanen i da bogulue su ndurn. 8Iou dege ogoro le molengamu, ehe, iou gin daui nongen ad Jehova ber lang le ndro mu, aga i de vonei bui, iou gin daui mandru e ndoui adu le ndro mu. Goluisden mu ge ndoun. 9Mu ndere hian, danmu hanguruen i de bui, iou gin bo mburer le ndro mu hi derbe: Lobing e lorang iou gin bo mburer le nemedu, mburer le gan anu, debosan iou hedi heb gle memrad ademu. Iou gin bohernou le ndro mu nongen ad Ndorlaben dagara. 10Danmu hian ge, dagara Jehova i danen i, iou gin dogi hi derbe le molengamu, iou gin dogi monen ge le bormarmu masi, mu da gin boro ndoui ad Ndorlaben. 11Danmu i hian, iou gin henunuen homo ma homo ademu, dege damen i da henunuen su ndurn. 12Iou gin ndemani mu, iou gin soling ndro mu, hian, mu girgai monen ge le bormarn ad Jehova, i da gin loh mu, mu gibdi gor aden le engerang aden. 13Iou bamugueni Jehova sidesi, ar mu gin hirong bohernou adu gle longu ber lang, mu gin ha somui ri, mu de gin hanguruen bui, aga nongen molhege ad hom ndramed, mu gin ha somui ri: Aga nongen ad Jehova ge, i da ndoa le ndro mu, mu da gin boro ndoui aden ge. 14Mu ndere hian, mu dondrbon sal asu lao ad Jehova ge, dege su lao ad Jesu Kristo ber Judea. Su ber gor ademu su gin bo momen le ndro mu, dege su Juda gin hinen i le ndro su ber gor asu. 15Su gin daii Ndorlaben Jesu, dagara su Provet ad Jehova, su gin bo iil me ndro du lie. Jehova, i mbueren asu, dagar su ndramed su bo iil le ndro su. 16Su mbueresu iou bohernou le ndro su Haiden nongen ber lang, aga longu momen asu lie, i gina la born ndro su longu momen asu mabosanged. Gus ad Jehova gin hilou le ndro su, i dandon.
17Ndere hian, eluen hebe iou gin ilndri mu bui, bergoldu i da baghege ndro mu, iou gin hanguruen mu ndoun, beg ilndri mu. 18Le ogo iou gin hanguruen beg hilou ndro mu, io Paulus bersi e bersi lie, hendre ge, Satan i mbueren. 19Sie i longu, iou belengeni, sie i mugmug adu, sie mugueni adu? Uomu ge, le bormarn ad Ndorlaben Jesu be i gmeher lie. 20Ehe uomu mugueni adu, uomu mugmug adu!
Published by the British and Foreign Bible Society 1956