Roma 16
16
Paulus kiring hormat deng kasi nasehat-nasehat laste
16:1-24
1Basudara e! Lewat surat ni beta mau kasi kanal kamong deng katong pung sudara satu yang bae, yang sama-sama parcaya Yesus. Dia nama usi Febe. Dia tu diaken di jamaat Kengkrea. 2Kalo dia datang, beta minta kamong tarima dia bae-bae, sama deng apa yang Tuhan pung orang-orang musti biking. Barang, dia jua su satu hati deng Tuhan. Kalo dia ada parlu apapa satu bagitu, tolong dia jua tagal dia jua su tolong banya orang deng beta sandiri.
3Kiring hormat par usi Priskila deng bu Akwila. Dong tu beta pung tamang-tamang yang sama-sama karja par Yesus Kristus.#Utusang pung Carita 18:2 4Dong amper mati tagal bantu beta. Beta minta dangke banya par dong. Mar bukang cuma beta sa. Samua jamaat bukang Yahudi jua minta dangke banya par dong lai. 5Kiring hormat jua par jamaat yang jaga bakumpul par ibada di dong pung ruma. Kiring hormat par bu Epenetus lai. Dia tu beta pung sudara yang beta sayang. Dia tu orang partama dari propinsi Asia yang parcaya Kristus. 6Kiring hormat par usi Maria lai, yang karja siang-malang par Kristus par tolong kamong. 7Kiring hormat jua par bu Andronikus deng usi Yunia yang sama-sama orang Yahudi deng beta, deng yang parna dapa bui sama-sama deng beta. Dong dua tu Kristus pung utusang deng su parcaya Kristus kamuka beta. Banya orang kanal deng taru hormat par dong. 8Hormat par bu Ampliatus. Dia tu beta pung tamang yang beta sayang deng yang satu hati deng Tuhan. 9Hormat par katong pung tamang bu Urbanus yang sama-sama karja par Kristus, deng hormat jua par bu Stakis yang beta sayang. 10Hormat par bu Apeles. Biar kata dia susa deng sangsara, mar dia tetap tahang hati deng parcaya Kristus tarus. Hormat jua par samua orang yang tinggal di bu Aristobulus pung ruma. 11Hormat par beta pung tamang bu Herodion yang sama-sama orang Yahudi deng beta. Hormat jua par samua orang yang parcaya Tuhan Yesus, yang tinggal di bu Narkisus pung ruma.
12Hormat par usi Trifena deng usi Trifosa, yang karja banting tulang par Tuhan. Hormat par usi Persis yang beta sayang, yang jua su karja banting tulang par Tuhan. 13Hormat par bu Rufus,#Markus 15:21 yang karja par Tuhan deng luar biasa paskali. Hormat jua par dia pung mama lai, yang su macang deng beta pung mama sandiri. 14Hormat par bu Asinkritus, bu Flegon, bu Hermes, bu Patrobas, bu Hermas, deng basudara yang parcaya yang ada sama-sama deng dong. 15Hormat par bu Filologus deng usi Yulia, bu Nereus deng dia pung sudara parampuang, deng par bu Olimpas deng samua orang yang parcaya yang ada sama-sama deng dong.
16Kalo kamong baku dapa, kasi salam manis#16:16 Kasi salam manis: Bahasa Yunani bilang, “ciong kudus”. Waktu itu, orang-orang biasa baku kasi salam manis deng cara ciong pipi. satu deng laeng. La Kristus pung jamaat-jamaat samua jua kiring hormat par kamong.
17Basudara e! Beta minta deng sunggu-sunggu dari kamong par ati-ati deng orang-orang yang biking kamong baku tatoki satu deng laeng deng biking kamong ilang jalang deng dong pung ajarang yang laeng dari ajarang yang kamong su tarima. Beta minta kamong jang dekat-dekat dong! 18Barang, orang-orang yang macang bagitu tu seng karja par katong pung Tuhan Yesus Kristus, mar karja par biking puas dong pung napsu sandiri. Dong pake kata-kata yang manis-manis deng bahasa yang bagus-bagus par parlente orang-orang yang seng mangarti dong pung rencana.
19Samua orang su dengar kalo kamong tetap dengar-dengarang ajarang dari Kabar Bae. Tagal itu, beta pung hati sanang deng kamong. Mar, beta minta kamong pake pikirang tajang biar kamong bisa biking apa yang bae tarus deng bisa barsi dari apa sa yang jahat. 20Beta minta biar Allah yang biking kamong pung hati dame tu, seng lama lai kasi ancor Setang pung Raja biar dia tundu par kamong. Beta minta biar Tuhan Yesus yang katong somba tu kasi berkat basar par kamong tarus.
21Bu Timotius yang karja sama-sama deng beta tu kiring hormat par kamong.#Utusang pung Carita 16:1 Bagitu lai deng bu Lukius, bu Yason, deng bu Sosipater. Dong tu beta pung tamang-tamang yang sama-sama orang Yahudi deng beta. 22Bu Tertius yang satu hati deng Tuhan kiring hormat par kamong. Dia tu orang yang tulis beta pung kata-kata. 23Bu Gayus jua kiring hormat par kamong.#Utusang pung Carita 19:29; 1 Korintus 1:14 Dia tu orang yang buka dia pung pintu ruma lebar-lebar par beta manumpang deng par jamaat bakumpul par ibada. Bu Erastus yang pegang kota ni pung kas kepeng, dia kiring hormat par kamong.#2 Timotius 4:20 Bagitu lai deng katong pung sudara bu Kwartus.
[24Beta minta biar Tuhan Yesus Kristus yang katong somba tu kasi berkat basar par kamong samua. Amin.]
Paulus tutu dia pung surat
16:25-27
25Mari katong puji-puji Antua yang pung kuasa par kasi kuat kamong pung parcaya lewat Kabar Bae soal Yesus Kristus yang beta kasi tau tu. Kabar Bae yang beta kasi tau tu rahasia yang Allah sambunyi dari dolo-dolo paskali, 26mar yang sakarang Antua su kasi unju akang par katong samua. Allah yang hidop tarus-tarus tu su parenta katong par kasi tau par sagala bangsa apa yang Antua pung juru-juru bicara su tulis soal Kristus, biar samua orang bukang Yahudi tu parcaya Antua la dengar-dengarang Antua. 27Cuma Antua tu sa Allah deng Antua yang tau samua-samua. Jadi mari katong puji-puji Antua tarus-tarus, tagal apa yang Yesus Kristus biking par katong. Amin!
Hormat, Paulus
Currently Selected:
Roma 16: ABMA
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku
Roma 16
16
Paulus kiring hormat deng kasi nasehat-nasehat laste
16:1-24
1Basudara e! Lewat surat ni beta mau kasi kanal kamong deng katong pung sudara satu yang bae, yang sama-sama parcaya Yesus. Dia nama usi Febe. Dia tu diaken di jamaat Kengkrea. 2Kalo dia datang, beta minta kamong tarima dia bae-bae, sama deng apa yang Tuhan pung orang-orang musti biking. Barang, dia jua su satu hati deng Tuhan. Kalo dia ada parlu apapa satu bagitu, tolong dia jua tagal dia jua su tolong banya orang deng beta sandiri.
3Kiring hormat par usi Priskila deng bu Akwila. Dong tu beta pung tamang-tamang yang sama-sama karja par Yesus Kristus.#Utusang pung Carita 18:2 4Dong amper mati tagal bantu beta. Beta minta dangke banya par dong. Mar bukang cuma beta sa. Samua jamaat bukang Yahudi jua minta dangke banya par dong lai. 5Kiring hormat jua par jamaat yang jaga bakumpul par ibada di dong pung ruma. Kiring hormat par bu Epenetus lai. Dia tu beta pung sudara yang beta sayang. Dia tu orang partama dari propinsi Asia yang parcaya Kristus. 6Kiring hormat par usi Maria lai, yang karja siang-malang par Kristus par tolong kamong. 7Kiring hormat jua par bu Andronikus deng usi Yunia yang sama-sama orang Yahudi deng beta, deng yang parna dapa bui sama-sama deng beta. Dong dua tu Kristus pung utusang deng su parcaya Kristus kamuka beta. Banya orang kanal deng taru hormat par dong. 8Hormat par bu Ampliatus. Dia tu beta pung tamang yang beta sayang deng yang satu hati deng Tuhan. 9Hormat par katong pung tamang bu Urbanus yang sama-sama karja par Kristus, deng hormat jua par bu Stakis yang beta sayang. 10Hormat par bu Apeles. Biar kata dia susa deng sangsara, mar dia tetap tahang hati deng parcaya Kristus tarus. Hormat jua par samua orang yang tinggal di bu Aristobulus pung ruma. 11Hormat par beta pung tamang bu Herodion yang sama-sama orang Yahudi deng beta. Hormat jua par samua orang yang parcaya Tuhan Yesus, yang tinggal di bu Narkisus pung ruma.
12Hormat par usi Trifena deng usi Trifosa, yang karja banting tulang par Tuhan. Hormat par usi Persis yang beta sayang, yang jua su karja banting tulang par Tuhan. 13Hormat par bu Rufus,#Markus 15:21 yang karja par Tuhan deng luar biasa paskali. Hormat jua par dia pung mama lai, yang su macang deng beta pung mama sandiri. 14Hormat par bu Asinkritus, bu Flegon, bu Hermes, bu Patrobas, bu Hermas, deng basudara yang parcaya yang ada sama-sama deng dong. 15Hormat par bu Filologus deng usi Yulia, bu Nereus deng dia pung sudara parampuang, deng par bu Olimpas deng samua orang yang parcaya yang ada sama-sama deng dong.
16Kalo kamong baku dapa, kasi salam manis#16:16 Kasi salam manis: Bahasa Yunani bilang, “ciong kudus”. Waktu itu, orang-orang biasa baku kasi salam manis deng cara ciong pipi. satu deng laeng. La Kristus pung jamaat-jamaat samua jua kiring hormat par kamong.
17Basudara e! Beta minta deng sunggu-sunggu dari kamong par ati-ati deng orang-orang yang biking kamong baku tatoki satu deng laeng deng biking kamong ilang jalang deng dong pung ajarang yang laeng dari ajarang yang kamong su tarima. Beta minta kamong jang dekat-dekat dong! 18Barang, orang-orang yang macang bagitu tu seng karja par katong pung Tuhan Yesus Kristus, mar karja par biking puas dong pung napsu sandiri. Dong pake kata-kata yang manis-manis deng bahasa yang bagus-bagus par parlente orang-orang yang seng mangarti dong pung rencana.
19Samua orang su dengar kalo kamong tetap dengar-dengarang ajarang dari Kabar Bae. Tagal itu, beta pung hati sanang deng kamong. Mar, beta minta kamong pake pikirang tajang biar kamong bisa biking apa yang bae tarus deng bisa barsi dari apa sa yang jahat. 20Beta minta biar Allah yang biking kamong pung hati dame tu, seng lama lai kasi ancor Setang pung Raja biar dia tundu par kamong. Beta minta biar Tuhan Yesus yang katong somba tu kasi berkat basar par kamong tarus.
21Bu Timotius yang karja sama-sama deng beta tu kiring hormat par kamong.#Utusang pung Carita 16:1 Bagitu lai deng bu Lukius, bu Yason, deng bu Sosipater. Dong tu beta pung tamang-tamang yang sama-sama orang Yahudi deng beta. 22Bu Tertius yang satu hati deng Tuhan kiring hormat par kamong. Dia tu orang yang tulis beta pung kata-kata. 23Bu Gayus jua kiring hormat par kamong.#Utusang pung Carita 19:29; 1 Korintus 1:14 Dia tu orang yang buka dia pung pintu ruma lebar-lebar par beta manumpang deng par jamaat bakumpul par ibada. Bu Erastus yang pegang kota ni pung kas kepeng, dia kiring hormat par kamong.#2 Timotius 4:20 Bagitu lai deng katong pung sudara bu Kwartus.
[24Beta minta biar Tuhan Yesus Kristus yang katong somba tu kasi berkat basar par kamong samua. Amin.]
Paulus tutu dia pung surat
16:25-27
25Mari katong puji-puji Antua yang pung kuasa par kasi kuat kamong pung parcaya lewat Kabar Bae soal Yesus Kristus yang beta kasi tau tu. Kabar Bae yang beta kasi tau tu rahasia yang Allah sambunyi dari dolo-dolo paskali, 26mar yang sakarang Antua su kasi unju akang par katong samua. Allah yang hidop tarus-tarus tu su parenta katong par kasi tau par sagala bangsa apa yang Antua pung juru-juru bicara su tulis soal Kristus, biar samua orang bukang Yahudi tu parcaya Antua la dengar-dengarang Antua. 27Cuma Antua tu sa Allah deng Antua yang tau samua-samua. Jadi mari katong puji-puji Antua tarus-tarus, tagal apa yang Yesus Kristus biking par katong. Amin!
Hormat, Paulus
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku