Roma 12
12
Kasi katong pung diri antero-antero par Allah
12:1-8
1Sio basudara e. Tagal Allah su kasi unju Antua pung hati bae par katong, beta minta deng sunggu-sunggu dari kamong par kasi kamong pung diri antero-antero par Allah. Kalo kamong biking bagitu, kamong sama deng korbang yang masi hidop, yang dapa kasi par jadi Allah pung, deng yang biking Allah pung hati sanang. Itu tu cara somba Allah yang batul, yang kamong parlu biking. 2Jang kamong hidop sama deng orang-orang yang seng taku Allah di dunya ni. Mar kasi biar Antua roba kamong pung pikirang jadi baru, sampe kamong pung tabiat jadi baru. Deng bagitu, kamong bisa tau mana Antua pung mau. Beta pung maksud, kamong bisa mangarti deng biking apa yang bae, apa yang batul-batul jadi Antua pung mau, deng apa yang biking Antua pung hati sanang.
3Tagal Allah su kasi Antua pung hati bae par beta, beta mau kasi nasehat kamong samua: Jang anggap diri labe tinggi dari apa yang batul. Mar, kamong musti nilai kamong pung diri deng ukurang yang pas. Beta pung maksud, kamong musti nilai deng batul kata Allah su kasi berkat rohani apa par kamong satu-satu tagal kamong su parcaya Antua. 4Sama deng katong pung badang ni satu sa, deng akang taika dari banya bagiang yang beda-beda, mar samua tu seng karja deng cara yang sama, 5bagitu lai deng katong yang su parcaya Kristus ni. Biar kata katong banya, mar katong samua taika jadi satu badang, tagal katong samua satu hati deng Kristus. La biar kata katong ni beda-beda, mar katong musti baku tolong tagal katong samua ni bagiang-bagiang dari badang yang sama.#1 Korintus 12:12 6Beta pung maksud tu bagini: Allah su kasi berkat rohani yang beda-beda par katong tagal Antua pung hati bae par katong, jadi mari pake akang par tolong orang laeng. Jadi, orang yang dapa berkat rohani par kasi tau pasáng-pasáng yang dia dapa dari Antua, dia musti kasi tau pasáng-pasáng tu iko apa yang dia parcaya itu dari Antua. 7Orang yang dapa berkat rohani par tolong orang laeng, dia musti tolong orang laeng. Orang yang dapa berkat rohani par kasi balajar Allah pung ajarang, dia musti kasi balajar Allah pung ajarang. 8Orang yang dapa berkat rohani par kasi nasehat, dia musti kasi nasehat. Orang yang dapa berkat rohani par kasi apapa satu par orang laeng yang parlu, jang kasi stenga-stenga. Orang yang dapa berkat rohani par pimping orang laeng, dia musti biking akang deng sunggu-sunggu. Orang yang dapa berkat rohani par kasi unju hati bae par orang yang susa deng sangsara, dia musti biking akang deng hati sanang.#1 Korintus 14:1-14
Mari biking apa yang bae par orang laeng
12:9-21
9Basudara e, sayang orang laeng deng hati antero-antero, jang deng pura-pura. Binci apa yang jahat, mar pegang kuat-kuat apa yang bae. 10Mari baku sayang satu deng laeng, tagal kamong samua tu sama-sama sudara. La mari taru hormat par satu deng laeng, labe dari par katong pung diri sandiri. 11Mari karja deng samangat par Tuhan, jang pamalas! 12Kamong pung hati musti sanang, tagal kamong tau kalo kamong taru harap par Tuhan! La mari tetap tahang hati waktu susa deng sangsara deng salalu sombayang siang-malang! 13Kalo ada orang-orang parcaya yang kurang apapa satu bagitu, tolong dong. La kalo ada orang-orang parcaya yang pi ka mana-mana bagitu, tarima dong par manumpang di kamong pung ruma! 14Minta Tuhan kasi berkat par orang-orang yang siksa kamong. Minta berkat, jang minta kutok!#Matius 5:44; Lukas 6:28 15La kalo ada orang yang sanang, kamong jua musti sanang sama-sama deng dong. Kalo ada orang yang manangis, kamong jua musti manangis sama-sama deng dong. 16Kamong musti hidop bae deng orang laeng. Jang ada yang anggap diri labe panting dari orang laeng, mar baku tamang deng orang yang orang laeng anggap seng panting. La jang anggap diri pintar la mangarti deng akang.#Nasehat-Nasehat 3:7 17Jang balas kajahatang deng kajahatang. Usaha tarus par biking apa yang bae biar samua orang bisa lia kalo apa yang kamong biking tu bae. 18Kamong musti usaha tarus par hidop dame deng samua orang.
19Basudara samua yang beta sayang! Jang balas orang yang biking jahat ka apapa yang seng bae par kamong. Kasi biar Allah yang nanti hukum dong. Barang, dalang Antua pung Tulisang ada bilang kata, “Beta yang pung hak par balas. Beta yang nanti hukum!”#Carita Ulang 32:35 Itu tu yang Tuhan bilang. 20Mala kamong musti biking apa yang tatulis dalang Allah pung Tulisang ni, “Kalo kamong pung musu lapar, kasi makanang par dia. Kalo dia aos, kasi aer par dia minong. Kalo kamong biking bagitu, dia nanti rasa malu sandiri deng apa yang dia su biking par kamong.”#Nasehat-Nasehat 25:21-22 21Jadi, jang paskali balas orang yang biking jahat par kamong. Kalo kamong biking bagitu, itu sama sa deng kamong su dapa kasi kala. Mar labe bae kamong biking hal-hal yang bae par dong. Deng bagitu kamong su kasi kala hal-hal yang jahat.
Currently Selected:
Roma 12: ABMA
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku
Roma 12
12
Kasi katong pung diri antero-antero par Allah
12:1-8
1Sio basudara e. Tagal Allah su kasi unju Antua pung hati bae par katong, beta minta deng sunggu-sunggu dari kamong par kasi kamong pung diri antero-antero par Allah. Kalo kamong biking bagitu, kamong sama deng korbang yang masi hidop, yang dapa kasi par jadi Allah pung, deng yang biking Allah pung hati sanang. Itu tu cara somba Allah yang batul, yang kamong parlu biking. 2Jang kamong hidop sama deng orang-orang yang seng taku Allah di dunya ni. Mar kasi biar Antua roba kamong pung pikirang jadi baru, sampe kamong pung tabiat jadi baru. Deng bagitu, kamong bisa tau mana Antua pung mau. Beta pung maksud, kamong bisa mangarti deng biking apa yang bae, apa yang batul-batul jadi Antua pung mau, deng apa yang biking Antua pung hati sanang.
3Tagal Allah su kasi Antua pung hati bae par beta, beta mau kasi nasehat kamong samua: Jang anggap diri labe tinggi dari apa yang batul. Mar, kamong musti nilai kamong pung diri deng ukurang yang pas. Beta pung maksud, kamong musti nilai deng batul kata Allah su kasi berkat rohani apa par kamong satu-satu tagal kamong su parcaya Antua. 4Sama deng katong pung badang ni satu sa, deng akang taika dari banya bagiang yang beda-beda, mar samua tu seng karja deng cara yang sama, 5bagitu lai deng katong yang su parcaya Kristus ni. Biar kata katong banya, mar katong samua taika jadi satu badang, tagal katong samua satu hati deng Kristus. La biar kata katong ni beda-beda, mar katong musti baku tolong tagal katong samua ni bagiang-bagiang dari badang yang sama.#1 Korintus 12:12 6Beta pung maksud tu bagini: Allah su kasi berkat rohani yang beda-beda par katong tagal Antua pung hati bae par katong, jadi mari pake akang par tolong orang laeng. Jadi, orang yang dapa berkat rohani par kasi tau pasáng-pasáng yang dia dapa dari Antua, dia musti kasi tau pasáng-pasáng tu iko apa yang dia parcaya itu dari Antua. 7Orang yang dapa berkat rohani par tolong orang laeng, dia musti tolong orang laeng. Orang yang dapa berkat rohani par kasi balajar Allah pung ajarang, dia musti kasi balajar Allah pung ajarang. 8Orang yang dapa berkat rohani par kasi nasehat, dia musti kasi nasehat. Orang yang dapa berkat rohani par kasi apapa satu par orang laeng yang parlu, jang kasi stenga-stenga. Orang yang dapa berkat rohani par pimping orang laeng, dia musti biking akang deng sunggu-sunggu. Orang yang dapa berkat rohani par kasi unju hati bae par orang yang susa deng sangsara, dia musti biking akang deng hati sanang.#1 Korintus 14:1-14
Mari biking apa yang bae par orang laeng
12:9-21
9Basudara e, sayang orang laeng deng hati antero-antero, jang deng pura-pura. Binci apa yang jahat, mar pegang kuat-kuat apa yang bae. 10Mari baku sayang satu deng laeng, tagal kamong samua tu sama-sama sudara. La mari taru hormat par satu deng laeng, labe dari par katong pung diri sandiri. 11Mari karja deng samangat par Tuhan, jang pamalas! 12Kamong pung hati musti sanang, tagal kamong tau kalo kamong taru harap par Tuhan! La mari tetap tahang hati waktu susa deng sangsara deng salalu sombayang siang-malang! 13Kalo ada orang-orang parcaya yang kurang apapa satu bagitu, tolong dong. La kalo ada orang-orang parcaya yang pi ka mana-mana bagitu, tarima dong par manumpang di kamong pung ruma! 14Minta Tuhan kasi berkat par orang-orang yang siksa kamong. Minta berkat, jang minta kutok!#Matius 5:44; Lukas 6:28 15La kalo ada orang yang sanang, kamong jua musti sanang sama-sama deng dong. Kalo ada orang yang manangis, kamong jua musti manangis sama-sama deng dong. 16Kamong musti hidop bae deng orang laeng. Jang ada yang anggap diri labe panting dari orang laeng, mar baku tamang deng orang yang orang laeng anggap seng panting. La jang anggap diri pintar la mangarti deng akang.#Nasehat-Nasehat 3:7 17Jang balas kajahatang deng kajahatang. Usaha tarus par biking apa yang bae biar samua orang bisa lia kalo apa yang kamong biking tu bae. 18Kamong musti usaha tarus par hidop dame deng samua orang.
19Basudara samua yang beta sayang! Jang balas orang yang biking jahat ka apapa yang seng bae par kamong. Kasi biar Allah yang nanti hukum dong. Barang, dalang Antua pung Tulisang ada bilang kata, “Beta yang pung hak par balas. Beta yang nanti hukum!”#Carita Ulang 32:35 Itu tu yang Tuhan bilang. 20Mala kamong musti biking apa yang tatulis dalang Allah pung Tulisang ni, “Kalo kamong pung musu lapar, kasi makanang par dia. Kalo dia aos, kasi aer par dia minong. Kalo kamong biking bagitu, dia nanti rasa malu sandiri deng apa yang dia su biking par kamong.”#Nasehat-Nasehat 25:21-22 21Jadi, jang paskali balas orang yang biking jahat par kamong. Kalo kamong biking bagitu, itu sama sa deng kamong su dapa kasi kala. Mar labe bae kamong biking hal-hal yang bae par dong. Deng bagitu kamong su kasi kala hal-hal yang jahat.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Sinode Gereja Protestan Maluku