Kolose 4
4
1Hoe bos-bos e! Kamong tu musti biking apa yang batul deng apa yang bae par kamong pung jongos-jongos. Kamong musti inga tarus kalo kamong jua ada pung Bos di sorga.#Efesus 6:9
Paulus minta jamaat Kolose sombayang tarus
4:2-4
2Basudara e, kamong musti seng putus-putus deng salalu siap par sombayang deng minta dangke dari Allah. 3Sombayang jua par katong lai, biar Allah buka jalang par katong par kasi tau Antua pung rencana soal Kristus, yang dari dolo Antua sambunyi akang mati-mati dari orang-orang. La tagal akang sampe beta dapa bui sakarang ni. 4Sombayang, biar waktu beta kasi tau Antua pung rencana tu, orang-orang bisa mangarti akang bae-bae, tagal itu yang beta musti biking.
Orang parcaya pung tabiat waktu ada sama-sama deng orang yang seng parcaya
4:5-6
5Sabang kali kamong ada sama-sama deng orang-orang yang seng parcaya Kristus, kamong musti pake kans tu deng pikir bae-bae soal apa yang kamong mau biking, biar dong bisa mangarti apa yang batul.#Efesus 5:16 6Bicara bae-bae deng dong, biar dong pung hati sanang deng suka dengar apa yang kamong bilang. Kalo kamong biking bagitu, kamong bisa tau bagemana kamong musti jawab dong kalo dong tanya-tanya kamong soal kamong pung parcaya tu.
Paulus tutu dia pung surat
4:7-18
7Basudara e! Tikikus nanti kasi tau apa yang jadi deng beta di sini par kamong.#4:7 Tikikus ni orang yang bawa Paulus pung surat par jamaat di Kolose. Dia tu katong pung sudara yang parcaya Kristus, yang katong sayang, deng yang seng putus-putus karja par Tuhan sama-sama deng katong.#Utusang pung Carita 20:4; 2 Timotius 4:12 8Beta utus dia par kamong, biar kamong bisa tau katong ada bagemana sakarang deng biar dia bisa kasi kuat kamong pung hati.#Efesus 6:21-22 9Beta utus dia sama-sama deng Onesimus yang satu kota deng kamong tu. Dia tu, katong pung sudara yang parcaya Kristus, yang katong sayang, deng yang katong parcaya. Dong dua nanti kasi tau soal samua yang jadi par katong di sini par kamong.#Filemon 1:10-12
10Beta pung tamang Aristarkus, yang ada dalang bui sama-sama deng beta ni, ada kiring hormat par kamong.#Utusang pung Carita 19:29, 27:2; Filemon 1:24 Bagitu lai deng Markus, Barnabas pung orang tatua pung sudara pung ana tu.#4:10 Markus pung nama laeng tu Yohanis. Lia Utusang pung Carita 12:25, 13:13, 15:37. Beta su kasi kabar par kamong soal Markus, jadi kalo dia datang, tarima dia bae-bae. 11Yesus yang jaga dapa panggel par Yustus tu jua ada kiring hormat par kamong lai. Dari samua orang yang karja sama-sama deng beta par ajar orang-orang par tarima Tuhan jadi dong pung Raja, cuma dong tiga ni sa yang orang Yahudi. Dong tiga ni su kasi kuat beta pung hati. 12Epafras, yang satu kota deng kamong deng yang karja par Yesus Kristus tu jua, dia kiring hormat par kamong lai.#Kolose 1:7; Filemon 1:23 Dia salalu sombayang sunggu-sunggu par kamong biar kamong pung parcaya seng tagoyang sadiki lai mar batumbu deng baakar kuat-kuat, deng biar kamong bisa batul-batul mangarti samua yang jadi Allah pung mau. 13Beta su lia deng mata kapala sandiri kalo dia karja banting tulang par tolong kamong deng orang-orang parcaya yang ada di kota Laodikia deng Hierapolis. 14Dokter Lukas yang katong sayang tu ada kiring hormat par kamong.#2 Timotius 4:10-11; Filemon 1:24 Bagitu lai deng Demas. 15Tolong kiring hormat par basudara yang parcaya Yesus di Laodikia lai jua, deng par Nimfa deng jamaat yang jaga bakumpul par ibada di dia pung ruma.
16Basudara e, kalo kamong su abis baca surat ni, tolong kasi akang par jamaat di Laodikia, biar dong jua bisa baca akang lai. La surat yang beta kiring par jamaat di Laodikia, kamong jua musti baca akang lai. 17La tolong bilang par Arkipus kata, “Taru kira ale pung tugas yang ale su tarima dari Tuhan tu bae-bae.”#Filemon 1:2
18Salam dari beta. Beta sandiri yang tulis salam ni.#4:18 Paulus jaga pake orang laeng par tulis dia pung surat. Mar, dia jua tulis sadiki deng dia pung tangang sandiri. Dia biking bagitu biar orang-orang tau kalo surat tu batul-batul dari dia, bukang surat parlente yang orang laeng tulis pake dia pung nama. Lia 1 Korintus 16:21, Galatia 6:11, deng 2 Tesalonika 3:17. Jang lupa kalo beta masi ada dalang bui. Beta sombayang biar Allah kasi berkat basar par kamong samua.
Hormat, Paulus
Currently Selected:
Kolose 4: ABMA
Highlight
Copy
Compare
Share
Want to have your highlights saved across all your devices? Sign up or sign in
© 2022, Sinode Gereja Protestan Maluku
Kolose 4
4
1Hoe bos-bos e! Kamong tu musti biking apa yang batul deng apa yang bae par kamong pung jongos-jongos. Kamong musti inga tarus kalo kamong jua ada pung Bos di sorga.#Efesus 6:9
Paulus minta jamaat Kolose sombayang tarus
4:2-4
2Basudara e, kamong musti seng putus-putus deng salalu siap par sombayang deng minta dangke dari Allah. 3Sombayang jua par katong lai, biar Allah buka jalang par katong par kasi tau Antua pung rencana soal Kristus, yang dari dolo Antua sambunyi akang mati-mati dari orang-orang. La tagal akang sampe beta dapa bui sakarang ni. 4Sombayang, biar waktu beta kasi tau Antua pung rencana tu, orang-orang bisa mangarti akang bae-bae, tagal itu yang beta musti biking.
Orang parcaya pung tabiat waktu ada sama-sama deng orang yang seng parcaya
4:5-6
5Sabang kali kamong ada sama-sama deng orang-orang yang seng parcaya Kristus, kamong musti pake kans tu deng pikir bae-bae soal apa yang kamong mau biking, biar dong bisa mangarti apa yang batul.#Efesus 5:16 6Bicara bae-bae deng dong, biar dong pung hati sanang deng suka dengar apa yang kamong bilang. Kalo kamong biking bagitu, kamong bisa tau bagemana kamong musti jawab dong kalo dong tanya-tanya kamong soal kamong pung parcaya tu.
Paulus tutu dia pung surat
4:7-18
7Basudara e! Tikikus nanti kasi tau apa yang jadi deng beta di sini par kamong.#4:7 Tikikus ni orang yang bawa Paulus pung surat par jamaat di Kolose. Dia tu katong pung sudara yang parcaya Kristus, yang katong sayang, deng yang seng putus-putus karja par Tuhan sama-sama deng katong.#Utusang pung Carita 20:4; 2 Timotius 4:12 8Beta utus dia par kamong, biar kamong bisa tau katong ada bagemana sakarang deng biar dia bisa kasi kuat kamong pung hati.#Efesus 6:21-22 9Beta utus dia sama-sama deng Onesimus yang satu kota deng kamong tu. Dia tu, katong pung sudara yang parcaya Kristus, yang katong sayang, deng yang katong parcaya. Dong dua nanti kasi tau soal samua yang jadi par katong di sini par kamong.#Filemon 1:10-12
10Beta pung tamang Aristarkus, yang ada dalang bui sama-sama deng beta ni, ada kiring hormat par kamong.#Utusang pung Carita 19:29, 27:2; Filemon 1:24 Bagitu lai deng Markus, Barnabas pung orang tatua pung sudara pung ana tu.#4:10 Markus pung nama laeng tu Yohanis. Lia Utusang pung Carita 12:25, 13:13, 15:37. Beta su kasi kabar par kamong soal Markus, jadi kalo dia datang, tarima dia bae-bae. 11Yesus yang jaga dapa panggel par Yustus tu jua ada kiring hormat par kamong lai. Dari samua orang yang karja sama-sama deng beta par ajar orang-orang par tarima Tuhan jadi dong pung Raja, cuma dong tiga ni sa yang orang Yahudi. Dong tiga ni su kasi kuat beta pung hati. 12Epafras, yang satu kota deng kamong deng yang karja par Yesus Kristus tu jua, dia kiring hormat par kamong lai.#Kolose 1:7; Filemon 1:23 Dia salalu sombayang sunggu-sunggu par kamong biar kamong pung parcaya seng tagoyang sadiki lai mar batumbu deng baakar kuat-kuat, deng biar kamong bisa batul-batul mangarti samua yang jadi Allah pung mau. 13Beta su lia deng mata kapala sandiri kalo dia karja banting tulang par tolong kamong deng orang-orang parcaya yang ada di kota Laodikia deng Hierapolis. 14Dokter Lukas yang katong sayang tu ada kiring hormat par kamong.#2 Timotius 4:10-11; Filemon 1:24 Bagitu lai deng Demas. 15Tolong kiring hormat par basudara yang parcaya Yesus di Laodikia lai jua, deng par Nimfa deng jamaat yang jaga bakumpul par ibada di dia pung ruma.
16Basudara e, kalo kamong su abis baca surat ni, tolong kasi akang par jamaat di Laodikia, biar dong jua bisa baca akang lai. La surat yang beta kiring par jamaat di Laodikia, kamong jua musti baca akang lai. 17La tolong bilang par Arkipus kata, “Taru kira ale pung tugas yang ale su tarima dari Tuhan tu bae-bae.”#Filemon 1:2
18Salam dari beta. Beta sandiri yang tulis salam ni.#4:18 Paulus jaga pake orang laeng par tulis dia pung surat. Mar, dia jua tulis sadiki deng dia pung tangang sandiri. Dia biking bagitu biar orang-orang tau kalo surat tu batul-batul dari dia, bukang surat parlente yang orang laeng tulis pake dia pung nama. Lia 1 Korintus 16:21, Galatia 6:11, deng 2 Tesalonika 3:17. Jang lupa kalo beta masi ada dalang bui. Beta sombayang biar Allah kasi berkat basar par kamong samua.
Hormat, Paulus
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Sinode Gereja Protestan Maluku