Loma 11
11
O Sini'ada no Kawas to Israil
1Ano hatira i, cilicay kako. So'linay falahen no Kawas ko finawlan Ningra hakiya? Caay! Halo ako a o Israil a tamdaw o tloc ni Apraham, o ngasaw ni Pinyamin. 2Caay pifalah ko Kawas to nili'ayawan Ningra a mipili' a finawlan. Mafana' kamo toya matiliday i Fangcalay Cudad to pakayniay i ci Iliyaan. O longoc ni Iliya i Kawas a mipakokot to dmak no Israil i, 3<<Tapangaw, patayen nangra ko pali'ayaway to sowal Iso. Plengen nangra ko pipato'ayaan i Tisowanan. Kakoto a ccay ko fadoc. Nikawrira, sapipatayan cangra i takowanan,>> saan. 4Nikawrira, maan saan ko paca'of no Kawas i cingraan hakiya? O sowal Ningra i, <<Iraho ko ni'osawan Ako a pito a patek (7,000) a tamdaw to caay pita'ong ci Paalan o mangah a kawas,>> saan. 5Matiya ora dmak ko dmak i matini. Ira ko ni'osawan no Kawas a nipili'an Ningra a tamdaw to nano mikomi Ningra. 6O nano mikomi no Kawas ko sakapipili' Ningra cangraan. Caay ko dmak no tamdaw ko pi'arawan Ningra. Ano o dmak no tamdaw ko pi'arawan Ningra i, caay to ko so'linay a mikomi ko mikomi no Kawas.
7Ano hatira i, mafana'to kita. Caay pakaala ko Israil to nilongocan nangra. Deng o nipili'an no Kawas a caay ka papina a tamdaw ko pakaalaay. Caay pitngil ko romaroma a tamdaw to pitahidang no Kawas. 8Mato sowal a matilid i Fangcalay Cudad, <<O Kawas ko mipalakasaparanay to faloco' nangra. Saka, tahanini a caay pakanengneng, caay pakatngil cangra,>> saan. 9Halo ci Tafiti a somowal,
<<Mamana o sakatilo a marpet nangra ko tadamaanay a tahka nangra.
Mamana matfadto, matfocto cangra.
10Mamana mapohaw ko mata nangra, ta caayto paka'araw.
Mamana mida'oc a matakonol ko koror nangra to nika pades,>> saan.
11Ano hatira i, cilicay kako. O sakatkop no Yutaya a tamdaw ko nika tolo' nangra hakiya? Caay. Ciraraw cangra, saka, pasayra i roma a finacadan ko sapa'orip no Kawas. Ta mapalowad ko sakaci'inap no Yutaya a tamdaw. 12Nikawrira, ano malasakalmed no tamdamdaw ko nika ciraraw no Yutaya, ano o sakalmed no roma a finacadan ko sipon nangra i, mangalef ko nika lmed nangra o Yutaya a tamdaw ano mafohatto ko faloco' nangra a milayap to sapa'orip no Kawas i cangraan!
O Sapa'orip no Kawas to Roma a Finacadan
13Pasowal kako i tamowanan o roma a finacadan. O tarokos namo o roma a finacadan kako saka, kalimlaan ako konini a tayal. 14Ano haenen ako i, latek mapalowad ko 'inap no finacadan ako to nika lmed no roma a finacadan. Ta pakayni tonini a mapa'orip ko papinapina nangra sa ko harateng ako. 15Ano pakayni i nika falah nangra o finacadan ako ko sakalali'ay no tamdamdaw ato Kawas i, ano malayap no Kawas cangra i, o mamatiya cangra o lomowaday a ma'orip nai patay.
16Tinako sa, ano mapacakatto i Kawas ko sa'ayaway a pcih no ^pang i, malano Kawasto a ma^min koya ^pang. Ano mapacakatto i Kawas ko lamit no ccay a kilang i, ma^minto koya ca'ang no kilang a malano Kawas. 17Maktonto ko pinapina a ca'ang no olif a kilang, ta mapatongod itira toya kilang ko ca'ang no lifal a kilang. Malcad tonini a ca'ang no lifal kamo o roma a finacadan. Mikihatiyato kamo to Yutaya a tamdaw a makadofah ko 'orip namo. 18Orasaka, aka pi^pec kiso toya matiyaay o maktonay a ca'ang. O ca'ang kiso. Saka, maanen iso ko nika lata'ang saw? Caay ka kiso ko sakalomahad no lamit. O lamit ko sakalomahad iso.
19Ano hatira, o nika kton noya ca'ang i, o sakanga'ayaw ako a mitongod i kilang sa kiso. 20So'linayto kora sowal iso. O nika^caan nangra piti'er to Kawas ko sakakton nangra. Nikawrira, nano piti'er namo i ci Kristoan ko sakapisiket namo i tapangan no kilang. Orasaka, aka pisatakaraw. Pina'on ko nga'ay. 21Matiya o ca'ang noya tapangan ko Yutaya a tamdaw. Caay ka limla ko Kawas i cangraan. Kami ko kalimlaan no Kawas sa kamo saw? 22I tini a mahapinang ita ko sini'ada no Kawas ato 'atkakay a pinangan no Kawas. Ca^desay ko sowal Ningra i matolo'ay a tamdaw. Nikawrira, sini'ada Cingra i tamowanan o marariday a maolah a miti'er i Cingraan. Ano caay ka hatira kamo i, halo amo a ktonen Ningra. 23Ano sawaden no Yutaya a tamdaw ko caay paso'lin a faloco' nangra i, o mamapalolol cangra a mapatongod i tapangan nangra. Nawhani ci'icel ko Kawas a miliyaw a patongod i cangraan. 24Matiya o niktonan a ca'ang no lifal a olif kamo o roma a finacadan. O nipatongodanto kamo i tadaolif a kilang. Caay ka rahoday a haratengen konini a dmak. Nikawrira, matiya o mitoresan a ca'ang no tadaolif a kilang ko Yutaya a tamdaw. Saka, rahoday ko Kawas a miliyaw a patongod cangraan i tapangan nangra.
Sini'ada ko Kawas to Tamdamdaw
25Salikakaaw, nanay mafana' kamo to pakakmoday a so'linay, ta caay pisamafanafana'ay kamo. Onini a so'lin i, caay ka ^min a 'atkak ko faloco' no Israil a tamdaw, deng tahira i pitalaan to ka^minan#11.25 Tahira aca i ka^minan -- ano ^ca i, Tahira to i kalponan no sa'osi. no roma a finacadan a pasayni i Kawas. 26Itiyato a mapa'orip ko polong no Israil a tamdaw. Mato sowal a matilid i Fangcalay Cudad,
<<O tatayni nai Cion ko pa'oripay.
O papalasawaden Ningra ko raraw no tloc ni Yakop.
27O sowal no Kawas i, Yo mihpol Kako to raraw nangra i,
onini ko katatlekan Ako ato cangra,>> saan.
28Tona mifalah ko Yutaya a tamdaw to Nga'ayay Ratoh saka, mala'ada no Kawas cangra. Nikawrira, o nipili'an no Kawas cangra, o niktonan no Kawas ko sowal i tato'asan nangra o Yutaya a tamdaw saka, kaolahan no Kawas cangra i matini. 29Nawhani caay ka falic ko faloco' no Kawas to pakayniay i pipili' Ningra ato mikomi Ningra. 30Caay pitoor kamo o roma a finacadan to Kawas i 'ayaw. Nikawrira, i matini sa i, pakayni i nika ^caan pitoor no Yutaya a tamdaw a malakasini'adaen no Kawas kamo. 31Malcad tonini, tona o kasini'adaan no Kawas kamo saka, malacaay pitoor ko Yutaya a tamdaw anini. Onini i, o sakanga'ayaw nangra a milayap to sini'ada no Kawas. 32Caay pitoor ko tamdamdaw to Kawas saka, samatiya han Ningra o marofoay cangra. Onini i, o sapahapinangaw no Kawas to sini'ada Ningra i tamdamdaw.
O Pipahmek to Kawas
33Wata: ko nika talolong no mikomi ato taneng ato fana' no Kawas! Cima ko mafana'ay a mitadtad to pikton Ningra? Cima ko mafana'ay a misapsap to lalan Ningra? 34Mato sowal a matilid i Fangcalay Cudad,
<<Cima ko mafana'ay to faloco' no Tapang saw?
Cima ko mama^deng a patadoay to faloco' Ningra saw?
35Cima ko pacaliway i Tapang to papatikoen Ningra toya pacaliway hakiya?>> saan.
36Nawhani o kasadakan ato pakayraan ato pinokayan no kalomaamaan ko Kawas. Nanay mapahmek ko Kawas a tahira i da'oc. Amin.
Currently Selected:
Loma 11: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
Loma 11
11
O Sini'ada no Kawas to Israil
1Ano hatira i, cilicay kako. So'linay falahen no Kawas ko finawlan Ningra hakiya? Caay! Halo ako a o Israil a tamdaw o tloc ni Apraham, o ngasaw ni Pinyamin. 2Caay pifalah ko Kawas to nili'ayawan Ningra a mipili' a finawlan. Mafana' kamo toya matiliday i Fangcalay Cudad to pakayniay i ci Iliyaan. O longoc ni Iliya i Kawas a mipakokot to dmak no Israil i, 3<<Tapangaw, patayen nangra ko pali'ayaway to sowal Iso. Plengen nangra ko pipato'ayaan i Tisowanan. Kakoto a ccay ko fadoc. Nikawrira, sapipatayan cangra i takowanan,>> saan. 4Nikawrira, maan saan ko paca'of no Kawas i cingraan hakiya? O sowal Ningra i, <<Iraho ko ni'osawan Ako a pito a patek (7,000) a tamdaw to caay pita'ong ci Paalan o mangah a kawas,>> saan. 5Matiya ora dmak ko dmak i matini. Ira ko ni'osawan no Kawas a nipili'an Ningra a tamdaw to nano mikomi Ningra. 6O nano mikomi no Kawas ko sakapipili' Ningra cangraan. Caay ko dmak no tamdaw ko pi'arawan Ningra. Ano o dmak no tamdaw ko pi'arawan Ningra i, caay to ko so'linay a mikomi ko mikomi no Kawas.
7Ano hatira i, mafana'to kita. Caay pakaala ko Israil to nilongocan nangra. Deng o nipili'an no Kawas a caay ka papina a tamdaw ko pakaalaay. Caay pitngil ko romaroma a tamdaw to pitahidang no Kawas. 8Mato sowal a matilid i Fangcalay Cudad, <<O Kawas ko mipalakasaparanay to faloco' nangra. Saka, tahanini a caay pakanengneng, caay pakatngil cangra,>> saan. 9Halo ci Tafiti a somowal,
<<Mamana o sakatilo a marpet nangra ko tadamaanay a tahka nangra.
Mamana matfadto, matfocto cangra.
10Mamana mapohaw ko mata nangra, ta caayto paka'araw.
Mamana mida'oc a matakonol ko koror nangra to nika pades,>> saan.
11Ano hatira i, cilicay kako. O sakatkop no Yutaya a tamdaw ko nika tolo' nangra hakiya? Caay. Ciraraw cangra, saka, pasayra i roma a finacadan ko sapa'orip no Kawas. Ta mapalowad ko sakaci'inap no Yutaya a tamdaw. 12Nikawrira, ano malasakalmed no tamdamdaw ko nika ciraraw no Yutaya, ano o sakalmed no roma a finacadan ko sipon nangra i, mangalef ko nika lmed nangra o Yutaya a tamdaw ano mafohatto ko faloco' nangra a milayap to sapa'orip no Kawas i cangraan!
O Sapa'orip no Kawas to Roma a Finacadan
13Pasowal kako i tamowanan o roma a finacadan. O tarokos namo o roma a finacadan kako saka, kalimlaan ako konini a tayal. 14Ano haenen ako i, latek mapalowad ko 'inap no finacadan ako to nika lmed no roma a finacadan. Ta pakayni tonini a mapa'orip ko papinapina nangra sa ko harateng ako. 15Ano pakayni i nika falah nangra o finacadan ako ko sakalali'ay no tamdamdaw ato Kawas i, ano malayap no Kawas cangra i, o mamatiya cangra o lomowaday a ma'orip nai patay.
16Tinako sa, ano mapacakatto i Kawas ko sa'ayaway a pcih no ^pang i, malano Kawasto a ma^min koya ^pang. Ano mapacakatto i Kawas ko lamit no ccay a kilang i, ma^minto koya ca'ang no kilang a malano Kawas. 17Maktonto ko pinapina a ca'ang no olif a kilang, ta mapatongod itira toya kilang ko ca'ang no lifal a kilang. Malcad tonini a ca'ang no lifal kamo o roma a finacadan. Mikihatiyato kamo to Yutaya a tamdaw a makadofah ko 'orip namo. 18Orasaka, aka pi^pec kiso toya matiyaay o maktonay a ca'ang. O ca'ang kiso. Saka, maanen iso ko nika lata'ang saw? Caay ka kiso ko sakalomahad no lamit. O lamit ko sakalomahad iso.
19Ano hatira, o nika kton noya ca'ang i, o sakanga'ayaw ako a mitongod i kilang sa kiso. 20So'linayto kora sowal iso. O nika^caan nangra piti'er to Kawas ko sakakton nangra. Nikawrira, nano piti'er namo i ci Kristoan ko sakapisiket namo i tapangan no kilang. Orasaka, aka pisatakaraw. Pina'on ko nga'ay. 21Matiya o ca'ang noya tapangan ko Yutaya a tamdaw. Caay ka limla ko Kawas i cangraan. Kami ko kalimlaan no Kawas sa kamo saw? 22I tini a mahapinang ita ko sini'ada no Kawas ato 'atkakay a pinangan no Kawas. Ca^desay ko sowal Ningra i matolo'ay a tamdaw. Nikawrira, sini'ada Cingra i tamowanan o marariday a maolah a miti'er i Cingraan. Ano caay ka hatira kamo i, halo amo a ktonen Ningra. 23Ano sawaden no Yutaya a tamdaw ko caay paso'lin a faloco' nangra i, o mamapalolol cangra a mapatongod i tapangan nangra. Nawhani ci'icel ko Kawas a miliyaw a patongod i cangraan. 24Matiya o niktonan a ca'ang no lifal a olif kamo o roma a finacadan. O nipatongodanto kamo i tadaolif a kilang. Caay ka rahoday a haratengen konini a dmak. Nikawrira, matiya o mitoresan a ca'ang no tadaolif a kilang ko Yutaya a tamdaw. Saka, rahoday ko Kawas a miliyaw a patongod cangraan i tapangan nangra.
Sini'ada ko Kawas to Tamdamdaw
25Salikakaaw, nanay mafana' kamo to pakakmoday a so'linay, ta caay pisamafanafana'ay kamo. Onini a so'lin i, caay ka ^min a 'atkak ko faloco' no Israil a tamdaw, deng tahira i pitalaan to ka^minan#11.25 Tahira aca i ka^minan -- ano ^ca i, Tahira to i kalponan no sa'osi. no roma a finacadan a pasayni i Kawas. 26Itiyato a mapa'orip ko polong no Israil a tamdaw. Mato sowal a matilid i Fangcalay Cudad,
<<O tatayni nai Cion ko pa'oripay.
O papalasawaden Ningra ko raraw no tloc ni Yakop.
27O sowal no Kawas i, Yo mihpol Kako to raraw nangra i,
onini ko katatlekan Ako ato cangra,>> saan.
28Tona mifalah ko Yutaya a tamdaw to Nga'ayay Ratoh saka, mala'ada no Kawas cangra. Nikawrira, o nipili'an no Kawas cangra, o niktonan no Kawas ko sowal i tato'asan nangra o Yutaya a tamdaw saka, kaolahan no Kawas cangra i matini. 29Nawhani caay ka falic ko faloco' no Kawas to pakayniay i pipili' Ningra ato mikomi Ningra. 30Caay pitoor kamo o roma a finacadan to Kawas i 'ayaw. Nikawrira, i matini sa i, pakayni i nika ^caan pitoor no Yutaya a tamdaw a malakasini'adaen no Kawas kamo. 31Malcad tonini, tona o kasini'adaan no Kawas kamo saka, malacaay pitoor ko Yutaya a tamdaw anini. Onini i, o sakanga'ayaw nangra a milayap to sini'ada no Kawas. 32Caay pitoor ko tamdamdaw to Kawas saka, samatiya han Ningra o marofoay cangra. Onini i, o sapahapinangaw no Kawas to sini'ada Ningra i tamdamdaw.
O Pipahmek to Kawas
33Wata: ko nika talolong no mikomi ato taneng ato fana' no Kawas! Cima ko mafana'ay a mitadtad to pikton Ningra? Cima ko mafana'ay a misapsap to lalan Ningra? 34Mato sowal a matilid i Fangcalay Cudad,
<<Cima ko mafana'ay to faloco' no Tapang saw?
Cima ko mama^deng a patadoay to faloco' Ningra saw?
35Cima ko pacaliway i Tapang to papatikoen Ningra toya pacaliway hakiya?>> saan.
36Nawhani o kasadakan ato pakayraan ato pinokayan no kalomaamaan ko Kawas. Nanay mapahmek ko Kawas a tahira i da'oc. Amin.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019