'Olic 72
72
O Saki Hongti a Pitolon
O 'olic ni Solomon.
1Kawasaw, nanay pakafana'en Iso ko hongti a papido^do to mo^cel Iso,
nanay paflien Iso cingra to mo^celay a dmak Iso.
2Ta o mo^celay ko pikowan ningra to finawlan Iso,
caay pisakakinih to masamsamay a pakosiya a tamdaw.
3Nanay marihaked a rihaday ko polong no kitakit,
nanay o mo^celay ko dmak i polong no finawlan.
4Nanay o malalenay ko pidipot no hongti to pakosiya a tamdaw,
nanay padangen ningra ko cango'otay awaay ko palawinaan a tamdaw,
nanay sti'en ningra koya misamsamay i cangraan a tamdaw.
5Ano patdiho ko cidal, ano malikatho ko folad i, nanay mida'oc ko finawlan Iso a mita'ong i Tisowanan.
6Nanay matiya o nika tfad no 'orad i palapalaan ato pisnger no 'o'ol to sra ko dmak no hongti.
7Nanay matnak ko mo^celay yo malahongtiho cingra,
nanay yo iraho a malikat ko folad i, malmed a rihaday ko finawlan.
8O mamacowat ko nikowanan ningra a kitakit nai tini tonini a riyar tangasa i iti:raw a riyar,
nai Iofratis a 'alo tangasa i tolas no sra.
9O mamipitosor a mita'ong i ka'ayaw ningra ko maro'ay i kohkohan a finawlan,
o mamihinefa ko 'ada ningra a mita'ong i cingraan.
10O mamipacakat to sakangodo ko hongti no Sipaniya ato hongti no kasakanatal i cingraan,
o mamipafli to sakangodo ko hongti no Sipa ato Spa#72.10 Sipa ato Spa -- o Arapiya ato Iciyopiya hananay anini. i cingraan.
11O mamita'ong i ka'ayaw ningra ko hongtingti a ma^min,
o mamatayal to saki cingraan ko kasakitakit.
12Nawhani yo mitahidang a milongoc ko pakosiya a tamdaw i,
padamaen Ningra ko awaay ko palawinaan a tamdaw.
13Adayay Cingra to tadancaay ato pakosiya a tamdaw,
pa'oripen Ningra ko 'orip no pakosiya a tamdaw.
14Pa'oripen Ningra cangra a paliyas nai misamsamay ato miforiforay,
nawhani tadamaan ko pinengneng Ningra to 'orip nangra.
15Nanay mida'oc ko hongti.
Nanay malayap ningra ko tada^kim no Sipa,
nanay mararid a ira ko mitolonay to saki cingraan,
nanay mararid a mapakalmed no Kawas cingra.
16Nanay kadofah ko kinaira no sra to panay,
nanay maldef ko pinaloma i taporoporo,
nanay matiya o kinaira no Lipanon ko nika kadofah,
nanay matiya o nika lnak no talod i palapalaan ko nika lnak no tamdaw no niyaro'.
17Nanay tahada'oc ko ngangan ningra,
nanay matiya o pida'oc no cidal ko nika pida'oc no ngangan ningra,
nanay pakayni i cingraan ko sakalmed no kalofinawlan,
nanay o malmeday cingra wahan no kasakitakit.
18O papahmeken ko Tapang, o Kawas no Israil,
deng Cingra a ccay ko milahciay to kafahka'an a dmak.
19Tahada'ocen a pahmek ko tadamaanay a ngangan Ningra,
nanay maldef i hkal ko nika tadamaan Ningra.
Amin! Amin!
20Mapahrekto ko pitolon ni Tafiti o wawa ni Yisi.
Currently Selected:
'Olic 72: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
'Olic 72
72
O Saki Hongti a Pitolon
O 'olic ni Solomon.
1Kawasaw, nanay pakafana'en Iso ko hongti a papido^do to mo^cel Iso,
nanay paflien Iso cingra to mo^celay a dmak Iso.
2Ta o mo^celay ko pikowan ningra to finawlan Iso,
caay pisakakinih to masamsamay a pakosiya a tamdaw.
3Nanay marihaked a rihaday ko polong no kitakit,
nanay o mo^celay ko dmak i polong no finawlan.
4Nanay o malalenay ko pidipot no hongti to pakosiya a tamdaw,
nanay padangen ningra ko cango'otay awaay ko palawinaan a tamdaw,
nanay sti'en ningra koya misamsamay i cangraan a tamdaw.
5Ano patdiho ko cidal, ano malikatho ko folad i, nanay mida'oc ko finawlan Iso a mita'ong i Tisowanan.
6Nanay matiya o nika tfad no 'orad i palapalaan ato pisnger no 'o'ol to sra ko dmak no hongti.
7Nanay matnak ko mo^celay yo malahongtiho cingra,
nanay yo iraho a malikat ko folad i, malmed a rihaday ko finawlan.
8O mamacowat ko nikowanan ningra a kitakit nai tini tonini a riyar tangasa i iti:raw a riyar,
nai Iofratis a 'alo tangasa i tolas no sra.
9O mamipitosor a mita'ong i ka'ayaw ningra ko maro'ay i kohkohan a finawlan,
o mamihinefa ko 'ada ningra a mita'ong i cingraan.
10O mamipacakat to sakangodo ko hongti no Sipaniya ato hongti no kasakanatal i cingraan,
o mamipafli to sakangodo ko hongti no Sipa ato Spa#72.10 Sipa ato Spa -- o Arapiya ato Iciyopiya hananay anini. i cingraan.
11O mamita'ong i ka'ayaw ningra ko hongtingti a ma^min,
o mamatayal to saki cingraan ko kasakitakit.
12Nawhani yo mitahidang a milongoc ko pakosiya a tamdaw i,
padamaen Ningra ko awaay ko palawinaan a tamdaw.
13Adayay Cingra to tadancaay ato pakosiya a tamdaw,
pa'oripen Ningra ko 'orip no pakosiya a tamdaw.
14Pa'oripen Ningra cangra a paliyas nai misamsamay ato miforiforay,
nawhani tadamaan ko pinengneng Ningra to 'orip nangra.
15Nanay mida'oc ko hongti.
Nanay malayap ningra ko tada^kim no Sipa,
nanay mararid a ira ko mitolonay to saki cingraan,
nanay mararid a mapakalmed no Kawas cingra.
16Nanay kadofah ko kinaira no sra to panay,
nanay maldef ko pinaloma i taporoporo,
nanay matiya o kinaira no Lipanon ko nika kadofah,
nanay matiya o nika lnak no talod i palapalaan ko nika lnak no tamdaw no niyaro'.
17Nanay tahada'oc ko ngangan ningra,
nanay matiya o pida'oc no cidal ko nika pida'oc no ngangan ningra,
nanay pakayni i cingraan ko sakalmed no kalofinawlan,
nanay o malmeday cingra wahan no kasakitakit.
18O papahmeken ko Tapang, o Kawas no Israil,
deng Cingra a ccay ko milahciay to kafahka'an a dmak.
19Tahada'ocen a pahmek ko tadamaanay a ngangan Ningra,
nanay maldef i hkal ko nika tadamaan Ningra.
Amin! Amin!
20Mapahrekto ko pitolon ni Tafiti o wawa ni Yisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019