Matay 8
8
O Piadah ni Yis to Malono'ay#8.1 malono'ay (katimol) -- o roma i, mafidoholay (Fata'an). O ciadadaay to katalawan adada no fanges. a Adadaay
(Maroko 1.40-45; Luka 5.12-16)
1Yo maloklon ca Yis nai lotok i, tooren no 'alomanay a finawlan Cingra. 2Itiya i, ira a miraod i ci Yisan ko ccay a malono'ay a tamdaw a mipitosor a mita'ong. Sowal sa cingra, <<Tapangaw, ano o faloco' Iso i, pakakorac#8.2 pakakorac -- o kapaysinan, o katalawan ko adada ningra. Saka, mangalay cingra a makorac ko adada, ta manga'ay a mikapot to tamdaw. Kiso i takowanan,>> saan.
3Laya' sa ci Yis to kamay a mikapa i cingraan. <<O faloco' Ako i tisowanan, kakoracto,>> han Ningra a somowal. Tangsol sa a maadah koya tamdaw. 4Pasowal ci Yis i cingraan, <<Ka'imer. Aka ka somowal i cimacimaan. Katayra kiso i citodongay to ta'ong a patiri' to tireng iso. Ta do^doen ko limo'ot ni Mosi a pacakat to maan i Kawas a pawacay i tamdamdaw to nika korac iso,>> han ni Yis.
O Piadah ni Yis to Matayalay no Kakridan no Sofitay no Loma
(Luka 7.1-10)
5Nanoya, tahira ci Yis i Kapirnaum i, ira a miraod i Cingraan ko kakridan no sofitay no Loma a mingitangit. Sowal sa, 6<<Tapangaw, ma'pi ko matayalay ako. Tata'ang ko pisemsem ningra a mafoti' i loma',>> han ningra.
7Pasowal sa ci Yis, <<Tayra Kako a miadah i cingraan,>> han Ningra.
8Nikawrira, paca'of sa koya kakridan no sofitay no Loma a somowal, <<Tapangaw, caay ka tatodong kako a raoden Iso ko loma' ako. Pasowal han aca ta maadah ko matayalay ako. 9O sakasaan ako a somowal tonini i, mafana' kako, o makowanay no kafafaw kako. Ira ko isafaay ako a sofitay. <Katayra,> ano han ako ko ccay nangra i, tayra. <Katayni,> ano han ako ko roma i, tayni. <Haenen konini,> ano han ako ko koli ako i, do^do saan cingra,>> han ningra.
10Fahka' ci Yis a mitngil tonini a sowal, saka, pasowal sa Cingra toya mitooray i Cingraan a tamdamdaw, <<So'linen Ako a somowal kamo i tini i Israil i, awaayho a ma'araw Ako ko hatiniay a nipiti'er no tamdaw to Kawas,>> han Ningra. 11<<Sowalen Ako kamo, o 'a'aloman ko mamiraod a naiwaliay, nai^tipay a tamdaw a mikapot ca Aprahaman aci Isakan aci Yakopan a malaccay a mikapot a mitahka i Kitakit no Kawas. 12Oya nano masa'osiay to mamicomod i Kitakit no Kawas a finawlan i, o mamafahfah a mapatayra i to'manay i papotal. Itira a tomangic cangra a mingric to wadis,>> han Ningra. 13Pasowal sa ci Yis toya kakridan no sofitay no Loma, <<Olili. Matiya o nipiti'er iso to Kawas ko nika lahci nonini a dmak i tisowanan,>> han Ningra.
Saka, itiyato a maadah koya matayalay ningra.
O Piadah ni Yis to 'Alomanay a Adadaay
(Maroko 1.29-34; Luka 4.38-41)
14Nanoya, tayra ci Yis a micomod i loma' ni Pitiro. Ma'araw Ningra ko nika lalisan no ina no fafahi ni Pitiro a mafoti'. 15Kapa han ni Yis ko kamay ningra i, fasaw sato ko lalisan ningra. Saka, lowad sato cingra a mihamham ci Yisan.
16Yo pisakalafianto i, patayraen no tamdamdaw i ci Yisan ko 'alomanay a maaro'ay no palafoay a tamdaw. Ccay aca ko sowal ni Yis ta mafahfahto koya palafoay a masadak nai cangraan, adahen haca ni Yis ko adadaay a ma^min. 17Onini i, o nika lahci no nisowalan ni Isaya o pali'ayaway to sowal no Kawas toya,
<<Cingra ko mialaay to rarima ita.
Cingra ko mikoyoday to adada ita a masemsem,>> sanay.
O Mamitoor i ci Yisan a Tamdaw
(Luka 9.57-62)
18Minengneng ci Yis to nika 'aloman no tamdaw i taliyok Ningra i, palimo'oten ningra ko nisawawaan a papilacal a tayra i ti:raw a lawac no fanaw. 19Itiya i, ira a miraod i ci Yisan ko ccay a pasifana'ay to Rikec. Sowal sa, <<Singsiaw, ano talacowacowa kiso i, mitoor kako i Tisowanan,>> han ningra.
20Saka, sowal sa ci Yis, <<Ano o koyoto i, ira ko dihif nanira. Ano o ma^ferayto a 'ayam i, ira ko dipong nanira. Nikawrira, awaay ko no Wawa no Tamdaw a patatangalanan,>> han Ningra.
21Ira haca ko ccay a nisawawaan a pasowal ci Yisan, <<Tapangaw, papinokayenho kako a papitadem to mama ako,>> han ningra.
22Paca'of sa ci Yis, <<Toor han Kako. Papitadem han ko mapatayay a tamdaw to mapatayay nangra,>> han Ningra.
O Pipatrep ni Yis to Faliyos
(Maroko 4.35-41; Luka 8.22-25)
23Nanoya, yo midakaw to tamina ci Yis i, mihaklong ko nisawawaan Ningra i Cingraan. 24Itiya i, talifahal sa a ira ko tata'angay a faliyos i fanaw. Matahpo no taplik ko tamina, nikawrira, mafoti' ci Yis. 25Raod han no nisawawaan Cingra a mipalal a somowal, <<Tapangaw, pa'oripen kita, saka'alolanto kita,>> han nangra.
26Sowal sa ci Yis, <<Nawiro matalaw kamo saw? Aya: ko nika tadanca no piti'er namo i Kawas!>> han Ningra. Lowad sato Cingra a mikakter a somowal to fali ato taplik i, sarimadac sato koya fanaw.
27Safahka' sa cangra. Sowal sa, <<O maan hakini konini a tamdaw? Halofali ato taplik a mitngil to sowal Ningra,>> saan.
O Piadah to Tatosaay a Maaro'ay no Palafoay
(Maroko 5.1-20; Luka 8.26-39)
28Nanoya, yo tahira Cingra i ti:raw a lawac no fanaw i Katara hananay a pala i, ira a militmoh i ci Yisan ko nai tademay a tatosaay a maaro'ay no palafoay. O tadamari'angay a tamdaw cangra saka, matalaw ko tamdaw a pakayra toya lalan. 29Paka'araw caira ci Yisan i, tangsol sa caira a micli', sowal sa, <<O Wawa no Kawas, nawiro, tayni Kiso a mirawraw i tamiyanan saw? Caho ka raod ko romi'ad i, tado#8.29 tado -- o roma i, haro (katimol). tayni to Kiso a misemsem i tamiyanan saw?>> saan.
30Tatodong sa, ira i ngata nangra ko 'alomanay a masaflaway a komaenay a fafoy#8.30 fafoy -- o roma i, diyong (katimol).. 31Ngitangiten noya palafoay ci Yis a somowal, <<Ano fahfahen Iso kami a pasadak i, ocoren kami a papicomod tora masaflaway a fafoy,>> han nanira.
32<<Olili!>> han ni Yis a somowal caira i, sadak sato ko palafoay a tayra a micomod toya fafoy. Ta cikay sato koya masaflaway a fafoy a maloklon i tono' a mihitfo i fanaw a ma'alol a mapatayto.
33Laliw sato koya pakaenay to fafoy a tamdamdaw a tayra i niyaro'. Pasowalen nangra a ma^min ko pakayniay i nano dmak noya fafoy atoya maaro'ay no palafoay. 34Itiyasato, masadak a ma^min ko tamdaw no niyaro' a minengneng ci Yisan, yo ma'arawto nangra i, ngitangiten nangra Cingra a papiliyas tona pala nangra.
Currently Selected:
Matay 8: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
Matay 8
8
O Piadah ni Yis to Malono'ay#8.1 malono'ay (katimol) -- o roma i, mafidoholay (Fata'an). O ciadadaay to katalawan adada no fanges. a Adadaay
(Maroko 1.40-45; Luka 5.12-16)
1Yo maloklon ca Yis nai lotok i, tooren no 'alomanay a finawlan Cingra. 2Itiya i, ira a miraod i ci Yisan ko ccay a malono'ay a tamdaw a mipitosor a mita'ong. Sowal sa cingra, <<Tapangaw, ano o faloco' Iso i, pakakorac#8.2 pakakorac -- o kapaysinan, o katalawan ko adada ningra. Saka, mangalay cingra a makorac ko adada, ta manga'ay a mikapot to tamdaw. Kiso i takowanan,>> saan.
3Laya' sa ci Yis to kamay a mikapa i cingraan. <<O faloco' Ako i tisowanan, kakoracto,>> han Ningra a somowal. Tangsol sa a maadah koya tamdaw. 4Pasowal ci Yis i cingraan, <<Ka'imer. Aka ka somowal i cimacimaan. Katayra kiso i citodongay to ta'ong a patiri' to tireng iso. Ta do^doen ko limo'ot ni Mosi a pacakat to maan i Kawas a pawacay i tamdamdaw to nika korac iso,>> han ni Yis.
O Piadah ni Yis to Matayalay no Kakridan no Sofitay no Loma
(Luka 7.1-10)
5Nanoya, tahira ci Yis i Kapirnaum i, ira a miraod i Cingraan ko kakridan no sofitay no Loma a mingitangit. Sowal sa, 6<<Tapangaw, ma'pi ko matayalay ako. Tata'ang ko pisemsem ningra a mafoti' i loma',>> han ningra.
7Pasowal sa ci Yis, <<Tayra Kako a miadah i cingraan,>> han Ningra.
8Nikawrira, paca'of sa koya kakridan no sofitay no Loma a somowal, <<Tapangaw, caay ka tatodong kako a raoden Iso ko loma' ako. Pasowal han aca ta maadah ko matayalay ako. 9O sakasaan ako a somowal tonini i, mafana' kako, o makowanay no kafafaw kako. Ira ko isafaay ako a sofitay. <Katayra,> ano han ako ko ccay nangra i, tayra. <Katayni,> ano han ako ko roma i, tayni. <Haenen konini,> ano han ako ko koli ako i, do^do saan cingra,>> han ningra.
10Fahka' ci Yis a mitngil tonini a sowal, saka, pasowal sa Cingra toya mitooray i Cingraan a tamdamdaw, <<So'linen Ako a somowal kamo i tini i Israil i, awaayho a ma'araw Ako ko hatiniay a nipiti'er no tamdaw to Kawas,>> han Ningra. 11<<Sowalen Ako kamo, o 'a'aloman ko mamiraod a naiwaliay, nai^tipay a tamdaw a mikapot ca Aprahaman aci Isakan aci Yakopan a malaccay a mikapot a mitahka i Kitakit no Kawas. 12Oya nano masa'osiay to mamicomod i Kitakit no Kawas a finawlan i, o mamafahfah a mapatayra i to'manay i papotal. Itira a tomangic cangra a mingric to wadis,>> han Ningra. 13Pasowal sa ci Yis toya kakridan no sofitay no Loma, <<Olili. Matiya o nipiti'er iso to Kawas ko nika lahci nonini a dmak i tisowanan,>> han Ningra.
Saka, itiyato a maadah koya matayalay ningra.
O Piadah ni Yis to 'Alomanay a Adadaay
(Maroko 1.29-34; Luka 4.38-41)
14Nanoya, tayra ci Yis a micomod i loma' ni Pitiro. Ma'araw Ningra ko nika lalisan no ina no fafahi ni Pitiro a mafoti'. 15Kapa han ni Yis ko kamay ningra i, fasaw sato ko lalisan ningra. Saka, lowad sato cingra a mihamham ci Yisan.
16Yo pisakalafianto i, patayraen no tamdamdaw i ci Yisan ko 'alomanay a maaro'ay no palafoay a tamdaw. Ccay aca ko sowal ni Yis ta mafahfahto koya palafoay a masadak nai cangraan, adahen haca ni Yis ko adadaay a ma^min. 17Onini i, o nika lahci no nisowalan ni Isaya o pali'ayaway to sowal no Kawas toya,
<<Cingra ko mialaay to rarima ita.
Cingra ko mikoyoday to adada ita a masemsem,>> sanay.
O Mamitoor i ci Yisan a Tamdaw
(Luka 9.57-62)
18Minengneng ci Yis to nika 'aloman no tamdaw i taliyok Ningra i, palimo'oten ningra ko nisawawaan a papilacal a tayra i ti:raw a lawac no fanaw. 19Itiya i, ira a miraod i ci Yisan ko ccay a pasifana'ay to Rikec. Sowal sa, <<Singsiaw, ano talacowacowa kiso i, mitoor kako i Tisowanan,>> han ningra.
20Saka, sowal sa ci Yis, <<Ano o koyoto i, ira ko dihif nanira. Ano o ma^ferayto a 'ayam i, ira ko dipong nanira. Nikawrira, awaay ko no Wawa no Tamdaw a patatangalanan,>> han Ningra.
21Ira haca ko ccay a nisawawaan a pasowal ci Yisan, <<Tapangaw, papinokayenho kako a papitadem to mama ako,>> han ningra.
22Paca'of sa ci Yis, <<Toor han Kako. Papitadem han ko mapatayay a tamdaw to mapatayay nangra,>> han Ningra.
O Pipatrep ni Yis to Faliyos
(Maroko 4.35-41; Luka 8.22-25)
23Nanoya, yo midakaw to tamina ci Yis i, mihaklong ko nisawawaan Ningra i Cingraan. 24Itiya i, talifahal sa a ira ko tata'angay a faliyos i fanaw. Matahpo no taplik ko tamina, nikawrira, mafoti' ci Yis. 25Raod han no nisawawaan Cingra a mipalal a somowal, <<Tapangaw, pa'oripen kita, saka'alolanto kita,>> han nangra.
26Sowal sa ci Yis, <<Nawiro matalaw kamo saw? Aya: ko nika tadanca no piti'er namo i Kawas!>> han Ningra. Lowad sato Cingra a mikakter a somowal to fali ato taplik i, sarimadac sato koya fanaw.
27Safahka' sa cangra. Sowal sa, <<O maan hakini konini a tamdaw? Halofali ato taplik a mitngil to sowal Ningra,>> saan.
O Piadah to Tatosaay a Maaro'ay no Palafoay
(Maroko 5.1-20; Luka 8.26-39)
28Nanoya, yo tahira Cingra i ti:raw a lawac no fanaw i Katara hananay a pala i, ira a militmoh i ci Yisan ko nai tademay a tatosaay a maaro'ay no palafoay. O tadamari'angay a tamdaw cangra saka, matalaw ko tamdaw a pakayra toya lalan. 29Paka'araw caira ci Yisan i, tangsol sa caira a micli', sowal sa, <<O Wawa no Kawas, nawiro, tayni Kiso a mirawraw i tamiyanan saw? Caho ka raod ko romi'ad i, tado#8.29 tado -- o roma i, haro (katimol). tayni to Kiso a misemsem i tamiyanan saw?>> saan.
30Tatodong sa, ira i ngata nangra ko 'alomanay a masaflaway a komaenay a fafoy#8.30 fafoy -- o roma i, diyong (katimol).. 31Ngitangiten noya palafoay ci Yis a somowal, <<Ano fahfahen Iso kami a pasadak i, ocoren kami a papicomod tora masaflaway a fafoy,>> han nanira.
32<<Olili!>> han ni Yis a somowal caira i, sadak sato ko palafoay a tayra a micomod toya fafoy. Ta cikay sato koya masaflaway a fafoy a maloklon i tono' a mihitfo i fanaw a ma'alol a mapatayto.
33Laliw sato koya pakaenay to fafoy a tamdamdaw a tayra i niyaro'. Pasowalen nangra a ma^min ko pakayniay i nano dmak noya fafoy atoya maaro'ay no palafoay. 34Itiyasato, masadak a ma^min ko tamdaw no niyaro' a minengneng ci Yisan, yo ma'arawto nangra i, ngitangiten nangra Cingra a papiliyas tona pala nangra.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019