Kolosay 3
3
1O nipakapotanto kamo i ci Kristoan a mapalowad a mapa'orip nai patay, saka, pasayraen i kakarayan ko faloco' namo. Nawhani ira itira ci Kristo a maro' i kawanan no Kawas. 2Aka piharateng to no hkalan. Ka o no i kakarayanay ko sasarocoden namo a miharateng. 3Nawhani mapatayayto ko katlangay a faloco' namo. Matiya o nika caho katalahkal no nika tadamaan ni Kristo ko nika caho ka talahkal no so'linay a 'orip ita. Caho ka patalahkalen no Kawas anini konini. 4Ano talahkalto ci Kristo o tatapangan no 'orip namo i, halo amo a talahkal a mikapot ci Kristoan i nika tadamaan Ningra.
O Katlangay ato Fa^lohay a 'Orip
5Orasaka, patayen ko nohkalan a tatiihay a dmak no tireng oya ma'odangay, kaackan a dmak, kasimelangan a dmak, o imah ato masamaamaanay a 'anof. (O 'anof i, o ccay no pita'ong to samiyay.) 6Onini a dmak ko sakakter no Kawas to caay pitoor a tamdaw#3.6 O roma a katlangay a cudad awaay to caay pitoor a tamdaw.. 7Yo masalaloma'ho nonini a dmak kamo i 'ayaw i, hatiniay ko dmak namo.
8Nikawrira, anini sato i, o lalafolafoten aca namo konini a dmak, aka to piliyaw a mafirang, a makter ato mi'intel. Aka somowal to milokesay ato kasimelangan a sowal. 9Aka ka sasisamangah kamo, nawhani mahlongto namo a mifalah ko katlangay a faloco' ato dmak nonini, 10o mica'dongayto kamo to fa^lohay a faloco'. Onini a fa^lohay a faloco' i, o miringiay to misanga'ay a Kawas, masafa^loh a masafa^loh konini to sakasongila'aw namo a mafana' i Cingraan. 11Saka, ano o Krisiyato, ano o Yutayato, ano o makritayto a tamdaw, ano caayto ka krit a tamdaw, ano o maapacayto ko 'orip, ano o kolito, ano caayto ko koli i, awaay ko kasasiroma. Nawhani o mikowanay ci Kristo to kalomaamaan. O maro'ay haca i kahaccaccay no tamdaw Cingra.
12Maolah ko Kawas i tamowanan, pili'en Ningra kamo a malafinawlan Ningra. Saka, ka o adayayay, o sini'adaay, o misapo^neray, o damsayay, o kodaitay ko faloco' namo. 13Ano iraira ko fangafang i, kasasipa'ayaw, kasasisolol. Masamaan ko pisolol no Tapang i tamowanan i, haenen ko no namo a misolol to tao. 14I tini tonini a dmak a ma^min i, pahapinangen ko olah. Nawhani o olah ko misongila'ay a mipalaccay to faloco' no tamdamdaw. 15Ka o rihaday ni Kristo ko mamikowan to faloco' namo. Nawhani o sakapitahidang no Kawas tamowanan a palaccayto tireng namo i, o sakararihadayaw namo. Saka, kararid a mikansiya kamo. 16Rariden a miparo i faloco' namo ko sowal ni Kristo a makadofah. Ka o masamaamaanay a taneng ko sakasasipasifana' namo a mikrid, ka o 'olic ato fangcalay a radiw ato no 'adingoan a radiw to naifaloco'ay namo a pangiha' a mikansiya a pahmek to Kawas. 17O romasato, ano o maanto ko dmak, ano o maanto ko sowal namo i, pakaynien i ngangan no Tapang ci Yis ko sapidmak a ma^min, pakaynien i Cingraan ko nipikansiya to Wama a Kawas.
O Dado^doen no Masafa^lohay a Tamdaw a Dmak
18Kamo o fafahi i, pihaklong to fa'inay namo, nawhani, o dado^do^doen aca no misaKristoay konini.
19Kamo o fa'inay i, kaolahen ko fafahi namo, aka pisafaya' i cangraan.
20Kamo o wawa i, ano o maanto a dmakan i, pitngil to sowal no mama ato ina. Nawhani o kalipahakan no Tapang konini.
21Kamo o mama ato ina i, aka pakasmeren ko wawa iso to saka^caaw ka toled no faloco' nangra.
22Kamo o koli i, ano o maanto a dmakan i, pitngil to sowal no tapang namo. Aka ka o sapa'arawaw aca ko nika lalok namo a matayal to sakahmekaw no tamdaw tamowanan. Ka o so'linay a faloco' ato nika ngodo to Tapang ko nipihaklong namo. 23Ano o maanto a dmakan i, sarocoden ko faloco' namo a matayal. O saki Tapang ko tayal ako, caay ko saki tamdaw, han ko faloco'. 24Kafana' kiso, o mamapakaolah no Tapang kiso to nipatalaan no Tapang to saki finawlan Ningra. Nawhani o matayalay kamo to saki Tapang ci Kristoan. 25O tatiihay a tamdaw i, o mamilayap to tatodong no tatiihay a dmak ningra. Nawhani caay pisakakinih ko Kawas.
Currently Selected:
Kolosay 3: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
Kolosay 3
3
1O nipakapotanto kamo i ci Kristoan a mapalowad a mapa'orip nai patay, saka, pasayraen i kakarayan ko faloco' namo. Nawhani ira itira ci Kristo a maro' i kawanan no Kawas. 2Aka piharateng to no hkalan. Ka o no i kakarayanay ko sasarocoden namo a miharateng. 3Nawhani mapatayayto ko katlangay a faloco' namo. Matiya o nika caho katalahkal no nika tadamaan ni Kristo ko nika caho ka talahkal no so'linay a 'orip ita. Caho ka patalahkalen no Kawas anini konini. 4Ano talahkalto ci Kristo o tatapangan no 'orip namo i, halo amo a talahkal a mikapot ci Kristoan i nika tadamaan Ningra.
O Katlangay ato Fa^lohay a 'Orip
5Orasaka, patayen ko nohkalan a tatiihay a dmak no tireng oya ma'odangay, kaackan a dmak, kasimelangan a dmak, o imah ato masamaamaanay a 'anof. (O 'anof i, o ccay no pita'ong to samiyay.) 6Onini a dmak ko sakakter no Kawas to caay pitoor a tamdaw#3.6 O roma a katlangay a cudad awaay to caay pitoor a tamdaw.. 7Yo masalaloma'ho nonini a dmak kamo i 'ayaw i, hatiniay ko dmak namo.
8Nikawrira, anini sato i, o lalafolafoten aca namo konini a dmak, aka to piliyaw a mafirang, a makter ato mi'intel. Aka somowal to milokesay ato kasimelangan a sowal. 9Aka ka sasisamangah kamo, nawhani mahlongto namo a mifalah ko katlangay a faloco' ato dmak nonini, 10o mica'dongayto kamo to fa^lohay a faloco'. Onini a fa^lohay a faloco' i, o miringiay to misanga'ay a Kawas, masafa^loh a masafa^loh konini to sakasongila'aw namo a mafana' i Cingraan. 11Saka, ano o Krisiyato, ano o Yutayato, ano o makritayto a tamdaw, ano caayto ka krit a tamdaw, ano o maapacayto ko 'orip, ano o kolito, ano caayto ko koli i, awaay ko kasasiroma. Nawhani o mikowanay ci Kristo to kalomaamaan. O maro'ay haca i kahaccaccay no tamdaw Cingra.
12Maolah ko Kawas i tamowanan, pili'en Ningra kamo a malafinawlan Ningra. Saka, ka o adayayay, o sini'adaay, o misapo^neray, o damsayay, o kodaitay ko faloco' namo. 13Ano iraira ko fangafang i, kasasipa'ayaw, kasasisolol. Masamaan ko pisolol no Tapang i tamowanan i, haenen ko no namo a misolol to tao. 14I tini tonini a dmak a ma^min i, pahapinangen ko olah. Nawhani o olah ko misongila'ay a mipalaccay to faloco' no tamdamdaw. 15Ka o rihaday ni Kristo ko mamikowan to faloco' namo. Nawhani o sakapitahidang no Kawas tamowanan a palaccayto tireng namo i, o sakararihadayaw namo. Saka, kararid a mikansiya kamo. 16Rariden a miparo i faloco' namo ko sowal ni Kristo a makadofah. Ka o masamaamaanay a taneng ko sakasasipasifana' namo a mikrid, ka o 'olic ato fangcalay a radiw ato no 'adingoan a radiw to naifaloco'ay namo a pangiha' a mikansiya a pahmek to Kawas. 17O romasato, ano o maanto ko dmak, ano o maanto ko sowal namo i, pakaynien i ngangan no Tapang ci Yis ko sapidmak a ma^min, pakaynien i Cingraan ko nipikansiya to Wama a Kawas.
O Dado^doen no Masafa^lohay a Tamdaw a Dmak
18Kamo o fafahi i, pihaklong to fa'inay namo, nawhani, o dado^do^doen aca no misaKristoay konini.
19Kamo o fa'inay i, kaolahen ko fafahi namo, aka pisafaya' i cangraan.
20Kamo o wawa i, ano o maanto a dmakan i, pitngil to sowal no mama ato ina. Nawhani o kalipahakan no Tapang konini.
21Kamo o mama ato ina i, aka pakasmeren ko wawa iso to saka^caaw ka toled no faloco' nangra.
22Kamo o koli i, ano o maanto a dmakan i, pitngil to sowal no tapang namo. Aka ka o sapa'arawaw aca ko nika lalok namo a matayal to sakahmekaw no tamdaw tamowanan. Ka o so'linay a faloco' ato nika ngodo to Tapang ko nipihaklong namo. 23Ano o maanto a dmakan i, sarocoden ko faloco' namo a matayal. O saki Tapang ko tayal ako, caay ko saki tamdaw, han ko faloco'. 24Kafana' kiso, o mamapakaolah no Tapang kiso to nipatalaan no Tapang to saki finawlan Ningra. Nawhani o matayalay kamo to saki Tapang ci Kristoan. 25O tatiihay a tamdaw i, o mamilayap to tatodong no tatiihay a dmak ningra. Nawhani caay pisakakinih ko Kawas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019