2 Korinto 8
8
O Pipadahof no MisaKristoay
1Salikakaaw, nanay mafana' kamo to nika masamaan ko dmak no Kawas to nano sini'ada Ningra to i Makitoniyaay a kalokiwkay. 2I tini i nika pades nangra to masamaamaanay a mapalifet no Kawas cangra. Nikawrira, tadalipahak cangra. Talacowa o pakoyoc cangra, nikawrira, maolah cangra a padahof. 3Pawacay kako to pikinafalah nangra a pafli, nawhani, lonok saan cangra a padahof, ikaka haca no iraay i tireng nangra ko nipipadahof. 4Mingitangit cangra i tamiyanan to sakanga'ayaw nangra a mikapot to pipadahof a mipadang to mitooray i Yutaya. 5Ikaka no niharatengan niyam ko pipadahof nangra. I 'ayawen nangra ko pipacakat to tireng i Tapang. Ta tooren nangra ko nafaloco'an no Kawas a mipadama tamiyanan. 6Tona misatapangto ci Titus tonini a nga'ayay a tayal saka, papipa'icelen niyam cingra to sapilahciaw namo tonini a mipadahofay a tayal. 7Tadamaan ko nipiti'er namo ci Kristoan, mafana' kamo a somowal, tadamaan ko fana' namo, maolah kamo a mipadang to tao, maolah kamo i tamiyanan. Saka, haenen ko dmak namo tonini a mipadahofay a tayal.
8Onini a sowal ako i, caay ko palimo'otay tamowanan. Mangalay kako a pahapinang to so'linay a olah namo a mipadang. Saka, patinakoen ako kamo to no tao a lalok. 9Mafana'to kamo to mikomi no Tapang ita ci Yis Kristo. Nano tadamaanay ko 'orip Ningra. Nikawrira, malapakoyoc Cingra to sakalmed namo. O sakasaan i, pakayni i nika lapakoyoc Ningra a malacidafongay kamo.
10Pasowal kako to niharatengan ako to pakayniay tonini a padahofay a dmak. Nawhani o sakaci^poc namo konini. I roma a mihca kamo a misatapang tonini a dmak. O namilongocay kamo to sapilahciaw tonini. 11Orasaka, kaimatini kamo a milahci tonini. Samatiyaen o nipisahalaka namo i 'ayaw yo misatapang ko nipilahci namo tonini a mipadahof. Pakaynien i kinaira namo ko nipilahci a mipadahof. 12Ka o tatodong no kinaira no tireng ko sapasadak namo. Ano o nai faloco'ay namo ko nipipadahof namo i, o karahkeran no Kawas konini. Aka ka o nipaci^cian konini a dmak.
13Pakarorayaw ako cangra. Ta matdal ko roray no tao, caay ko nika saan ako. 14O sakalalen namo a madadama konini a dmak. Nawhani kadofah kamo anini. Saka, o papadangen namo ko cango'otay a tamdaw. Nikawrira, ano cango'otto kamo, ano makadofahto cangra i, o papadangen nangra kamo. Ta malalen kamo a madadama. 15Mato sowal a matilid i Fangcalay Cudad,
<<Oya adihayay ko nialaan i, awaay ko rafas.
Oya caay ka adihay ko nialaan i, caay ka cango'ot,>> saan.
Ci Titus ato Kapot Ningra
16O aahowiden ko Kawas. Nawhani pakarokroken Ningra ko faloco' ni Titus a matiya o no niyam a midama to saki tamowanan. 17Caay ko nipihai ningra a ccay to longoc niyam. Tona o malalokay a tamdaw cingra saka, o nai faloco'ay ningra ko sakatayra ningra i tamowanan. 18Ocoren niyam ko ccay a salikaka a papihaklong cingraan. Tona matayal konini a tamdaw to Nga'ayay Ratoh saka, o kakahmekan no kalokiwkay cingra. 19Caay korira a ccay. O nipili'an no kalokiwkay cingra a mipatireng a papikapot i tamiyanan a mirakat a matayal tonini a padahofay a dmak. O sapahmek to Tapang ato sapahapinang to olah no faloco' niyam a mipadang konini a dmak niyam.
20Mina'on kami to saka^caaw pilikaf no tao to pitatoy niyam tonini a sapadahof a payso. 21Onini i, caay ko sakanga'ayaw no dmak a tapalen no Tapang a ccay. O sakanga'ayaw a tapalen no tamdamdaw saan ko harateng niyam.
22Orasaka, ocoren haca niyam ko ccay a salikaka a papihaklong i cangraan. Malifet niyam ko lalok ningra i masamaamaanay a dmak, mafana' kami to nikalalok no faloco' ningra a halipadama to cimacimaanan i masamaamaanay a dmak. Anini sato i, tanektek ko paso'lin ningra i tamowanan, caloh sa to sapipadangan i tamowanan. 23Ci Titus i, o kapot ako a matayal a mipadang i tamowanan. Oya tatosa a mihaklongay cingraan a salikaka i, o taypyaw no kalokiwkay cangra. O pa'dilay ci Kristoan ko tayal nangra. 24Orasaka, pahapinangen ko olah namo i cangraan. Ta mafana' ko kalokiwkay to nika o so'linay ko nika lata'ang niyam to pakayniay i tamowanan.
Currently Selected:
2 Korinto 8: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
2 Korinto 8
8
O Pipadahof no MisaKristoay
1Salikakaaw, nanay mafana' kamo to nika masamaan ko dmak no Kawas to nano sini'ada Ningra to i Makitoniyaay a kalokiwkay. 2I tini i nika pades nangra to masamaamaanay a mapalifet no Kawas cangra. Nikawrira, tadalipahak cangra. Talacowa o pakoyoc cangra, nikawrira, maolah cangra a padahof. 3Pawacay kako to pikinafalah nangra a pafli, nawhani, lonok saan cangra a padahof, ikaka haca no iraay i tireng nangra ko nipipadahof. 4Mingitangit cangra i tamiyanan to sakanga'ayaw nangra a mikapot to pipadahof a mipadang to mitooray i Yutaya. 5Ikaka no niharatengan niyam ko pipadahof nangra. I 'ayawen nangra ko pipacakat to tireng i Tapang. Ta tooren nangra ko nafaloco'an no Kawas a mipadama tamiyanan. 6Tona misatapangto ci Titus tonini a nga'ayay a tayal saka, papipa'icelen niyam cingra to sapilahciaw namo tonini a mipadahofay a tayal. 7Tadamaan ko nipiti'er namo ci Kristoan, mafana' kamo a somowal, tadamaan ko fana' namo, maolah kamo a mipadang to tao, maolah kamo i tamiyanan. Saka, haenen ko dmak namo tonini a mipadahofay a tayal.
8Onini a sowal ako i, caay ko palimo'otay tamowanan. Mangalay kako a pahapinang to so'linay a olah namo a mipadang. Saka, patinakoen ako kamo to no tao a lalok. 9Mafana'to kamo to mikomi no Tapang ita ci Yis Kristo. Nano tadamaanay ko 'orip Ningra. Nikawrira, malapakoyoc Cingra to sakalmed namo. O sakasaan i, pakayni i nika lapakoyoc Ningra a malacidafongay kamo.
10Pasowal kako to niharatengan ako to pakayniay tonini a padahofay a dmak. Nawhani o sakaci^poc namo konini. I roma a mihca kamo a misatapang tonini a dmak. O namilongocay kamo to sapilahciaw tonini. 11Orasaka, kaimatini kamo a milahci tonini. Samatiyaen o nipisahalaka namo i 'ayaw yo misatapang ko nipilahci namo tonini a mipadahof. Pakaynien i kinaira namo ko nipilahci a mipadahof. 12Ka o tatodong no kinaira no tireng ko sapasadak namo. Ano o nai faloco'ay namo ko nipipadahof namo i, o karahkeran no Kawas konini. Aka ka o nipaci^cian konini a dmak.
13Pakarorayaw ako cangra. Ta matdal ko roray no tao, caay ko nika saan ako. 14O sakalalen namo a madadama konini a dmak. Nawhani kadofah kamo anini. Saka, o papadangen namo ko cango'otay a tamdaw. Nikawrira, ano cango'otto kamo, ano makadofahto cangra i, o papadangen nangra kamo. Ta malalen kamo a madadama. 15Mato sowal a matilid i Fangcalay Cudad,
<<Oya adihayay ko nialaan i, awaay ko rafas.
Oya caay ka adihay ko nialaan i, caay ka cango'ot,>> saan.
Ci Titus ato Kapot Ningra
16O aahowiden ko Kawas. Nawhani pakarokroken Ningra ko faloco' ni Titus a matiya o no niyam a midama to saki tamowanan. 17Caay ko nipihai ningra a ccay to longoc niyam. Tona o malalokay a tamdaw cingra saka, o nai faloco'ay ningra ko sakatayra ningra i tamowanan. 18Ocoren niyam ko ccay a salikaka a papihaklong cingraan. Tona matayal konini a tamdaw to Nga'ayay Ratoh saka, o kakahmekan no kalokiwkay cingra. 19Caay korira a ccay. O nipili'an no kalokiwkay cingra a mipatireng a papikapot i tamiyanan a mirakat a matayal tonini a padahofay a dmak. O sapahmek to Tapang ato sapahapinang to olah no faloco' niyam a mipadang konini a dmak niyam.
20Mina'on kami to saka^caaw pilikaf no tao to pitatoy niyam tonini a sapadahof a payso. 21Onini i, caay ko sakanga'ayaw no dmak a tapalen no Tapang a ccay. O sakanga'ayaw a tapalen no tamdamdaw saan ko harateng niyam.
22Orasaka, ocoren haca niyam ko ccay a salikaka a papihaklong i cangraan. Malifet niyam ko lalok ningra i masamaamaanay a dmak, mafana' kami to nikalalok no faloco' ningra a halipadama to cimacimaanan i masamaamaanay a dmak. Anini sato i, tanektek ko paso'lin ningra i tamowanan, caloh sa to sapipadangan i tamowanan. 23Ci Titus i, o kapot ako a matayal a mipadang i tamowanan. Oya tatosa a mihaklongay cingraan a salikaka i, o taypyaw no kalokiwkay cangra. O pa'dilay ci Kristoan ko tayal nangra. 24Orasaka, pahapinangen ko olah namo i cangraan. Ta mafana' ko kalokiwkay to nika o so'linay ko nika lata'ang niyam to pakayniay i tamowanan.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019