2 Korinto 5
5
1Ano matastastas ko i tiniay i hkal a todong no cahong ita a tireng i, mafana' kita to nika ira ko nipatalaan no Kawas to nisanga'an Ningra a mida'ocay a malokamaro'an ita a loma' i kakarayan. 2Tomangic kita anini i tini tonini a todong no cahong ita a tatirengan a milongoc to sapica'dongaw ita to i kakarayanay a loma' o todong no fa^lohay a tireng ita. 3Ano ca'dongen ita konini i, caay ko salo'afang a ccay, o citirengay kita. 4Kita o i tiniay tona cahong i, matiya o mi'orongay to kartengay a tomangic. Caay ko nika ngalay ita a mihlong tonini a cahong. Mangalay kita a mapaca'dong no Kawas to i kakarayanay a tireng. Ta mapatisod to ma'oripay ko mamapatay a tireng ita. 5O Kawas ko mipatalaay to sakanga'ay ita a mafalic. Cingra ko pafliay i titaanan to Fangcalay 'Adingo to malokacipinangan ita to nika o mamalahci ko nisowalan Ningra i titaanan a ma^min.
6Orasaka, mararid a ki^mel ko faloco' niyam. Mafana' kami, yo i tiniho tonini a tatirengan kami i, caayho ka itira kami i nipatalaan no Tapang a loma'. 7Nawhani caay ko ma'araway ko pi'arawan niyam. O nano piti'er niyam ci Kristoan ko sapidmak niyam. 8Ki^mel ko faloco' niyam. Saka, o piliyas tonini a tatirengan a mikapot to Tapang ko nga'ay saan ko harateng niyam. 9Nikawrira, caay ko kakalimlaan ko nika i tini niyam i tatirengan ato nipiliyas niyam to tatirengan. O patosokan no faloco' niyam i, o sapalipahakaw to Tapang. 10O tatayra kita a ma^min a tomireng i ka'ayaw ni Kristo a masawkit. Ano masamaan ko dmak no paytmek ita yo i hkalho, ano o nga'ayayto, ano o tatiihayto i, pakayni tonini ko pilayap ita to tatodong no dmak ita.
O Nika Lali'ay ita ato Kawas Pakayni ci Kristoan
11Tona mafana' kami to nika o kakangodoan ko Tapang saka, soloten niyam ko faloco' no tamdaw a papipaso'lin. Mafana' ko Kawas to dmak niyam a ma^min. Nanay halofaloco' namo a mafana' takowanan. 12Caay ko miliyaway kami a pakafana' i tamowanan to pakayniay i tamiyanan. Deng o longoc niyam i, nanay ira ko kalata'angan namo to pakayniay i tamiyanan. Ta ira ko sapaca'of namo toya mahmekay to papotal aca, o caay ko pinangan no tamdaw ko ninengnengan. 13Ano so'linay o maapaay kami a nengnengen namo i, o nano nika tayal niyam to no Kawas konini. Ano masatamdaway kami a nengnengen namo i, o sakanga'ay namo konini. 14O makowanay no olah ni Kristo kami. Nawhani mafana'to kami, mapatay ko ccay a tamdaw to saki polong no tamdaw. Saka, o mapakapotay ko polong no tamdaw ci Kristoan a mapatay. 15O nika patay Ningra to saki polong no tamdaw i, o saka^caawto pido^do no tamdaw to no tirengan a harateng. O sakapido^doaw nangra to faloco' noya mipatodongay cangraan a mapatay a lomowaday a ma'orip nai patay.
16Orasaka, i ikor nonini caayto samatiyaen niyam o pinengneng no kalotamdaw ko pinengneng niyam to sakafana' to tamdaw. Ano matiyatiya o pinengneng no kalotamdaw ko nipinengneng niyam ci Kristoan i ti:yaho, nikawrira, caayto ka haenen niyam ko pinengneng i Cingraan anini. 17Ano mapalaccay aci Kristo ko cima a tamdaw i, o fa^lohayto a tamdaw cingra. Malasawadto ko matlangay a pinangan ningra, ta masafa^lohto cingra. 18O nano Kawas a dmak konini a ma^min. Pakaynien no Kawas i ci Kristoan ko sakalali'ay ita ato Cingra. Patoroden Ningra i titaanan ko sakalali'ay Ningra ato tamdaw a tayal. 19Pakaynien no Kawas i ci Kristoan ko sakalali'ay Ningra ato tamdamdaw.#5.19 Pakaynien no Kawas i ci Kristoan ko sakalali'ay Ningra ato tamdamdaw -- ano ^ca i, I ci Kristoan ko Kawas a palowadto sakalali'ay ita a makakafit i Cingraan. Caayto haratengen no Kawas ko raraw nangra. O romasato, patoroden Ningra i tamiyanan konini a sakalali'ay Ningra ato tamdaw a sowal.
20O tarokos ni Kristo kami. Pakaynien no Kawas i tamiyanan ko nipipa'icel i tamowanan. Saka, patadoen niyam ci Kristo a milongoc to sakalali'ayaw namo ato Kawas. 21Awaay ko raraw ni Kristo. Nikawrira, ci Kristo ko nipastekan no Kawas i raraw to nano raraw ita. Ta pakayni i nika laccay ita aci Kristo a malamilcaday kita to mo^celay a pinangan no Kawas.
Currently Selected:
2 Korinto 5: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
2 Korinto 5
5
1Ano matastastas ko i tiniay i hkal a todong no cahong ita a tireng i, mafana' kita to nika ira ko nipatalaan no Kawas to nisanga'an Ningra a mida'ocay a malokamaro'an ita a loma' i kakarayan. 2Tomangic kita anini i tini tonini a todong no cahong ita a tatirengan a milongoc to sapica'dongaw ita to i kakarayanay a loma' o todong no fa^lohay a tireng ita. 3Ano ca'dongen ita konini i, caay ko salo'afang a ccay, o citirengay kita. 4Kita o i tiniay tona cahong i, matiya o mi'orongay to kartengay a tomangic. Caay ko nika ngalay ita a mihlong tonini a cahong. Mangalay kita a mapaca'dong no Kawas to i kakarayanay a tireng. Ta mapatisod to ma'oripay ko mamapatay a tireng ita. 5O Kawas ko mipatalaay to sakanga'ay ita a mafalic. Cingra ko pafliay i titaanan to Fangcalay 'Adingo to malokacipinangan ita to nika o mamalahci ko nisowalan Ningra i titaanan a ma^min.
6Orasaka, mararid a ki^mel ko faloco' niyam. Mafana' kami, yo i tiniho tonini a tatirengan kami i, caayho ka itira kami i nipatalaan no Tapang a loma'. 7Nawhani caay ko ma'araway ko pi'arawan niyam. O nano piti'er niyam ci Kristoan ko sapidmak niyam. 8Ki^mel ko faloco' niyam. Saka, o piliyas tonini a tatirengan a mikapot to Tapang ko nga'ay saan ko harateng niyam. 9Nikawrira, caay ko kakalimlaan ko nika i tini niyam i tatirengan ato nipiliyas niyam to tatirengan. O patosokan no faloco' niyam i, o sapalipahakaw to Tapang. 10O tatayra kita a ma^min a tomireng i ka'ayaw ni Kristo a masawkit. Ano masamaan ko dmak no paytmek ita yo i hkalho, ano o nga'ayayto, ano o tatiihayto i, pakayni tonini ko pilayap ita to tatodong no dmak ita.
O Nika Lali'ay ita ato Kawas Pakayni ci Kristoan
11Tona mafana' kami to nika o kakangodoan ko Tapang saka, soloten niyam ko faloco' no tamdaw a papipaso'lin. Mafana' ko Kawas to dmak niyam a ma^min. Nanay halofaloco' namo a mafana' takowanan. 12Caay ko miliyaway kami a pakafana' i tamowanan to pakayniay i tamiyanan. Deng o longoc niyam i, nanay ira ko kalata'angan namo to pakayniay i tamiyanan. Ta ira ko sapaca'of namo toya mahmekay to papotal aca, o caay ko pinangan no tamdaw ko ninengnengan. 13Ano so'linay o maapaay kami a nengnengen namo i, o nano nika tayal niyam to no Kawas konini. Ano masatamdaway kami a nengnengen namo i, o sakanga'ay namo konini. 14O makowanay no olah ni Kristo kami. Nawhani mafana'to kami, mapatay ko ccay a tamdaw to saki polong no tamdaw. Saka, o mapakapotay ko polong no tamdaw ci Kristoan a mapatay. 15O nika patay Ningra to saki polong no tamdaw i, o saka^caawto pido^do no tamdaw to no tirengan a harateng. O sakapido^doaw nangra to faloco' noya mipatodongay cangraan a mapatay a lomowaday a ma'orip nai patay.
16Orasaka, i ikor nonini caayto samatiyaen niyam o pinengneng no kalotamdaw ko pinengneng niyam to sakafana' to tamdaw. Ano matiyatiya o pinengneng no kalotamdaw ko nipinengneng niyam ci Kristoan i ti:yaho, nikawrira, caayto ka haenen niyam ko pinengneng i Cingraan anini. 17Ano mapalaccay aci Kristo ko cima a tamdaw i, o fa^lohayto a tamdaw cingra. Malasawadto ko matlangay a pinangan ningra, ta masafa^lohto cingra. 18O nano Kawas a dmak konini a ma^min. Pakaynien no Kawas i ci Kristoan ko sakalali'ay ita ato Cingra. Patoroden Ningra i titaanan ko sakalali'ay Ningra ato tamdaw a tayal. 19Pakaynien no Kawas i ci Kristoan ko sakalali'ay Ningra ato tamdamdaw.#5.19 Pakaynien no Kawas i ci Kristoan ko sakalali'ay Ningra ato tamdamdaw -- ano ^ca i, I ci Kristoan ko Kawas a palowadto sakalali'ay ita a makakafit i Cingraan. Caayto haratengen no Kawas ko raraw nangra. O romasato, patoroden Ningra i tamiyanan konini a sakalali'ay Ningra ato tamdaw a sowal.
20O tarokos ni Kristo kami. Pakaynien no Kawas i tamiyanan ko nipipa'icel i tamowanan. Saka, patadoen niyam ci Kristo a milongoc to sakalali'ayaw namo ato Kawas. 21Awaay ko raraw ni Kristo. Nikawrira, ci Kristo ko nipastekan no Kawas i raraw to nano raraw ita. Ta pakayni i nika laccay ita aci Kristo a malamilcaday kita to mo^celay a pinangan no Kawas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019