2 Korinto 3
3
O Matayalay to Saki Fa^lohay a Katatlekan
1Matiya o palatadamaanay kami to tireng niyam saw? Matiya o roma a tamdaw kami a milongoc to sapakafana' i tamowanan a tilid ato nai tamowananay a sapakafana' a tilid saw? 2O sapakafana' niyam to pakayniay i tamiyanan a tilid i, o kamo. Ira i faloco' niyam konini to maloaasipen no 'alomanay a tamdaw. 3Mahapinang ko nika o nitilidan ni Kristo konini. O kami ko pasadakay. Caay ko nano nitilidan to ingki i masasapaday a fokloh, o nano nitilidan no todong no tireng no ma'oripay a 'Adingo no Kawas i faloco' no tamdaw konini a tilid. 4O sakasaan niyam a somowal i, o nika tanektek no faloco' niyam a paso'lin to Kawas pakayni ci Kristoan. 5O ma^dengayto kako a midmak to maamaan, caay ka saan ko harateng niyam. O nai Kawasay a 'icel ko sapidmak niyam. 6O Kawas ko pa'icelay i tamiyanan a pakatayal to saki fa^lohay a katatlekan. Caay ko no tilid, o no Fangcalay 'Adingo a nikatatlekan konini. Nawhani mipatay to tamdaw ko nitilidan a rikec. Pa'orip to tamdaw ko Fangcalay 'Adingo.
7O nito^to'an a mitilid i masasapaday a fokloh ko Rikec no Kawas. Yo mipafli tonini i, ma'araw ko 'dil no Kawas. Pakayni tonini ko sakatdi no pising ni Mosi. Talacowa sakalahdawan koya 'dil i pising ningra, nikawrira, ci'icelho a matdi saka, ma'ceng ko mata no finawlan no Israil a minengneng ci Mosian. Ano hatira ko 'icel no mipatayay a Rikec a patalahkal to tadamaanay a 'dil no Kawas i, 8caay ka ngalef ko nika tadamaan no tayal no Fangcalay 'Adingo a ma'dil hakiya? 9Ano saka ci'dil ko tayal no mipastekay to tamdaw i raraw a Rikec i, oya paratohay to palasawaday to raraw no tamdaw a palamo^celay a tayal i, ikaka haca ko nika tadamaan no 'dil. 10Tona ira ko tadamaanay a 'dil anini saka, malasawadto ko iti:yaayho a 'dil. 11Ano ci'dil ko pasamoay a dmak i, mangalef ko nika ci'dil no marariday a dmak.
12Ira ko hatiniay a pafaloco'an niyam saka, caay paska kami a somowal. 13Caay ka matiya kami ci Mosian a citapodo a mitahpo to pising, to saka^caaw paka'araw no finawlan no Israil to nika lahdaw noya 'dil. 14Nikawrira, caay ka fohat ko faloco' no Israil a tamdaw itiya. Yo miasip to katlangay a katatlekan a cudad cangra i, tahanini a matahpoho no tapodo ko faloco' nangra. Nawhani deng pakayni i nika laccay no tamdaw aci Kristo itiya a mafohat koya tapodo. 15Tahanini i, yo miasip cangra to Rikec ni Mosi, matahpoho no tapodo ko faloco' nangra. 16Nikawrira, mato sowal i Fangcalay Cudad, <<Yo tayra ci Mosi i ka'ayaw no Tapang i, matfadto ko satahpo a tapodo i pising ningra,>> saan.#3.16 ano ^ca i, onini a tosir a pifalic, Nikawrira, ano i hacowa to i, yo pasasiyor ko tamdaw i Tapang i, maalananto koya satahpo. 17O sowal tona <<Tapang>> hananay i, o Fangcalay 'Adingo. O iraay ko 'Adingo no Tapang i, lonok sa koya tamdaw a midmak. 18Mafalah ko tapodo nai pising ita a ma^min. Saka, matiya o nipipatdi no dadingoan ko nipipatdi ita to 'dil no Tapang. Matdi a matdi a mafalic kita a miringi i Cingraan. Onini i, o nano tayal no todong no tireng no Tapang a Fangcalay 'Adingo.
Currently Selected:
2 Korinto 3: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
2 Korinto 3
3
O Matayalay to Saki Fa^lohay a Katatlekan
1Matiya o palatadamaanay kami to tireng niyam saw? Matiya o roma a tamdaw kami a milongoc to sapakafana' i tamowanan a tilid ato nai tamowananay a sapakafana' a tilid saw? 2O sapakafana' niyam to pakayniay i tamiyanan a tilid i, o kamo. Ira i faloco' niyam konini to maloaasipen no 'alomanay a tamdaw. 3Mahapinang ko nika o nitilidan ni Kristo konini. O kami ko pasadakay. Caay ko nano nitilidan to ingki i masasapaday a fokloh, o nano nitilidan no todong no tireng no ma'oripay a 'Adingo no Kawas i faloco' no tamdaw konini a tilid. 4O sakasaan niyam a somowal i, o nika tanektek no faloco' niyam a paso'lin to Kawas pakayni ci Kristoan. 5O ma^dengayto kako a midmak to maamaan, caay ka saan ko harateng niyam. O nai Kawasay a 'icel ko sapidmak niyam. 6O Kawas ko pa'icelay i tamiyanan a pakatayal to saki fa^lohay a katatlekan. Caay ko no tilid, o no Fangcalay 'Adingo a nikatatlekan konini. Nawhani mipatay to tamdaw ko nitilidan a rikec. Pa'orip to tamdaw ko Fangcalay 'Adingo.
7O nito^to'an a mitilid i masasapaday a fokloh ko Rikec no Kawas. Yo mipafli tonini i, ma'araw ko 'dil no Kawas. Pakayni tonini ko sakatdi no pising ni Mosi. Talacowa sakalahdawan koya 'dil i pising ningra, nikawrira, ci'icelho a matdi saka, ma'ceng ko mata no finawlan no Israil a minengneng ci Mosian. Ano hatira ko 'icel no mipatayay a Rikec a patalahkal to tadamaanay a 'dil no Kawas i, 8caay ka ngalef ko nika tadamaan no tayal no Fangcalay 'Adingo a ma'dil hakiya? 9Ano saka ci'dil ko tayal no mipastekay to tamdaw i raraw a Rikec i, oya paratohay to palasawaday to raraw no tamdaw a palamo^celay a tayal i, ikaka haca ko nika tadamaan no 'dil. 10Tona ira ko tadamaanay a 'dil anini saka, malasawadto ko iti:yaayho a 'dil. 11Ano ci'dil ko pasamoay a dmak i, mangalef ko nika ci'dil no marariday a dmak.
12Ira ko hatiniay a pafaloco'an niyam saka, caay paska kami a somowal. 13Caay ka matiya kami ci Mosian a citapodo a mitahpo to pising, to saka^caaw paka'araw no finawlan no Israil to nika lahdaw noya 'dil. 14Nikawrira, caay ka fohat ko faloco' no Israil a tamdaw itiya. Yo miasip to katlangay a katatlekan a cudad cangra i, tahanini a matahpoho no tapodo ko faloco' nangra. Nawhani deng pakayni i nika laccay no tamdaw aci Kristo itiya a mafohat koya tapodo. 15Tahanini i, yo miasip cangra to Rikec ni Mosi, matahpoho no tapodo ko faloco' nangra. 16Nikawrira, mato sowal i Fangcalay Cudad, <<Yo tayra ci Mosi i ka'ayaw no Tapang i, matfadto ko satahpo a tapodo i pising ningra,>> saan.#3.16 ano ^ca i, onini a tosir a pifalic, Nikawrira, ano i hacowa to i, yo pasasiyor ko tamdaw i Tapang i, maalananto koya satahpo. 17O sowal tona <<Tapang>> hananay i, o Fangcalay 'Adingo. O iraay ko 'Adingo no Tapang i, lonok sa koya tamdaw a midmak. 18Mafalah ko tapodo nai pising ita a ma^min. Saka, matiya o nipipatdi no dadingoan ko nipipatdi ita to 'dil no Tapang. Matdi a matdi a mafalic kita a miringi i Cingraan. Onini i, o nano tayal no todong no tireng no Tapang a Fangcalay 'Adingo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019