1 Korinto 6
6
O Kacacoli no Salikaka ato Salikaka
1Ano ira i tamowanan ko cifangafangay a mitooray a macacoli to mitoorayto i, nawiro, paci^ci sa cangra a papisawkit i caayho paso'lin to Tapang a misawkitay a tamdaw a caay patayra i mitooray a papisawkit saw? 2Caay ka fana' kamo saw to nika o mamisawkit to hkal ko mitooray? O mamisawkit kamo to tamdamdaw i, nawiro caay pakasawkit kamo to mimingay a fangafang saw? 3Caay ka fana' kamo saw to nika o mamasawkit ita ko coyoh? Orasaka, mangalef ko nika ma^deng kita a misawkit to kalofangafang no tamdaw. 4'Arawhani, ira ko hatiniay a dmak i, nawiro papisawkiten namo ko ka'osian no kiwkay a tamdaw saw? 5O sakasaan ako a somowal tonini i, o sapakangodoaw i tamowanan. Tadaawa sato a mimaan ko ccaccay aca namo to citanengay a tamdaw to mama^deng a misanga' to kacacoli no salikaka 6iro masasipakokot ko salikaka a tayra i caayho paso'lin to Tapang a tamdaw a papisawkit.
7Ora kasasipakokot namo ko kacipinangan to nika tfad namo. Nawiro hadidi caay ka saan kamo to nipisatatiih no tao i tamowanan saw? Nawiro kinasipon caay ka saan kamo saw? 8'Arawhani, kamo kora tatiihay ko dmak a misafana'. O salikakato ko nihaenan namo. 9Caay ka fana' kamo saw to nika caay ko mamalafinawlan no Kitakit no Kawas ko tatiihay a tamdaw? Aka ka safana' kamo. O ma'amlasay a tamdaw, o mita'ongay to samiyay, o ma'odangay a tamdaw, o masasikalonaay a fa'inayan, o ma'otitay, 10o mitakaway, o ma'anofay, o malasangay no ^pah, o milokesay ato milihiway a tamdaw a ma^min i, caay ko mamalafinawlan no Kitakit no Kawas. 11Hatiraay ko romaroma namo i ti:yaho. Nikawrira, pakayni i ngangan no Tapang ci Yis Kristo ato 'Adingo no Kawas ita ko sakasawsaw no raraw namo ato sakafangcal namo a mapacakat i Kawas ato sakanga'ay namo a malayap no Kawas.
O Tireng Namo ko Sapahmek to Kawas
12O sowal no roma a tamdaw i, <<Ano o maanto a dmakan i, manga'ay kako a midmak,>> saan. Hai, nikawrira, caay ka ^min a malasakaci^poc iso ko dmak. Ano kakoto i, manga'ay kako a midmak to maamaan a dmak. Nikawrira, caay ko mamalakoli no maan aca a dmak kako. 13O sowal no roma a tamdaw i, <<O saki tiyad ko kakaenen. O saki kakaenen ko tiyad,>> saan. Hai, nikawrira, o papalasawaden no Kawas konini a tosa. Caay ko sapi'odang ko tireng ita. O mamatayal to no Tapang ko tireng ita. O pa'ayaway to tireng ita ko Tapang. 14O mipalowaday ko Kawas a pa'orip to Tapang nai patay. Malcad tonini ko 'icel Ningra a palowad titaanan a pa'orip nai patay.
15Caay ka fana' kamo saw to nika o ccay no tireng ni Kristo ko tireng namo? Manga'ay a alaen ako ko ccay no tireng ni Kristo a patongod i tireng no tasalamaan a fafahiyan saw? Caay ka nga'ay! 16Caay ka fana' kamo saw, o midi'iay to tasalamaan a fafahiyan i, o malaccayayto ko tireng nangra? Nawhani mato sowal a matilid i Fangcalay Cudad, <<O mamalaccayto ko tireng noya tatosaay,>> saan. 17Nikawrira, ano misiket ko tamdaw i Tapang i, o malaccayayto ko 'adingo nangra.
18Liyasen ko ma'odangay a dmak. O kaciraraw no tamdaw to masamaamaanay i, caay ko tatirengan ningra ko makari'angay ningra. Nikawrira, o ma'odangay a tamdaw i, o miri'angay cingra to tireng ningra a pararaw. 19Caay ka fana' kamo saw to nika o loma' no Fangcalay 'Adingo ko tireng namo? O nipaflian no Kawas tamowanan a Fangcalay 'Adingo ko maro'ay i tamowanan. Saka, caayto ko no namo ko tireng namo. O no Kawasto ko tireng namo. 20O ni'acaanto no Kawas kamo. Orasaka, ka o tireng namo ko sapahmek to Kawas.
Currently Selected:
1 Korinto 6: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
1 Korinto 6
6
O Kacacoli no Salikaka ato Salikaka
1Ano ira i tamowanan ko cifangafangay a mitooray a macacoli to mitoorayto i, nawiro, paci^ci sa cangra a papisawkit i caayho paso'lin to Tapang a misawkitay a tamdaw a caay patayra i mitooray a papisawkit saw? 2Caay ka fana' kamo saw to nika o mamisawkit to hkal ko mitooray? O mamisawkit kamo to tamdamdaw i, nawiro caay pakasawkit kamo to mimingay a fangafang saw? 3Caay ka fana' kamo saw to nika o mamasawkit ita ko coyoh? Orasaka, mangalef ko nika ma^deng kita a misawkit to kalofangafang no tamdaw. 4'Arawhani, ira ko hatiniay a dmak i, nawiro papisawkiten namo ko ka'osian no kiwkay a tamdaw saw? 5O sakasaan ako a somowal tonini i, o sapakangodoaw i tamowanan. Tadaawa sato a mimaan ko ccaccay aca namo to citanengay a tamdaw to mama^deng a misanga' to kacacoli no salikaka 6iro masasipakokot ko salikaka a tayra i caayho paso'lin to Tapang a tamdaw a papisawkit.
7Ora kasasipakokot namo ko kacipinangan to nika tfad namo. Nawiro hadidi caay ka saan kamo to nipisatatiih no tao i tamowanan saw? Nawiro kinasipon caay ka saan kamo saw? 8'Arawhani, kamo kora tatiihay ko dmak a misafana'. O salikakato ko nihaenan namo. 9Caay ka fana' kamo saw to nika caay ko mamalafinawlan no Kitakit no Kawas ko tatiihay a tamdaw? Aka ka safana' kamo. O ma'amlasay a tamdaw, o mita'ongay to samiyay, o ma'odangay a tamdaw, o masasikalonaay a fa'inayan, o ma'otitay, 10o mitakaway, o ma'anofay, o malasangay no ^pah, o milokesay ato milihiway a tamdaw a ma^min i, caay ko mamalafinawlan no Kitakit no Kawas. 11Hatiraay ko romaroma namo i ti:yaho. Nikawrira, pakayni i ngangan no Tapang ci Yis Kristo ato 'Adingo no Kawas ita ko sakasawsaw no raraw namo ato sakafangcal namo a mapacakat i Kawas ato sakanga'ay namo a malayap no Kawas.
O Tireng Namo ko Sapahmek to Kawas
12O sowal no roma a tamdaw i, <<Ano o maanto a dmakan i, manga'ay kako a midmak,>> saan. Hai, nikawrira, caay ka ^min a malasakaci^poc iso ko dmak. Ano kakoto i, manga'ay kako a midmak to maamaan a dmak. Nikawrira, caay ko mamalakoli no maan aca a dmak kako. 13O sowal no roma a tamdaw i, <<O saki tiyad ko kakaenen. O saki kakaenen ko tiyad,>> saan. Hai, nikawrira, o papalasawaden no Kawas konini a tosa. Caay ko sapi'odang ko tireng ita. O mamatayal to no Tapang ko tireng ita. O pa'ayaway to tireng ita ko Tapang. 14O mipalowaday ko Kawas a pa'orip to Tapang nai patay. Malcad tonini ko 'icel Ningra a palowad titaanan a pa'orip nai patay.
15Caay ka fana' kamo saw to nika o ccay no tireng ni Kristo ko tireng namo? Manga'ay a alaen ako ko ccay no tireng ni Kristo a patongod i tireng no tasalamaan a fafahiyan saw? Caay ka nga'ay! 16Caay ka fana' kamo saw, o midi'iay to tasalamaan a fafahiyan i, o malaccayayto ko tireng nangra? Nawhani mato sowal a matilid i Fangcalay Cudad, <<O mamalaccayto ko tireng noya tatosaay,>> saan. 17Nikawrira, ano misiket ko tamdaw i Tapang i, o malaccayayto ko 'adingo nangra.
18Liyasen ko ma'odangay a dmak. O kaciraraw no tamdaw to masamaamaanay i, caay ko tatirengan ningra ko makari'angay ningra. Nikawrira, o ma'odangay a tamdaw i, o miri'angay cingra to tireng ningra a pararaw. 19Caay ka fana' kamo saw to nika o loma' no Fangcalay 'Adingo ko tireng namo? O nipaflian no Kawas tamowanan a Fangcalay 'Adingo ko maro'ay i tamowanan. Saka, caayto ko no namo ko tireng namo. O no Kawasto ko tireng namo. 20O ni'acaanto no Kawas kamo. Orasaka, ka o tireng namo ko sapahmek to Kawas.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019