1 Korinto 4
4
O Tarokos ni Kristo
1O mipadangay to tayal ni Kristo a koli, ato citodongay a mitadtad to pakakmoday a dmak no Kawas a matayalay han ko pinengneng i tamiyanan. 2Saka, o nisa^lian no Tapang i matayalay i, o nika so'lin no faloco' ningra a matayal. 3Nikawrira, o pipastek namo ato no tamdawan a pinengneng namo i takowanan i, caay pikihar kako. Halo ako a caay pipastek to tireng ako. 4Talacowa makoracay ko faloco' ako saan kako, nikawrira, caay konini ko wacay to nika awa no raraw ako. Dengan o Tapang ko mamisawkit i takowanan. 5Orasaka, ano caho ka raod ko romi'ad, aka piki'ayaw kamo a mipastek i cimacimaan. Ka o nipitala a ccay to sakatayni no Tapang. O papatalahkalen Ningra ko nisimedan a dmak. Halo i laloma'ay no faloco' no tamdaw a harateng a mapatalahkal Ningra itiya. O dmak no kahaccaccay ko pi'arawan no Kawas a mahmek toya tamdaw.
6Salikakaaw, kako aci Apolos ko nisowalan ako a patinako tonini i tamowanan. Nga'ay mafana' kamo to tatodong no a 'imeren a sowal no Fangcalay Cudad. Ta caay ka lata'ang kamo to ccay a tamdaw, caay pi^pec kamo to roma a tamdaw. 7Cima ko <<mikikakaay iso to tao,>> sanay tisowanan saw? Caay ko nano nipaflian no Kawas koya iraay i tisowanan a ma^min saw? Ano hatira i, nawiro malata'ang kiso saw a mipalanotireng to nano Kawas a nipaflian?
8Marnecto kamo. Malacidafongayto kamo. Saka, wanik han namo kami a malahongti. O longoc ako i, o nika so'lin namo a malahongti ko nga'ay ta manga'ay kami a mikapot i tamowanan a malahongti. 9O harateng ako i, matiya o sapa'araw no Kawas i polong no tamdamdaw ato coyoh kami o tarokos a malasasafaay a tamdaw a mapastek i patay a makrid a mapatayra i pipatayan. 10Malamaapaay a nengnengen no tao kami tona mitoor ci Kristoan. Nikawrira, kamo sa i, o citanengay kami tona malaccay kami aci Kristo saan kamo. O tadancaay a nengnengen no tao kami. O ci'icelay kamo. Mapakangodo kami. Malatadamaanay kamo. 11Tahamatini kami a macahiw, maso'aw, makamiday ko riko' niyam. Mararid a masti' no tao kami. Awa ko pinang to kamaro'an niyam. 12Kami ko marorayay a matayal to saka'orip niyam. Yo 'kaken no tao kami i, pakalmeden niyam cangra. Yo kari'angen no tao kami i, hadidi sa kami. 13Yo lokesen no tao kami i, o nga'ayay a sowal ko sapacawi niyam. Tahamatini a matiya o lakaw, matiya o lakad kami a nengnengen no aniniay a tamdamdaw.
14O sakamatini no pipatilid ako i, caay ko sapakangodoaw i tamowanan. O sapalimo'otaw ako i tamowanan tona o kaolahan ako a wawa kamo. 15Ano iraira ko ccay a 'ofad no mitooray ci Kristoan a midipotay i tamowanan i, kako a ccay ko mama namo. Nawhani pakayni i nipipatnak ako to Nga'ayay Ratoh ato nika laccay namo aci Kristo Yis ko saka malamama namo kako. 16Orasaka, pa'icel kako i tamowanan. Nanay malamitodongay kamo i takowanan. 17Orasaka, ocoren ako ci Timoti a patayra i tamowanan. O mitooray to Tapang a so'linay ko faloco' a kaolahan ako a wawa cingra. Cingra ko mamipalal to faloco' namo to nika masamaan ko dmak ako a mitoor i ci Kristo Yisan ato pipasifana' ako tonini to i cowacowaay a kiwkay.
18Caayto ko tatayni i titaanan ci Pawlo, ira ko sanay namo a misatakaraway ko faloco' a tamdaw. 19Nikawrira, ano o nafaloco'an no Tapang i, o raranikay kako a tayra i tamowanan ta hapinangen ako ko faloco' noya misatakaraway a tamdaw to nika hakowa ko 'icel nangra. Caay ko sowal nangra ko pi'arawan ako tonini. 20Nawhani caay pakaynien no Kawas i sowal ko pikowan, pakaynien Ningra i 'icel ko pikowan. 21O maan ko kangalayan namo saw? O pitatoy ako to sasti' a tayra i tamowanan ko nga'ay hakiya? Ano ^ca i, o olah ato damsayay a faloco' ako ko nga'ay hakiya?
Currently Selected:
1 Korinto 4: AMIS2019
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019
1 Korinto 4
4
O Tarokos ni Kristo
1O mipadangay to tayal ni Kristo a koli, ato citodongay a mitadtad to pakakmoday a dmak no Kawas a matayalay han ko pinengneng i tamiyanan. 2Saka, o nisa^lian no Tapang i matayalay i, o nika so'lin no faloco' ningra a matayal. 3Nikawrira, o pipastek namo ato no tamdawan a pinengneng namo i takowanan i, caay pikihar kako. Halo ako a caay pipastek to tireng ako. 4Talacowa makoracay ko faloco' ako saan kako, nikawrira, caay konini ko wacay to nika awa no raraw ako. Dengan o Tapang ko mamisawkit i takowanan. 5Orasaka, ano caho ka raod ko romi'ad, aka piki'ayaw kamo a mipastek i cimacimaan. Ka o nipitala a ccay to sakatayni no Tapang. O papatalahkalen Ningra ko nisimedan a dmak. Halo i laloma'ay no faloco' no tamdaw a harateng a mapatalahkal Ningra itiya. O dmak no kahaccaccay ko pi'arawan no Kawas a mahmek toya tamdaw.
6Salikakaaw, kako aci Apolos ko nisowalan ako a patinako tonini i tamowanan. Nga'ay mafana' kamo to tatodong no a 'imeren a sowal no Fangcalay Cudad. Ta caay ka lata'ang kamo to ccay a tamdaw, caay pi^pec kamo to roma a tamdaw. 7Cima ko <<mikikakaay iso to tao,>> sanay tisowanan saw? Caay ko nano nipaflian no Kawas koya iraay i tisowanan a ma^min saw? Ano hatira i, nawiro malata'ang kiso saw a mipalanotireng to nano Kawas a nipaflian?
8Marnecto kamo. Malacidafongayto kamo. Saka, wanik han namo kami a malahongti. O longoc ako i, o nika so'lin namo a malahongti ko nga'ay ta manga'ay kami a mikapot i tamowanan a malahongti. 9O harateng ako i, matiya o sapa'araw no Kawas i polong no tamdamdaw ato coyoh kami o tarokos a malasasafaay a tamdaw a mapastek i patay a makrid a mapatayra i pipatayan. 10Malamaapaay a nengnengen no tao kami tona mitoor ci Kristoan. Nikawrira, kamo sa i, o citanengay kami tona malaccay kami aci Kristo saan kamo. O tadancaay a nengnengen no tao kami. O ci'icelay kamo. Mapakangodo kami. Malatadamaanay kamo. 11Tahamatini kami a macahiw, maso'aw, makamiday ko riko' niyam. Mararid a masti' no tao kami. Awa ko pinang to kamaro'an niyam. 12Kami ko marorayay a matayal to saka'orip niyam. Yo 'kaken no tao kami i, pakalmeden niyam cangra. Yo kari'angen no tao kami i, hadidi sa kami. 13Yo lokesen no tao kami i, o nga'ayay a sowal ko sapacawi niyam. Tahamatini a matiya o lakaw, matiya o lakad kami a nengnengen no aniniay a tamdamdaw.
14O sakamatini no pipatilid ako i, caay ko sapakangodoaw i tamowanan. O sapalimo'otaw ako i tamowanan tona o kaolahan ako a wawa kamo. 15Ano iraira ko ccay a 'ofad no mitooray ci Kristoan a midipotay i tamowanan i, kako a ccay ko mama namo. Nawhani pakayni i nipipatnak ako to Nga'ayay Ratoh ato nika laccay namo aci Kristo Yis ko saka malamama namo kako. 16Orasaka, pa'icel kako i tamowanan. Nanay malamitodongay kamo i takowanan. 17Orasaka, ocoren ako ci Timoti a patayra i tamowanan. O mitooray to Tapang a so'linay ko faloco' a kaolahan ako a wawa cingra. Cingra ko mamipalal to faloco' namo to nika masamaan ko dmak ako a mitoor i ci Kristo Yisan ato pipasifana' ako tonini to i cowacowaay a kiwkay.
18Caayto ko tatayni i titaanan ci Pawlo, ira ko sanay namo a misatakaraway ko faloco' a tamdaw. 19Nikawrira, ano o nafaloco'an no Tapang i, o raranikay kako a tayra i tamowanan ta hapinangen ako ko faloco' noya misatakaraway a tamdaw to nika hakowa ko 'icel nangra. Caay ko sowal nangra ko pi'arawan ako tonini. 20Nawhani caay pakaynien no Kawas i sowal ko pikowan, pakaynien Ningra i 'icel ko pikowan. 21O maan ko kangalayan namo saw? O pitatoy ako to sasti' a tayra i tamowanan ko nga'ay hakiya? Ano ^ca i, o olah ato damsayay a faloco' ako ko nga'ay hakiya?
Currently Selected:
:
Highlight
Share
Copy
Want to have your highlights saved across all your devices? Sign up or sign in
© The Bible Society in Taiwan, 2019