Matthaiga 6
6
1Hirakara‐uwiaje washa woga hashiniwira inke wankshig‐jowehireja uwinianje, hajawarnagii, shesgerawigi Hianjrawiga wangreginagre inke woirowe ningiunikjanihawina.
2Esge jaja washa woga hashinira shunkjegi, inke joweraija duduera hisha howexu‐hiranikjena, hipokritra wohokhuhojhieja egi naguhoxeteja shesge hireshunura, wankshigra warajankhirekjege, hisgexjina hinigawina, woirowera kurusnankshana.
3Eshi jaja washa woga hashinira shungi nab hoirajge hashinira inke hiperes‐hinianje nab hoishoro hashinira jagu ungi.
4Washa woga hashinira harnuxawanje egi Hianjraga E nuxawara hajarnakshana exji harusharani hirowe ningigikjanena.
5Egi jaja ragikarajgi, hipokritra jasgarnangra inke shesgarnianje. E wohokhuhojhieja egi naguhoxete hopasseja nashinarnaga wankshigra hajairekjawige. Hisgexjina hinigawina woirowe harninera kurusnankshana.
6Eshi ne, jaja ragikaraijegi, jhiakohi hashinieja hoikawaje egi jhirobra hornassaje, Hianjraga E nuxawanagra gikarajaje egi Hianjraga E washa nuxawara wajarnakshana harusharani hirowe‐ningigikjanena.
7Eshi jaja ragikarajwigi inke hoite hoinige hakihaha hiuwinianje, hirarujeja herera unagra shesge, e hit’et’era rokana wairegi naxguinekjanihawi hiranankshana.
8Esge inke wawikisgawinianje, Hianjrawiga hiperesnankshana washa jagu hishunkjanihawira, kheni ragitawini.
9Egi deshesge gikarajra wawiaje: Hianjniwira wangregi shanagre rash hashinira wakanjank‐ningigirekjena,
10Hungma hashinira hiraijikjawina, woshga hashinira manegi uinekjena wangregi jasge hinankhi shesge manegi hirekjena.
11Hamb de‐e waisgabduj harniwira hunkuwianje ningikarajwina.
12Egi washa woishana warniwira waigit’unawire, washa hingishana warniwira wagit’untawira shesge.
13Egi inke washa woishana uwahieja hunutiwinina, eshi wowonkjega eja hingijirawige khishibwiwine. Hungmara Ne‐hashinigaja egi homashjara Ne‐hashinigaja, egi hoishagra Ne‐hashinigaja manegusra, Amen.
14Egi wankshigra washa hinigishana hirawigi waragit’usharawigi hishge wangregi Hianjrawiga‐nagre warnigit’unekjanihawina.
15Eshi wankshigra washinigishana hirawigi inke waragit’u‐sharawinigi Hianjrawiga hishge washa woishana hashiniwira inke wanigit’unanikjanihawina.
16Egi jaja hantara‐ginajwigi, inke hishjara najgeteg winianje woishjankera jasgaire‐shunura wikisgawinianje, hishja‐warninera hijawakaragirena, hantaginaj‐nagra wankshigra hajairekjawige. Hisgexjina hinigawina woirowera kurusnankshana.
17Eshi ne, jaja hantara‐ginajgi nassu hashinira sarakaragiaje, egi hishja hashinira kurushaje.
18Ne hantaraginajra inke wankshigeja jantinikjena, eshi Hianjraga E nuxawanagra egi Hianjraga washa nuxawara hajarnagra, harusharani hirowe‐ningigikjanena.
19Ma‐tegi inke washa jexira sto‐wahinianje, eja wikiri egi hoxeg maisinj‐wahirekjanena egi shige wamanukera gixux hokawairanaga egi wamanuinekjanena.
20Eshi wangregi washa jexira sto‐wakshuwiaje, eja inke wikiri shige hoxeg maisinj wahiranikjanena, egi eja wamanukera inke gixux hokawairanaga wamanuhiranikjanena.
21Higu hajinja washa jexi washinira nankhi, hishge najge hashiniwira eja harnihairekjanena.
22Rora hatasha harnira hishjasura herena, esge hishjasu hashinira phingishi, ro‐hashinira harnaj hohambra hoixjinkjanena.
23Eshi hishjasu hashinira shishigkishi, ro‐hashinira harnaj hokawasra hoixjinkjanena. Esge hohamb hornishu harajega hokawasgi hokawas she‐e hokawasra washa hekjikjegishi.
24Warera hisha inke hirukanara nup wagire ruxurugninana, hisha hoshig’anaga egi hijanejega wogixetenana, egi shige hisha hakishuxji’uanaga egi hijanejega t’unarnana. Inke Maura egi shige’mamonra wawagire shuruxurugwinina.
25Esge hinigawina, wankshig‐hoi hashiniwira inke najge wokarajiwinina jagu raijanihawigi, egi shige jagu sharajgankjanihawigi, egi shige ro washiniwira jagu hoshawaxuikjanihawigi. Jasge inke wankshig‐hoira e hiraijeranaga, warujra worujisnishe, egi rora e hiraijeranaga wainira e warujisnishe?
26Woruxujwire, wanig wangregi herera, inke maxhoshuninankshana, egi inke max‐hikishere‐ninankshana, egi shige inke waisgabhojhieja hosto‐hininankshana, shesgarnunige Hianjrawiga wangreginagre waruj wogajena. Jasge inke ne hiraijaira niphiwinishe?
27Egi hajanga najge wornijiwishge hoserejra si‐hisha hijominagkhi ruxurugnashe?
28Egi jagu‐u wainieja najge‐wornijiwishe? Woruxujwire, Lili maxeja‐nagra hogura jasganagra e inke waraninankshana egi shige inke waini‐kik’uninankshana,
29Hisgexji hornigitagwina Salomonga glori harnira harnaj, wikikaxgishge inke de‐e hisha hikisgarninana.
30Maura xawi maxreginagre waini shesge wagiunjegi, e hamb de‐e shesgarnaganaga, egi hainigi jhitakajhi rogeja wot’unairanana, inke de‐shesge hiraijera waini ningiuwininashe? Jowexjinig harnaxgu hashanagre.
31Esge inke najge wojiwianaga wawinianje, jagu hirujanihawishe shige jagu hirajgankjanihawishe, egi shige jagu hinkikaix‐janihawishe.
32Higu washa de‐e hirarujeja herera harnaj warogunankshana, egi Hianjrawiga hiperesnankshana washa de‐e wawishunkjanihawira.
33Eshi jorni Maura hungma‐harnira ruxurug‐naixjiwine egi washa de‐e harnaj hijornigishu‐kjanihawina.
34Esge inke najge wojiwinianje hainigi jasgekjanegi, hainigishi washara kikunkjanena. Hamb‐hishanga wak’ina hina hiuanjena.
Currently Selected:
Matthaiga 6: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 6
6
1Hirakara‐uwiaje washa woga hashiniwira inke wankshig‐jowehireja uwinianje, hajawarnagii, shesgerawigi Hianjrawiga wangreginagre inke woirowe ningiunikjanihawina.
2Esge jaja washa woga hashinira shunkjegi, inke joweraija duduera hisha howexu‐hiranikjena, hipokritra wohokhuhojhieja egi naguhoxeteja shesge hireshunura, wankshigra warajankhirekjege, hisgexjina hinigawina, woirowera kurusnankshana.
3Eshi jaja washa woga hashinira shungi nab hoirajge hashinira inke hiperes‐hinianje nab hoishoro hashinira jagu ungi.
4Washa woga hashinira harnuxawanje egi Hianjraga E nuxawara hajarnakshana exji harusharani hirowe ningigikjanena.
5Egi jaja ragikarajgi, hipokritra jasgarnangra inke shesgarnianje. E wohokhuhojhieja egi naguhoxete hopasseja nashinarnaga wankshigra hajairekjawige. Hisgexjina hinigawina woirowe harninera kurusnankshana.
6Eshi ne, jaja ragikaraijegi, jhiakohi hashinieja hoikawaje egi jhirobra hornassaje, Hianjraga E nuxawanagra gikarajaje egi Hianjraga E washa nuxawara wajarnakshana harusharani hirowe‐ningigikjanena.
7Eshi jaja ragikarajwigi inke hoite hoinige hakihaha hiuwinianje, hirarujeja herera unagra shesge, e hit’et’era rokana wairegi naxguinekjanihawi hiranankshana.
8Esge inke wawikisgawinianje, Hianjrawiga hiperesnankshana washa jagu hishunkjanihawira, kheni ragitawini.
9Egi deshesge gikarajra wawiaje: Hianjniwira wangregi shanagre rash hashinira wakanjank‐ningigirekjena,
10Hungma hashinira hiraijikjawina, woshga hashinira manegi uinekjena wangregi jasge hinankhi shesge manegi hirekjena.
11Hamb de‐e waisgabduj harniwira hunkuwianje ningikarajwina.
12Egi washa woishana warniwira waigit’unawire, washa hingishana warniwira wagit’untawira shesge.
13Egi inke washa woishana uwahieja hunutiwinina, eshi wowonkjega eja hingijirawige khishibwiwine. Hungmara Ne‐hashinigaja egi homashjara Ne‐hashinigaja, egi hoishagra Ne‐hashinigaja manegusra, Amen.
14Egi wankshigra washa hinigishana hirawigi waragit’usharawigi hishge wangregi Hianjrawiga‐nagre warnigit’unekjanihawina.
15Eshi wankshigra washinigishana hirawigi inke waragit’u‐sharawinigi Hianjrawiga hishge washa woishana hashiniwira inke wanigit’unanikjanihawina.
16Egi jaja hantara‐ginajwigi, inke hishjara najgeteg winianje woishjankera jasgaire‐shunura wikisgawinianje, hishja‐warninera hijawakaragirena, hantaginaj‐nagra wankshigra hajairekjawige. Hisgexjina hinigawina woirowera kurusnankshana.
17Eshi ne, jaja hantara‐ginajgi nassu hashinira sarakaragiaje, egi hishja hashinira kurushaje.
18Ne hantaraginajra inke wankshigeja jantinikjena, eshi Hianjraga E nuxawanagra egi Hianjraga washa nuxawara hajarnagra, harusharani hirowe‐ningigikjanena.
19Ma‐tegi inke washa jexira sto‐wahinianje, eja wikiri egi hoxeg maisinj‐wahirekjanena egi shige wamanukera gixux hokawairanaga egi wamanuinekjanena.
20Eshi wangregi washa jexira sto‐wakshuwiaje, eja inke wikiri shige hoxeg maisinj wahiranikjanena, egi eja wamanukera inke gixux hokawairanaga wamanuhiranikjanena.
21Higu hajinja washa jexi washinira nankhi, hishge najge hashiniwira eja harnihairekjanena.
22Rora hatasha harnira hishjasura herena, esge hishjasu hashinira phingishi, ro‐hashinira harnaj hohambra hoixjinkjanena.
23Eshi hishjasu hashinira shishigkishi, ro‐hashinira harnaj hokawasra hoixjinkjanena. Esge hohamb hornishu harajega hokawasgi hokawas she‐e hokawasra washa hekjikjegishi.
24Warera hisha inke hirukanara nup wagire ruxurugninana, hisha hoshig’anaga egi hijanejega wogixetenana, egi shige hisha hakishuxji’uanaga egi hijanejega t’unarnana. Inke Maura egi shige’mamonra wawagire shuruxurugwinina.
25Esge hinigawina, wankshig‐hoi hashiniwira inke najge wokarajiwinina jagu raijanihawigi, egi shige jagu sharajgankjanihawigi, egi shige ro washiniwira jagu hoshawaxuikjanihawigi. Jasge inke wankshig‐hoira e hiraijeranaga, warujra worujisnishe, egi rora e hiraijeranaga wainira e warujisnishe?
26Woruxujwire, wanig wangregi herera, inke maxhoshuninankshana, egi inke max‐hikishere‐ninankshana, egi shige inke waisgabhojhieja hosto‐hininankshana, shesgarnunige Hianjrawiga wangreginagre waruj wogajena. Jasge inke ne hiraijaira niphiwinishe?
27Egi hajanga najge wornijiwishge hoserejra si‐hisha hijominagkhi ruxurugnashe?
28Egi jagu‐u wainieja najge‐wornijiwishe? Woruxujwire, Lili maxeja‐nagra hogura jasganagra e inke waraninankshana egi shige inke waini‐kik’uninankshana,
29Hisgexji hornigitagwina Salomonga glori harnira harnaj, wikikaxgishge inke de‐e hisha hikisgarninana.
30Maura xawi maxreginagre waini shesge wagiunjegi, e hamb de‐e shesgarnaganaga, egi hainigi jhitakajhi rogeja wot’unairanana, inke de‐shesge hiraijera waini ningiuwininashe? Jowexjinig harnaxgu hashanagre.
31Esge inke najge wojiwianaga wawinianje, jagu hirujanihawishe shige jagu hirajgankjanihawishe, egi shige jagu hinkikaix‐janihawishe.
32Higu washa de‐e hirarujeja herera harnaj warogunankshana, egi Hianjrawiga hiperesnankshana washa de‐e wawishunkjanihawira.
33Eshi jorni Maura hungma‐harnira ruxurug‐naixjiwine egi washa de‐e harnaj hijornigishu‐kjanihawina.
34Esge inke najge wojiwinianje hainigi jasgekjanegi, hainigishi washara kikunkjanena. Hamb‐hishanga wak’ina hina hiuanjena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.