Matthaiga 4
4
1Egi shejananegi Jesus naxiragra mojainainja howaniarairena waxopinishishigra higishja‐hirekjege.
2Egi jaja hambra kerepanajobaha egi hahera kerepanajobaha hantaginajgi hageja dokewehina.
3Egi jaja wawiunjara hirajigi wena: Maura hinigra neninegishi, ininagre wawigege waisgabduj hirekjena.
4Eshi horniharna egi wena: Wagaxankshana, wankshigjane inke waisgabduj‐rashana wankshig‐hi‐inijena, eshi hoitera jarnaga Maura iarnieja howaji‐akishi.
5Egi waxopinishishigjega rusanaga jhinag wakanjangeja harnihina, egi wohokhuhojhixete‐hissawaija kerena.
6Egi wagena: Maura hinigra neninegishi dampkarare, wagaxankshana waxopiniwarajire warnira u‐washianaga haji horniuinarnaga, hiranikarairekjena, egi nabra wikuinarnaga nirua uinekjena, inke si hashinira inieja hirokijianaga washanigishganikjena.
7Egi Jesus wagena: Shige wagaxankshana, inke Hirukana Mau’hashinira gishjarnine.
8Egi shige waxopinishishigjega xexete hankshi hihageja harnihina, egi manegi hung‐mara harnaj hajagigina egi gloria hoshurnakhi.
9Egi wagena: Washa de‐e harnaj hornikunkjena, manegi rajimp‐harnaga egi hinagikarajgi.
10Egi Jesus wagena: Hijahi howeune Satanra, wagaxankshana Hirukana Mau hashinira gikarajre, egi eshana ragikaraijanihena.
11Egi waxopinishishigra t’unakerena, egi horuxujre waxopiniwarajire hirajiranaga egi wagirairena.
12Egi jaja Jesus naxgungi Johnga jhi‐hornassairegi, Galilea‐eja howarena.
13Egi Nasarethra t’unena, Kapernaum‐eja hahi‐jhina, e deja hijejeja‐nankshana, Sabulon egi Naphtalim moagax hojakenainja herena.
14Exji herekjege Esaias prophetra e wagarnihera, wena:
15Sabulon mainja egi Naphtalim mainja, deja hijejeja, Jordan ageja, hirarujeja herera Galilea harnineja,
16Wankshig de‐e hokawasrogeja minagnagra hohamb xete hajairena, egi jarnaga ma‐sheja egi hot’e hoirahasieja minagnankhi hohamb jinaghirena.
17Epa Jesus wahokhunjirena egi wena: Najgerakarategwire hung‐ma wangregi herera hiwusunsh jina.
18Egi Jesus Galilea deja hijejeja manianku, Kikhinubra nupiwi hajarna, Simon hahi Peter higairera egi khinubra Andreas, hoigixera dejainja wot’unanankshana, hoikishere waunanke.
19Egi wawagena: Hiroinagwire, egi wankshig hikishere niunkjanihawina.
20Egi higuana hoigixe warninera wakarat’urairena egi hironaghirena.
21Egi eja regi kikhinub hijanera nupiwi hajarna, Jakob egi khinubra Johnga, Sebedai hinigwahira. Hianjhirera Sebedai wajeja hakarakishu unankshana, hoigixe warninera waphinkunankshana, egi wagigorna.
22Egi higuana wajra egi hianjhirera wat’unairena egi hironaghirena.
23Egi Jesus Galilea mara harnaj howena wohokhuhojhi warnineja washa wagigus, egi hung‐ma woragphira wihokhunjena, egi howashara harnaj egi ro‐tegra harnaj rushja‐wahina wankshignanka horogeja.
24Egi Siria mara harnaj hornaxguinena egi jarnaga howashara harnaj wagarni hahirena howasha hokirajra egi hotegjura, egi jarnaga waxopinishishig harninankhi, egi jarnaga wanaxi howankhi egi ro‐tegra egi harnaj rushjawahina.
25Egi Galilea eja howaji wankshigra worohaxji hironagshana, egi jhinag kerepanashainja howaji egi Jerusalem‐eja howaji egi Judea eja howaji egi Jordan ageja howaji.
Currently Selected:
Matthaiga 4: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 4
4
1Egi shejananegi Jesus naxiragra mojainainja howaniarairena waxopinishishigra higishja‐hirekjege.
2Egi jaja hambra kerepanajobaha egi hahera kerepanajobaha hantaginajgi hageja dokewehina.
3Egi jaja wawiunjara hirajigi wena: Maura hinigra neninegishi, ininagre wawigege waisgabduj hirekjena.
4Eshi horniharna egi wena: Wagaxankshana, wankshigjane inke waisgabduj‐rashana wankshig‐hi‐inijena, eshi hoitera jarnaga Maura iarnieja howaji‐akishi.
5Egi waxopinishishigjega rusanaga jhinag wakanjangeja harnihina, egi wohokhuhojhixete‐hissawaija kerena.
6Egi wagena: Maura hinigra neninegishi dampkarare, wagaxankshana waxopiniwarajire warnira u‐washianaga haji horniuinarnaga, hiranikarairekjena, egi nabra wikuinarnaga nirua uinekjena, inke si hashinira inieja hirokijianaga washanigishganikjena.
7Egi Jesus wagena: Shige wagaxankshana, inke Hirukana Mau’hashinira gishjarnine.
8Egi shige waxopinishishigjega xexete hankshi hihageja harnihina, egi manegi hung‐mara harnaj hajagigina egi gloria hoshurnakhi.
9Egi wagena: Washa de‐e harnaj hornikunkjena, manegi rajimp‐harnaga egi hinagikarajgi.
10Egi Jesus wagena: Hijahi howeune Satanra, wagaxankshana Hirukana Mau hashinira gikarajre, egi eshana ragikaraijanihena.
11Egi waxopinishishigra t’unakerena, egi horuxujre waxopiniwarajire hirajiranaga egi wagirairena.
12Egi jaja Jesus naxgungi Johnga jhi‐hornassairegi, Galilea‐eja howarena.
13Egi Nasarethra t’unena, Kapernaum‐eja hahi‐jhina, e deja hijejeja‐nankshana, Sabulon egi Naphtalim moagax hojakenainja herena.
14Exji herekjege Esaias prophetra e wagarnihera, wena:
15Sabulon mainja egi Naphtalim mainja, deja hijejeja, Jordan ageja, hirarujeja herera Galilea harnineja,
16Wankshig de‐e hokawasrogeja minagnagra hohamb xete hajairena, egi jarnaga ma‐sheja egi hot’e hoirahasieja minagnankhi hohamb jinaghirena.
17Epa Jesus wahokhunjirena egi wena: Najgerakarategwire hung‐ma wangregi herera hiwusunsh jina.
18Egi Jesus Galilea deja hijejeja manianku, Kikhinubra nupiwi hajarna, Simon hahi Peter higairera egi khinubra Andreas, hoigixera dejainja wot’unanankshana, hoikishere waunanke.
19Egi wawagena: Hiroinagwire, egi wankshig hikishere niunkjanihawina.
20Egi higuana hoigixe warninera wakarat’urairena egi hironaghirena.
21Egi eja regi kikhinub hijanera nupiwi hajarna, Jakob egi khinubra Johnga, Sebedai hinigwahira. Hianjhirera Sebedai wajeja hakarakishu unankshana, hoigixe warninera waphinkunankshana, egi wagigorna.
22Egi higuana wajra egi hianjhirera wat’unairena egi hironaghirena.
23Egi Jesus Galilea mara harnaj howena wohokhuhojhi warnineja washa wagigus, egi hung‐ma woragphira wihokhunjena, egi howashara harnaj egi ro‐tegra harnaj rushja‐wahina wankshignanka horogeja.
24Egi Siria mara harnaj hornaxguinena egi jarnaga howashara harnaj wagarni hahirena howasha hokirajra egi hotegjura, egi jarnaga waxopinishishig harninankhi, egi jarnaga wanaxi howankhi egi ro‐tegra egi harnaj rushjawahina.
25Egi Galilea eja howaji wankshigra worohaxji hironagshana, egi jhinag kerepanashainja howaji egi Jerusalem‐eja howaji egi Judea eja howaji egi Jordan ageja howaji.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.