Matthaiga 22
22
1Egi Jesus horniharna egi shige washa hisgera wirokit’ena egi wena:
2Hungma wangregi herera hung hisha ejanak hikisgena, e hinigra hinug‐khanag‐gigina.
3Egi ware warnira rewagigina jarnaga kikanaggeja waruj washiregi wagigoirena, egi inke hajiranina.
4Shige ware hijanera rewagigina wena: Wawogiragwiaje jiwashirera horuxujwire wirarojonje woruj harnira hirushjaharna, jewaruti warnira egi wanoijge shin warnira d’ewaharna, egi washara harnaj hirushjankshana, kikanagregi hajirekjena.
5Eshi inke washa hiranairanina, egi nigeshana howarairena, hisha max‐earnieja, hijanera woruwi‐earnieja, howarena.
6Egi hijanenanka ware warnira warus‐hiranaga egi wawikshakshahirena egi d’ewahirena.
7Eshi jaja hunganaka warnaxgungi wogitegra rokanana, egi manape‐hornihe warnira rewagigina egi wankshig‐d’ehinanka maisinsh‐wahina, egi jhinag warninera taxu‐wahina.
8Egi ware warnira wawagena: Kikanag worujra hirushjankshana, eshi jarnaga waruj‐washirera wowonghirege inke hijawouinanikjanena.
9Esge nagu hoxetera wowarawire egi jarnaga hish’ewigishi kikanagregi howahu washiwiaje.
10Egi warananka nagu‐hoxetera wowarairena, egi jarnaga hieregi stowahirena, shishigra egi phira, egi kikanag worujra wagiruj hoshuirena.
11Egi jaja hungananka hijokawarnaga wagirujnanka wajahigi, wangisha eja hajarna e inke kikanag‐woruj waini uninankshana.
12Egi wagena: Hijakoronina, jasgeragaja horakeweshe, egi inke kikanag‐woruj waini sh’unigaja? Egi inke xabnina.
13Egi hungjega warananka wawagena: Nabra egi sira wagirusgijwige egi ruswige egi hokawas‐rogeja hot’unawire egi eja xag‐nihekjena egi hi‐rusgesgexji.
14Roha gigoiranunige egi gijainera jarnagkhirana.
15Egi Pharisera harairanaga egi haehirena jasge hounahiranaga hoit’e earnira hirarukos‐hiranangi.
16Egi wironag warninera egi Herodes ware warninera wakishu hijoware‐wagigirena, wairena: Hirukanara, hinipereswina wogisog ranira, egi Maura nagu harnira wogisog waragigus rajera, egi inkisha washa hiranash’inina, egi jarnagagre inkisha hiranigi‐jeranina.
17Esge hungiragwire jagu hiraregishi? Kaiser woirowera hokura phinashe, nigeshge inke shesgarnishe?
18Eshi Jesus wawigiperes‐shana howowongra egi wena: Jagu‐u hish’ushjawishe, hipokrit raniwina?
19Shura woirowera higiwahawire. Egi Denaria hisha hagarni hahirena.
20Egi wawagena: Hokiwagax de‐e peshe hereshe egi ihageja wagaxnanka?
21Egi wagairena: Kaiser harnira herena. Egi wawagena: Esge hokuwine Kaiser, washa jagu Kaiser harnigi, egi hokuwine Maura washa jagu Maura harnigi.
22Egi washa de‐e naxguinegi, khorairena, egi t’unenigehowakarairena.
23Hambeja Sadusera hirahirena, e inke hakiha wankshig‐hoi junishe airena, egi higiwaxhirena.
24Wairena: Hirukanara Mosesga wena, wangra hisha d’egi inke ninkjang harninigi, khinubra hijawina khanaikje egi khinubra ninkjang shu’giginana.
25Egi wang kikinubra shagowi hinkishu uwina, egi jowejajega jaja hinug‐kanagra d’ena, egi inke ninkjang junina, esge hijawina khinubra git’unarena.
26Hinubeja‐jega hishge shesge howena, egi hidanina, egi hishagowinka harnaj shesgairena.
27Egi hirowagjina hinugra hishge d’ena.
28Egi hakiha wankshig‐hoieja shagowihajega hajanga kanaikjanihawishe, harnaj hakishuiregaja.
29Jesus horniharna egi wawagena: Sharagashwina, wowagaxra inke hirapereswinige egi shige Maura homashja harnira inke hirapereswinige.
30Hakiha wankshig‐hoieja inke hinug‐kanag hiranikjanena, shige inke kikanag wagigiranikjanena, eshi Maura waxopini‐warajire warnira wangreginagre wikisgairekjanena.
31Eshi jasge inkaga wowagaxeja hashjawinishe d’era hakiha wankshig‐inekjanera e Maura hornigiragwina, wena:
32Abraham Mau harnira newinena, egi Isaak Mau harnira egi Jakob Mau harnira. Maura inke d’arnankhi Mau harniranina eshi niambnankhi harninena.
33Egi jaja worohanka washa de‐e naxguinegi wogus earnira gixixhirena.
34Eshi jaja Pharisera naxguinegi Sadusera inke xabniwaigira sto‐khinena.
35Egi hisha waehisha heregi woiwax hisha higiwaxshana hiunja, wena:
36Hirukanara woehieja hajanjega uwashi xetera hereshe?
37Jesus wagena: Hirukanara Mau hashinira najge hashinira harnaj hiwoxetehire egi naxirag hashinira harnaj hiu egi warnai hashinira harnaj.
38De‐e jowera herena egi uwashi xetera.
39Egi hinubra higu hikisgena: Hirakishu‐wusunshra wogixeteaje hikisge khianje.
40Woehira harnaj‐anaga egi prophetra uwashi de‐e hinuwinke eja nankshana.
41Pharisera stokhinanku Jesus wawigiwaxshana,
42Wena: Kristus jagu hiragirawishe, peshe hinigra hereshe? Wagairena, Dawid hinigra heregaja.
43Wawagena: Jasgegaja Dawidga naxirag harnieja Hirukanara higena, wena:
44Hirukanara, Hirukana harnira wagena, hoishoro‐haregi minagre hornish’ighirera si‐hakere warningiungi epa?
45Egi Dawidga Hirukanara higegi jasgehianaga hinighikjaneshe?
46Egi hinkisha hoit’e hisha hornigiha ruxurugnina, inke shigisha hamb‐eja woiwax higiwax hiranina.
Currently Selected:
Matthaiga 22: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 22
22
1Egi Jesus horniharna egi shige washa hisgera wirokit’ena egi wena:
2Hungma wangregi herera hung hisha ejanak hikisgena, e hinigra hinug‐khanag‐gigina.
3Egi ware warnira rewagigina jarnaga kikanaggeja waruj washiregi wagigoirena, egi inke hajiranina.
4Shige ware hijanera rewagigina wena: Wawogiragwiaje jiwashirera horuxujwire wirarojonje woruj harnira hirushjaharna, jewaruti warnira egi wanoijge shin warnira d’ewaharna, egi washara harnaj hirushjankshana, kikanagregi hajirekjena.
5Eshi inke washa hiranairanina, egi nigeshana howarairena, hisha max‐earnieja, hijanera woruwi‐earnieja, howarena.
6Egi hijanenanka ware warnira warus‐hiranaga egi wawikshakshahirena egi d’ewahirena.
7Eshi jaja hunganaka warnaxgungi wogitegra rokanana, egi manape‐hornihe warnira rewagigina egi wankshig‐d’ehinanka maisinsh‐wahina, egi jhinag warninera taxu‐wahina.
8Egi ware warnira wawagena: Kikanag worujra hirushjankshana, eshi jarnaga waruj‐washirera wowonghirege inke hijawouinanikjanena.
9Esge nagu hoxetera wowarawire egi jarnaga hish’ewigishi kikanagregi howahu washiwiaje.
10Egi warananka nagu‐hoxetera wowarairena, egi jarnaga hieregi stowahirena, shishigra egi phira, egi kikanag worujra wagiruj hoshuirena.
11Egi jaja hungananka hijokawarnaga wagirujnanka wajahigi, wangisha eja hajarna e inke kikanag‐woruj waini uninankshana.
12Egi wagena: Hijakoronina, jasgeragaja horakeweshe, egi inke kikanag‐woruj waini sh’unigaja? Egi inke xabnina.
13Egi hungjega warananka wawagena: Nabra egi sira wagirusgijwige egi ruswige egi hokawas‐rogeja hot’unawire egi eja xag‐nihekjena egi hi‐rusgesgexji.
14Roha gigoiranunige egi gijainera jarnagkhirana.
15Egi Pharisera harairanaga egi haehirena jasge hounahiranaga hoit’e earnira hirarukos‐hiranangi.
16Egi wironag warninera egi Herodes ware warninera wakishu hijoware‐wagigirena, wairena: Hirukanara, hinipereswina wogisog ranira, egi Maura nagu harnira wogisog waragigus rajera, egi inkisha washa hiranash’inina, egi jarnagagre inkisha hiranigi‐jeranina.
17Esge hungiragwire jagu hiraregishi? Kaiser woirowera hokura phinashe, nigeshge inke shesgarnishe?
18Eshi Jesus wawigiperes‐shana howowongra egi wena: Jagu‐u hish’ushjawishe, hipokrit raniwina?
19Shura woirowera higiwahawire. Egi Denaria hisha hagarni hahirena.
20Egi wawagena: Hokiwagax de‐e peshe hereshe egi ihageja wagaxnanka?
21Egi wagairena: Kaiser harnira herena. Egi wawagena: Esge hokuwine Kaiser, washa jagu Kaiser harnigi, egi hokuwine Maura washa jagu Maura harnigi.
22Egi washa de‐e naxguinegi, khorairena, egi t’unenigehowakarairena.
23Hambeja Sadusera hirahirena, e inke hakiha wankshig‐hoi junishe airena, egi higiwaxhirena.
24Wairena: Hirukanara Mosesga wena, wangra hisha d’egi inke ninkjang harninigi, khinubra hijawina khanaikje egi khinubra ninkjang shu’giginana.
25Egi wang kikinubra shagowi hinkishu uwina, egi jowejajega jaja hinug‐kanagra d’ena, egi inke ninkjang junina, esge hijawina khinubra git’unarena.
26Hinubeja‐jega hishge shesge howena, egi hidanina, egi hishagowinka harnaj shesgairena.
27Egi hirowagjina hinugra hishge d’ena.
28Egi hakiha wankshig‐hoieja shagowihajega hajanga kanaikjanihawishe, harnaj hakishuiregaja.
29Jesus horniharna egi wawagena: Sharagashwina, wowagaxra inke hirapereswinige egi shige Maura homashja harnira inke hirapereswinige.
30Hakiha wankshig‐hoieja inke hinug‐kanag hiranikjanena, shige inke kikanag wagigiranikjanena, eshi Maura waxopini‐warajire warnira wangreginagre wikisgairekjanena.
31Eshi jasge inkaga wowagaxeja hashjawinishe d’era hakiha wankshig‐inekjanera e Maura hornigiragwina, wena:
32Abraham Mau harnira newinena, egi Isaak Mau harnira egi Jakob Mau harnira. Maura inke d’arnankhi Mau harniranina eshi niambnankhi harninena.
33Egi jaja worohanka washa de‐e naxguinegi wogus earnira gixixhirena.
34Eshi jaja Pharisera naxguinegi Sadusera inke xabniwaigira sto‐khinena.
35Egi hisha waehisha heregi woiwax hisha higiwaxshana hiunja, wena:
36Hirukanara woehieja hajanjega uwashi xetera hereshe?
37Jesus wagena: Hirukanara Mau hashinira najge hashinira harnaj hiwoxetehire egi naxirag hashinira harnaj hiu egi warnai hashinira harnaj.
38De‐e jowera herena egi uwashi xetera.
39Egi hinubra higu hikisgena: Hirakishu‐wusunshra wogixeteaje hikisge khianje.
40Woehira harnaj‐anaga egi prophetra uwashi de‐e hinuwinke eja nankshana.
41Pharisera stokhinanku Jesus wawigiwaxshana,
42Wena: Kristus jagu hiragirawishe, peshe hinigra hereshe? Wagairena, Dawid hinigra heregaja.
43Wawagena: Jasgegaja Dawidga naxirag harnieja Hirukanara higena, wena:
44Hirukanara, Hirukana harnira wagena, hoishoro‐haregi minagre hornish’ighirera si‐hakere warningiungi epa?
45Egi Dawidga Hirukanara higegi jasgehianaga hinighikjaneshe?
46Egi hinkisha hoit’e hisha hornigiha ruxurugnina, inke shigisha hamb‐eja woiwax higiwax hiranina.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.