Matthaiga 20
20
1Egi hungma wangregi herera wankshig jhirukana hikisgena, e haiuixjinig ware wa’shirena habsinsh max harnineja warera warairekjege.
2Egi jaja waranaka hamb‐hishara Denaria hisha (15 cents) hikisge khinegi, habsinsh max harnieja howarewagigina.
3Egi ejaxji howagix hidanihanigi (gijiwi hishankijushguni) rena egi hijane hajarna woruwieja warogija nashinank’u.
4Egi wawagena: Hishge habsinsh maxeja howarawire, egi higu jagu phingi hornikunkjawina, egi harairena.
5Egi shige ejaxji howagix hirakewehanegi, egi hishankijushguni hanigi rena egi shige shesge hina.
6Egi ejaxji shige howagix kerepanaishanaga‐hishankira‐hashananegi rena, egi hijane warogija nashinank’u wiena, egi wawagena: Jagu‐u hambserej egi warogija nanashiwishe?
7Wagairena: Inke hisha ware hish’irawinige esge. Egi wawagena: Hishge habsinsh max harnieja howarawire, egi higu jagu phira shuruisjawina.
8Egi jaja hoxjarnagi, habsinsh max hirukanara jhirukana harnira wagena: Warera wagigore, egi woirowera wokaraikare, hirowagjieja herenanka eja unarnaga egi jornixji herenanka hageni hirowe‐wagigiaje.
9Egi jaja hishankirashananegi ware‐shi hiranihawira hakiriregi jarnagaka Denarianra hishashana rus‐hirena.
10Eshi jaja jorninera hakiriregi, hiraijera rus‐hirekjane hirairena, egi hishge jarnagawiga Denarianra hishashana rus‐hirena.
11Egi jaja rus‐hiregi, jhi hirukanananka hakira hit’airena,
12Wairena: De‐e hirowagninangre howagix hishankira warairegaja egi wikisge hinagigiwi, ne wojexi hawawigaja egi hamb hotakajregi.
13Eshi hisha hornigiharna egi wena: Hijakoronina, inke washinohira ningiunigaja, jasge inke Denaria hisha hikisge hinagikinishe?
14Hashinira kurusanaga egi jikarare, eshi jarnaga hornikura hirowagninagre nishge shenaga wawagarna.
15Washa warnigi inke jagu giphi hauninashe? Jasge hishjasu hashinira wowonkshe, hinphina esge?
16Deshesgege hirowagnira jowera hahi hererekjanena egi jowera hirowagnira hahi hererekjanena, roha gigoiranunige eshi jarnagkhira gijairerana.
17Egi jaja Jesus Jerusalemra howaregi hironag nuphashanara injabwakerena egi wawagena:
18Horuxujwire, Jerusalemra howainawina egi Wankshig‐hinigra himanag‐hirekjanena nabhoruxaj hungeja egi wowagax‐hipereseja egi d’ehi wagigirekjanena.
19Egi hirarujeja hereja rushjane‐hirekjanena igixjairekjege egi washa pahi higipsinsh‐hirekjanena egi nanamiheja haisaraj‐hirekjanena egi hamb‐hidanihangi kikawa‐ankjanena.
20Egi Sebedai ninkjangra hiunihirera hinigwahira wakarakishu jina, gikaraj‐hirena egi washaisha rogigu hirena.
21Egi Jesus wagena: Jagu roragushe? Wagena: Hinigwaha nupiwi de‐e hungma hashinieja hisha hoishororaija egi hijanera hoirajgeraija minag‐hirekje woragagi.
22Eshi Jesus horniharna egi wena: Inke hirapereswini washawina jagu ratawire, jasge niwirajgaisha hoshu tajgankjanera rajga shuruxurugwishe, egi ni‐hawaxuine shuruxurugwishe ni‐hawaxu hingiuinekjanera? Wagairena: Duxurug‐winana.
23Egi wawagena: Niwirajga harnira sharajgankjanihawina egi ni‐harniwaxu‐hirekjanihawina ni‐hiwaxuhirekjanera hiu, eshi nab‐hoishorohaija egi hoirajgehaija minagra inke ne wogara winenina, eshi wawok’uinanana Jajiga e hirushjawagigigi.
24Egi jaja kerepanaisha‐harnaka naxguinegi khikhinub nupharnaka inke waiphixji hiranina.
25Eshi Jesus wawagigorna egi wena: Hirapereswina, hirarujeja herera hung harninera wawirukana‐nagra egi jarnaga xeteakhi homashjara wagiwaharnankshana.
26Eshi inke shenisgarnikjawina horograwiregi, eshi higu peshe horograwiregi xetekjegi e ware hashinikjanihawina.
27Egi higu peshe horograwiregi hung‐gikjegi e warnihi‐hashinikjanihawina.
28Wankshig‐hinigra una shesge, E inke wagirairekje waunjinina eshi wawagirekje, egi wankshig‐hoi harnira wogarna roha hikikuruwi hiuine.
29Egi Jerixo‐eja rarnaga nige howarahau, worohaxji hironakshana.
30Egi horuxujre, wang‐hishjarningra nupiwi nagu hijejeja minaganankshana, jaja naxguinegi Jesus E howagra, uwainena, wairena: Najungijawine Hirukanara, Dawid hinigra.
31Egi worohanka najwawisgirena, xabguni hirekjege, eshi shige hiraijera uwainena, wairena: Najungijawine Hirukanara Dawid hinigra.
32Egi Jesus nashi‐hijena, egi wagigorna, egi wena: Jagu ningiunkjawi roraguwishe?
33Wagairena: Hirukanara, hishjasu warniwira gihashirekjege.
34Jesus najwawogijana, egi hishjasu warninera wawikhiorna egi higuana wajairena, egi hironaghirena.
Currently Selected:
Matthaiga 20: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 20
20
1Egi hungma wangregi herera wankshig jhirukana hikisgena, e haiuixjinig ware wa’shirena habsinsh max harnineja warera warairekjege.
2Egi jaja waranaka hamb‐hishara Denaria hisha (15 cents) hikisge khinegi, habsinsh max harnieja howarewagigina.
3Egi ejaxji howagix hidanihanigi (gijiwi hishankijushguni) rena egi hijane hajarna woruwieja warogija nashinank’u.
4Egi wawagena: Hishge habsinsh maxeja howarawire, egi higu jagu phingi hornikunkjawina, egi harairena.
5Egi shige ejaxji howagix hirakewehanegi, egi hishankijushguni hanigi rena egi shige shesge hina.
6Egi ejaxji shige howagix kerepanaishanaga‐hishankira‐hashananegi rena, egi hijane warogija nashinank’u wiena, egi wawagena: Jagu‐u hambserej egi warogija nanashiwishe?
7Wagairena: Inke hisha ware hish’irawinige esge. Egi wawagena: Hishge habsinsh max harnieja howarawire, egi higu jagu phira shuruisjawina.
8Egi jaja hoxjarnagi, habsinsh max hirukanara jhirukana harnira wagena: Warera wagigore, egi woirowera wokaraikare, hirowagjieja herenanka eja unarnaga egi jornixji herenanka hageni hirowe‐wagigiaje.
9Egi jaja hishankirashananegi ware‐shi hiranihawira hakiriregi jarnagaka Denarianra hishashana rus‐hirena.
10Eshi jaja jorninera hakiriregi, hiraijera rus‐hirekjane hirairena, egi hishge jarnagawiga Denarianra hishashana rus‐hirena.
11Egi jaja rus‐hiregi, jhi hirukanananka hakira hit’airena,
12Wairena: De‐e hirowagninangre howagix hishankira warairegaja egi wikisge hinagigiwi, ne wojexi hawawigaja egi hamb hotakajregi.
13Eshi hisha hornigiharna egi wena: Hijakoronina, inke washinohira ningiunigaja, jasge inke Denaria hisha hikisge hinagikinishe?
14Hashinira kurusanaga egi jikarare, eshi jarnaga hornikura hirowagninagre nishge shenaga wawagarna.
15Washa warnigi inke jagu giphi hauninashe? Jasge hishjasu hashinira wowonkshe, hinphina esge?
16Deshesgege hirowagnira jowera hahi hererekjanena egi jowera hirowagnira hahi hererekjanena, roha gigoiranunige eshi jarnagkhira gijairerana.
17Egi jaja Jesus Jerusalemra howaregi hironag nuphashanara injabwakerena egi wawagena:
18Horuxujwire, Jerusalemra howainawina egi Wankshig‐hinigra himanag‐hirekjanena nabhoruxaj hungeja egi wowagax‐hipereseja egi d’ehi wagigirekjanena.
19Egi hirarujeja hereja rushjane‐hirekjanena igixjairekjege egi washa pahi higipsinsh‐hirekjanena egi nanamiheja haisaraj‐hirekjanena egi hamb‐hidanihangi kikawa‐ankjanena.
20Egi Sebedai ninkjangra hiunihirera hinigwahira wakarakishu jina, gikaraj‐hirena egi washaisha rogigu hirena.
21Egi Jesus wagena: Jagu roragushe? Wagena: Hinigwaha nupiwi de‐e hungma hashinieja hisha hoishororaija egi hijanera hoirajgeraija minag‐hirekje woragagi.
22Eshi Jesus horniharna egi wena: Inke hirapereswini washawina jagu ratawire, jasge niwirajgaisha hoshu tajgankjanera rajga shuruxurugwishe, egi ni‐hawaxuine shuruxurugwishe ni‐hawaxu hingiuinekjanera? Wagairena: Duxurug‐winana.
23Egi wawagena: Niwirajga harnira sharajgankjanihawina egi ni‐harniwaxu‐hirekjanihawina ni‐hiwaxuhirekjanera hiu, eshi nab‐hoishorohaija egi hoirajgehaija minagra inke ne wogara winenina, eshi wawok’uinanana Jajiga e hirushjawagigigi.
24Egi jaja kerepanaisha‐harnaka naxguinegi khikhinub nupharnaka inke waiphixji hiranina.
25Eshi Jesus wawagigorna egi wena: Hirapereswina, hirarujeja herera hung harninera wawirukana‐nagra egi jarnaga xeteakhi homashjara wagiwaharnankshana.
26Eshi inke shenisgarnikjawina horograwiregi, eshi higu peshe horograwiregi xetekjegi e ware hashinikjanihawina.
27Egi higu peshe horograwiregi hung‐gikjegi e warnihi‐hashinikjanihawina.
28Wankshig‐hinigra una shesge, E inke wagirairekje waunjinina eshi wawagirekje, egi wankshig‐hoi harnira wogarna roha hikikuruwi hiuine.
29Egi Jerixo‐eja rarnaga nige howarahau, worohaxji hironakshana.
30Egi horuxujre, wang‐hishjarningra nupiwi nagu hijejeja minaganankshana, jaja naxguinegi Jesus E howagra, uwainena, wairena: Najungijawine Hirukanara, Dawid hinigra.
31Egi worohanka najwawisgirena, xabguni hirekjege, eshi shige hiraijera uwainena, wairena: Najungijawine Hirukanara Dawid hinigra.
32Egi Jesus nashi‐hijena, egi wagigorna, egi wena: Jagu ningiunkjawi roraguwishe?
33Wagairena: Hirukanara, hishjasu warniwira gihashirekjege.
34Jesus najwawogijana, egi hishjasu warninera wawikhiorna egi higuana wajairena, egi hironaghirena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.