Matthaiga 18
18
1Howagixeja wironagra Jesus hirajirena egi wairena: Hajanga xetera herewishe hungma wangregi herera?
2Egi Jesus ninkjang xununigisha gigorna, egi horoghireja kerena egi wena:
3Hisgexjina hinigawina, shawakshawinigi egi ninkjang xununig hirakisgawinigi, inke hungma wangregi horakawanikjanihawina.
4Esge higu peshe kushi hakikaranianaga ninkjang xununig de‐e hikisgegi, e hungma wangregi xetera herenana.
5Egi higu peshe ninkjangnig deshesgera hisha rusgi rash harnira hawau waungi hirus‐waunana.
6Eshi higu peshe xununig deshesgera hishaharnaixgujau, washoshishig‐u hawaxawairegi, e hiraijera wojexi wakik’unana, ini wirujobra hisha nap’in‐gigirarnaga egi tejainja hot’unairegi e inke wojexi wagiuraninana.
7Hawekjanena managre washoshishig u wawaxawajege esge, jasgegi washoshishig‐u wawaxewera jikjanena, eshi wankshigjega hawekjanena e washoshishig‐u wawaxawajegi.
8Esge nab hashinira egi shige si hashinira washoshishig unigi, gikunugaja egi nigewotunaje, e hiraijera niphinana wankshig‐hoieja horakewegi manirushag egi hokishig, eshi nabra nupiwianaga egi shige sira nupiwi egi manegus pejeja hot’unairera e wojexinana.
9Egi hishjasu hashinira washoshishig unigi, rushorojaje egi nige hot’unaje e hiraijera niphinana wankshig‐hoieja horakewegi hishjasura hishankira, eshi hishjasura nupiwi harni egi pej‐shishig‐eja hot’unairegi e wojexinana.
10Hirakara‐uanje xununignagre hisha inke hosh’igwinianje, hisgexjina hinigawina waxopiniwarajire warnira wangreginagre hoishib Jajiga wangregi nagre hishjara hajarnakshana.
11Wankshig‐hinigra niambwahijina jarnaga xawarniankhi.
12Jagu hirarawishe? Wankshigra hisha jhasgara hogihisha harnigi egi hisha gixawarnigi, jasge inke kerepanahishhanki‐jushguni‐anaga‐hishankijushguni‐hashananka eja washuanaga egi xe‐hojueja howaraninashe egi gixawarniga horni raninashe?
13Egi hik’egi, hisgexjina hinigawina jhasga she‐e hawau hiraijera wogishawarnana, kerepana‐hishankijushguni‐anaga‐hishankijushguni‐hashana inke xawarninianka e worujis hiranana.
14Egi shesgarnakshana Hianjrawiga wangreginagre xununignagre shesgera hisha xawarnigi inke giphininana.
15Egi rakhinubra washinigishanagi rarnaga washa woishana ningiunga hogiragaje inekhi, egi harnanixgungi rakhinubra rakuruxuruigkjanena.
16Eshi inke harnanixgunigi, hisha nigeshge nupiwi hakishuraje wihohira nup danixjiwingi hoit’era jarnaga airegi hisgarnana.
17Egi inke warnaxgunigi wohokhu‐hojhieja horagaje, egi shige inke wohokhu‐hojhieja herera warnaxgunigi hirarujeja here hikisgehiaje egi Publikanra.
18Hisgexjina hinigawina higu peshe ma‐hihagregi shurusgijwigi wangregi rusgij‐hirekjanena egi higupeshe ma‐hihagregi shurushgawinigi wangregi rushgairekjanena.
19Egi shige wanigawina, nupji ma‐hihagregi wanaira horeishankira rawianaga washara hisha ratawigi Jajiga wangreginagre ningiunkjanihawina.
20Higu hajinja nupiwi nigeshge dani rash harnira hawau stoiregi, horoghireja hajekjanena.
21Egi Peter hirajina egi wena: Hirukanara jarnaha hakhinubra washingishanagi egi hagit’untanashe? Shagowihainja hiparnashe?
22Jesus wagena: Inke shagowi‐hainja hipa hinigarnina, eshi kerepana‐shagowira shagowi‐hainja hipa.
23Esge hungma wangregi herera hung hisha hikisgena e ware warnira wowagaxra wagirussana.
24Egi jaja wawigikarab‐jiregi, hisha hirajigi e hogihixete‐kerepanaisha Talentra rushagshana. ($14,400,000.)
25Eshi inke hirowehi hiruxurugnigi hirukana harnira wiruwinekje ena, egi hijawina egi ninkjangnigra egi jarnaga washara harnigi harnaj, egi e wirowehi wiunkjege,
26Egi warajega jowehieja himpshana egi gikarajshana wena: Hirukanara warnaiserej hingiune, egi harnaj hiroweningigikjena.
27Egi hirukana ware harnira naj‐hogijana egi girushjanehianaga egi shige wawagaxrushagra git’unena.
28Eshi ware e hihinabshana egi ware wakishura hisha hiena e Denaria hogihisha girushagra ($15:00) egi harukosanaga egi doxi‐horushgana, wena: Hirowe hingigire jarnaga hinagishurushagra.
29Egi ware hakishura si hieja jimpshana egi gitarna, wena: Warnaiserej hingiune harnaj hirowe‐ningigikjanena.
30Egi inke unina, eshi rarnaga egi jhi‐hornassena, jarnaga girushagkhi hirowe‐higishana epa.
31Egi ware wakishura hajairena jagu ura, mashja najgerateghirena, egi hakiriranaga egi hirukana harninera harnaj hogiraghirena jagu uinera.
32Egi hirukana harnira, hageja gigorna wagena: Ware wowouk ranigaja, jarnaga shurushagra harnaj ningit’untena, hinagitage esge.
33Jasge inke ware harakishura nishge naj‐horagijanishe, naj‐hornigijara shesge.
34Egi hirukana harnira mashja wogitegshana, egi hawewahieja horushjarehina, jarnaga girushagki harnaj hirowe‐higishana epa.
35Egi hishge shesge ningigikjanihawina Jajiga wangregi‐nagre, warakhinub‐wira hisha washa hiningishanawingi inke najge washiniwieja harnaj waragit’u‐sharawinigi.
Currently Selected:
Matthaiga 18: WIN
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.
Matthaiga 18
18
1Howagixeja wironagra Jesus hirajirena egi wairena: Hajanga xetera herewishe hungma wangregi herera?
2Egi Jesus ninkjang xununigisha gigorna, egi horoghireja kerena egi wena:
3Hisgexjina hinigawina, shawakshawinigi egi ninkjang xununig hirakisgawinigi, inke hungma wangregi horakawanikjanihawina.
4Esge higu peshe kushi hakikaranianaga ninkjang xununig de‐e hikisgegi, e hungma wangregi xetera herenana.
5Egi higu peshe ninkjangnig deshesgera hisha rusgi rash harnira hawau waungi hirus‐waunana.
6Eshi higu peshe xununig deshesgera hishaharnaixgujau, washoshishig‐u hawaxawairegi, e hiraijera wojexi wakik’unana, ini wirujobra hisha nap’in‐gigirarnaga egi tejainja hot’unairegi e inke wojexi wagiuraninana.
7Hawekjanena managre washoshishig u wawaxawajege esge, jasgegi washoshishig‐u wawaxewera jikjanena, eshi wankshigjega hawekjanena e washoshishig‐u wawaxawajegi.
8Esge nab hashinira egi shige si hashinira washoshishig unigi, gikunugaja egi nigewotunaje, e hiraijera niphinana wankshig‐hoieja horakewegi manirushag egi hokishig, eshi nabra nupiwianaga egi shige sira nupiwi egi manegus pejeja hot’unairera e wojexinana.
9Egi hishjasu hashinira washoshishig unigi, rushorojaje egi nige hot’unaje e hiraijera niphinana wankshig‐hoieja horakewegi hishjasura hishankira, eshi hishjasura nupiwi harni egi pej‐shishig‐eja hot’unairegi e wojexinana.
10Hirakara‐uanje xununignagre hisha inke hosh’igwinianje, hisgexjina hinigawina waxopiniwarajire warnira wangreginagre hoishib Jajiga wangregi nagre hishjara hajarnakshana.
11Wankshig‐hinigra niambwahijina jarnaga xawarniankhi.
12Jagu hirarawishe? Wankshigra hisha jhasgara hogihisha harnigi egi hisha gixawarnigi, jasge inke kerepanahishhanki‐jushguni‐anaga‐hishankijushguni‐hashananka eja washuanaga egi xe‐hojueja howaraninashe egi gixawarniga horni raninashe?
13Egi hik’egi, hisgexjina hinigawina jhasga she‐e hawau hiraijera wogishawarnana, kerepana‐hishankijushguni‐anaga‐hishankijushguni‐hashana inke xawarninianka e worujis hiranana.
14Egi shesgarnakshana Hianjrawiga wangreginagre xununignagre shesgera hisha xawarnigi inke giphininana.
15Egi rakhinubra washinigishanagi rarnaga washa woishana ningiunga hogiragaje inekhi, egi harnanixgungi rakhinubra rakuruxuruigkjanena.
16Eshi inke harnanixgunigi, hisha nigeshge nupiwi hakishuraje wihohira nup danixjiwingi hoit’era jarnaga airegi hisgarnana.
17Egi inke warnaxgunigi wohokhu‐hojhieja horagaje, egi shige inke wohokhu‐hojhieja herera warnaxgunigi hirarujeja here hikisgehiaje egi Publikanra.
18Hisgexjina hinigawina higu peshe ma‐hihagregi shurusgijwigi wangregi rusgij‐hirekjanena egi higupeshe ma‐hihagregi shurushgawinigi wangregi rushgairekjanena.
19Egi shige wanigawina, nupji ma‐hihagregi wanaira horeishankira rawianaga washara hisha ratawigi Jajiga wangreginagre ningiunkjanihawina.
20Higu hajinja nupiwi nigeshge dani rash harnira hawau stoiregi, horoghireja hajekjanena.
21Egi Peter hirajina egi wena: Hirukanara jarnaha hakhinubra washingishanagi egi hagit’untanashe? Shagowihainja hiparnashe?
22Jesus wagena: Inke shagowi‐hainja hipa hinigarnina, eshi kerepana‐shagowira shagowi‐hainja hipa.
23Esge hungma wangregi herera hung hisha hikisgena e ware warnira wowagaxra wagirussana.
24Egi jaja wawigikarab‐jiregi, hisha hirajigi e hogihixete‐kerepanaisha Talentra rushagshana. ($14,400,000.)
25Eshi inke hirowehi hiruxurugnigi hirukana harnira wiruwinekje ena, egi hijawina egi ninkjangnigra egi jarnaga washara harnigi harnaj, egi e wirowehi wiunkjege,
26Egi warajega jowehieja himpshana egi gikarajshana wena: Hirukanara warnaiserej hingiune, egi harnaj hiroweningigikjena.
27Egi hirukana ware harnira naj‐hogijana egi girushjanehianaga egi shige wawagaxrushagra git’unena.
28Eshi ware e hihinabshana egi ware wakishura hisha hiena e Denaria hogihisha girushagra ($15:00) egi harukosanaga egi doxi‐horushgana, wena: Hirowe hingigire jarnaga hinagishurushagra.
29Egi ware hakishura si hieja jimpshana egi gitarna, wena: Warnaiserej hingiune harnaj hirowe‐ningigikjanena.
30Egi inke unina, eshi rarnaga egi jhi‐hornassena, jarnaga girushagkhi hirowe‐higishana epa.
31Egi ware wakishura hajairena jagu ura, mashja najgerateghirena, egi hakiriranaga egi hirukana harninera harnaj hogiraghirena jagu uinera.
32Egi hirukana harnira, hageja gigorna wagena: Ware wowouk ranigaja, jarnaga shurushagra harnaj ningit’untena, hinagitage esge.
33Jasge inke ware harakishura nishge naj‐horagijanishe, naj‐hornigijara shesge.
34Egi hirukana harnira mashja wogitegshana, egi hawewahieja horushjarehina, jarnaga girushagki harnaj hirowe‐higishana epa.
35Egi hishge shesge ningigikjanihawina Jajiga wangregi‐nagre, warakhinub‐wira hisha washa hiningishanawingi inke najge washiniwieja harnaj waragit’u‐sharawinigi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Published by the American Bible Society in 1907.