Margus 14
14
Algeta dhuŋuna nyim dhina dhadhil dhai rinya Yasuuⓐuŋw
1Kwereny nanaŋ ŋwamun ŋwati ŋwiro ram ŋwa Ŋida ŋa dh’Abrico a ŋa dh’ⓐesh Fatir no, a leleny la gusus a jathib athilabiŋaijiye, alari lamutha Yasuuⓐuŋw girimu, alrinya. 2Albarnu, athil nanaŋ muthi ŋidwa ŋijo no, lidhenyo alari lal liji lagajo ganu.
Dina jo Yasuuⓐ Betⓐanya a kwa gweta buluje ŋela gi lira alaŋ
3A ma Yasuuⓐ je Betⓐanya, ŋwuje gi dunu gwa Simⓐaan gwina gwiro ŋilaŋ, a dina aruŋw gweny, a kwa gweta ila, ŋwapa gizaaza gina giro gwoweny, guthi luro loinyadho. Ŋwukie gizaaza, ŋwubuluje ŋela gi lira alaŋ la Yasuuⓐ. 4A liji coŋ lina lijo mine alkadugore, alarnu, Kworaŋ abi ŋela kadhi galo minoŋ? 5Ŋuthi ŋoma ŋilini jinea die‐a‐thudhina a jaldhedha lijo lina lati luthi ŋida no. Alrumejo kwaio diman galo. 6Al Yasuuⓐ aicinu, Abricul, kworaŋ nyabi rumejo diman galo? Gwiminyupijo ŋiro ŋiŋir. 7Liji lina lati luthi ŋida no lathanyal je gigina. Ada limari lanyal upijo ŋiro ŋina ŋiŋir, nyaŋa luthi ŋoma; abi nyi gwati gwatigwaje dagalo gigina no. 8Gwimapai ŋiro peth ŋina ŋuthiuŋw ŋai ŋoma; gwimila kwereny nanaŋ nyi gwati gwurcinu no, ŋwugeta ŋela kaŋinu iny. 9Titiganu nyi gwa gwacaijinu, Kalo peth ga gidhila gina gathaji gan liji abiŋi Dhuŋuna dhina Dhiŋir, labiŋi ko dhuŋuna ibidha dhina dhima kwa apa, athi liji aŋidhani.
Ugejiye gwa Yahuudha al Iskharyuuṯi
10A Yahuudha al Iskharyuuṯi, gwina gwiro gweta gwa calmiz jina jiro die‐a‐ram, ŋwela gi leleny la gusus, ŋwari gwuŋwun ugejie degen. 11A dina maldiŋini, aliŋir dugore, alarnu gwaldhedha gwarush. A Yahuudha bupe lamun lina liŋir ladhuŋwulugejie.
Gimure gina gimiradhi
12A lamun lina lal Ŋidwa ŋa dh’ⓐesh Fatir je kwerkwereny, lina lathin dhoga kaŋala ga ŋidwa, a calmiz ja Yasuuⓐ othaije galo, alaici, Au gwara anaŋa lelina daŋalgitijo kaloŋa momaŋ ga dheny ŋida ŋa ŋidwa? 13Ŋwukeje calmiz juŋun ram, ŋwulabiŋaijo, ŋwulaici, Idhul len, nyaŋa labudhe kwoma ŋalai gweta gwina gwupunu gidhe ga ŋau; nya gwuje. 14A dunu gwina gwaji gwuŋwun uni, nyabiŋaijo kwijo gwa dunu, nyaici, Muⓐallim gwarnu, Dunu gwa lirin gwada, gwina gwananeny ŋida ŋa ŋidwa calmiz jai jiny? 15A gwaji gwajaŋajo duna gweta gwina gwipa gwina gwijo kabo gwina gwuthi ŋida peth; nya geta momaŋ. 16A calmiz juŋun ela, alobani len, albuje dhuŋuna peth dhiro ŋinena dhina dhabiŋaijuŋwulo; algeta ŋida peth momaŋ ŋa ŋidwa. 17A ma kalo ro ŋibilbil, a Yasuuⓐŋa ila calmiz jai jina jiro die‐a‐ram. 18A dina jalilo aleny, al Yasuuⓐ abiŋaijo, ŋwulaici, Titiganu nyi gwa gwacaijinu, Gweta gwo gwithi lai gwina gwaji gwinyinugejie. 19Alkadugore gwuleny, athi gweta arnu, Nyi gwiro a? A gwiter arnu, Nyi gwiro a? 20Ŋwulabiŋaijo, ŋwulaici, Gwiro gweta gwa calmiz jina jiro die‐a‐ram gwina gwanagwai duwaijiye nono gi s̱aẖn jetipo. 21Ŋari ŋa liji ŋela, ŋiro ŋinena ulinuŋwna; abi dhuŋun dhaje dhike kwiji gwina gwaji gwanugejie. Gwiŋiranu dathuŋw liŋinu gatur no. 22Dina ithilo, a Yasuuⓐ apa ⓐesh, ŋwuyabiŋaijo Kaloŋa, ŋwurta ganu, ŋwuldhedha, ŋwulaici, Apul, nyeny; aŋinu iny iro ibiya. 23Ŋwari ŋwapai finjaan, ŋwugwabiŋaijo Kaloŋa, ŋwuldhehda; aniye peth. 24Ŋwulabiŋaijo, ŋwulaici, Ŋin ŋiny ŋiro ibiŋa ŋa dhuŋun dha Kalo dhina dhiyaŋ, ŋina ŋirijo lijo loinyadho. 25Titiganu nyi gwa gwacaijinu, Nyi gwati gweye ŋau ŋa dugur manaŋ no, di gi lamun ibile lina laji linyiliye ŋina ŋiyaŋ kidhila ga Kalo. 26A dina mal eliŋa dheliŋa dheta dha Kalo, altu, alela gi len lina lan Zetuun.
Yasuuⓐ gwabiŋu darnu gwaji gwa calmiz juŋun gathani
27Al Yasuuⓐ abiŋaijo, ŋwulaici, Nyaŋa peth dugor dajimiri gi dhuŋun dhiny gile ibiga; ŋinena dhulinu minoŋ, Nyi gwaji gwupi gwora, a jaŋal jabai galo peth. 28Abi maji minyi dire, nyi gwajimadhina, nyi gwela Jaliil. 29Abi Buṯrus abiŋaijo, ŋwaici, Ada dugor dimijimiri peth, dhati dhinyimiri no. 30A Yasuuⓐ abiŋaijo, ŋwaici, Titiganu nyi gwa gwaicaŋanu, Ŋinena gile, kwereny nanaŋ lugugure lati luro ŋwamun ram no, ŋa gwaji gwinyidoinya ŋwamun ganu thiril. 31Ŋwubabiŋaijani gwuleny, ŋwaici, Ada nyi gwimari dalai, nyi gwati gwaŋadoinya gatur no. An calmiz juŋun peth are minoŋ.
Yasuuⓐ gwijo Jathsemaani
32Alobani kalo gina gan Jathsemaani; ŋwabiŋaijo calmiz juŋun, ŋwulaici, Jalul mina, nyela nyabiŋaijo Kaloŋa. 33Ŋwodha Buṯrusuŋw a Yuuẖanna a Yaⓐguub, ŋwuke dhugore, ŋwuni gwuleny gi dhugor ganu dhuŋun. 34Ŋwulabiŋaijo, ŋwulaici, Dhugor dhiny dha dhimiriiny dhiro ŋinena nyinai; jul mina; nyethadhe galo. 35Ŋwudoga galo gwitiny, ŋwide kwiyaŋ, ŋwabiŋaijo Kaloŋa, ŋwari ada dhuŋun dhimuthi ŋoma gi saaⓐa ibije jaji ŋwerna je ganu dugun. 36Ŋwaici, Babo gwai, ŋa gwuthi ŋoma gwapai dhuŋuna peth. Wuludhiny finjaan ibigwa; athaŋa babrico dhuŋuna dhina dhinyi dhare no, ŋwubi je dhina dhuminyaŋa. 37Ŋwaura, ŋwulbuje didhre, ŋwabiŋaijo Buṯrusuŋw, ŋwaici, Simⓐaan, ŋa gwimadhire? Au gwati gwuthi ŋoma gwadatiŋa galo saaⓐa jetipo no? 38Athanya datiŋa galo, nyabiŋaijo Kaloŋa, dathathanya ugejinu gi dugor ganu dalo no. Titiganu, dhigirim dhathojimaje, abi aŋinu yathowaje. 39Ŋwari ŋwela manaŋ, ŋwabiŋaijo Kaloŋa dhuŋuna dhina dhabiŋaijuŋw kwereny. 40A muŋw aura, ŋwulbuje didhre manaŋ, (ŋinena ithilo ŋwar,) athil liŋidhi darnu gwalabiŋaijaŋa no. 41Ŋwaura manaŋ, ŋwulaici, Dhirul ŋinena; nya gathuwa; peth di. Saaⓐa jimila. Aŋadhul, Ŋari ŋa liji ŋanugejie gi doi ganu da liji lina like. 42Dirul, alela; aŋadhul, gwina gwugejinyina gwo githo.
Mutha gwa Yasuuⓐ
43A dina juŋw nanaŋ dabiŋi, an Yahuudha, gwina gwiro gweta gwa calmiz jina jiro die‐a‐ram, ila liji lai loinyadho, lapanu jalala a lurudho, lina lukejilo leleny la gusus a jathib a liji lina lurun. 44A kwiji gwina gwugejina ŋwulabiŋaijo kwereny ŋwulaŋajo dhuŋuna ibidha, darnu, Kwiji ibigwa gwina gwaji gwinyi mira, ŋeda gwiro; nyamutha, nyodha, nyagwela. 45Muŋwila, ŋwunela ganu di Yasuuⓐ, ŋwabiŋaijo, ŋwaici, Muⓐallim gwai, Muⓐallim gwai; ŋwumira. 46Almutha doi dai, alodha. 47A kwiji gweta gwina gwidhunudhi githo ŋwuwal kalala, ŋwumiri gadham ga kweleny gwa gusus, ŋwura kuni galo. 48Al Yasuuⓐ abiŋaijo, ŋwulaici, Nyaŋa liludhi dinyil mutha gwiro ŋinena gwuram jalala jai a lurudo lai a? 49Alathije hekal gigina, ŋajalimiye, athinyil muthi no; abi aram dhuŋun dha kitham dhuthi je ganu. 50Algathani peth, alabire. 51A kamal geta gwuje, gina gigeno burthi dogo, abi ma jamal mutha, 52Ŋwugathani burthi galo, ŋwabire galo ŋwumirinya.
Maẖkama gwa Yasuuⓐ gi je ganu ja kweleny gwa gusus
53Alodha Yasuuⓐuŋw, algwela kweleny gwa gusus; gwijil gusus gwai peth a liji lina lurun a jathib. 54Al Buṯrus gwuje ro gidon, duŋwila gi dunu gwa kweleny gwa gusus; lajalo jadham jai kiga, ŋwenaje. 55A leleny la gusus a liji peth lina lathije gi juriya alari labuje lijo lina luthi ŋoma labiŋi dhuŋuna dha dhildhirinya Yasuuⓐuŋw; athilbi bujo no. 56Ŋinena liji loinyadho lidhedhinu shahaada gwina gwiro ŋidhuŋun dugun, abi shahaada gwegen gwati gwiro ŋinena gwetipo no. 57A liji coŋ dire, aldhedha shahaada gwina gwiro ŋidhuŋun dugun, alarnu, 58Anaŋa lidiŋinu darnu, Nyi gwakie hekal ibigwa gwina gwigitinu doi dai, a nyi gwaje ŋwamun thiril a gwinyaice gwiter gwina gwati gwigitinu doi dai no. 59A shahaada gwegen lagadhe ganu, athuŋw audhi no. 60A kweleny gwa gusus direlaŋ keligeny ganu, ŋwothaije Yasuuⓐuŋw galo, ŋwaici, Ŋa gwati gwuthi dhuŋuna dha dhabiŋi na? Dhuŋun dhiro dhaŋ dhina dhabiŋaŋal dhai? 61Ŋwubijalo jigwoiny, athuŋw abiŋi dhuŋuna dheda no. A kweleny gwa gusus othaije galo manaŋ, ŋwaici, Au gwiro al Masiiẖ, gwina gwiro Ŋari ŋa Mubaarak a? 62A Yasuuⓐ arnu, Nyi gwiro; a nyaŋa laji laŋa Ŋare ŋa liji dijalo gi limera la dhiŋir dha ŋoma, a dila gi jibura ja Sama. 63A kweleny gwa gusus dhiretha ciraŋa ganu juŋun, ŋwarnu, Anaŋa libupo shahaada gwiraŋ manaŋ? 64Nyaŋa limadiŋini duŋwulo Kaloŋa. Nyaŋa larakwai? A liji peth akimiye ai gwai. 65A liji coŋ gwoginya nono, algirba galo gi je ganu, alpi, alaicinu, Aŋajije dhuŋuna dha nebiŋa dhina dhanaliŋa. A jadham pi nyirke nyai.
Buṯrus gwirinu Yasuuⓐuŋw
66A dina jalo Buṯrus galiny gi dunu, a gadham geta ga kweleny gwa gusus ela gina giro ŋera. 67Muŋwaŋa Buṯrusuŋw denaje, ŋwutejo je, ŋwaici, Ŋa ko ligwudhio Yasuuⓐ gwai gwa Naas̱ira. 68Ŋwubidoinya, ŋwarnu, Nyi gwati gwiliŋidhi dhuŋuna dhuŋa no. Ŋwutu por; a lugugure ure. 69A ŋera ŋina ŋiro gadham aŋa manaŋ, ŋwabiŋaijo lijo lina lijilai, ŋwulaici, Kwiji ibigwa gwiro gweta degen. 70Ŋwudoinya manaŋ. Aljalo gwitiny, a liji lina lijilai alabiŋaijo Buṯrusuŋw manaŋ, alaici, Titiganu ŋa gwiro gweta degen; ŋa gwiro kwiji gwa Jaliil, a dhuŋun dhuŋa dhirna. 71Ŋwubi luye, ŋwarnu, Nyi gwati gwiliŋidhi kwijo ibigwa gwina gwaranya gwai no. 72A lugugure ure manaŋ. A Buṯrus aŋidhani dhuŋuna dhina dhabiŋaijo Yasuuⓐ, ŋwaici, Kwereny nanaŋ lugugure lati luro ŋwamun ram no, ŋa gwinyidoinya ŋwamun ganu thiril. A dina muŋw aŋidhani, ŋware.
Currently Selected:
Margus 14: HBN
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.
Margus 14
14
Algeta dhuŋuna nyim dhina dhadhil dhai rinya Yasuuⓐuŋw
1Kwereny nanaŋ ŋwamun ŋwati ŋwiro ram ŋwa Ŋida ŋa dh’Abrico a ŋa dh’ⓐesh Fatir no, a leleny la gusus a jathib athilabiŋaijiye, alari lamutha Yasuuⓐuŋw girimu, alrinya. 2Albarnu, athil nanaŋ muthi ŋidwa ŋijo no, lidhenyo alari lal liji lagajo ganu.
Dina jo Yasuuⓐ Betⓐanya a kwa gweta buluje ŋela gi lira alaŋ
3A ma Yasuuⓐ je Betⓐanya, ŋwuje gi dunu gwa Simⓐaan gwina gwiro ŋilaŋ, a dina aruŋw gweny, a kwa gweta ila, ŋwapa gizaaza gina giro gwoweny, guthi luro loinyadho. Ŋwukie gizaaza, ŋwubuluje ŋela gi lira alaŋ la Yasuuⓐ. 4A liji coŋ lina lijo mine alkadugore, alarnu, Kworaŋ abi ŋela kadhi galo minoŋ? 5Ŋuthi ŋoma ŋilini jinea die‐a‐thudhina a jaldhedha lijo lina lati luthi ŋida no. Alrumejo kwaio diman galo. 6Al Yasuuⓐ aicinu, Abricul, kworaŋ nyabi rumejo diman galo? Gwiminyupijo ŋiro ŋiŋir. 7Liji lina lati luthi ŋida no lathanyal je gigina. Ada limari lanyal upijo ŋiro ŋina ŋiŋir, nyaŋa luthi ŋoma; abi nyi gwati gwatigwaje dagalo gigina no. 8Gwimapai ŋiro peth ŋina ŋuthiuŋw ŋai ŋoma; gwimila kwereny nanaŋ nyi gwati gwurcinu no, ŋwugeta ŋela kaŋinu iny. 9Titiganu nyi gwa gwacaijinu, Kalo peth ga gidhila gina gathaji gan liji abiŋi Dhuŋuna dhina Dhiŋir, labiŋi ko dhuŋuna ibidha dhina dhima kwa apa, athi liji aŋidhani.
Ugejiye gwa Yahuudha al Iskharyuuṯi
10A Yahuudha al Iskharyuuṯi, gwina gwiro gweta gwa calmiz jina jiro die‐a‐ram, ŋwela gi leleny la gusus, ŋwari gwuŋwun ugejie degen. 11A dina maldiŋini, aliŋir dugore, alarnu gwaldhedha gwarush. A Yahuudha bupe lamun lina liŋir ladhuŋwulugejie.
Gimure gina gimiradhi
12A lamun lina lal Ŋidwa ŋa dh’ⓐesh Fatir je kwerkwereny, lina lathin dhoga kaŋala ga ŋidwa, a calmiz ja Yasuuⓐ othaije galo, alaici, Au gwara anaŋa lelina daŋalgitijo kaloŋa momaŋ ga dheny ŋida ŋa ŋidwa? 13Ŋwukeje calmiz juŋun ram, ŋwulabiŋaijo, ŋwulaici, Idhul len, nyaŋa labudhe kwoma ŋalai gweta gwina gwupunu gidhe ga ŋau; nya gwuje. 14A dunu gwina gwaji gwuŋwun uni, nyabiŋaijo kwijo gwa dunu, nyaici, Muⓐallim gwarnu, Dunu gwa lirin gwada, gwina gwananeny ŋida ŋa ŋidwa calmiz jai jiny? 15A gwaji gwajaŋajo duna gweta gwina gwipa gwina gwijo kabo gwina gwuthi ŋida peth; nya geta momaŋ. 16A calmiz juŋun ela, alobani len, albuje dhuŋuna peth dhiro ŋinena dhina dhabiŋaijuŋwulo; algeta ŋida peth momaŋ ŋa ŋidwa. 17A ma kalo ro ŋibilbil, a Yasuuⓐŋa ila calmiz jai jina jiro die‐a‐ram. 18A dina jalilo aleny, al Yasuuⓐ abiŋaijo, ŋwulaici, Titiganu nyi gwa gwacaijinu, Gweta gwo gwithi lai gwina gwaji gwinyinugejie. 19Alkadugore gwuleny, athi gweta arnu, Nyi gwiro a? A gwiter arnu, Nyi gwiro a? 20Ŋwulabiŋaijo, ŋwulaici, Gwiro gweta gwa calmiz jina jiro die‐a‐ram gwina gwanagwai duwaijiye nono gi s̱aẖn jetipo. 21Ŋari ŋa liji ŋela, ŋiro ŋinena ulinuŋwna; abi dhuŋun dhaje dhike kwiji gwina gwaji gwanugejie. Gwiŋiranu dathuŋw liŋinu gatur no. 22Dina ithilo, a Yasuuⓐ apa ⓐesh, ŋwuyabiŋaijo Kaloŋa, ŋwurta ganu, ŋwuldhedha, ŋwulaici, Apul, nyeny; aŋinu iny iro ibiya. 23Ŋwari ŋwapai finjaan, ŋwugwabiŋaijo Kaloŋa, ŋwuldhehda; aniye peth. 24Ŋwulabiŋaijo, ŋwulaici, Ŋin ŋiny ŋiro ibiŋa ŋa dhuŋun dha Kalo dhina dhiyaŋ, ŋina ŋirijo lijo loinyadho. 25Titiganu nyi gwa gwacaijinu, Nyi gwati gweye ŋau ŋa dugur manaŋ no, di gi lamun ibile lina laji linyiliye ŋina ŋiyaŋ kidhila ga Kalo. 26A dina mal eliŋa dheliŋa dheta dha Kalo, altu, alela gi len lina lan Zetuun.
Yasuuⓐ gwabiŋu darnu gwaji gwa calmiz juŋun gathani
27Al Yasuuⓐ abiŋaijo, ŋwulaici, Nyaŋa peth dugor dajimiri gi dhuŋun dhiny gile ibiga; ŋinena dhulinu minoŋ, Nyi gwaji gwupi gwora, a jaŋal jabai galo peth. 28Abi maji minyi dire, nyi gwajimadhina, nyi gwela Jaliil. 29Abi Buṯrus abiŋaijo, ŋwaici, Ada dugor dimijimiri peth, dhati dhinyimiri no. 30A Yasuuⓐ abiŋaijo, ŋwaici, Titiganu nyi gwa gwaicaŋanu, Ŋinena gile, kwereny nanaŋ lugugure lati luro ŋwamun ram no, ŋa gwaji gwinyidoinya ŋwamun ganu thiril. 31Ŋwubabiŋaijani gwuleny, ŋwaici, Ada nyi gwimari dalai, nyi gwati gwaŋadoinya gatur no. An calmiz juŋun peth are minoŋ.
Yasuuⓐ gwijo Jathsemaani
32Alobani kalo gina gan Jathsemaani; ŋwabiŋaijo calmiz juŋun, ŋwulaici, Jalul mina, nyela nyabiŋaijo Kaloŋa. 33Ŋwodha Buṯrusuŋw a Yuuẖanna a Yaⓐguub, ŋwuke dhugore, ŋwuni gwuleny gi dhugor ganu dhuŋun. 34Ŋwulabiŋaijo, ŋwulaici, Dhugor dhiny dha dhimiriiny dhiro ŋinena nyinai; jul mina; nyethadhe galo. 35Ŋwudoga galo gwitiny, ŋwide kwiyaŋ, ŋwabiŋaijo Kaloŋa, ŋwari ada dhuŋun dhimuthi ŋoma gi saaⓐa ibije jaji ŋwerna je ganu dugun. 36Ŋwaici, Babo gwai, ŋa gwuthi ŋoma gwapai dhuŋuna peth. Wuludhiny finjaan ibigwa; athaŋa babrico dhuŋuna dhina dhinyi dhare no, ŋwubi je dhina dhuminyaŋa. 37Ŋwaura, ŋwulbuje didhre, ŋwabiŋaijo Buṯrusuŋw, ŋwaici, Simⓐaan, ŋa gwimadhire? Au gwati gwuthi ŋoma gwadatiŋa galo saaⓐa jetipo no? 38Athanya datiŋa galo, nyabiŋaijo Kaloŋa, dathathanya ugejinu gi dugor ganu dalo no. Titiganu, dhigirim dhathojimaje, abi aŋinu yathowaje. 39Ŋwari ŋwela manaŋ, ŋwabiŋaijo Kaloŋa dhuŋuna dhina dhabiŋaijuŋw kwereny. 40A muŋw aura, ŋwulbuje didhre manaŋ, (ŋinena ithilo ŋwar,) athil liŋidhi darnu gwalabiŋaijaŋa no. 41Ŋwaura manaŋ, ŋwulaici, Dhirul ŋinena; nya gathuwa; peth di. Saaⓐa jimila. Aŋadhul, Ŋari ŋa liji ŋanugejie gi doi ganu da liji lina like. 42Dirul, alela; aŋadhul, gwina gwugejinyina gwo githo.
Mutha gwa Yasuuⓐ
43A dina juŋw nanaŋ dabiŋi, an Yahuudha, gwina gwiro gweta gwa calmiz jina jiro die‐a‐ram, ila liji lai loinyadho, lapanu jalala a lurudho, lina lukejilo leleny la gusus a jathib a liji lina lurun. 44A kwiji gwina gwugejina ŋwulabiŋaijo kwereny ŋwulaŋajo dhuŋuna ibidha, darnu, Kwiji ibigwa gwina gwaji gwinyi mira, ŋeda gwiro; nyamutha, nyodha, nyagwela. 45Muŋwila, ŋwunela ganu di Yasuuⓐ, ŋwabiŋaijo, ŋwaici, Muⓐallim gwai, Muⓐallim gwai; ŋwumira. 46Almutha doi dai, alodha. 47A kwiji gweta gwina gwidhunudhi githo ŋwuwal kalala, ŋwumiri gadham ga kweleny gwa gusus, ŋwura kuni galo. 48Al Yasuuⓐ abiŋaijo, ŋwulaici, Nyaŋa liludhi dinyil mutha gwiro ŋinena gwuram jalala jai a lurudo lai a? 49Alathije hekal gigina, ŋajalimiye, athinyil muthi no; abi aram dhuŋun dha kitham dhuthi je ganu. 50Algathani peth, alabire. 51A kamal geta gwuje, gina gigeno burthi dogo, abi ma jamal mutha, 52Ŋwugathani burthi galo, ŋwabire galo ŋwumirinya.
Maẖkama gwa Yasuuⓐ gi je ganu ja kweleny gwa gusus
53Alodha Yasuuⓐuŋw, algwela kweleny gwa gusus; gwijil gusus gwai peth a liji lina lurun a jathib. 54Al Buṯrus gwuje ro gidon, duŋwila gi dunu gwa kweleny gwa gusus; lajalo jadham jai kiga, ŋwenaje. 55A leleny la gusus a liji peth lina lathije gi juriya alari labuje lijo lina luthi ŋoma labiŋi dhuŋuna dha dhildhirinya Yasuuⓐuŋw; athilbi bujo no. 56Ŋinena liji loinyadho lidhedhinu shahaada gwina gwiro ŋidhuŋun dugun, abi shahaada gwegen gwati gwiro ŋinena gwetipo no. 57A liji coŋ dire, aldhedha shahaada gwina gwiro ŋidhuŋun dugun, alarnu, 58Anaŋa lidiŋinu darnu, Nyi gwakie hekal ibigwa gwina gwigitinu doi dai, a nyi gwaje ŋwamun thiril a gwinyaice gwiter gwina gwati gwigitinu doi dai no. 59A shahaada gwegen lagadhe ganu, athuŋw audhi no. 60A kweleny gwa gusus direlaŋ keligeny ganu, ŋwothaije Yasuuⓐuŋw galo, ŋwaici, Ŋa gwati gwuthi dhuŋuna dha dhabiŋi na? Dhuŋun dhiro dhaŋ dhina dhabiŋaŋal dhai? 61Ŋwubijalo jigwoiny, athuŋw abiŋi dhuŋuna dheda no. A kweleny gwa gusus othaije galo manaŋ, ŋwaici, Au gwiro al Masiiẖ, gwina gwiro Ŋari ŋa Mubaarak a? 62A Yasuuⓐ arnu, Nyi gwiro; a nyaŋa laji laŋa Ŋare ŋa liji dijalo gi limera la dhiŋir dha ŋoma, a dila gi jibura ja Sama. 63A kweleny gwa gusus dhiretha ciraŋa ganu juŋun, ŋwarnu, Anaŋa libupo shahaada gwiraŋ manaŋ? 64Nyaŋa limadiŋini duŋwulo Kaloŋa. Nyaŋa larakwai? A liji peth akimiye ai gwai. 65A liji coŋ gwoginya nono, algirba galo gi je ganu, alpi, alaicinu, Aŋajije dhuŋuna dha nebiŋa dhina dhanaliŋa. A jadham pi nyirke nyai.
Buṯrus gwirinu Yasuuⓐuŋw
66A dina jalo Buṯrus galiny gi dunu, a gadham geta ga kweleny gwa gusus ela gina giro ŋera. 67Muŋwaŋa Buṯrusuŋw denaje, ŋwutejo je, ŋwaici, Ŋa ko ligwudhio Yasuuⓐ gwai gwa Naas̱ira. 68Ŋwubidoinya, ŋwarnu, Nyi gwati gwiliŋidhi dhuŋuna dhuŋa no. Ŋwutu por; a lugugure ure. 69A ŋera ŋina ŋiro gadham aŋa manaŋ, ŋwabiŋaijo lijo lina lijilai, ŋwulaici, Kwiji ibigwa gwiro gweta degen. 70Ŋwudoinya manaŋ. Aljalo gwitiny, a liji lina lijilai alabiŋaijo Buṯrusuŋw manaŋ, alaici, Titiganu ŋa gwiro gweta degen; ŋa gwiro kwiji gwa Jaliil, a dhuŋun dhuŋa dhirna. 71Ŋwubi luye, ŋwarnu, Nyi gwati gwiliŋidhi kwijo ibigwa gwina gwaranya gwai no. 72A lugugure ure manaŋ. A Buṯrus aŋidhani dhuŋuna dhina dhabiŋaijo Yasuuⓐ, ŋwaici, Kwereny nanaŋ lugugure lati luro ŋwamun ram no, ŋa gwinyidoinya ŋwamun ganu thiril. A dina muŋw aŋidhani, ŋware.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.