Luuga 1
1
Dhuŋun dhina dhiro kwerkwereny
1Gwiro ŋinena liji loinyadho limidheje dule dhuŋuna dhan ŋiro ŋina ŋigitinu momaŋ daguri ganu. 2A gwiro ŋinena limijidhedha, lina laŋadhi ŋiro ibiŋe ro kwerkwereny je jai jegen, a lina liro jadham ja dhuŋun. 3Gwimaŋini gwiŋir diginy ko, gwina gwiliŋidhi ŋida ibiŋe peth momaŋ ro kwerkwereny, daŋa ulijo, Taawufiilus gwai gwina gwuminyinu, dhuŋuna ibidha dimalgwujani dhuŋuna dheda dheda momaŋ. 4Daŋa liŋa dhuŋuna ibidhe dhiro titiganu dhina dhimaŋa alimini.
Gwabiŋu liŋini gwai gwa Yuuẖanna al Maⓐmadaan
5Gi ŋwamun ŋwina ŋwijo ŋwai Hiiruudus, gwina gwiro malik gwa Yahuudiiya, a gasiis geta je gina gan Zakariiya, gina giro kwiji gwa Abiiya; a kwa gwuŋun gwiro ŋera ŋa H̱aruun, ŋina ŋan Iliis̱aabaat. 6Liŋir ram gi je ganu ja Kalo, athilela gi awaamir peth gwa Kweleny a dhuŋun dhina dhigitinijilo dilapai, athiluthi lom no. 7A ŋediŋa lati luthi ŋare no, ŋinena Iliis̱aabaat gwiro ludum, alro lurun ram. 8Gi ŋwamun ibiŋwe dina muŋw apai ŋiro ŋa gusus gi je ganu ja Kalo, gwiro ŋinena ŋiro ŋuŋun ŋa dhapai ŋwamun peth. 9Gi dhuŋun dha gusus ŋiro ŋuŋun ŋiro ŋa dhiduni ŋara ŋina ŋiro gwudhurul dina muŋw uni gi hekal gwa Kweleny. 10A liji peth abiŋaijo Kaloŋa por gi saaⓐa jadhi duni ŋara ŋina ŋiro gwudhurul. 11A malaak gweta gwa Kweleny aŋina dugun, ŋwudhuna gi dhoi dhina dhiro dhiŋir dha loboŋ ladhi duni ŋara ŋina ŋiro gwudhurul. 12A dina ma Zakariiya aŋa, a dhugor miri, ŋwudhenya. 13Abi malaak abiŋaijo, ŋwaici, Zakariiya, athaŋa dhenyo no; Kalo gimadiŋini abiŋaijuŋw Kaloŋa gwuŋa; a kwa gwuŋa gwina gwan Iliis̱aabaat gwaji gwaŋaliŋijo ŋare, a ŋaŋadhedha jiriny jan Yuuẖanna. 14A ŋa gwaji gwiŋir dhugore gwuleny; a liji loinyadho laji liŋir dugore liŋini gwai gwuŋun. 15A ŋeda gwaji gwuni gi je ganu ja Kweleny, a gwati gweye ŋau ŋa dugur i girija no; a gwaji gwoinyadhe Dhigirima dhina Dhiŋir, ro kari ganu ga nana gwuŋun. 16A ŋwurla lijo galo loinyadho la Israayiil di Kweleny gwina gwiro Kalo gegen. 17Ŋaji ŋamadhini dhigirim dhai a ŋoma ŋai ŋa Iliiya, durla dugore da baboŋa di keleŋa, a lina lati lathuthejo nyuni no di bebra gwa liji lina liŋir; digeta lijo momaŋ lina lijarimanu gwan Kweleny. 18A Zakariiya abiŋaijo malaak, ŋwaici, Akwai nyi gwuthi ŋoma gwaliŋa dhuŋuna ibidha? Anaŋa kwa gwai gwiny liro juburu. 19A malaak abiŋaijo, ŋwaici, Nyi gwiro Jabraayiil, gwina gwidhunudhi gi je ganu ja Kalo; a nyi gwimukeja duguŋa daŋa abiŋaijo, ŋaŋajo dhuŋuna ibidha dhina dhiŋir. 20A ŋa gwaji gwaje jigwoiny, a ŋa gwati gwuthi ŋoma dabiŋi no, di ma lamun lina lal ŋidi ibiŋa ŋimupini, ŋinena ŋa gwati gwimuminyi dhuŋuna dhiny dhina dhaji dhuthi je ganu gi lamun luŋun no. 21A liji dhunijo Zakariiyuŋw, alali galo dir dina juŋw gi hekal gwortal. 22A dina muŋw tu por, athuŋw uthi ŋoma luŋwulabiŋaijo no; alliŋa darnu gwimaŋa malaak gi hekal; ŋinena laicuŋwulo ŋalam, athuŋwul abiŋaijo no. 23A ma lamun la ŋiro ŋuŋun erna, ŋwela gi dunu gwuŋun. 24A ma ŋwamun ibiŋwe erna, a kwa gwuŋun gwina gwan Iliis̱aabaat aji ŋwuje kari gai, ŋwugilba luweo thudhina, ŋwarnu, 25Minoŋ Kweleny gwiminyigitijo dhuŋuna ibidha diginy gi ŋwamun ŋwina ŋwan ŋwaŋudhul dapai dhagirini gwiny gi liji ganu.
Gwabiŋu liŋini gwai gwa Yasuuⓐ
26A ma luwa ro nyiril, a Kalo ukeja malaak gwina gwan Jabraayiil, ŋwela gi len leta la Jaliil, lina lan Naas̱ira. 27Ŋwela gi lutar leta lina lara la kwiji gweta ago, gwina gwan Yuusuf, gwina gwiro kwiji gwa dunu gwa Daawudŋa; a lutar lan Maryam. 28A malaak uni kiru dugun, ŋwaici, Salaam, ŋera ŋai ŋina ŋathi Kalo nujuni. Kweleny gwo gwijajaŋa galo; ŋa gwiro kwa gwina gwibarikinu gi la ganu. 29A dina muŋw aŋa, a dhugor miri gi dhuŋun dhuŋun, ŋwabiŋi gi dhugor ganu, ŋwarnu, Dhuŋun dha dhaŋ dhiro ibidha dha dhimira minoŋ? 30A malaak abiŋaijo, ŋwaici, Maryam, athaŋa dhenyo no; Kalo gimaŋanujuni gi la peth. 31Ŋa gwaji gwaje kari gai, a ŋa gwaliŋa ŋare ŋina ŋiro kwoma, a ŋaŋadhedha jiriny jan Yasuuⓐ. 32Ŋaji ŋuni, ŋuthi jiriny jan Ŋari ŋa Kalo gina gipa; a ŋa Kweleny gwina gwiro Kalo dhedha kursi ga babo gwuŋun gwina gwan Daawud. 33A gwaji gwuthi ŋelenya ŋa dunu gwa Yaⓐguubŋa gwortal; a gidhila guŋun gati gerna gatur no. 34A Maryam abiŋaijo malaak, ŋwaici, Dhuŋun ibidha dhuthi je ganu akwai? ŋinena athiny iludhi kwoma no. 35A malaak abiŋaijo, ŋwaici, Dhigirim dhina Dhiŋir dhaji dhula duguŋa, a ŋoma ŋa Kalo ŋina ŋinaŋ ŋaŋa gitijo dhigirima; a ŋina ŋaji ŋiliŋini duguŋa ŋina ŋiŋir didirel ŋaji ŋuthi jiriny jan Ŋari ŋa Kalo. 36A magalo, gwina gwan Iliis̱aabaat, gwimaje kari gai ko, gwiro kuburu; gwimaji kari gai luweo nyiril, gwina gwiro ludum. 37Kalo guthi ŋoma gapai dhuŋuna peth. 38A Maryam abiŋaijo, ŋwaici, Nyi gwiro gine ga Kweleny; abrico dhuŋuna ibidha ŋwuthi je ganu diginy, gwiro ŋinena abiŋaŋana. A malaak gathani, ŋwela.
Maryam gwiludhi ŋirin di Iliis̱aabaat. Dheliŋa dha Maryam
39Ŋwamun ibiŋwe a Maryam dire, ŋwela kalo ga ŋwen babraŋ, ŋwela gi len leta la Yahuudha. 40Ŋwuni gi dunu gwa Zakariiya, ŋwumira Iliis̱aabaatuŋw. 41A ma Iliis̱aabaat diŋini Maryamuŋw duŋw mira, a ŋari ŋuŋun didire galo kari ganu; a Dhigirim dhina Dhiŋir oinyadhe gi dhugor ganu dha Iliis̱aabaat. 42A Iliis̱aabaat ure gwula, ŋwarnu, Ŋa gwimabarikini gi la peth, a baraka je gi ŋari ŋina ŋo kari ganu guŋa. 43A nyi gwimapaŋa, abi nana gwa Kweleny gwiny eladha diginy? 44Dina minyi diŋini dinyimira, an ŋari didira ganu kari ganu giny, ŋwiŋir dhugore. 45Iŋirii dhugore gwina gwimuminyi; ŋinena dhuŋun dha Kweleny dhaji dhapini dhina dhabiŋaijilo. 46A Maryam arnu, Dhugor dhiny dhathinuje Kwelenya, 47a dhigirim dhiny dhimiŋir dhugore di Kalo gina giro Mukhallis̱ gwiny. 48Gwaŋadhi ginia guŋun gina giro kwiji gwitiny dogo; a ŋinena a gigina liji peth laji linyurnie iŋir gwai dhugore. 49Gwina gwuthi ŋoma peth gwiminy gitijo ŋiro ŋina ŋinaŋ; a jiriny juŋun jaro jiŋir didirel. 50Athuŋwina lijo peth lina lathidhenya gi ligwurnan di ligwurnan. 51Gwimaŋa ŋoma dhoi dhai dhuŋun; gwimabeye lijo galo lina lathare gi dugor ganu lipilipa. 52Gwimuleje lijo galo gi karaasi gegen lina linaŋ, ŋwulneje lina litilitiny. 53Gwimadhedha lijo lina lithilo jamu ŋida ŋina ŋama, alpa; ŋwubibeye lijo galo lina luthi ŋida ŋoinyadho. 54Gwimagathaje gadham guŋun uwa gina gan Israayiil, di aŋidhani gwa dhuŋun dhuŋun dha dhina, 55dhina dhabiŋaijuŋw baboŋaije luri ro kwerkwereny, ŋwarnu, gwa ina Ibraahiimuŋw a keleŋa guŋun a ligwurnan gwortal. 56A Maryam je Iliis̱aabaat gwai luweo lar thiril, ŋwaji ŋwaura dunu dugun.
Liŋini gwa Yuuhanna al Maⓐmadaan. Dheliŋa dha Zakariiya
57A lamun aji ŋwila lina lan Iliis̱aabaat liŋa; ŋwuliŋa ŋare ŋina ŋiro kwoma. 58A liji lina lathil maiji galo a limegen aldiŋini darnu Kweleny gwimina Iliis̱aabaatuŋw gwuleny; aliŋir dugore ŋeda ŋalai. 59A ma ŋari je ŋwamun dubaŋ, alila, alari ŋalura; alari ŋaldhedha jiriny jan Zakariiya, jina jiro jiriny ja babo gwuŋun. 60Albi nana gwuŋun abiŋaijo, ŋwulaici, Oo; jiriny juŋun jan Yuuẖanna. 61Alabiŋaijo, alaici, Liji late gi liji lalo lina luthi jiriny ibija no. 62Alaici babuŋw gwuŋun ŋalam, alothaije galo alari gwaŋia jiriny. 63Ŋwulothaije galo tharabeza dhai dhadhule, ŋwule, ŋwarnu, Jiriny juŋun jan Yuuẖanna. Alali galo dir peth. 64An linyu luŋun gududhini ganu, an dhiŋila dhuŋun abiŋadhadha ganu, ŋworthadha Kaloŋa. 65A liji peth lina lathilmaijiye galo aldhenya; a dhuŋun ibidhe bai galo ŋwen peth ŋwa Yahuudiiya. 66A liji peth lina lidiŋinu alireye je galo gi dugor ganu degen, alarnu, Ŋari ibiŋa ŋaji ŋaro aŋ? Ŋijilo Kweleny gwai. 67A Dhigirim dhina Dhiŋir oinyadhe babuŋw gwuŋun gwina gwan Zakariiya gi dhugor ganu, ŋwarnu, 68Iŋirii dhugore Kweleny gwai gwina gwiro Kalo ga Israayiil; ŋinena muŋwila, ŋwugeta bibruŋw gwan liji luŋun. 69Jigitijo Mukhallis̱ gwina gwinaŋ gi dunu gwa gadham guŋun gina gan Daawud. 70Gwiro ŋinena ro kwerkwereny dina abiŋu nebiŋa luŋun lina liŋir didirel dhuŋuna dha Kalo, alarnu, 71Gijiguda galo gi liji lina likianalai, a lina lathijirini. 72Ŋwari gina baboŋaije luri, a daŋidhani dhuŋuna dhuŋun dhina dhiŋir didirel; 73dhina dhabiŋaijuŋw Ibraahiimuŋw gwina gwiro babo gwuri, ŋwarnu, 74Gijiguda galo gi liji lina likianalai, gijabrico ganupijo ŋeduŋw ŋiro, athana dhenyo no. 75Liŋir didirel a dhuŋun dhina dhiŋir gi je ganu juŋun ŋwamun peth ŋwa midhe gwuri. 76Ŋari ŋai, ŋa gwaji gwuthi jiriny jan nebi gwa Kalo gina ginunu; ŋa gwamadhina Kwelenya daŋagitijo dai duŋun momaŋ. 77Didhedha lijo luŋun liŋuŋw gwa gilaŋ ubire gwai ŋidi ganu ŋegen ŋina ŋike, 78ina gwai gwina gwuthi ŋimira gwa Kalo guri; gina gabrico fure ŋwula daguri gwina gwathije kabo. 79Dorajo lijo lina lathije kalo gina girima ganu, a lina lar lai, a dijodha kalo gina gathinaudhaijiye galo. 80A ŋari biŋa, ŋwubur nono gi dhigirim, athuŋwje gi leba di muŋw ela ŋwaŋini gi liji la Israayiil.
Currently Selected:
Luuga 1: HBN
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.
Luuga 1
1
Dhuŋun dhina dhiro kwerkwereny
1Gwiro ŋinena liji loinyadho limidheje dule dhuŋuna dhan ŋiro ŋina ŋigitinu momaŋ daguri ganu. 2A gwiro ŋinena limijidhedha, lina laŋadhi ŋiro ibiŋe ro kwerkwereny je jai jegen, a lina liro jadham ja dhuŋun. 3Gwimaŋini gwiŋir diginy ko, gwina gwiliŋidhi ŋida ibiŋe peth momaŋ ro kwerkwereny, daŋa ulijo, Taawufiilus gwai gwina gwuminyinu, dhuŋuna ibidha dimalgwujani dhuŋuna dheda dheda momaŋ. 4Daŋa liŋa dhuŋuna ibidhe dhiro titiganu dhina dhimaŋa alimini.
Gwabiŋu liŋini gwai gwa Yuuẖanna al Maⓐmadaan
5Gi ŋwamun ŋwina ŋwijo ŋwai Hiiruudus, gwina gwiro malik gwa Yahuudiiya, a gasiis geta je gina gan Zakariiya, gina giro kwiji gwa Abiiya; a kwa gwuŋun gwiro ŋera ŋa H̱aruun, ŋina ŋan Iliis̱aabaat. 6Liŋir ram gi je ganu ja Kalo, athilela gi awaamir peth gwa Kweleny a dhuŋun dhina dhigitinijilo dilapai, athiluthi lom no. 7A ŋediŋa lati luthi ŋare no, ŋinena Iliis̱aabaat gwiro ludum, alro lurun ram. 8Gi ŋwamun ibiŋwe dina muŋw apai ŋiro ŋa gusus gi je ganu ja Kalo, gwiro ŋinena ŋiro ŋuŋun ŋa dhapai ŋwamun peth. 9Gi dhuŋun dha gusus ŋiro ŋuŋun ŋiro ŋa dhiduni ŋara ŋina ŋiro gwudhurul dina muŋw uni gi hekal gwa Kweleny. 10A liji peth abiŋaijo Kaloŋa por gi saaⓐa jadhi duni ŋara ŋina ŋiro gwudhurul. 11A malaak gweta gwa Kweleny aŋina dugun, ŋwudhuna gi dhoi dhina dhiro dhiŋir dha loboŋ ladhi duni ŋara ŋina ŋiro gwudhurul. 12A dina ma Zakariiya aŋa, a dhugor miri, ŋwudhenya. 13Abi malaak abiŋaijo, ŋwaici, Zakariiya, athaŋa dhenyo no; Kalo gimadiŋini abiŋaijuŋw Kaloŋa gwuŋa; a kwa gwuŋa gwina gwan Iliis̱aabaat gwaji gwaŋaliŋijo ŋare, a ŋaŋadhedha jiriny jan Yuuẖanna. 14A ŋa gwaji gwiŋir dhugore gwuleny; a liji loinyadho laji liŋir dugore liŋini gwai gwuŋun. 15A ŋeda gwaji gwuni gi je ganu ja Kweleny, a gwati gweye ŋau ŋa dugur i girija no; a gwaji gwoinyadhe Dhigirima dhina Dhiŋir, ro kari ganu ga nana gwuŋun. 16A ŋwurla lijo galo loinyadho la Israayiil di Kweleny gwina gwiro Kalo gegen. 17Ŋaji ŋamadhini dhigirim dhai a ŋoma ŋai ŋa Iliiya, durla dugore da baboŋa di keleŋa, a lina lati lathuthejo nyuni no di bebra gwa liji lina liŋir; digeta lijo momaŋ lina lijarimanu gwan Kweleny. 18A Zakariiya abiŋaijo malaak, ŋwaici, Akwai nyi gwuthi ŋoma gwaliŋa dhuŋuna ibidha? Anaŋa kwa gwai gwiny liro juburu. 19A malaak abiŋaijo, ŋwaici, Nyi gwiro Jabraayiil, gwina gwidhunudhi gi je ganu ja Kalo; a nyi gwimukeja duguŋa daŋa abiŋaijo, ŋaŋajo dhuŋuna ibidha dhina dhiŋir. 20A ŋa gwaji gwaje jigwoiny, a ŋa gwati gwuthi ŋoma dabiŋi no, di ma lamun lina lal ŋidi ibiŋa ŋimupini, ŋinena ŋa gwati gwimuminyi dhuŋuna dhiny dhina dhaji dhuthi je ganu gi lamun luŋun no. 21A liji dhunijo Zakariiyuŋw, alali galo dir dina juŋw gi hekal gwortal. 22A dina muŋw tu por, athuŋw uthi ŋoma luŋwulabiŋaijo no; alliŋa darnu gwimaŋa malaak gi hekal; ŋinena laicuŋwulo ŋalam, athuŋwul abiŋaijo no. 23A ma lamun la ŋiro ŋuŋun erna, ŋwela gi dunu gwuŋun. 24A ma ŋwamun ibiŋwe erna, a kwa gwuŋun gwina gwan Iliis̱aabaat aji ŋwuje kari gai, ŋwugilba luweo thudhina, ŋwarnu, 25Minoŋ Kweleny gwiminyigitijo dhuŋuna ibidha diginy gi ŋwamun ŋwina ŋwan ŋwaŋudhul dapai dhagirini gwiny gi liji ganu.
Gwabiŋu liŋini gwai gwa Yasuuⓐ
26A ma luwa ro nyiril, a Kalo ukeja malaak gwina gwan Jabraayiil, ŋwela gi len leta la Jaliil, lina lan Naas̱ira. 27Ŋwela gi lutar leta lina lara la kwiji gweta ago, gwina gwan Yuusuf, gwina gwiro kwiji gwa dunu gwa Daawudŋa; a lutar lan Maryam. 28A malaak uni kiru dugun, ŋwaici, Salaam, ŋera ŋai ŋina ŋathi Kalo nujuni. Kweleny gwo gwijajaŋa galo; ŋa gwiro kwa gwina gwibarikinu gi la ganu. 29A dina muŋw aŋa, a dhugor miri gi dhuŋun dhuŋun, ŋwabiŋi gi dhugor ganu, ŋwarnu, Dhuŋun dha dhaŋ dhiro ibidha dha dhimira minoŋ? 30A malaak abiŋaijo, ŋwaici, Maryam, athaŋa dhenyo no; Kalo gimaŋanujuni gi la peth. 31Ŋa gwaji gwaje kari gai, a ŋa gwaliŋa ŋare ŋina ŋiro kwoma, a ŋaŋadhedha jiriny jan Yasuuⓐ. 32Ŋaji ŋuni, ŋuthi jiriny jan Ŋari ŋa Kalo gina gipa; a ŋa Kweleny gwina gwiro Kalo dhedha kursi ga babo gwuŋun gwina gwan Daawud. 33A gwaji gwuthi ŋelenya ŋa dunu gwa Yaⓐguubŋa gwortal; a gidhila guŋun gati gerna gatur no. 34A Maryam abiŋaijo malaak, ŋwaici, Dhuŋun ibidha dhuthi je ganu akwai? ŋinena athiny iludhi kwoma no. 35A malaak abiŋaijo, ŋwaici, Dhigirim dhina Dhiŋir dhaji dhula duguŋa, a ŋoma ŋa Kalo ŋina ŋinaŋ ŋaŋa gitijo dhigirima; a ŋina ŋaji ŋiliŋini duguŋa ŋina ŋiŋir didirel ŋaji ŋuthi jiriny jan Ŋari ŋa Kalo. 36A magalo, gwina gwan Iliis̱aabaat, gwimaje kari gai ko, gwiro kuburu; gwimaji kari gai luweo nyiril, gwina gwiro ludum. 37Kalo guthi ŋoma gapai dhuŋuna peth. 38A Maryam abiŋaijo, ŋwaici, Nyi gwiro gine ga Kweleny; abrico dhuŋuna ibidha ŋwuthi je ganu diginy, gwiro ŋinena abiŋaŋana. A malaak gathani, ŋwela.
Maryam gwiludhi ŋirin di Iliis̱aabaat. Dheliŋa dha Maryam
39Ŋwamun ibiŋwe a Maryam dire, ŋwela kalo ga ŋwen babraŋ, ŋwela gi len leta la Yahuudha. 40Ŋwuni gi dunu gwa Zakariiya, ŋwumira Iliis̱aabaatuŋw. 41A ma Iliis̱aabaat diŋini Maryamuŋw duŋw mira, a ŋari ŋuŋun didire galo kari ganu; a Dhigirim dhina Dhiŋir oinyadhe gi dhugor ganu dha Iliis̱aabaat. 42A Iliis̱aabaat ure gwula, ŋwarnu, Ŋa gwimabarikini gi la peth, a baraka je gi ŋari ŋina ŋo kari ganu guŋa. 43A nyi gwimapaŋa, abi nana gwa Kweleny gwiny eladha diginy? 44Dina minyi diŋini dinyimira, an ŋari didira ganu kari ganu giny, ŋwiŋir dhugore. 45Iŋirii dhugore gwina gwimuminyi; ŋinena dhuŋun dha Kweleny dhaji dhapini dhina dhabiŋaijilo. 46A Maryam arnu, Dhugor dhiny dhathinuje Kwelenya, 47a dhigirim dhiny dhimiŋir dhugore di Kalo gina giro Mukhallis̱ gwiny. 48Gwaŋadhi ginia guŋun gina giro kwiji gwitiny dogo; a ŋinena a gigina liji peth laji linyurnie iŋir gwai dhugore. 49Gwina gwuthi ŋoma peth gwiminy gitijo ŋiro ŋina ŋinaŋ; a jiriny juŋun jaro jiŋir didirel. 50Athuŋwina lijo peth lina lathidhenya gi ligwurnan di ligwurnan. 51Gwimaŋa ŋoma dhoi dhai dhuŋun; gwimabeye lijo galo lina lathare gi dugor ganu lipilipa. 52Gwimuleje lijo galo gi karaasi gegen lina linaŋ, ŋwulneje lina litilitiny. 53Gwimadhedha lijo lina lithilo jamu ŋida ŋina ŋama, alpa; ŋwubibeye lijo galo lina luthi ŋida ŋoinyadho. 54Gwimagathaje gadham guŋun uwa gina gan Israayiil, di aŋidhani gwa dhuŋun dhuŋun dha dhina, 55dhina dhabiŋaijuŋw baboŋaije luri ro kwerkwereny, ŋwarnu, gwa ina Ibraahiimuŋw a keleŋa guŋun a ligwurnan gwortal. 56A Maryam je Iliis̱aabaat gwai luweo lar thiril, ŋwaji ŋwaura dunu dugun.
Liŋini gwa Yuuhanna al Maⓐmadaan. Dheliŋa dha Zakariiya
57A lamun aji ŋwila lina lan Iliis̱aabaat liŋa; ŋwuliŋa ŋare ŋina ŋiro kwoma. 58A liji lina lathil maiji galo a limegen aldiŋini darnu Kweleny gwimina Iliis̱aabaatuŋw gwuleny; aliŋir dugore ŋeda ŋalai. 59A ma ŋari je ŋwamun dubaŋ, alila, alari ŋalura; alari ŋaldhedha jiriny jan Zakariiya, jina jiro jiriny ja babo gwuŋun. 60Albi nana gwuŋun abiŋaijo, ŋwulaici, Oo; jiriny juŋun jan Yuuẖanna. 61Alabiŋaijo, alaici, Liji late gi liji lalo lina luthi jiriny ibija no. 62Alaici babuŋw gwuŋun ŋalam, alothaije galo alari gwaŋia jiriny. 63Ŋwulothaije galo tharabeza dhai dhadhule, ŋwule, ŋwarnu, Jiriny juŋun jan Yuuẖanna. Alali galo dir peth. 64An linyu luŋun gududhini ganu, an dhiŋila dhuŋun abiŋadhadha ganu, ŋworthadha Kaloŋa. 65A liji peth lina lathilmaijiye galo aldhenya; a dhuŋun ibidhe bai galo ŋwen peth ŋwa Yahuudiiya. 66A liji peth lina lidiŋinu alireye je galo gi dugor ganu degen, alarnu, Ŋari ibiŋa ŋaji ŋaro aŋ? Ŋijilo Kweleny gwai. 67A Dhigirim dhina Dhiŋir oinyadhe babuŋw gwuŋun gwina gwan Zakariiya gi dhugor ganu, ŋwarnu, 68Iŋirii dhugore Kweleny gwai gwina gwiro Kalo ga Israayiil; ŋinena muŋwila, ŋwugeta bibruŋw gwan liji luŋun. 69Jigitijo Mukhallis̱ gwina gwinaŋ gi dunu gwa gadham guŋun gina gan Daawud. 70Gwiro ŋinena ro kwerkwereny dina abiŋu nebiŋa luŋun lina liŋir didirel dhuŋuna dha Kalo, alarnu, 71Gijiguda galo gi liji lina likianalai, a lina lathijirini. 72Ŋwari gina baboŋaije luri, a daŋidhani dhuŋuna dhuŋun dhina dhiŋir didirel; 73dhina dhabiŋaijuŋw Ibraahiimuŋw gwina gwiro babo gwuri, ŋwarnu, 74Gijiguda galo gi liji lina likianalai, gijabrico ganupijo ŋeduŋw ŋiro, athana dhenyo no. 75Liŋir didirel a dhuŋun dhina dhiŋir gi je ganu juŋun ŋwamun peth ŋwa midhe gwuri. 76Ŋari ŋai, ŋa gwaji gwuthi jiriny jan nebi gwa Kalo gina ginunu; ŋa gwamadhina Kwelenya daŋagitijo dai duŋun momaŋ. 77Didhedha lijo luŋun liŋuŋw gwa gilaŋ ubire gwai ŋidi ganu ŋegen ŋina ŋike, 78ina gwai gwina gwuthi ŋimira gwa Kalo guri; gina gabrico fure ŋwula daguri gwina gwathije kabo. 79Dorajo lijo lina lathije kalo gina girima ganu, a lina lar lai, a dijodha kalo gina gathinaudhaijiye galo. 80A ŋari biŋa, ŋwubur nono gi dhigirim, athuŋwje gi leba di muŋw ela ŋwaŋini gi liji la Israayiil.
Currently Selected:
:
Highlight
Share
Copy
Want to have your highlights saved across all your devices? Sign up or sign in
First published by the British and Foreign Bible Society in 1966.