Afasus 4
4
Urnie gwa Kalo gwuthi dhuŋuna dilro letipo
1A minoŋ, nyi gwina gwigukinu gwan Kweleny, nyi gwothaijaje galo danya elila eluŋw gwina gwaudhi gwadhi urnie gwina gwurninanyagwai, 2dugor dai dina diredhinu a ruini gwai gwitiny a mutha gwai dugore gwortal muthejiyul dugore gweta gweta dagalo ganu uminyi gwai; 3jul momaŋ danya muthedha aicaijiyuŋw gwa Dhigirim gukini gwai gwa audhaijiye galo. 4Aŋinu iro yetipo, a Dhigirim dhetipo, gwiro ŋinena dhunijo gwetipo ko gwo gi urnie gwina gwurninanyagwai. 5Kweleny gwiro gwetipo, a imaan gwetipo, a maⓐmuudiiya gwetipo, 6Kalo getipo a Babo gwa liji peth, gwina gwo dega alaŋ peth, a gwina gwathijinije ganu, a gwina gwo dega peth. 7Abi niⓐma gwimaldhedhini peth, gwiro ŋinena iyece gwa dhedha tur gwa al Masiiẖ. 8Gi dhuŋun ibidha ŋwarnu, Dina muŋwalo kabo gwimodha lijo loinyadho lina ligukinu, ŋwudhedha lijo dhedhaŋw tur. 9(Aŋ gwiro gwan gwimalo, abi kwereny gwimula ro galiny kalo ga kwiyaŋ? 10Gwina gwimula gwiro gwetipo gwina gwimalo kabo alaŋ peth, duŋwoinyaje ŋida peth.) 11A ŋwudhedha lijo coŋ dilro lina lukejinu, a coŋ dilro nebiŋa, a coŋ dilro lina lathabiŋaijo lijo dhuŋuna dha Kalo, a coŋ dilro liji lina lathie a lina lathalimiye; 12duŋwmeaje lijo lina liŋir didirel, ŋwulgeta momaŋ lan ŋiro ŋa Kalo, dilaice aŋina ya al Masiiẖ. 13Di malobani peth di aicaijiye gwa imaan a liŋa gwa Ŋari ŋa Kalo, alro ŋinena kwiji gwina gwurun, alobani di iyece gwina gwiŋir gwa oinyadhe gwa al Masiiẖ. 14Dathil rui keleŋa gina gitigitiny manaŋ no, athiji karun apo peth a giji urlile galo ga dhuŋun dha dhalimiye ŋwujimi ŋai ŋa liji dhuŋun dhai dhegen dhina dhibebra dha ŋadigireny ŋegen dhina dhathukinejo lijo ganu no. 15Abi mamdhe gwai ganu alŋa lamuthedha dhuŋuna dhina dhiro titiganu uminyi gwai, albiŋa dugun gi ŋidi peth, gwina gwan al Masiiẖ, gwina gwiro lira. 16Ŋeda gwai aŋinu peth igitinu momaŋ a igukinu ŋwurthu ŋwai peth ŋwina ŋwigitinu dugun, a aŋinu yabiŋa ŋiro ŋai ŋina ŋathil agsaam peth gwa aŋinu apai momaŋ, ducini uminyi gwai.
Midhe gwina gwurun a gwina gwiyaŋ
17A minoŋ nyi gwabiŋi dhuŋuna ibidha, a nyi gwateje galo gi je ganu ja Kweleny darnu athanya idhidhi manaŋ gwiro ŋinena athin Liumam elila gi ŋidi ŋina ŋathil ŋadigireny ŋegen bupe ŋina ŋiro tur no, 18lina luthi ŋadigirenya ŋina ŋirima ganu, a ŋediŋa litui ganu gi midhe gwa Kalo gi dhuŋun dha ŋirila dhina dho degen a gi dhuŋun dhina dhibur dhina dho gi dugor ganu degen. 19A lina limadhudhiye liŋinuŋw ganu gwegen, a ŋediŋa limadhedha aŋina yegen ŋida ŋina ŋike, alobadhe galo dapai ŋida peth ŋina ŋiro ŋirle. 20Abi dhuŋun ibidha dhati dhiro dhuŋun dhina dhimanya alimiye di al Masiiẖ no. 21Ada nyaŋa limadiŋini gwula gwuŋun, nyalimini dugun, gwiro ŋinena jina dhuŋun dhina dhiro titiganu di Yasuuⓐ, 22danya wala kwijo galo gwina gwurun gwina gwike gwa dhai dhina dhigwujanya kwereny, gwina gwike ŋidi ŋai ŋina ŋathil ŋadigireny bupe ŋina ŋathaji ukineje ganu. 23A danya ro liyaŋ manaŋ gi dhigirim dha ŋadigireny ŋalo; 24a nyagena kwijo gwina gwiyaŋ, gwina gwigitinu gwiro ŋinena Kalo gi dhuŋun dhina dhiŋir a dhina dhiŋir didirel dha dhuŋun dhina dhiro titiganu.
Awaamir gwadhapai gwan midhe gwa ŋwamun peth
25Minoŋ ŋinena manya gathani ŋidhuŋinaŋa, abiŋul dhuŋuna dhina dhiro titiganu gweta gweta liji lai lina lathanyalai jaijiye galo; ŋinena rilo leta leta liji lai peth dega. 26Ada nyaŋa limakadugore, athanya apo ŋida ŋina ŋike no; athanya abrico aŋinu yule a nyaŋa loma likadugore no. 27Athanya dhedhi Sheṯaanuŋw lamun no. 28Aram kwiji gwina gwapo ŋwuramai kwereny ŋwabrico ŋuramai; gwiŋiranu duŋwapai ŋiro ŋina ŋiŋir doi dai duŋun, duŋwuthi ŋoma didhedha lijo ŋida lina libupo gathajuŋw uwa. 29Aram athana nyaŋa labrico dhuŋuna dhina dhike duŋwtuiya ŋwinyu ŋwalo no, abi dhuŋun dhina dhiŋir dogo dhadhaice gi lamun ladhi bupe, duŋwdhedha lijo niⓐma lina ladiŋini. 30Athanya kiyo Dhigirima dhina Dhiŋir dha Kalo dhugore no, dugun nyaŋa limakhithimini gi lamun la bibre. 31Aram nyaŋa lagathani dhuŋuna dhina dhire, a kaijiye gi je, a kadugore, a dhuŋun dha dhabiŋu gwuligwuleny, a kaijiye gi je liji lai liter, a ŋijigor peth. 32Aram nyaŋa laro limiri leta leta dagalo ganu, gwiro ŋinena Kalo gi al Masiiẖ gimadhudhani ganu dagalo.
Currently Selected:
Afasus 4: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
Afasus 4
4
Urnie gwa Kalo gwuthi dhuŋuna dilro letipo
1A minoŋ, nyi gwina gwigukinu gwan Kweleny, nyi gwothaijaje galo danya elila eluŋw gwina gwaudhi gwadhi urnie gwina gwurninanyagwai, 2dugor dai dina diredhinu a ruini gwai gwitiny a mutha gwai dugore gwortal muthejiyul dugore gweta gweta dagalo ganu uminyi gwai; 3jul momaŋ danya muthedha aicaijiyuŋw gwa Dhigirim gukini gwai gwa audhaijiye galo. 4Aŋinu iro yetipo, a Dhigirim dhetipo, gwiro ŋinena dhunijo gwetipo ko gwo gi urnie gwina gwurninanyagwai. 5Kweleny gwiro gwetipo, a imaan gwetipo, a maⓐmuudiiya gwetipo, 6Kalo getipo a Babo gwa liji peth, gwina gwo dega alaŋ peth, a gwina gwathijinije ganu, a gwina gwo dega peth. 7Abi niⓐma gwimaldhedhini peth, gwiro ŋinena iyece gwa dhedha tur gwa al Masiiẖ. 8Gi dhuŋun ibidha ŋwarnu, Dina muŋwalo kabo gwimodha lijo loinyadho lina ligukinu, ŋwudhedha lijo dhedhaŋw tur. 9(Aŋ gwiro gwan gwimalo, abi kwereny gwimula ro galiny kalo ga kwiyaŋ? 10Gwina gwimula gwiro gwetipo gwina gwimalo kabo alaŋ peth, duŋwoinyaje ŋida peth.) 11A ŋwudhedha lijo coŋ dilro lina lukejinu, a coŋ dilro nebiŋa, a coŋ dilro lina lathabiŋaijo lijo dhuŋuna dha Kalo, a coŋ dilro liji lina lathie a lina lathalimiye; 12duŋwmeaje lijo lina liŋir didirel, ŋwulgeta momaŋ lan ŋiro ŋa Kalo, dilaice aŋina ya al Masiiẖ. 13Di malobani peth di aicaijiye gwa imaan a liŋa gwa Ŋari ŋa Kalo, alro ŋinena kwiji gwina gwurun, alobani di iyece gwina gwiŋir gwa oinyadhe gwa al Masiiẖ. 14Dathil rui keleŋa gina gitigitiny manaŋ no, athiji karun apo peth a giji urlile galo ga dhuŋun dha dhalimiye ŋwujimi ŋai ŋa liji dhuŋun dhai dhegen dhina dhibebra dha ŋadigireny ŋegen dhina dhathukinejo lijo ganu no. 15Abi mamdhe gwai ganu alŋa lamuthedha dhuŋuna dhina dhiro titiganu uminyi gwai, albiŋa dugun gi ŋidi peth, gwina gwan al Masiiẖ, gwina gwiro lira. 16Ŋeda gwai aŋinu peth igitinu momaŋ a igukinu ŋwurthu ŋwai peth ŋwina ŋwigitinu dugun, a aŋinu yabiŋa ŋiro ŋai ŋina ŋathil agsaam peth gwa aŋinu apai momaŋ, ducini uminyi gwai.
Midhe gwina gwurun a gwina gwiyaŋ
17A minoŋ nyi gwabiŋi dhuŋuna ibidha, a nyi gwateje galo gi je ganu ja Kweleny darnu athanya idhidhi manaŋ gwiro ŋinena athin Liumam elila gi ŋidi ŋina ŋathil ŋadigireny ŋegen bupe ŋina ŋiro tur no, 18lina luthi ŋadigirenya ŋina ŋirima ganu, a ŋediŋa litui ganu gi midhe gwa Kalo gi dhuŋun dha ŋirila dhina dho degen a gi dhuŋun dhina dhibur dhina dho gi dugor ganu degen. 19A lina limadhudhiye liŋinuŋw ganu gwegen, a ŋediŋa limadhedha aŋina yegen ŋida ŋina ŋike, alobadhe galo dapai ŋida peth ŋina ŋiro ŋirle. 20Abi dhuŋun ibidha dhati dhiro dhuŋun dhina dhimanya alimiye di al Masiiẖ no. 21Ada nyaŋa limadiŋini gwula gwuŋun, nyalimini dugun, gwiro ŋinena jina dhuŋun dhina dhiro titiganu di Yasuuⓐ, 22danya wala kwijo galo gwina gwurun gwina gwike gwa dhai dhina dhigwujanya kwereny, gwina gwike ŋidi ŋai ŋina ŋathil ŋadigireny bupe ŋina ŋathaji ukineje ganu. 23A danya ro liyaŋ manaŋ gi dhigirim dha ŋadigireny ŋalo; 24a nyagena kwijo gwina gwiyaŋ, gwina gwigitinu gwiro ŋinena Kalo gi dhuŋun dhina dhiŋir a dhina dhiŋir didirel dha dhuŋun dhina dhiro titiganu.
Awaamir gwadhapai gwan midhe gwa ŋwamun peth
25Minoŋ ŋinena manya gathani ŋidhuŋinaŋa, abiŋul dhuŋuna dhina dhiro titiganu gweta gweta liji lai lina lathanyalai jaijiye galo; ŋinena rilo leta leta liji lai peth dega. 26Ada nyaŋa limakadugore, athanya apo ŋida ŋina ŋike no; athanya abrico aŋinu yule a nyaŋa loma likadugore no. 27Athanya dhedhi Sheṯaanuŋw lamun no. 28Aram kwiji gwina gwapo ŋwuramai kwereny ŋwabrico ŋuramai; gwiŋiranu duŋwapai ŋiro ŋina ŋiŋir doi dai duŋun, duŋwuthi ŋoma didhedha lijo ŋida lina libupo gathajuŋw uwa. 29Aram athana nyaŋa labrico dhuŋuna dhina dhike duŋwtuiya ŋwinyu ŋwalo no, abi dhuŋun dhina dhiŋir dogo dhadhaice gi lamun ladhi bupe, duŋwdhedha lijo niⓐma lina ladiŋini. 30Athanya kiyo Dhigirima dhina Dhiŋir dha Kalo dhugore no, dugun nyaŋa limakhithimini gi lamun la bibre. 31Aram nyaŋa lagathani dhuŋuna dhina dhire, a kaijiye gi je, a kadugore, a dhuŋun dha dhabiŋu gwuligwuleny, a kaijiye gi je liji lai liter, a ŋijigor peth. 32Aram nyaŋa laro limiri leta leta dagalo ganu, gwiro ŋinena Kalo gi al Masiiẖ gimadhudhani ganu dagalo.
First published by the British and Foreign Bible Society in 1966.