Aⲁmaal Ar Rusul 15
15
Liumam lina liro Masiiẖiyiin a naamuus gwa Muusa
1Abi liji je lina lulo gi Yahuudiiya alalimiye limega allaicinu, Ada nyaŋa lati limurtedhini gwiro ŋinena dhuŋun dhina dhuthi Muusa no, nyaŋa lati luthi ŋoma danya gilaŋini no. 2A dina ma Buulusŋa Barnaaba gwai je dilabiŋaijiye, alkadhe dhuŋun dhai dhoinyadho alari lukeje Buulusŋaije Barnaaba gwai a liji liter degen gi liji lina lukejinu a shiyuuk gi Urushaliim gi dhuŋun dha dhuŋun ibidha. 3A liji ibila dina mal kaniisa geta gi dhai, alela gi Fiiniigiiya a Saamira, athil abiŋaijo lijo dhuŋuna dha urle dugore galo dha Liumam. Aliŋiriye lijo dugore peth gwuleny lina liro limega. 4A dina malobani gi Urushaliim, al kaniisa uminyi a liji lina lukejinu a shiyuuk, allabiŋaijo dhuŋuna peth dhina dhapo Kalo ŋediŋa lai. 5Abi liji coŋ dire gi liji ganu lina liro Farriisiyiin lina luminyu Kaloŋa, alarnu, Dhuŋun dhiro daruri dilurtedhini, alldhedha amr dildima naamuus gwa Muusa.
Juriya gi Urushaliim
6A liji lina lukejinu a shiyuuk auradhe liduŋw dilabiŋaijiye gi dhuŋun ibidha. 7A dina malabiŋaijiye dhuŋuna dhoinyadho, a Buṯrus direlaŋ ŋwulaicinu, Liji lai lina liro limega, nyaŋa liliŋidhi darnu gi ŋwamun ŋwa ro dilaŋ Kalo guthinije ganu dagalo ganu, di Liumam diŋini Dhuŋuna dhina Dhiŋir gi ŋwinyu ŋwiny, aluminyi. 8A Kalo, gina giliŋidhi dugore, giro shaahid gwegen, ŋwuldhedha Dhigirima dhina Dhiŋir, gwiro ŋinena dhedhijina ko; 9a gati girujije ganu ram gi dhuŋun dheda no, a gimajuriye dugore dega imaan gwai. 10Abi ŋinena kworaŋ nyabi idheje Kaloŋa, nyageta loka gi lidom alaŋ la calmiz, lina lati luthi ŋoma di baboŋa lega apai i anaŋa no. 11Abi anaŋa luminyu darnu niⓐma gwai gwa Kweleny gwina gwan Yasuuⓐ anaŋa laji lagilaŋini, gwiro ŋinena ŋediŋa ko. 12A liji peth je jigwoiny, aldeŋinaijo Barnaabaŋaije Buulus gwai dina abiŋaijilo dhuŋuna peth dhina dhima Kalo geta ŋiro ŋai ŋina ŋipiŋipa a ŋina ŋathalije lijo galo dir gi Liumam ganu ŋediŋa lai. 13A dina mal meaje dhuŋuna dhegen, a Yaⓐguub abiŋi, ŋwarnu, Liji lai lina liro limega, deŋinaijinyilo. 14A Simⓐaan gwimijabiŋaijo darnu akwai Kalo gidhi gi Liumam kwereny, duŋwapai degen lijo dilneye jiriny juŋun. 15A dhuŋun dha nebiŋa au gi dhuŋun ibidha; gwiro ŋinena ulinuŋwna, 16A gidon gi dhuŋun ibidha nyi gwaji gwaura, a nyi gwaice gutu ga Daawud manaŋ gina gido; nyalije laribainyu luŋun manaŋ lina lido, nyilgeta manaŋ. 17Di liji lina lidhainu bupe Kwelenya, a Liumam peth lina luthi jiriny jiny, Kweleny gwarna, gwina gwigeto ŋida ibiŋa peth. 18Ŋiro ŋuŋun ŋiliŋinu di Kalo ro dina gitinina gidhila. 19A minoŋ nyi gwarnu alŋa lati lageta dhuŋuna dhina dhibur gi liji alaŋ, lina limauradha di Kalo gi Liumam ganu no. 20Albi ulijo jawaab, dathil doinya ŋida ŋina ŋiro ŋirle ŋa ŋwoboŋ, a ŋidhir, a ŋidi ŋina ŋathil liji gwurorinyaje, a ŋin. 21Ro gidhila Muusa gwuthi lijo lina lathabiŋaijo lijo dhuŋuna dhuŋun gi limediina peth, athi liji abiŋaijo dhuŋuna dhuŋun gi majaamiⓐ ŋwamun ŋwa Sabith peth.
Jawaab ja Liumam lina liro Masiiẖiyiin
22A liji lina lukejinu a shiyuuk a kaniisa peth uminyi dilmutha lijo ram degen ganu alukeje gi Anṯaakiiya Buulus ŋalai Barnaaba gwai; a liji ram ibila lina limalimutha lan Yahuudha gwina gwuthi jiriny jiter jan Baarsaaba, a Siila, lina liro liji lina luthi ŋelenya gi limegen ganu. 23Alule doi dai degen minoŋ, Liji lina lukejinu a shiyuuk a limega lukejo salaam gi Liumam lina liro limega lina lathije gi Anṯaakiiya a Suuriiya a Kiiliikiiya. 24Anaŋa limadiŋini darnu liji coŋ lina limatuiya daguri ganu limajikiye dugore dhuŋun dhai dhegen, a limalageje dhuŋuna ganu dhina dho gi dugor ganu dalo, alarnu aram nyaŋa lurtedhini a nya uthejo naamuus nyuni, lina lati labiŋaijanalo no, 25anaŋa peth luminyu dana mutha lijo ram analukeja dagalo ŋediŋa lai lina luminyanalo lina lan Barnaaba a Buulus, 26liji ram ibila lina liwulijo lidom legen je gwan jiriny ja Kweleny gwega gwina gwan Yasuuⓐ al Masiiẖ. 27A minoŋ anaŋa limukeja Yahuudhaŋaije Siila gwai, a ŋediŋa lajabiŋaijo dhuŋuna ibidha dheta dheta ŋwinyu ŋwai ŋwegen. 28Anaŋa Dhigirim ŋalai dhina Dhiŋir larnu lati lajigetijo dhuŋuna dhina dhinaŋ dhoinyadhanu gi ŋidi ibiŋa ŋina ŋiro daruri no. 29Athanyabi doinya ŋida ŋina ŋathil dhugijo kaloŋa ga ŋwoboŋ a ŋin a ŋidi ŋina ŋathil liji gwurorinyaje a ŋidhir. Ada nyaŋa limadima lidom lalo gi ŋidi ibiŋa, nyaŋa lapo dhuŋuna dhina dhiŋir. Jil galo liŋir dugore. 30A ŋediŋa dina malgitini gi dhai, alela gi Anṯaakiiya, a dina malwureje lijo loinyadho liduŋw, allidhedha jawaab. 31A dina malabiŋaijo jawaab, aliŋir dugore gi dhuŋun dhadhi gathaje uwa. 32A Yahuudhaŋa Siila gwai, lina liro nebiŋa ko, alabiŋaijo limega dhuŋun dhai dhoinyadho, allibiriye nono. 33A dina mal je mine ŋwamun ŋwoinyadho, al limega abrico alela audhaijiye gwai galo gi liji lina lukejinu, 34Abi Siila uminyi dijalo mine. 35A Buulusŋa Barnaaba gwai je gi Anṯaakiiya liji ŋalai liter ko, alalimiye lijo allabiŋaijo dhuŋuna dha Kweleny.
Guginudhe ganu gwa Buulusŋa Barnaaba gwai
36A maji ma ŋwamun coŋ erna a Buulus aici Barnaaba nu, Abricije anaurai anela ŋirin gi limega lina lathije gi limediina peth lina labiŋaijanana lijo dhuŋuna dha Kweleny, anal daŋadha lo liŋir a? 37A Barnaaba ari lodhani Yuuẖannaŋw, gwina gwuthi jiriny jiter jan Margus. 38Abi Buulus arnu dhuŋun dhati dhiŋir dilodha ŋeduŋw gwina gwigathanije gi Bamfiiliiya, athil lidhi gi ŋiro no. 39Alorlaijiye ganu alkadhe, albaiyadhe ganu; a Barnaaba odha Margusuŋw, alela Gubrus felluuka gwai. 40A Buulus mutha Siilaŋw, algwela, al limega geta gi dhai niⓐma gwai gwa Kalo. 41Ŋwela gi Suuriiya a Kiiliikiiya, athuŋwbiriye kanaayis nono.
Currently Selected:
Aⲁmaal Ar Rusul 15: HBN
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.
Aⲁmaal Ar Rusul 15
15
Liumam lina liro Masiiẖiyiin a naamuus gwa Muusa
1Abi liji je lina lulo gi Yahuudiiya alalimiye limega allaicinu, Ada nyaŋa lati limurtedhini gwiro ŋinena dhuŋun dhina dhuthi Muusa no, nyaŋa lati luthi ŋoma danya gilaŋini no. 2A dina ma Buulusŋa Barnaaba gwai je dilabiŋaijiye, alkadhe dhuŋun dhai dhoinyadho alari lukeje Buulusŋaije Barnaaba gwai a liji liter degen gi liji lina lukejinu a shiyuuk gi Urushaliim gi dhuŋun dha dhuŋun ibidha. 3A liji ibila dina mal kaniisa geta gi dhai, alela gi Fiiniigiiya a Saamira, athil abiŋaijo lijo dhuŋuna dha urle dugore galo dha Liumam. Aliŋiriye lijo dugore peth gwuleny lina liro limega. 4A dina malobani gi Urushaliim, al kaniisa uminyi a liji lina lukejinu a shiyuuk, allabiŋaijo dhuŋuna peth dhina dhapo Kalo ŋediŋa lai. 5Abi liji coŋ dire gi liji ganu lina liro Farriisiyiin lina luminyu Kaloŋa, alarnu, Dhuŋun dhiro daruri dilurtedhini, alldhedha amr dildima naamuus gwa Muusa.
Juriya gi Urushaliim
6A liji lina lukejinu a shiyuuk auradhe liduŋw dilabiŋaijiye gi dhuŋun ibidha. 7A dina malabiŋaijiye dhuŋuna dhoinyadho, a Buṯrus direlaŋ ŋwulaicinu, Liji lai lina liro limega, nyaŋa liliŋidhi darnu gi ŋwamun ŋwa ro dilaŋ Kalo guthinije ganu dagalo ganu, di Liumam diŋini Dhuŋuna dhina Dhiŋir gi ŋwinyu ŋwiny, aluminyi. 8A Kalo, gina giliŋidhi dugore, giro shaahid gwegen, ŋwuldhedha Dhigirima dhina Dhiŋir, gwiro ŋinena dhedhijina ko; 9a gati girujije ganu ram gi dhuŋun dheda no, a gimajuriye dugore dega imaan gwai. 10Abi ŋinena kworaŋ nyabi idheje Kaloŋa, nyageta loka gi lidom alaŋ la calmiz, lina lati luthi ŋoma di baboŋa lega apai i anaŋa no. 11Abi anaŋa luminyu darnu niⓐma gwai gwa Kweleny gwina gwan Yasuuⓐ anaŋa laji lagilaŋini, gwiro ŋinena ŋediŋa ko. 12A liji peth je jigwoiny, aldeŋinaijo Barnaabaŋaije Buulus gwai dina abiŋaijilo dhuŋuna peth dhina dhima Kalo geta ŋiro ŋai ŋina ŋipiŋipa a ŋina ŋathalije lijo galo dir gi Liumam ganu ŋediŋa lai. 13A dina mal meaje dhuŋuna dhegen, a Yaⓐguub abiŋi, ŋwarnu, Liji lai lina liro limega, deŋinaijinyilo. 14A Simⓐaan gwimijabiŋaijo darnu akwai Kalo gidhi gi Liumam kwereny, duŋwapai degen lijo dilneye jiriny juŋun. 15A dhuŋun dha nebiŋa au gi dhuŋun ibidha; gwiro ŋinena ulinuŋwna, 16A gidon gi dhuŋun ibidha nyi gwaji gwaura, a nyi gwaice gutu ga Daawud manaŋ gina gido; nyalije laribainyu luŋun manaŋ lina lido, nyilgeta manaŋ. 17Di liji lina lidhainu bupe Kwelenya, a Liumam peth lina luthi jiriny jiny, Kweleny gwarna, gwina gwigeto ŋida ibiŋa peth. 18Ŋiro ŋuŋun ŋiliŋinu di Kalo ro dina gitinina gidhila. 19A minoŋ nyi gwarnu alŋa lati lageta dhuŋuna dhina dhibur gi liji alaŋ, lina limauradha di Kalo gi Liumam ganu no. 20Albi ulijo jawaab, dathil doinya ŋida ŋina ŋiro ŋirle ŋa ŋwoboŋ, a ŋidhir, a ŋidi ŋina ŋathil liji gwurorinyaje, a ŋin. 21Ro gidhila Muusa gwuthi lijo lina lathabiŋaijo lijo dhuŋuna dhuŋun gi limediina peth, athi liji abiŋaijo dhuŋuna dhuŋun gi majaamiⓐ ŋwamun ŋwa Sabith peth.
Jawaab ja Liumam lina liro Masiiẖiyiin
22A liji lina lukejinu a shiyuuk a kaniisa peth uminyi dilmutha lijo ram degen ganu alukeje gi Anṯaakiiya Buulus ŋalai Barnaaba gwai; a liji ram ibila lina limalimutha lan Yahuudha gwina gwuthi jiriny jiter jan Baarsaaba, a Siila, lina liro liji lina luthi ŋelenya gi limegen ganu. 23Alule doi dai degen minoŋ, Liji lina lukejinu a shiyuuk a limega lukejo salaam gi Liumam lina liro limega lina lathije gi Anṯaakiiya a Suuriiya a Kiiliikiiya. 24Anaŋa limadiŋini darnu liji coŋ lina limatuiya daguri ganu limajikiye dugore dhuŋun dhai dhegen, a limalageje dhuŋuna ganu dhina dho gi dugor ganu dalo, alarnu aram nyaŋa lurtedhini a nya uthejo naamuus nyuni, lina lati labiŋaijanalo no, 25anaŋa peth luminyu dana mutha lijo ram analukeja dagalo ŋediŋa lai lina luminyanalo lina lan Barnaaba a Buulus, 26liji ram ibila lina liwulijo lidom legen je gwan jiriny ja Kweleny gwega gwina gwan Yasuuⓐ al Masiiẖ. 27A minoŋ anaŋa limukeja Yahuudhaŋaije Siila gwai, a ŋediŋa lajabiŋaijo dhuŋuna ibidha dheta dheta ŋwinyu ŋwai ŋwegen. 28Anaŋa Dhigirim ŋalai dhina Dhiŋir larnu lati lajigetijo dhuŋuna dhina dhinaŋ dhoinyadhanu gi ŋidi ibiŋa ŋina ŋiro daruri no. 29Athanyabi doinya ŋida ŋina ŋathil dhugijo kaloŋa ga ŋwoboŋ a ŋin a ŋidi ŋina ŋathil liji gwurorinyaje a ŋidhir. Ada nyaŋa limadima lidom lalo gi ŋidi ibiŋa, nyaŋa lapo dhuŋuna dhina dhiŋir. Jil galo liŋir dugore. 30A ŋediŋa dina malgitini gi dhai, alela gi Anṯaakiiya, a dina malwureje lijo loinyadho liduŋw, allidhedha jawaab. 31A dina malabiŋaijo jawaab, aliŋir dugore gi dhuŋun dhadhi gathaje uwa. 32A Yahuudhaŋa Siila gwai, lina liro nebiŋa ko, alabiŋaijo limega dhuŋun dhai dhoinyadho, allibiriye nono. 33A dina mal je mine ŋwamun ŋwoinyadho, al limega abrico alela audhaijiye gwai galo gi liji lina lukejinu, 34Abi Siila uminyi dijalo mine. 35A Buulusŋa Barnaaba gwai je gi Anṯaakiiya liji ŋalai liter ko, alalimiye lijo allabiŋaijo dhuŋuna dha Kweleny.
Guginudhe ganu gwa Buulusŋa Barnaaba gwai
36A maji ma ŋwamun coŋ erna a Buulus aici Barnaaba nu, Abricije anaurai anela ŋirin gi limega lina lathije gi limediina peth lina labiŋaijanana lijo dhuŋuna dha Kweleny, anal daŋadha lo liŋir a? 37A Barnaaba ari lodhani Yuuẖannaŋw, gwina gwuthi jiriny jiter jan Margus. 38Abi Buulus arnu dhuŋun dhati dhiŋir dilodha ŋeduŋw gwina gwigathanije gi Bamfiiliiya, athil lidhi gi ŋiro no. 39Alorlaijiye ganu alkadhe, albaiyadhe ganu; a Barnaaba odha Margusuŋw, alela Gubrus felluuka gwai. 40A Buulus mutha Siilaŋw, algwela, al limega geta gi dhai niⓐma gwai gwa Kalo. 41Ŋwela gi Suuriiya a Kiiliikiiya, athuŋwbiriye kanaayis nono.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
First published by the British and Foreign Bible Society in 1966.