Maˍkuˆ 7
7
Hkaw taeˉ changˉ uiˉ beu ang liˍ ang kawngˍ
1Htiˍ ningˍ hingˉ nga beu, Hpaˍriˆsaeˉ changˉ nae Yeˍruˆsaˍlaemˍ vengˍ veu ca yao lui jiˉ Camˉ lik ang hkiˍ saˍ laˉ htiˍ baˍ uiˍ Yeˍsuˆ kawngˉ lui chawnˉ hko jiˉ. 2Ta peˍ htiˍ baˍ uiˍ laˍ puˍ baˍ chiˍ laeˍ nae ang caˍ caˍ yao ca naeˉ na myangˉ jiˉ. Hingˉ mae baoˉ vaˍ, baˍ seungˍ baˍ sangˍ. 3Aˉ mae yao nae baoˇ, hkaw taeˉ changˉ uiˉ beu ang liˍ ang kawngˍ na caiˍ naeˍ Hpaˍriˆsaeˉ changˉ nae Yuˉdaˆ changˉ ceuˉ uiˉ aˍ laˍ puˍ baˍ chiˍ laeˍ nae ang caˍ baˍ caˍ. 4Katˆ veu ca yao laˉ laeˍ beu muiˉ yawng beu ang to hingˉ baˍ chiˍ laeˍ nae ang caˍ baˍ caˍ. Hingˉ htaˍ veu muiˉ cawm yaˍ, ta laiˉ, la hkawˍ, yuˍ pamˍ uiˍ na chiˍ pe naeˉ uiˉ ang liˍ ang kawngˍ uiˍ na muiˉ ang caiˍ yaˍ. 5Haeˉ mae beu, Hpaˍriˆsaeˉ changˉ nae Camˉ lik ang hkiˍ saˍ laˉ changˉ uiˉ muiˉ, Hkaw taeˉ changˉ uiˉ caiˍ jiˍ ang liˍ ang kawngˍ na Yeˍsuˆ nang beu ta peˍ uiˍ a baˍ caiˍ. Ba ceuˉ ha yao baˍ seungˍ baˍ sangˍ nae uiˉ laˍ puˍ nae ang caˍ caˍ naeˇ nae naˉ jiˉ. Yeˍsuˆ maˇ ha laeˍ biˍ jiˍ. 6Iˉsaˍyaˆ Camˉ lik hkaoˉ veu taemˉ jiˉ lawˉ changˉ ang maenˍ laˍ mae taeng laeˍ yao ca naeˉ nawng laˉ mae uiˉ na hpekˆ yao taemˉ saˍ jiˍ hingˉ ang yaˍ jaˇ. Camˉ lik hkaoˉ veu changˉ ningˉ uiˉ aˍ ga na miˍ tu nae saˍ nyamˉ laˍ naeˍ. Caˇ, nuing ba suiˍ yangˍ nga ga kawngˉ ang veuˍ nae. 7Yawng ngaˍ changˉ uiˉ beu ang liˍ ang kawngˍ uiˍ na seungˍ maˍ yao ga na yawng koˉ koiˍ laˍ naeˍ ningˉ ngaˍ a coˉ baˍ ca nae taemˉ jiˉ laˉ mae. 8Nawng ngaˍ Ang suingˉ Hpaˍcaoˍ beu aˉ mingˍ hingˍ na paek yao changˉ beu ang liˍ ang kawngˍ hingˍ na hap yuˉ yao caiˍ yaˍ naeˍ. 9Nawng ngaˍ nawng beu ang liˍ ang kawngˍ hingˍ yiˍ naenˉ hkiˍ naeˍ uiˉ saˍ laiˍ Ang suingˉ Hpaˍcaoˍ beu ang liˍ ang kawngˍ na paek hko jaˇ le. 10Moˉseˍ nawˍ nawng ang muing ang vangˉ uiˉ na saˍ nyamˉ voˍ. Ang muing ang vangˉ na saengˉ vanˉ naeˉ changˉ uiˉ na piˉ siˉ voˍ nae ha saˍ jiˍ. 11Changˉ htiˍ hu hu yang beu ang muing ang vangˉ na ga beu piˍ kyaˍ uiˍ ang keungˍ hingˍ uiˉ Hpaˍcaoˍ na tanˍ peunˍ jiˉ Kawˍbanˍ hpeuˍ byaˇ nae yang saˉ caˉ biˍ baoˇ. 12Ang muing ang vangˉ na nawng ngaˍ iˉ yaˍ nae muiˉ baˍ ya hu hpa laˇ nae ha naeˉ. 13Hpaˍcaoˍ beu, ang tangˍ na tiˍ kangˍ siˍ yao, ningˉ laˉ mae ang liˍ ang kawngˍ uiˍ nawngˍ veu hkeˍ naeˍ. Ningˉ mae uiˉ kanˉ na nawng ngaˍ ang byaˍ ha yao ca byaˇ nae ha biˍ jiˍ.
Ang hkaoˉ veu nae laˉ jiˉ baˍ seungˍ baˍ sangˍ nae uiˉ
14Haeˉ mae beu, changˉ ang byaˍ uiˍ na Yeˍsuˆ haoˉ laeˍ yao, Nawng ngaˍ ga tangˍ na naˉ yao naˉ bae baoˇ. 15Ang ngiˉ veu nae laˉ yao changˉ hkaoˉ veu awngˉ aeˉ naeˉ caˍ keungˍ uiˉ aˍ Hpaˍcaoˍ baˍ hap yuˉ taw nae piˉ hpeuˍ laˍ naeˉ uiˉ htiˍ ceuˍ nae muiˉ baˍ ca. Nuing ba hkaoˉ veu nae awkˍ naeˍ uiˉ hingˉ naeˍ yaˇ Hpaˍcaoˍ baˍ hap yuˉ taw nae uiˉ ang keungˍ hpeuˍ naeˍ nae ha biˍ jiˍ. 16Laˍ suingˍ hkaˉ ca naeˉ changˉ uiˉ ngaˍ maenˍ nae naˉ voˍ. 17Changˉ uiˉ kawngˉ hpakˍ yao yumˉ hkaoˉ veu awngˉ lae beu, yang ta peˍ uiˍ uˉ paˍ maˍ lawng hingˉ na naˉ jiˉ. 18Yeˍsuˆ mangˉ muiˉ, Nawng ngaˍ ningˉ mae pingˍ nyaˍ baˍ ca nae laˍ cangˉ suing ngaeˉ laˍ. Changˉ ang ngiˉ veu nae lui yao changˉ hkaoˉ veu awngˉ aeˉ naeˉ hingˉ ngaˍ nuing ba hkaoˉ veu baˍ awngˍ aeˉ. 19Hpaˍ pawng hkaoˉ veu ang caˍ hkaˉ ca naeˉ uiˉ muiˉ pawng ma veu awngˉ nga aengˉ yao changˉ na baˍ tiˍ chaˍ hkiˍ nae hingˉ na nawng ngaˍ baˍ bae laˍ. 20Changˉ hkaoˉ veu nae awkˍ taw laˍ jiˍ hingˉ changˉ na baˍ seungˍ baˍ sangˍ nae piˉ hpeuˍ naeˍ. 21Changˉ nuing ba hkaoˉ veu nae ang haiˉ na kuitˆ naeˉ, ang bongˉ baˍ cangˉ suing nae uiˉ hkaˍ ba yaˍ na suˉ yaˍ linˉ yaˍ naeˍ, hao hkaˍ baˍ na suˉ yaˍ linˉ yaˍ naeˍ, changˉ na saeˍ naeˍ, 22hao keungˍ hao kawˉ na hkaoˍ naeˍ, taen ha, hao na hu buinˉ naeˉ, tiˍ keˍ keˍ yaˍ naeˍ, hao na saw saeˉ naeˉ, huiˍ yaˍ law yaˍ laeˍ naeˍ, caeˉ cangˉ naeˉ ningˉ uiˉ aˍ changˉ beu nuing ba suiˍ hkaoˍ veu nae awkˍ taw laˍ naeˍ. 23Baˍ seungˍ baˍ sangˍ nae ang hkaoˉ veu awkˍ taw laˍ jiˍ ningˉ ceuˉ uiˉ changˉ na tiˍ chaˍ tiˍ kaeˍ naeˍ uiˉ nae yang ha biˍ jiˍ.
Suˉriˆhpiˆniˆ ang meungˉ veu ca naeˉ hkaˍ ba yaˍ mangˍ beu yumˉ naeˉ awˍ lawng
24Haeˉ mae beu, Yeˍsuˆ hta yao Tuˆruˆ vengˍ veu lae yao, yang yumˉ veu awngˉ lae jiˉ. Changˉ htiˍ hu na baˍ piˍ bae siˉ nae yao muiˉ Yeˍsuˆ baˍ caw caeˉ. 25Deˍ yaˍ ang haiˉ awngˉ ngangˉ biˍ jiˍ hkaˍ ba yaˍ mangˍ beu ang muing mangˉ Yeˍsuˆ laˉ jiˉ na ya kyaˍ yao, yang Yeˍsuˆ tawngˍ naˍ veu hpaˍ tuˍ laˍ hku nae ha yao paˉ jiˉ. 26Yang beu ang yaˍ hkaˍ ba yaˍ mangˍ beu deˍ yaˍ hiˍ mangˉ na kaˍ taw lao nae paˉ jiˉ. Hkaˍ ba yaˍ hiˍ maˇ Heˍlaˍtaˆ changˉ ceuˉ yaˇ. Suˉriˆhpiˆniˆ meungˉ changˉ yaˇ. 27Yeˍsuˆ maˇ ha biˍ jiˍ. Ang yaˍ ningˍ uiˉ na kaˉ huˍ veu piˉ yaˍ kawˍ beun vaˉ. Ang yaˍ ningˍ uiˉ beu caˍ keungˍ na nawˍ hkuiˍ yaˍ uiˍ na piˉ yaˍ baoˉ vaˍ, baˍ yaˍ nae ha biˍ jiˍ. 28Hkaˍ ba yaˍ mangˍ muiˉ ang yaˍ yaˇ. Yeˍsuˆ veuˉ, hkuiˍ yaˍ nawˍ ang yaˍ mangˍ beu hangˍ hpeunˍ tawngˍ kaˍ veu kla jiˉ caˍ keungˍ na ang kaw yaˍ cae yaˇ nae ha biˍ jiˍ. 29Yeˍsuˆ maˇ nang ningˉ mae ciˍ naeˍ paˉ nae lae laeˍ bao. Nang beu ang yaˍ hkaˍ ba yaˍ mangˍ beu deˍ yaˍ mangˍ awkˍ taw aengˉ byaˇ nae ciˍ sangˍ jiˍ. 30Haeˉ mae beu, hkaˍ ba yaˍ mangˍ yumˉ veu lae laeˍ jiˍ. Yang yaˍ mangˍ yuˍ pamˍ veu saoˍ yao deˍ yaˍ mangˍ awkˍ taw lang biˍ jiˍ na myangˉ lae laeˍ jiˍ.
Changˉ ang byaˍ na taeng pyo biˍ jiˍ
31Htiˍ cangˍ Yeˍsuˆ Tuˆruˆ ang meungˉ, Siˆdongˍ vengˍ veu hkawngˍ uiˍ beu awkˍ yao, Deˍkaˍpawˉliˆ ang meungˉ veu aeˉ laeˍ yao, Gaˍliˉlaeˉ lang awng veu hkeu aeˉ jiˉ. 32Haeˉ mae beu, laˍ pangˍ nae baˍ ciˍ hkiˍ nae mangˉ na Yeˍsuˆ kawngˉ suiˍ laˉ yao, yang htaˍ veu laˍ puˍ boeˉ luiˍ bu nae paˉ biˍ jiˍ. 33Yeˍsuˆ changˉ hingˉ mangˉ na changˉ uiˉ ang muˉ hkaoˉ veu nae suiˍ hpakˍ aengˉ jiˉ. Ang paˉ veu hkeu beu Yeˍsuˆ maˇ yang laˍ nyungˍ hingˍ nae laˍ suingˍ veu vaˍ biˍ jiˍ. Hkanˍ hpitˍ yao hkanˍ nangˍ hingˍ nae yang maenˍ haˍ veu dawd biˍ ji. 34Haeˉ mae yao, buingˍ htaˍ veu hu laeˍ beu ang saˍ kangˉ ba nae Eˍhpaˍtaˆ nae ha biˍ jiˍ. A tekˆ paeˍ yangˍ maˇ hpawng laˉ bao nae. 35Changˉ mangˉ muiˉ laˍ suingˍ kyaˍ laˉ laeˍ yao yang beu maenˍ haˍ ang kuˍ yang muiˉ dawˍ laˉ laeˍ yao ciˍ tangˍ ang anˉ lawˉ ciˍ hkiˍ laˉ laeˍ jiˍ. 36Yeˍsuˆ nawˍ ningˉ lawng ningˉ na aˍ sangˍ na muiˉ baˍ hkai biˍ jo nae yawng na ha biˍ jiˍ. Haeˉ mae ha biˍ yao muiˉ ya kyaˍ jiˉ changˉ uiˉ ya caeˉ nae hingˉ lawng na hkai jiˉ. 37Yawng kuitˆ manˍ hko laeˍ yao ciˍ jiˍ hingˉ ngaˍ, Yang hkaˉ hko laˉ hko uiˉ na taeng maenˍ hko byaˇ. Laˍ suingˍ baˍ kyaˍ nae uiˉ na muiˉ yang taeng pyo biˍ byaˇ. Changˉ baˍ ciˍ hkiˍ nae uiˉ na muiˉ ciˍ tangˍ ang ciˍ taw nae yang taeng taw byaˇ nae yawng ciˍ jiˍ.
Currently Selected:
Maˍkuˆ 7: pyy
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc.
Maˍkuˆ 7
7
Hkaw taeˉ changˉ uiˉ beu ang liˍ ang kawngˍ
1Htiˍ ningˍ hingˉ nga beu, Hpaˍriˆsaeˉ changˉ nae Yeˍruˆsaˍlaemˍ vengˍ veu ca yao lui jiˉ Camˉ lik ang hkiˍ saˍ laˉ htiˍ baˍ uiˍ Yeˍsuˆ kawngˉ lui chawnˉ hko jiˉ. 2Ta peˍ htiˍ baˍ uiˍ laˍ puˍ baˍ chiˍ laeˍ nae ang caˍ caˍ yao ca naeˉ na myangˉ jiˉ. Hingˉ mae baoˉ vaˍ, baˍ seungˍ baˍ sangˍ. 3Aˉ mae yao nae baoˇ, hkaw taeˉ changˉ uiˉ beu ang liˍ ang kawngˍ na caiˍ naeˍ Hpaˍriˆsaeˉ changˉ nae Yuˉdaˆ changˉ ceuˉ uiˉ aˍ laˍ puˍ baˍ chiˍ laeˍ nae ang caˍ baˍ caˍ. 4Katˆ veu ca yao laˉ laeˍ beu muiˉ yawng beu ang to hingˉ baˍ chiˍ laeˍ nae ang caˍ baˍ caˍ. Hingˉ htaˍ veu muiˉ cawm yaˍ, ta laiˉ, la hkawˍ, yuˍ pamˍ uiˍ na chiˍ pe naeˉ uiˉ ang liˍ ang kawngˍ uiˍ na muiˉ ang caiˍ yaˍ. 5Haeˉ mae beu, Hpaˍriˆsaeˉ changˉ nae Camˉ lik ang hkiˍ saˍ laˉ changˉ uiˉ muiˉ, Hkaw taeˉ changˉ uiˉ caiˍ jiˍ ang liˍ ang kawngˍ na Yeˍsuˆ nang beu ta peˍ uiˍ a baˍ caiˍ. Ba ceuˉ ha yao baˍ seungˍ baˍ sangˍ nae uiˉ laˍ puˍ nae ang caˍ caˍ naeˇ nae naˉ jiˉ. Yeˍsuˆ maˇ ha laeˍ biˍ jiˍ. 6Iˉsaˍyaˆ Camˉ lik hkaoˉ veu taemˉ jiˉ lawˉ changˉ ang maenˍ laˍ mae taeng laeˍ yao ca naeˉ nawng laˉ mae uiˉ na hpekˆ yao taemˉ saˍ jiˍ hingˉ ang yaˍ jaˇ. Camˉ lik hkaoˉ veu changˉ ningˉ uiˉ aˍ ga na miˍ tu nae saˍ nyamˉ laˍ naeˍ. Caˇ, nuing ba suiˍ yangˍ nga ga kawngˉ ang veuˍ nae. 7Yawng ngaˍ changˉ uiˉ beu ang liˍ ang kawngˍ uiˍ na seungˍ maˍ yao ga na yawng koˉ koiˍ laˍ naeˍ ningˉ ngaˍ a coˉ baˍ ca nae taemˉ jiˉ laˉ mae. 8Nawng ngaˍ Ang suingˉ Hpaˍcaoˍ beu aˉ mingˍ hingˍ na paek yao changˉ beu ang liˍ ang kawngˍ hingˍ na hap yuˉ yao caiˍ yaˍ naeˍ. 9Nawng ngaˍ nawng beu ang liˍ ang kawngˍ hingˍ yiˍ naenˉ hkiˍ naeˍ uiˉ saˍ laiˍ Ang suingˉ Hpaˍcaoˍ beu ang liˍ ang kawngˍ na paek hko jaˇ le. 10Moˉseˍ nawˍ nawng ang muing ang vangˉ uiˉ na saˍ nyamˉ voˍ. Ang muing ang vangˉ na saengˉ vanˉ naeˉ changˉ uiˉ na piˉ siˉ voˍ nae ha saˍ jiˍ. 11Changˉ htiˍ hu hu yang beu ang muing ang vangˉ na ga beu piˍ kyaˍ uiˍ ang keungˍ hingˍ uiˉ Hpaˍcaoˍ na tanˍ peunˍ jiˉ Kawˍbanˍ hpeuˍ byaˇ nae yang saˉ caˉ biˍ baoˇ. 12Ang muing ang vangˉ na nawng ngaˍ iˉ yaˍ nae muiˉ baˍ ya hu hpa laˇ nae ha naeˉ. 13Hpaˍcaoˍ beu, ang tangˍ na tiˍ kangˍ siˍ yao, ningˉ laˉ mae ang liˍ ang kawngˍ uiˍ nawngˍ veu hkeˍ naeˍ. Ningˉ mae uiˉ kanˉ na nawng ngaˍ ang byaˍ ha yao ca byaˇ nae ha biˍ jiˍ.
Ang hkaoˉ veu nae laˉ jiˉ baˍ seungˍ baˍ sangˍ nae uiˉ
14Haeˉ mae beu, changˉ ang byaˍ uiˍ na Yeˍsuˆ haoˉ laeˍ yao, Nawng ngaˍ ga tangˍ na naˉ yao naˉ bae baoˇ. 15Ang ngiˉ veu nae laˉ yao changˉ hkaoˉ veu awngˉ aeˉ naeˉ caˍ keungˍ uiˉ aˍ Hpaˍcaoˍ baˍ hap yuˉ taw nae piˉ hpeuˍ laˍ naeˉ uiˉ htiˍ ceuˍ nae muiˉ baˍ ca. Nuing ba hkaoˉ veu nae awkˍ naeˍ uiˉ hingˉ naeˍ yaˇ Hpaˍcaoˍ baˍ hap yuˉ taw nae uiˉ ang keungˍ hpeuˍ naeˍ nae ha biˍ jiˍ. 16Laˍ suingˍ hkaˉ ca naeˉ changˉ uiˉ ngaˍ maenˍ nae naˉ voˍ. 17Changˉ uiˉ kawngˉ hpakˍ yao yumˉ hkaoˉ veu awngˉ lae beu, yang ta peˍ uiˍ uˉ paˍ maˍ lawng hingˉ na naˉ jiˉ. 18Yeˍsuˆ mangˉ muiˉ, Nawng ngaˍ ningˉ mae pingˍ nyaˍ baˍ ca nae laˍ cangˉ suing ngaeˉ laˍ. Changˉ ang ngiˉ veu nae lui yao changˉ hkaoˉ veu awngˉ aeˉ naeˉ hingˉ ngaˍ nuing ba hkaoˉ veu baˍ awngˍ aeˉ. 19Hpaˍ pawng hkaoˉ veu ang caˍ hkaˉ ca naeˉ uiˉ muiˉ pawng ma veu awngˉ nga aengˉ yao changˉ na baˍ tiˍ chaˍ hkiˍ nae hingˉ na nawng ngaˍ baˍ bae laˍ. 20Changˉ hkaoˉ veu nae awkˍ taw laˍ jiˍ hingˉ changˉ na baˍ seungˍ baˍ sangˍ nae piˉ hpeuˍ naeˍ. 21Changˉ nuing ba hkaoˉ veu nae ang haiˉ na kuitˆ naeˉ, ang bongˉ baˍ cangˉ suing nae uiˉ hkaˍ ba yaˍ na suˉ yaˍ linˉ yaˍ naeˍ, hao hkaˍ baˍ na suˉ yaˍ linˉ yaˍ naeˍ, changˉ na saeˍ naeˍ, 22hao keungˍ hao kawˉ na hkaoˍ naeˍ, taen ha, hao na hu buinˉ naeˉ, tiˍ keˍ keˍ yaˍ naeˍ, hao na saw saeˉ naeˉ, huiˍ yaˍ law yaˍ laeˍ naeˍ, caeˉ cangˉ naeˉ ningˉ uiˉ aˍ changˉ beu nuing ba suiˍ hkaoˍ veu nae awkˍ taw laˍ naeˍ. 23Baˍ seungˍ baˍ sangˍ nae ang hkaoˉ veu awkˍ taw laˍ jiˍ ningˉ ceuˉ uiˉ changˉ na tiˍ chaˍ tiˍ kaeˍ naeˍ uiˉ nae yang ha biˍ jiˍ.
Suˉriˆhpiˆniˆ ang meungˉ veu ca naeˉ hkaˍ ba yaˍ mangˍ beu yumˉ naeˉ awˍ lawng
24Haeˉ mae beu, Yeˍsuˆ hta yao Tuˆruˆ vengˍ veu lae yao, yang yumˉ veu awngˉ lae jiˉ. Changˉ htiˍ hu na baˍ piˍ bae siˉ nae yao muiˉ Yeˍsuˆ baˍ caw caeˉ. 25Deˍ yaˍ ang haiˉ awngˉ ngangˉ biˍ jiˍ hkaˍ ba yaˍ mangˍ beu ang muing mangˉ Yeˍsuˆ laˉ jiˉ na ya kyaˍ yao, yang Yeˍsuˆ tawngˍ naˍ veu hpaˍ tuˍ laˍ hku nae ha yao paˉ jiˉ. 26Yang beu ang yaˍ hkaˍ ba yaˍ mangˍ beu deˍ yaˍ hiˍ mangˉ na kaˍ taw lao nae paˉ jiˉ. Hkaˍ ba yaˍ hiˍ maˇ Heˍlaˍtaˆ changˉ ceuˉ yaˇ. Suˉriˆhpiˆniˆ meungˉ changˉ yaˇ. 27Yeˍsuˆ maˇ ha biˍ jiˍ. Ang yaˍ ningˍ uiˉ na kaˉ huˍ veu piˉ yaˍ kawˍ beun vaˉ. Ang yaˍ ningˍ uiˉ beu caˍ keungˍ na nawˍ hkuiˍ yaˍ uiˍ na piˉ yaˍ baoˉ vaˍ, baˍ yaˍ nae ha biˍ jiˍ. 28Hkaˍ ba yaˍ mangˍ muiˉ ang yaˍ yaˇ. Yeˍsuˆ veuˉ, hkuiˍ yaˍ nawˍ ang yaˍ mangˍ beu hangˍ hpeunˍ tawngˍ kaˍ veu kla jiˉ caˍ keungˍ na ang kaw yaˍ cae yaˇ nae ha biˍ jiˍ. 29Yeˍsuˆ maˇ nang ningˉ mae ciˍ naeˍ paˉ nae lae laeˍ bao. Nang beu ang yaˍ hkaˍ ba yaˍ mangˍ beu deˍ yaˍ mangˍ awkˍ taw aengˉ byaˇ nae ciˍ sangˍ jiˍ. 30Haeˉ mae beu, hkaˍ ba yaˍ mangˍ yumˉ veu lae laeˍ jiˍ. Yang yaˍ mangˍ yuˍ pamˍ veu saoˍ yao deˍ yaˍ mangˍ awkˍ taw lang biˍ jiˍ na myangˉ lae laeˍ jiˍ.
Changˉ ang byaˍ na taeng pyo biˍ jiˍ
31Htiˍ cangˍ Yeˍsuˆ Tuˆruˆ ang meungˉ, Siˆdongˍ vengˍ veu hkawngˍ uiˍ beu awkˍ yao, Deˍkaˍpawˉliˆ ang meungˉ veu aeˉ laeˍ yao, Gaˍliˉlaeˉ lang awng veu hkeu aeˉ jiˉ. 32Haeˉ mae beu, laˍ pangˍ nae baˍ ciˍ hkiˍ nae mangˉ na Yeˍsuˆ kawngˉ suiˍ laˉ yao, yang htaˍ veu laˍ puˍ boeˉ luiˍ bu nae paˉ biˍ jiˍ. 33Yeˍsuˆ changˉ hingˉ mangˉ na changˉ uiˉ ang muˉ hkaoˉ veu nae suiˍ hpakˍ aengˉ jiˉ. Ang paˉ veu hkeu beu Yeˍsuˆ maˇ yang laˍ nyungˍ hingˍ nae laˍ suingˍ veu vaˍ biˍ jiˍ. Hkanˍ hpitˍ yao hkanˍ nangˍ hingˍ nae yang maenˍ haˍ veu dawd biˍ ji. 34Haeˉ mae yao, buingˍ htaˍ veu hu laeˍ beu ang saˍ kangˉ ba nae Eˍhpaˍtaˆ nae ha biˍ jiˍ. A tekˆ paeˍ yangˍ maˇ hpawng laˉ bao nae. 35Changˉ mangˉ muiˉ laˍ suingˍ kyaˍ laˉ laeˍ yao yang beu maenˍ haˍ ang kuˍ yang muiˉ dawˍ laˉ laeˍ yao ciˍ tangˍ ang anˉ lawˉ ciˍ hkiˍ laˉ laeˍ jiˍ. 36Yeˍsuˆ nawˍ ningˉ lawng ningˉ na aˍ sangˍ na muiˉ baˍ hkai biˍ jo nae yawng na ha biˍ jiˍ. Haeˉ mae ha biˍ yao muiˉ ya kyaˍ jiˉ changˉ uiˉ ya caeˉ nae hingˉ lawng na hkai jiˉ. 37Yawng kuitˆ manˍ hko laeˍ yao ciˍ jiˍ hingˉ ngaˍ, Yang hkaˉ hko laˉ hko uiˉ na taeng maenˍ hko byaˇ. Laˍ suingˍ baˍ kyaˍ nae uiˉ na muiˉ yang taeng pyo biˍ byaˇ. Changˉ baˍ ciˍ hkiˍ nae uiˉ na muiˉ ciˍ tangˍ ang ciˍ taw nae yang taeng taw byaˇ nae yawng ciˍ jiˍ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2022, Wycliffe Bible Translators, Inc.