PSALMEN Bindu 53
Bindu 53
Haotoon ni Jolma na Marnalangkon Naibata
(Pausih Ps 14)
1Bani pambobai koor. Loguni: Mahalat. Doding podah humbani si Daud.
2Nini halak na oto do ibagas uhurni,
“Seng dong Naibata.”
Bajan anjaha sambor do pambahen ni sidea,
sahalak pe lang sibahen na madear.
3Manatap-natap do Jahowa hun nagori atas dompak anak ni jolma,
mangidah atap dong do na maruhur, sipindahi Naibata.
4Haganup do sidea kahou, haganupan seng margagan,
sahalak pe lang sibahen na madear, sahalak pe lang dong.
5Seng marpambotoh nani sagala halak sihorjahon hajahaton,
na mangankon bangsang-Ku songon na mangan ruti,
anjaha na so ongga mardilo Jahowa?
6Tapi maningon tarsonggot do sidea use,
age pe seng dong na manonggoti,
ai Naibata do na mangerap holi-holi ni halak na mangkubu ho,
sai na tarbador do sidea,
ai domma iambukkon Naibata sidea. (Jes. 26:37; Job 15:21; 1 Tes. 5:3)
7Ah, sai roh ma haluahon ni Israel, hun Sion!
Anggo suang ma ibahen Naibata bangsa-Ni,
marolob-olob ma Jakob anjaha marmalas ni uhur Israel.
Currently Selected:
PSALMEN Bindu 53: BTS
Highlight
Copy
Compare
Share
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.