PSALMEN Bindu 25
Bindu 25
Pangindoan Pasal Hasasapan ni Dousa ampa Panramotion
1Humbani si Daud.
Hu Bamu do Jahowa, hudompakkon tonduyhu. (Ps. 63:2)
2Ham Naibatangku, hu Bamu do ahu martenger ni uhur,
ulang ma lopas Ham ahu tarbador,
ulang ma marsurak-surak munsuhku mangidah ahu. (Ps. 30:2)
3Tongon, seng anjai tarbador sagala na marnalom ni uhur Bamu;
tapi maningon tarbador do halak pangeluk na so ingkat marhala. (Jes. 49:23)
4Ham Jahowa, pabotohkon Ham ma hu bangku dalan Mu,
ajarhon Ham ma hu bangku lapang-Mu. (Ps. 27:11; 86:11)
5Sai togu Ham ma ahu ibagas hasintongan-Mu, ajari Ham ma ahu;
ai Ham do Naibata ni hatuahonku,
Ham do hupanalom ganup ari. (Ps. 119:35; 143:10)
6Sai ingat Ham ma, ale Jahowa, sagala dear ni layak-Mu pakon idop ni uhur-Mu,
ai humbani nabasaia nari do in.
7 Sai ulang ma padingat-dingat Ham dousa haposoonku pakon panlanggaronku,
sai ingat Ham ma ahu romban hubani idop ni uhur-Mu,
halani dear ni layak-Mu, Ham Jahowa. (Job 13:26)
8Layak anjaha bonar do Jahowa,
halani ai ipatuduh do dalan na pintor bani pardousa. (Ps. 32:8; 4 Mus 32:4)
9Itogu-togu do halak na madoyuk mardalan ibagas hasintongan,
anjaha iajarhon do dalan-Ni bani halak na masombuh. (Jes. 48:17)
10Sagala dalan ni Jahowa idop ni uhur do ai ampa hasintongan,
bani halak na manramotkon padan-Ni pakon hasaksian-Ni. (Joh 1:14)
11Halani goran-Mu, Ham Jahowa,
sasap Ham ma dousangku, ai banggal do in. (Ps. 23:3; Jes. 43:25)
12Ise do halak na mangkabiari Jahowa?
Hubani do ajarhonon-Ni dalan sipilihon-Ni. (Ps. 32:8)
13Tonduy-Ni marianan do bani hasonangan,
anjaha ginomparni do manean tanoh on. (Ps. 37:9, 11; 22:29, 34; Mat 5:5; Pangk. 5:10)
14Udung do uhur ni Jahowa bani na mangkabiari-Si,
ipabotohkon do padan-Ni bani sidea. (Job 29:4; Pod. 3:22)
15Sai mangkawah do matangku dompak Jahowa,
ai Ia do paluahkon naheihu humbani siding. (Ps. 31:5; 123:1)
16Dompakkon Ham ma ahu, maidop ma uhur-Mu bangku,
ai lungunan anjaha madoyuk do ahu. (Ps. 22:21)
17Palumbang Ham ma ahu humbani hasosakan ni uhurhu,
paluah Ham ma ahu humbani hasunsahanku.
18Kawahkon Ham ma hadoyukonku pakon hangalutonku,
sasap Ham ma haganup dousangku. (2 Mus. 23:21; Jos. 24:19)
19Tonggor Ham ma, buei do munsuhku,
anjaha parah do pandomdomini sidea bangku. (Ps. 3:2; 35:19)
20Ramotkon Ham ma tonduyhu anjaha paluah Ham ma ahu,
ulang tarbador ahu, ai Bamu do ahu marlingod. (Ps. 16:1; 86:2)
21Sai hapansingon ampa hapintoron ma manramotkon ahu,
ai Bamu do ahu marhatengeran. (Ps. 37:37; 1 Raj 9:4; Job 1:1, 8; 2:3)
22Ham Naibata, sai paluah Ham ma Israel,
humbani haganup hasosakanni. (Ps. 130:8)
Currently Selected:
PSALMEN Bindu 25: BTS
Highlight
Share
Copy
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.
PSALMEN Bindu 25
Bindu 25
Pangindoan Pasal Hasasapan ni Dousa ampa Panramotion
1Humbani si Daud.
Hu Bamu do Jahowa, hudompakkon tonduyhu. (Ps. 63:2)
2Ham Naibatangku, hu Bamu do ahu martenger ni uhur,
ulang ma lopas Ham ahu tarbador,
ulang ma marsurak-surak munsuhku mangidah ahu. (Ps. 30:2)
3Tongon, seng anjai tarbador sagala na marnalom ni uhur Bamu;
tapi maningon tarbador do halak pangeluk na so ingkat marhala. (Jes. 49:23)
4Ham Jahowa, pabotohkon Ham ma hu bangku dalan Mu,
ajarhon Ham ma hu bangku lapang-Mu. (Ps. 27:11; 86:11)
5Sai togu Ham ma ahu ibagas hasintongan-Mu, ajari Ham ma ahu;
ai Ham do Naibata ni hatuahonku,
Ham do hupanalom ganup ari. (Ps. 119:35; 143:10)
6Sai ingat Ham ma, ale Jahowa, sagala dear ni layak-Mu pakon idop ni uhur-Mu,
ai humbani nabasaia nari do in.
7 Sai ulang ma padingat-dingat Ham dousa haposoonku pakon panlanggaronku,
sai ingat Ham ma ahu romban hubani idop ni uhur-Mu,
halani dear ni layak-Mu, Ham Jahowa. (Job 13:26)
8Layak anjaha bonar do Jahowa,
halani ai ipatuduh do dalan na pintor bani pardousa. (Ps. 32:8; 4 Mus 32:4)
9Itogu-togu do halak na madoyuk mardalan ibagas hasintongan,
anjaha iajarhon do dalan-Ni bani halak na masombuh. (Jes. 48:17)
10Sagala dalan ni Jahowa idop ni uhur do ai ampa hasintongan,
bani halak na manramotkon padan-Ni pakon hasaksian-Ni. (Joh 1:14)
11Halani goran-Mu, Ham Jahowa,
sasap Ham ma dousangku, ai banggal do in. (Ps. 23:3; Jes. 43:25)
12Ise do halak na mangkabiari Jahowa?
Hubani do ajarhonon-Ni dalan sipilihon-Ni. (Ps. 32:8)
13Tonduy-Ni marianan do bani hasonangan,
anjaha ginomparni do manean tanoh on. (Ps. 37:9, 11; 22:29, 34; Mat 5:5; Pangk. 5:10)
14Udung do uhur ni Jahowa bani na mangkabiari-Si,
ipabotohkon do padan-Ni bani sidea. (Job 29:4; Pod. 3:22)
15Sai mangkawah do matangku dompak Jahowa,
ai Ia do paluahkon naheihu humbani siding. (Ps. 31:5; 123:1)
16Dompakkon Ham ma ahu, maidop ma uhur-Mu bangku,
ai lungunan anjaha madoyuk do ahu. (Ps. 22:21)
17Palumbang Ham ma ahu humbani hasosakan ni uhurhu,
paluah Ham ma ahu humbani hasunsahanku.
18Kawahkon Ham ma hadoyukonku pakon hangalutonku,
sasap Ham ma haganup dousangku. (2 Mus. 23:21; Jos. 24:19)
19Tonggor Ham ma, buei do munsuhku,
anjaha parah do pandomdomini sidea bangku. (Ps. 3:2; 35:19)
20Ramotkon Ham ma tonduyhu anjaha paluah Ham ma ahu,
ulang tarbador ahu, ai Bamu do ahu marlingod. (Ps. 16:1; 86:2)
21Sai hapansingon ampa hapintoron ma manramotkon ahu,
ai Bamu do ahu marhatengeran. (Ps. 37:37; 1 Raj 9:4; Job 1:1, 8; 2:3)
22Ham Naibata, sai paluah Ham ma Israel,
humbani haganup hasosakanni. (Ps. 130:8)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.