JESAYA Bindu 13
Bindu 13
Parrongrong ni Huta Babel
1Pangungkabon pasal Babel, na nididah ni si Jesaya, anak ni si Amos. (Jer. 50:51)
2Pajongjong hanima ma mandera partanda bani dolog na leseng,
pagomos ma martaur bani sidea;
hilapkon hanima ma tangannima,
ase masuk sidea humbani horbangan ni halak na sangap-sangap! (ay. 17)
3Ahu na dob mamarentahkon hubani halak na Hupapansing,
domma Huhara puanglima-Ku,
na roh garang marsurak,
laho padalankon ringis-Ku,
4tangar, sora na gosou bani dolog
songon sora ni bala na buei!
Tangar, sora na guyu bani harajaon-harajaon,
bangsa-bangsa na roh martumpu!
Jahowa Zebaot patitirhon
bala laho marmunsuh.
5Na roh do sidea humbani nagori na daoh,
humbani ujung ni langit,
Jahowa ampa sinjata ni ringis-Ni,
laho mamboiskon ganup tanoh in.
6Mandoruh ma hanima,
ai dohor do ari ni Jahowa,
songon hasedaon humbani
Siparkuasa in do parroh-Ni. (Joel 1:15; 2:1)
7Halani ai galek ma sagala tangan,
madotei uhur ni ganup halak,
8anjaha tarsonggot sidea.
Hajorgongon ampa pangarouon do mandorab sidea,
mangarou do sidea songon naboru na laho tubuhan tuah,
marsinonoan do sidea,
gerger bohini songon narnar.
9Tonggor ma, na roh ma ari ni Jahowa,
jangin marhasoman gila ampa ringis na gajag,
laho mambahen halimisan tanoh in
ampa laho mamboiskon pardousa hunjai.
10Ai sagala bintang na i langit ampa bintang pariama
seng be bereonni sinalsalni;
golap do mata ni ari bani parpoltakanni,
anjaha bulan seng marsinondang. (Job 9:9; Heb. 32:7; Joel 2:10; 3:4; 4:15; Mat 24:29)
11Balaskonon-Ku do bani dunia on hajahatonni,
ampa bani halak parjahat salahni,
parontihonon-Ku ma pangenjengon ni halak si gijang uhur,
anjaha patoruhon-Ku do gijang ni uhur ni halak siunsagahkon gogoh.
12Bahenon-Ku ma jolma jarangan humbani omas pitah,
anjaha manisia jarangan humbani omas Opir. (1 Raj 9:28)
13Halani ai dugur ma langit
anjaha tanoh on mosor humbani iananni,
halani gila ni Jahowa Zebaot
bani panorang pargajag ni ringis-Ni. (Job 9:6)
14Jadi songon ursa na binuru,
anjaha songon biribiri na so marparmahan,
mulak ganup sidea bani bangsani
anjaha maporus ganup hu nagorini.
15Sagala na dapot ai itiham,
anjaha sagala na tartangkap ai matei ibahen podang.
16Irosaki do dakdanak ni sidea
ididah matani,
hona rampas rumah ni sidea,
anjaha na binuat ni sidea ibutaki. (Ps. 137:8, 9)
17Tonggor ma, pajujuon-Ku ma halak Madai mangimbang sidea,
na so impolan bani pirak
anjaha na so mangkamegahkon omas.
18Raseihonon ni sior ni sidea do garama-garama,
seng holong uhur ni sidea bani boras ni boltok,
anjaha seng ihargai panonggor ni sidea dakdanak. (ay. 16)
19Anjaha masa ma bani Babel, bungaran ni harajaon-harajaon,
hamegahon ampa hamuliaon bani halak Kasdim,
songon na masa bani Sodom ampa Gomora,
sanggah na ibalikkon Naibata ai.
20Seng be iankonon
ai lalab atap hundulan ai marsundut-sundut;
seng dong be halak Arab na marlampolampo ijai,
anjaha parmahan seng be marlampolampo ijai.
21Tapi binatang na i halimisan do manggompang ijai,
anjaha langkupa manggoki rumah ni sidea;
marianan do ijai burung unta,
anjaha manortori do ijai setan-setan. (3 Mus 16:10; Mat 12:43)
22Baliang harangan do markaing-kaing bani lopou ni sidea,
anjaha sorigala i rumah bolon ni sidea.
Dohor ma roh panorangni,
anjaha seng be paganjangon ari-arini. (bd. 34:10-15)
Currently Selected:
JESAYA Bindu 13: BTS
Highlight
Share
Copy
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.
JESAYA Bindu 13
Bindu 13
Parrongrong ni Huta Babel
1Pangungkabon pasal Babel, na nididah ni si Jesaya, anak ni si Amos. (Jer. 50:51)
2Pajongjong hanima ma mandera partanda bani dolog na leseng,
pagomos ma martaur bani sidea;
hilapkon hanima ma tangannima,
ase masuk sidea humbani horbangan ni halak na sangap-sangap! (ay. 17)
3Ahu na dob mamarentahkon hubani halak na Hupapansing,
domma Huhara puanglima-Ku,
na roh garang marsurak,
laho padalankon ringis-Ku,
4tangar, sora na gosou bani dolog
songon sora ni bala na buei!
Tangar, sora na guyu bani harajaon-harajaon,
bangsa-bangsa na roh martumpu!
Jahowa Zebaot patitirhon
bala laho marmunsuh.
5Na roh do sidea humbani nagori na daoh,
humbani ujung ni langit,
Jahowa ampa sinjata ni ringis-Ni,
laho mamboiskon ganup tanoh in.
6Mandoruh ma hanima,
ai dohor do ari ni Jahowa,
songon hasedaon humbani
Siparkuasa in do parroh-Ni. (Joel 1:15; 2:1)
7Halani ai galek ma sagala tangan,
madotei uhur ni ganup halak,
8anjaha tarsonggot sidea.
Hajorgongon ampa pangarouon do mandorab sidea,
mangarou do sidea songon naboru na laho tubuhan tuah,
marsinonoan do sidea,
gerger bohini songon narnar.
9Tonggor ma, na roh ma ari ni Jahowa,
jangin marhasoman gila ampa ringis na gajag,
laho mambahen halimisan tanoh in
ampa laho mamboiskon pardousa hunjai.
10Ai sagala bintang na i langit ampa bintang pariama
seng be bereonni sinalsalni;
golap do mata ni ari bani parpoltakanni,
anjaha bulan seng marsinondang. (Job 9:9; Heb. 32:7; Joel 2:10; 3:4; 4:15; Mat 24:29)
11Balaskonon-Ku do bani dunia on hajahatonni,
ampa bani halak parjahat salahni,
parontihonon-Ku ma pangenjengon ni halak si gijang uhur,
anjaha patoruhon-Ku do gijang ni uhur ni halak siunsagahkon gogoh.
12Bahenon-Ku ma jolma jarangan humbani omas pitah,
anjaha manisia jarangan humbani omas Opir. (1 Raj 9:28)
13Halani ai dugur ma langit
anjaha tanoh on mosor humbani iananni,
halani gila ni Jahowa Zebaot
bani panorang pargajag ni ringis-Ni. (Job 9:6)
14Jadi songon ursa na binuru,
anjaha songon biribiri na so marparmahan,
mulak ganup sidea bani bangsani
anjaha maporus ganup hu nagorini.
15Sagala na dapot ai itiham,
anjaha sagala na tartangkap ai matei ibahen podang.
16Irosaki do dakdanak ni sidea
ididah matani,
hona rampas rumah ni sidea,
anjaha na binuat ni sidea ibutaki. (Ps. 137:8, 9)
17Tonggor ma, pajujuon-Ku ma halak Madai mangimbang sidea,
na so impolan bani pirak
anjaha na so mangkamegahkon omas.
18Raseihonon ni sior ni sidea do garama-garama,
seng holong uhur ni sidea bani boras ni boltok,
anjaha seng ihargai panonggor ni sidea dakdanak. (ay. 16)
19Anjaha masa ma bani Babel, bungaran ni harajaon-harajaon,
hamegahon ampa hamuliaon bani halak Kasdim,
songon na masa bani Sodom ampa Gomora,
sanggah na ibalikkon Naibata ai.
20Seng be iankonon
ai lalab atap hundulan ai marsundut-sundut;
seng dong be halak Arab na marlampolampo ijai,
anjaha parmahan seng be marlampolampo ijai.
21Tapi binatang na i halimisan do manggompang ijai,
anjaha langkupa manggoki rumah ni sidea;
marianan do ijai burung unta,
anjaha manortori do ijai setan-setan. (3 Mus 16:10; Mat 12:43)
22Baliang harangan do markaing-kaing bani lopou ni sidea,
anjaha sorigala i rumah bolon ni sidea.
Dohor ma roh panorangni,
anjaha seng be paganjangon ari-arini. (bd. 34:10-15)
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bibel, Simalungun Bible (revised ed.) © Indonesian Bible Society, 2007.