Titut 2
2
Zzek ka̱ryong
1Ma nwan, dolet a zzek a̱tsatsak swat u a̱ yet zzek ka̱ryong a ni. 2Tyyei ba̱nekwo ba ba ta̱rwam ba̱ a̱ccu mba i kozan kyang, a̱ breng a̱ccu mba ansham, tssup mba i yet nying ka̱ryong, a̱ gwai ba̱yaan, a̱ bo gbung rya. 3A̱mi a bu nin tyyei ba̱nekwo ba̱nyring ba, ba cong a̱zizrak ka̱cyet, a̱ ryok yet ba̱nyet ki pfwei ba̱nyet a̱ kat ba, ba ba̱nyet tssup nkwwa ba; dolet ba zzek kyang a myim ni, 4wwon ba si zzek na̱neyang ba̱nyring a ka̱sak ka na nin gwai ba̱ntyok mba ba a̱nta̱mak bu na̱won mba na ni, 5a̱ bo cam a̱ccu mba a̱ yet ba̱zizrak, a̱ breng na̱sa mba na ansham, a̱ pfong dizot ba̱nyet, a̱ bo pfong ba̱ntyok mba, ho ba̱nyet a̱ bu shya kyang pfwei ba̱ryat Ka̱za.
6A̱mi brak a bu tyyei zam ji ba bvwo breng a̱ccu mba ansham. 7Nwan meyang, ryok kozan kyang a a yya ni ku yet nyyi na ba̱nyet ba nin myyam yya a̱tsatsak pfong da̱ nwan ni. N tyyi ka̱ssi i zzek di ka̱ryong. 8Tssa a̱nyyi ba̱ryat nwan na na byyi sham, ka̱sak ka ba̱nyet ba nin maai n byyi a̱cecet ni ba, ba̱nyet ba a̱ rak na̱ ryi ni a̱ ga hok nsum hywa a̱ka̱tuk nkyang tazwa njit.
9Da̱ni di ba̱kwwa ba ni, ba̱ zzek ba pfong ba̱nyet ba̱byyi ba, a̱ ba̱ yya kyang a myim ni kozan ka̱ram, a̱ ryok ya sseng a̱gagak ba̱ mba ba, 10a̱ bo ryok ba̱ zzing nkyang ba. Seko ba wa tyyei ka̱sak ka ban yet ba̱nyet kok ka̱ryong ni, ka̱yat kozan ryen ba ga tyyi zzek a zi zzek tazwa Ka̱za A̱ntyok zasan ni shok.
11Rot Ka̱za a̱ ka̱n tyyei a̱liheri nka nu, nu a̱ ni san sa̱rei ba̱nyet ka̱sa ba ni. 12A̱liheri a̱ywu a̱ za zzek di zi wwon a̱ka̱tuk ka̱cyet tssup nkyang ka̱sa na, i breng a̱ccu njit ansham, i cong a̱zizrak ka̱cyet i ka̱sa kani 13ka̱ram ka zin shyi pfong A̱gba̱dang nom u zin sak rya a̱ cong a̱ bai ni, ka̱tuk ka ba nin tyyei dityok a̱gba̱dang Ka̱za Yesu Kristi A̱ntyok zasan ni. 14Nu a̱mi a̱ yin wrak diccu nu a̱zihywak njit, a̱ ga za san a̱ wwon nyyai a a̱ka̱tuk swat, a̱ za brak a̱n yya ba̱zizrak ba̱nyet, zi yet ba̱nuu nu ba̱diyin, ba̱nyet ba a̱ tyyi ndya mba i yya a̱tsatsak nkyang ni.
15Ba̱ tyyei nkyang iya. Ka̱yat cet npfong nwan ka a ba̱ brang, i bu tssap ba̱nyet ba a̱ pfong ba̱ryat ba a ryat ni. Ryok shim a̱yin a̱ na̱ byyai ba.
Currently Selected:
Titut 2: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Titut 2
2
Zzek ka̱ryong
1Ma nwan, dolet a zzek a̱tsatsak swat u a̱ yet zzek ka̱ryong a ni. 2Tyyei ba̱nekwo ba ba ta̱rwam ba̱ a̱ccu mba i kozan kyang, a̱ breng a̱ccu mba ansham, tssup mba i yet nying ka̱ryong, a̱ gwai ba̱yaan, a̱ bo gbung rya. 3A̱mi a bu nin tyyei ba̱nekwo ba̱nyring ba, ba cong a̱zizrak ka̱cyet, a̱ ryok yet ba̱nyet ki pfwei ba̱nyet a̱ kat ba, ba ba̱nyet tssup nkwwa ba; dolet ba zzek kyang a myim ni, 4wwon ba si zzek na̱neyang ba̱nyring a ka̱sak ka na nin gwai ba̱ntyok mba ba a̱nta̱mak bu na̱won mba na ni, 5a̱ bo cam a̱ccu mba a̱ yet ba̱zizrak, a̱ breng na̱sa mba na ansham, a̱ pfong dizot ba̱nyet, a̱ bo pfong ba̱ntyok mba, ho ba̱nyet a̱ bu shya kyang pfwei ba̱ryat Ka̱za.
6A̱mi brak a bu tyyei zam ji ba bvwo breng a̱ccu mba ansham. 7Nwan meyang, ryok kozan kyang a a yya ni ku yet nyyi na ba̱nyet ba nin myyam yya a̱tsatsak pfong da̱ nwan ni. N tyyi ka̱ssi i zzek di ka̱ryong. 8Tssa a̱nyyi ba̱ryat nwan na na byyi sham, ka̱sak ka ba̱nyet ba nin maai n byyi a̱cecet ni ba, ba̱nyet ba a̱ rak na̱ ryi ni a̱ ga hok nsum hywa a̱ka̱tuk nkyang tazwa njit.
9Da̱ni di ba̱kwwa ba ni, ba̱ zzek ba pfong ba̱nyet ba̱byyi ba, a̱ ba̱ yya kyang a myim ni kozan ka̱ram, a̱ ryok ya sseng a̱gagak ba̱ mba ba, 10a̱ bo ryok ba̱ zzing nkyang ba. Seko ba wa tyyei ka̱sak ka ban yet ba̱nyet kok ka̱ryong ni, ka̱yat kozan ryen ba ga tyyi zzek a zi zzek tazwa Ka̱za A̱ntyok zasan ni shok.
11Rot Ka̱za a̱ ka̱n tyyei a̱liheri nka nu, nu a̱ ni san sa̱rei ba̱nyet ka̱sa ba ni. 12A̱liheri a̱ywu a̱ za zzek di zi wwon a̱ka̱tuk ka̱cyet tssup nkyang ka̱sa na, i breng a̱ccu njit ansham, i cong a̱zizrak ka̱cyet i ka̱sa kani 13ka̱ram ka zin shyi pfong A̱gba̱dang nom u zin sak rya a̱ cong a̱ bai ni, ka̱tuk ka ba nin tyyei dityok a̱gba̱dang Ka̱za Yesu Kristi A̱ntyok zasan ni. 14Nu a̱mi a̱ yin wrak diccu nu a̱zihywak njit, a̱ ga za san a̱ wwon nyyai a a̱ka̱tuk swat, a̱ za brak a̱n yya ba̱zizrak ba̱nyet, zi yet ba̱nuu nu ba̱diyin, ba̱nyet ba a̱ tyyi ndya mba i yya a̱tsatsak nkyang ni.
15Ba̱ tyyei nkyang iya. Ka̱yat cet npfong nwan ka a ba̱ brang, i bu tssap ba̱nyet ba a̱ pfong ba̱ryat ba a ryat ni. Ryok shim a̱yin a̱ na̱ byyai ba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.