Filimon 1
1
1Nyyai di Bulut, a̱tuba nu a̱ shyi a jaru rot diyrek Yesu Kristi ni, bu nyyai da̱ a̱wumba njit, Timoti --
Naat da̱ a̱rywai njit ba̱ a̱kpondang mpfong njit, Filimon, 2nta̱mak bu ba̱nyet tssup ba a̱ tung a̱gbang nwan ka ni, ba̱ a̱wumba a̱ra̱mbyring njit u Affiyat, ba̱ a̱kpondang nzwang njit Arkibut.
3Ka̱za A̱tyyi njit, bu A̱gwam njit Yesu Kristi a̱ ya nang a̱liheri bu myyi rya.
Cat bu ntyyi rya Filimon
4Filimon, kozan ka̱ram n nin yya a̱duwa n na gwai Ka̱za n yei diyrek nwan ti, 5rot n pfong ka̱sak ka an gwai sa̱rei ba̱nyet Ka̱za ba ni, bu ka̱sak ka an wrak ka̱ryong nwan di Yesu ni. 6N yya a̱duwa mon diccu njit ti ba̱ nwan, da̱ni di ba̱nyet tssup i, ni na̱ ba di tsung bvwo kozan ka̱nu-a̱tan a̱nuni zi byyi i swat njit a ka̱yat Yesu ni. 7Gwai a an gwai ba̱wumbeyang ba ni n tyyi shok i bu n ta̱gbak, rot a tyyi ndya na̱won Ka̱za hok ansham.
Bulut a̱ naai sabo bu Onisimut
8Nkpa n byyi nzuk, a̱wumba nwan ka̱yat Kristi, n maai na̱ tyyei kyang a myim a yya ni. 9Ma cat a n na̱ cat i n tyyi dolet n na̱ naai. Nzuk Bulut, a̱kukwo a̱yin, nnaanini n shyi a jaru rot diyrek Yesu Kristi tini, 10n na̱ naai tazwa Onisimut (nu a̱ yet kpungtun), ka̱won nzuk ka̱yat Yesu, rot ka̱ram ka n nin shyi a jaru nu ni n tyyi a̱tyyi nu ka̱yat ntswa. 11Ka̱ram iyemi a̱ yin byyi kpungtun ka̱rek nwan ba, ma ba̱nyying a̱ byyi kpungtun da̱ nwan ba̱ nzuk.
12N bvwot da̱ nu na̱ jyet, ko da̱ n nin ku cat di diccu nzuk ni. 13N si bu cat na̱ swrang ba̱ nzuk kyi a̱ n brang ka̱ram ka n nin shyi a jaru nu rot Ka̱sham Ba̱ryat ka ni, a̱ ga sook ka̱bvwa nwan ka. 14Ma n cat n yya kyang n wi n na̱ tyyei ba, rot kozan kyang a yya ku yet kyang a a sook i rya nwan ni, ba cet a̱mi ba na̱ tyyi ba.
15Shim Onisimut a̱ yi yen drok da̱ nwan ka̱baram ba̱cincong a gi ku shya sa̱rei kpikpit ka̱ram swat nwan na i ka̱sa ka. 16Ku naani ni ka̱pfun a̱ bo yet a̱kwwa ba. A̱ seyak ka̱bvwa yet a̱kwwa. A̱ yet a̱wumba nu n cat ba̱gingang ka̱yat diyrek Yesu ni. Ka̱bvwa nwan ma a̱ yet a̱wumba nu a cat ba̱gingang ni ma n da̱u, da̱ni da̱ a̱kwwa ba̱ a̱wumba ni i diyrek Yesu.
17To, ki a bvwo n yet a̱nwaan, a ku san ka̱sak ka nzuk n si n bu ba a ni n san ni. 18Ki a̱ na̱ yya kyang, ko a̱ na̱ breng kyang, a n wwon ni n tan. 19N jem ka̱bvwa kani di bvak nzuk; nzuk Bulut, n ni na̱ tan. (N bo ni krang ba̱ryat ta ba̱ nwan a n brang i ni ba, wato diccu nwan ti.) 20Rot a̱mi n na̱ naai, a̱wumba, a n brang ka̱yat diyrek Yesu i tyyi rya nzuk a i hok ansham.
21N bvwo ki a shya kpa nani n jem ni, a ni yya kyang a n cat i. N bvwo a ni yya ra̱u a̱mi ma. 22Kyang yring nbvat nkpa yet: a bu n jyi bat kwai a, rot n nin byyi rya Ka̱za a̱ ni hok a̱duwa nyin nu a̱ brek da̱ nzuk a̱ ya ryi.
A̱ngbom byet
23Abafarat, a̱tuba nu a̱ shyi a jaru nu ba̱ nzuk rot diyrek Yesu Kristi ni, a̱ ya byei. 24A̱mi brak, Markut, bu Aristakut, bu Dimat, bu Luka, ba̱nyet yya pfong ba̱ nzuk a̱mi, ba ma̱ ya byei.
25A̱liheri Ka̱za a̱ swrang bu tswa nyin ji. Amin.
Currently Selected:
Filimon 1: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Filimon 1
1
1Nyyai di Bulut, a̱tuba nu a̱ shyi a jaru rot diyrek Yesu Kristi ni, bu nyyai da̱ a̱wumba njit, Timoti --
Naat da̱ a̱rywai njit ba̱ a̱kpondang mpfong njit, Filimon, 2nta̱mak bu ba̱nyet tssup ba a̱ tung a̱gbang nwan ka ni, ba̱ a̱wumba a̱ra̱mbyring njit u Affiyat, ba̱ a̱kpondang nzwang njit Arkibut.
3Ka̱za A̱tyyi njit, bu A̱gwam njit Yesu Kristi a̱ ya nang a̱liheri bu myyi rya.
Cat bu ntyyi rya Filimon
4Filimon, kozan ka̱ram n nin yya a̱duwa n na gwai Ka̱za n yei diyrek nwan ti, 5rot n pfong ka̱sak ka an gwai sa̱rei ba̱nyet Ka̱za ba ni, bu ka̱sak ka an wrak ka̱ryong nwan di Yesu ni. 6N yya a̱duwa mon diccu njit ti ba̱ nwan, da̱ni di ba̱nyet tssup i, ni na̱ ba di tsung bvwo kozan ka̱nu-a̱tan a̱nuni zi byyi i swat njit a ka̱yat Yesu ni. 7Gwai a an gwai ba̱wumbeyang ba ni n tyyi shok i bu n ta̱gbak, rot a tyyi ndya na̱won Ka̱za hok ansham.
Bulut a̱ naai sabo bu Onisimut
8Nkpa n byyi nzuk, a̱wumba nwan ka̱yat Kristi, n maai na̱ tyyei kyang a myim a yya ni. 9Ma cat a n na̱ cat i n tyyi dolet n na̱ naai. Nzuk Bulut, a̱kukwo a̱yin, nnaanini n shyi a jaru rot diyrek Yesu Kristi tini, 10n na̱ naai tazwa Onisimut (nu a̱ yet kpungtun), ka̱won nzuk ka̱yat Yesu, rot ka̱ram ka n nin shyi a jaru nu ni n tyyi a̱tyyi nu ka̱yat ntswa. 11Ka̱ram iyemi a̱ yin byyi kpungtun ka̱rek nwan ba, ma ba̱nyying a̱ byyi kpungtun da̱ nwan ba̱ nzuk.
12N bvwot da̱ nu na̱ jyet, ko da̱ n nin ku cat di diccu nzuk ni. 13N si bu cat na̱ swrang ba̱ nzuk kyi a̱ n brang ka̱ram ka n nin shyi a jaru nu rot Ka̱sham Ba̱ryat ka ni, a̱ ga sook ka̱bvwa nwan ka. 14Ma n cat n yya kyang n wi n na̱ tyyei ba, rot kozan kyang a yya ku yet kyang a a sook i rya nwan ni, ba cet a̱mi ba na̱ tyyi ba.
15Shim Onisimut a̱ yi yen drok da̱ nwan ka̱baram ba̱cincong a gi ku shya sa̱rei kpikpit ka̱ram swat nwan na i ka̱sa ka. 16Ku naani ni ka̱pfun a̱ bo yet a̱kwwa ba. A̱ seyak ka̱bvwa yet a̱kwwa. A̱ yet a̱wumba nu n cat ba̱gingang ka̱yat diyrek Yesu ni. Ka̱bvwa nwan ma a̱ yet a̱wumba nu a cat ba̱gingang ni ma n da̱u, da̱ni da̱ a̱kwwa ba̱ a̱wumba ni i diyrek Yesu.
17To, ki a bvwo n yet a̱nwaan, a ku san ka̱sak ka nzuk n si n bu ba a ni n san ni. 18Ki a̱ na̱ yya kyang, ko a̱ na̱ breng kyang, a n wwon ni n tan. 19N jem ka̱bvwa kani di bvak nzuk; nzuk Bulut, n ni na̱ tan. (N bo ni krang ba̱ryat ta ba̱ nwan a n brang i ni ba, wato diccu nwan ti.) 20Rot a̱mi n na̱ naai, a̱wumba, a n brang ka̱yat diyrek Yesu i tyyi rya nzuk a i hok ansham.
21N bvwo ki a shya kpa nani n jem ni, a ni yya kyang a n cat i. N bvwo a ni yya ra̱u a̱mi ma. 22Kyang yring nbvat nkpa yet: a bu n jyi bat kwai a, rot n nin byyi rya Ka̱za a̱ ni hok a̱duwa nyin nu a̱ brek da̱ nzuk a̱ ya ryi.
A̱ngbom byet
23Abafarat, a̱tuba nu a̱ shyi a jaru nu ba̱ nzuk rot diyrek Yesu Kristi ni, a̱ ya byei. 24A̱mi brak, Markut, bu Aristakut, bu Dimat, bu Luka, ba̱nyet yya pfong ba̱ nzuk a̱mi, ba ma̱ ya byei.
25A̱liheri Ka̱za a̱ swrang bu tswa nyin ji. Amin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.