Yakubu 5
5
Ba̱nyet shya
1To yi cyang, nyin ba̱nyet shya! Yi tyei nkun tot ka̱bvung ka a̱ ya bai ni. 2Zwa nyin ji bwi, shushwap i ya ba̱tro nyin ba ta̱kyyai. 3Zinariya nyin nu bu a̱zurfa nu yi tung ni a̱ kwei, kwei iya ku ni yet shaida a̱za̱ nyin i ya hwwi di rong ni. Rot yi ya tung zwa a̱zi nom ani ka̱sa ka kan tyyai ni. 4Ba̱nyet ba a̱ ya yya yak a ni, yi ba̱ tan ba. Yi rot a̱pfo i hok! Kyang a yin ba̱ bvwo ni ku tyei nkun Tazwa, ka̱nak mba ka a̱ ka̱ si tat a pfwo A̱gba̱dang A̱gwam Ka̱za. 5Yi ya ka̱sa nyin bu yya nkyang a yi cat i. Yi ya jyi, tyei ndwam di bvon ni, nom ya hwak a krang ba. 6Yi ka̱n yya ba̱nyet ba a̱ byyi hywak ni ba shirya, i ba̱ hywaai, di ba krang ba.
Hakuri bu a̱duwa
7To, ba̱wumbeyang, yi yyak ndya nyin na i yya hakuri i tot ka̱ram brek A̱gwam njit ka. Yi ryi ka̱sak ka a̱ntyok keyak u na̱ nan yya hakuri a̱ tot ka̱ram ka yak a ku nin tyyi ni. A̱ na tot nyyai an za ka̱tsitsrang ji a̱ si tat a̱ngbom nza nu. 8Nyin ma yi yya hakuri breng ndya nyin na i brek A̱gwam njit a, rot ku ba shishrek.
9Ba̱wumbeyang, yi ryok kop a̱dyying bu ba̱yaan ba, ho ba bu ya yya shirya. A̱ntyok shirya nu a̱nuu ni ka̱nu ngyeng. 10Ba̱wumbeyang nzuk, ki yi cat bvwo kyang a ban yei hakuri i ka̱bvung ka ni, yi yring ba̱nyet tyyei ba̱ryat Ka̱za nyyai ba yi myyam da̱ mba. 11Zi ba̱ yei ba̱nyet hok ansham, rot ba yin tram ka̱yat hakuri a̱ si tat a̱ngbom mba nu. Yi ka̱n hok ka̱sak ka Ayuba na̱ yin sseng di cet i, i ryi kyang a Ka̱za ka yin ku yya mi a a̱ngbom u ni. Ka̱za a̱ za cat a̱ bo pfong dizot njit.
12A̱gba̱dang kyang u n ni ya tyyei ni, ba̱wumbeyang: yi ryok ya tyei nak ba. Da̱ a̱yin a̱ ryok sswa nak di Tazwa ko di ka̱byen ko di kozan nkyang. Yi ryok “Ee” nyin a̱ sseng “Ee”, “Kaai” nyin a̱ sseng “Kaai”, yi gi shot shirya Ka̱za ji.
13Ka̱ a̱yin ka̱yat nyin a̱ sswa ka̱bvung, na̱ yya a̱duwa. Ka̱ a̱yin a̱ ma̱n pfong shok, na̱ bvom a̱bvom a̱n dyep Ka̱za. 14A̱yin nu a̱ shyi an hywu ni na̱ yei ba̱nekwo ba̱nyet tssup, ba bu ku yya a̱duwa, a̱ ku kon ba̱myyi i diyrek A̱gwam Ka̱za. 15Ki ba yya a̱duwa nu di rya yring, Ka̱za a̱ ni hok a̱duwa a̱ywu a̱ creng a̱ntyok nhywu nu. Ko a̱ byyi a̱ka̱tukyya, ka ni ku tssu mi. 16Rot a̱mi, seko yi ya kok ka̱ywap nyin ka i bu ya yya a̱duwa i gi creng. A̱tuba nu a̱ byyi a̱zizrak rya ni, a̱duwa nu nu a̱ na yya pfong di cet. 17Iliya a̱ yin yet a̱neywu da̱ njit i, a̱ tuk diccu a̱ yya a̱duwa di ka̱ryong, za i ryok ba ba, ba yya a̱rya a̱tat bu hywan a̱kitat za zi ra ka̱byen ba. 18Na̱ si bo yya a̱duwa, za i nwa bvwa, ka̱byen a̱ nwa tyei yak.
19To, ba̱wumbeyang, a̱yin nu a̱ brik a̱ wwon ryen ka̱ryong a ni, a̱yin nu a̱ ku brek a̱ tyyi i ryen na ni, 20na̱ bvwo, a̱yin nu a̱ brak a̱ntyok a̱ka̱tukyya a̱ tyyi i ryen na ni, a̱ ku tun a̱ wwon a a̱ka̱tukyya na̱ shot dikwu, Ka̱za a̱ bo ku cii na̱hywak ba̱gingang.
Currently Selected:
Yakubu 5: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Yakubu 5
5
Ba̱nyet shya
1To yi cyang, nyin ba̱nyet shya! Yi tyei nkun tot ka̱bvung ka a̱ ya bai ni. 2Zwa nyin ji bwi, shushwap i ya ba̱tro nyin ba ta̱kyyai. 3Zinariya nyin nu bu a̱zurfa nu yi tung ni a̱ kwei, kwei iya ku ni yet shaida a̱za̱ nyin i ya hwwi di rong ni. Rot yi ya tung zwa a̱zi nom ani ka̱sa ka kan tyyai ni. 4Ba̱nyet ba a̱ ya yya yak a ni, yi ba̱ tan ba. Yi rot a̱pfo i hok! Kyang a yin ba̱ bvwo ni ku tyei nkun Tazwa, ka̱nak mba ka a̱ ka̱ si tat a pfwo A̱gba̱dang A̱gwam Ka̱za. 5Yi ya ka̱sa nyin bu yya nkyang a yi cat i. Yi ya jyi, tyei ndwam di bvon ni, nom ya hwak a krang ba. 6Yi ka̱n yya ba̱nyet ba a̱ byyi hywak ni ba shirya, i ba̱ hywaai, di ba krang ba.
Hakuri bu a̱duwa
7To, ba̱wumbeyang, yi yyak ndya nyin na i yya hakuri i tot ka̱ram brek A̱gwam njit ka. Yi ryi ka̱sak ka a̱ntyok keyak u na̱ nan yya hakuri a̱ tot ka̱ram ka yak a ku nin tyyi ni. A̱ na tot nyyai an za ka̱tsitsrang ji a̱ si tat a̱ngbom nza nu. 8Nyin ma yi yya hakuri breng ndya nyin na i brek A̱gwam njit a, rot ku ba shishrek.
9Ba̱wumbeyang, yi ryok kop a̱dyying bu ba̱yaan ba, ho ba bu ya yya shirya. A̱ntyok shirya nu a̱nuu ni ka̱nu ngyeng. 10Ba̱wumbeyang nzuk, ki yi cat bvwo kyang a ban yei hakuri i ka̱bvung ka ni, yi yring ba̱nyet tyyei ba̱ryat Ka̱za nyyai ba yi myyam da̱ mba. 11Zi ba̱ yei ba̱nyet hok ansham, rot ba yin tram ka̱yat hakuri a̱ si tat a̱ngbom mba nu. Yi ka̱n hok ka̱sak ka Ayuba na̱ yin sseng di cet i, i ryi kyang a Ka̱za ka yin ku yya mi a a̱ngbom u ni. Ka̱za a̱ za cat a̱ bo pfong dizot njit.
12A̱gba̱dang kyang u n ni ya tyyei ni, ba̱wumbeyang: yi ryok ya tyei nak ba. Da̱ a̱yin a̱ ryok sswa nak di Tazwa ko di ka̱byen ko di kozan nkyang. Yi ryok “Ee” nyin a̱ sseng “Ee”, “Kaai” nyin a̱ sseng “Kaai”, yi gi shot shirya Ka̱za ji.
13Ka̱ a̱yin ka̱yat nyin a̱ sswa ka̱bvung, na̱ yya a̱duwa. Ka̱ a̱yin a̱ ma̱n pfong shok, na̱ bvom a̱bvom a̱n dyep Ka̱za. 14A̱yin nu a̱ shyi an hywu ni na̱ yei ba̱nekwo ba̱nyet tssup, ba bu ku yya a̱duwa, a̱ ku kon ba̱myyi i diyrek A̱gwam Ka̱za. 15Ki ba yya a̱duwa nu di rya yring, Ka̱za a̱ ni hok a̱duwa a̱ywu a̱ creng a̱ntyok nhywu nu. Ko a̱ byyi a̱ka̱tukyya, ka ni ku tssu mi. 16Rot a̱mi, seko yi ya kok ka̱ywap nyin ka i bu ya yya a̱duwa i gi creng. A̱tuba nu a̱ byyi a̱zizrak rya ni, a̱duwa nu nu a̱ na yya pfong di cet. 17Iliya a̱ yin yet a̱neywu da̱ njit i, a̱ tuk diccu a̱ yya a̱duwa di ka̱ryong, za i ryok ba ba, ba yya a̱rya a̱tat bu hywan a̱kitat za zi ra ka̱byen ba. 18Na̱ si bo yya a̱duwa, za i nwa bvwa, ka̱byen a̱ nwa tyei yak.
19To, ba̱wumbeyang, a̱yin nu a̱ brik a̱ wwon ryen ka̱ryong a ni, a̱yin nu a̱ ku brek a̱ tyyi i ryen na ni, 20na̱ bvwo, a̱yin nu a̱ brak a̱ntyok a̱ka̱tukyya a̱ tyyi i ryen na ni, a̱ ku tun a̱ wwon a a̱ka̱tukyya na̱ shot dikwu, Ka̱za a̱ bo ku cii na̱hywak ba̱gingang.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.