Yakubu 3
3
Kyang a diryem ti yya ni
1Ba̱wumbeyang, yi ryok ra̱u ka̱tswa i cat yet ba̱nyet zzek ba, rot yi bvwo njit ba̱nyet zzek ba ba ni za yya shirya ji ni ra̱u nying kpikpit ba̱nyet a ni. 2Sa̱rei njit zi na byyi ka̱ywap. A̱yin nu a̱ ywap i ba̱ryat i ba a̱ yet a̱zizrak a̱yin, a̱ bo maai cam sa̱rei rwam nu na. 3Zi na tyyi a̱linzami ka̱nu ntsaap zi gi za pfong, zi gi maai za̱ bvan i na̱bvwa na zi cat i. 4Ki yi bu cyang jirgi ba̱shekwot a bu shii nkpa na bu wun na kpo kwak i ku byyi cet, ma ba na kpo tyyi ka̱bacincong alinzami, a ryi a̱ntyok kpo kwak u na̱ bvan ba̱ nkpa ka̱rek ka na̱n cat i. 5A̱mi meyang diryem ti yet ka̱bacincong ka̱yat rwam i, nti na kwak a̱cecet ba̱ryat.
Ka̱bacincong diryem ndong, nka na pyyem a̱ sin za a̱gba̱dang ka̱hwwong a̱ tyak. 6Diryem ti ryi di rong ni, ti ra̱u na̱kpot. Ka̱rek shyi nti ka ti tyak sa̱rei nkap njit a bu na̱kpot. Nti na tyyi rong a, nnani ni byyan sucet a̱yin na sa̱rei ni. Nti meyang, ka̱ryi ndong a̱mi a̱ kpo tyyi rong a. 7Ba taka̱i nyam ka̱yit a n shyi, ko na̱non, ko nkyang kwang ka̱byen, ko hwon, kyang yring ka̱yat nna n shyi ka̱n kaat ko na̱ kaat a̱neywu pyyem sak ka̱ryi i tsaai ba; 8ma a̱yin a̱n shyi a̱ maai pyyem diryem a̱ sak ba; ti yet a̱ka̱tuk kyang, ti sswa cet a̱neywu, ti ryi di ka̱sap ni. 9Da̱ nti zin dyep A̱gwam Ka̱za A̱tyyi njit. Da̱ nti brak zi bun pfwei ba̱nyet ba Ka̱za ka yya ba ka̱ tai ni. 10Bu ka̱nu ka̱yring iya a̱mi a̱didyep bu ditok ban wwut. Ba̱wumbeyang nzuk, ku myim a̱mi ba. 11A̱nzan didung a̱ ni wwut da̱ a̱yinyyat ba̱shekwot ba̱ a̱cwai mba? 12Ba̱wumbeyang, ka̱kon a̱bvap a̱ drok a̱ sak disum a̱lemu o? Ki ka̱kon dibrang a̱ drok a̱ sak disum a̱bvap o? Ka̱a̱i! A̱mi didung a̱mimyyat ba̱shekwot kun wrak a̱yinyyat ba̱shekwot ba.
A̱za̱ncyi na a̱ nyyai Tazwa ni
13A̱nyan ka̱yat nyin a̱ byyi a̱za̱ncyi bu bvwo? Se na̱ na̱ tyyei ka̱yat hali nu ka bu a̱tsatsak ka̱cyet nu nu, na̱ bo ya breng an kyang ba rot a̱ byyi a̱za̱ncyi. 14Ma ki yi swat bu ba̱kwom ba̱yaan ba̱ a̱ka̱tuk swam bu cat diccu, yi ryok ya cin ba, ryok bvei diraa tazwa ka̱ryong ba. 15Taka̱i a̱za̱ncyi iya a̱ nyyai Tazwa ba, seko a̱nying ka̱sa bu nkyang a wi yet tswa Ka̱za ni ba̱ a̱nying a̱ka̱tuk tswa. 16Rot ka̱bvwa ka swam bu cat diccu ban shyi ni, a̱suswak a̱n shyi bu kozan taka̱i na̱kpot. 17Ma a̱za̱ncyi na nyyai Tazwa ni a̱ yet a̱zizrak, a̱ bo byyi tsswa nda, a̱ bo yet a̱shushwon bu gwai ba̱nyet. A̱ byyi dizot, na̱won nji na a̱ yet a̱tsatsak mpfong. A̱ byyi cat diccu ba, se ka̱ryong. 18Ba̱nyet ba a̱ jyi swat ba̱nyet i a̱ na tup na̱sum a̱zizrak swat.
Currently Selected:
Yakubu 3: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
Yakubu 3
3
Kyang a diryem ti yya ni
1Ba̱wumbeyang, yi ryok ra̱u ka̱tswa i cat yet ba̱nyet zzek ba, rot yi bvwo njit ba̱nyet zzek ba ba ni za yya shirya ji ni ra̱u nying kpikpit ba̱nyet a ni. 2Sa̱rei njit zi na byyi ka̱ywap. A̱yin nu a̱ ywap i ba̱ryat i ba a̱ yet a̱zizrak a̱yin, a̱ bo maai cam sa̱rei rwam nu na. 3Zi na tyyi a̱linzami ka̱nu ntsaap zi gi za pfong, zi gi maai za̱ bvan i na̱bvwa na zi cat i. 4Ki yi bu cyang jirgi ba̱shekwot a bu shii nkpa na bu wun na kpo kwak i ku byyi cet, ma ba na kpo tyyi ka̱bacincong alinzami, a ryi a̱ntyok kpo kwak u na̱ bvan ba̱ nkpa ka̱rek ka na̱n cat i. 5A̱mi meyang diryem ti yet ka̱bacincong ka̱yat rwam i, nti na kwak a̱cecet ba̱ryat.
Ka̱bacincong diryem ndong, nka na pyyem a̱ sin za a̱gba̱dang ka̱hwwong a̱ tyak. 6Diryem ti ryi di rong ni, ti ra̱u na̱kpot. Ka̱rek shyi nti ka ti tyak sa̱rei nkap njit a bu na̱kpot. Nti na tyyi rong a, nnani ni byyan sucet a̱yin na sa̱rei ni. Nti meyang, ka̱ryi ndong a̱mi a̱ kpo tyyi rong a. 7Ba taka̱i nyam ka̱yit a n shyi, ko na̱non, ko nkyang kwang ka̱byen, ko hwon, kyang yring ka̱yat nna n shyi ka̱n kaat ko na̱ kaat a̱neywu pyyem sak ka̱ryi i tsaai ba; 8ma a̱yin a̱n shyi a̱ maai pyyem diryem a̱ sak ba; ti yet a̱ka̱tuk kyang, ti sswa cet a̱neywu, ti ryi di ka̱sap ni. 9Da̱ nti zin dyep A̱gwam Ka̱za A̱tyyi njit. Da̱ nti brak zi bun pfwei ba̱nyet ba Ka̱za ka yya ba ka̱ tai ni. 10Bu ka̱nu ka̱yring iya a̱mi a̱didyep bu ditok ban wwut. Ba̱wumbeyang nzuk, ku myim a̱mi ba. 11A̱nzan didung a̱ ni wwut da̱ a̱yinyyat ba̱shekwot ba̱ a̱cwai mba? 12Ba̱wumbeyang, ka̱kon a̱bvap a̱ drok a̱ sak disum a̱lemu o? Ki ka̱kon dibrang a̱ drok a̱ sak disum a̱bvap o? Ka̱a̱i! A̱mi didung a̱mimyyat ba̱shekwot kun wrak a̱yinyyat ba̱shekwot ba.
A̱za̱ncyi na a̱ nyyai Tazwa ni
13A̱nyan ka̱yat nyin a̱ byyi a̱za̱ncyi bu bvwo? Se na̱ na̱ tyyei ka̱yat hali nu ka bu a̱tsatsak ka̱cyet nu nu, na̱ bo ya breng an kyang ba rot a̱ byyi a̱za̱ncyi. 14Ma ki yi swat bu ba̱kwom ba̱yaan ba̱ a̱ka̱tuk swam bu cat diccu, yi ryok ya cin ba, ryok bvei diraa tazwa ka̱ryong ba. 15Taka̱i a̱za̱ncyi iya a̱ nyyai Tazwa ba, seko a̱nying ka̱sa bu nkyang a wi yet tswa Ka̱za ni ba̱ a̱nying a̱ka̱tuk tswa. 16Rot ka̱bvwa ka swam bu cat diccu ban shyi ni, a̱suswak a̱n shyi bu kozan taka̱i na̱kpot. 17Ma a̱za̱ncyi na nyyai Tazwa ni a̱ yet a̱zizrak, a̱ bo byyi tsswa nda, a̱ bo yet a̱shushwon bu gwai ba̱nyet. A̱ byyi dizot, na̱won nji na a̱ yet a̱tsatsak mpfong. A̱ byyi cat diccu ba, se ka̱ryong. 18Ba̱nyet ba a̱ jyi swat ba̱nyet i a̱ na tup na̱sum a̱zizrak swat.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.