2 Timoti 3
3
A̱ngbom nom u
1Nwan se a bvwo ansham, a̱ngbom nom u a̱ ni byyi ka̱bvung. 2Ba̱nyet a̱ ni nwa cat a̱ccu mba a̱ tyyi ba̱nyet cat krum, bu ba̱nyet ya cin, ba̱nyet gba a̱ccu mba, ba̱yanyet a̱ yet ba̱nyet pfwei ba̱nyet, ba̱nyet wi tyong ba̱tyyi, ba̱nyet sang zigode, ba̱nyet witssup, 3ba̱nyet rak ba̱yaan, ba̱nyet breng ba̱yaan a mpfwa, ba̱nyet bvei ba̱yaan diraa, ba̱nyet cyi breng a̱ccu mba, ba̱nyet na̱kpot, ba̱nyet rak a̱tsatsak nkyang, 4ba̱nyet ya amana, ba̱nyet hweyak a̱pfo, bu ba̱nyet cat ya yei ba̱nyet. Ba cat pfong ansham ndwam mba a̱ ra̱u tssup Ka̱za. 5Ba breng diyrek tssup ti, ma ba ton cet tssup a. Ntaka̱i ba̱nyet iya ba̱ tyong gba̱gbang. 6Ba̱yanyet mba a̱ na tat a̱ nwai i na̱sa na̱yaan a̱ si raai ba̱nyring ba a̱ sang a̱za̱ncyi ni a̱ bo hwrang ba̱ a̱ka̱tukyya mba nu, a̱ka̱tuk cat mba nu a̱ ba̱ ra a̱ si tyyi a kozan taka̱i a̱ka̱tukyya. 7Kozan ka̱tuk ba̱nyring bani a̱ myyam, ma ba maai a̱ bvwo ka̱ryong ka ba. 8Da̱ni di Yanisu bu Yambarisu ba yin yrek Musa ni, a̱ rak ku hok a, a̱mi meyang ba̱nyet bani ba ma̱n hweyak a̱pfo mba di ka̱ryong ka. Ba̱nyet a̱mi a̱huhwa mba nu na̱ ka̱n cyik a̱ tyyi zan, da̱ni di ntyyi ndya mba na ni ba bvwo Ka̱za ba. 9Ma ba ni tat gbang ba koyan a̱ ryi wai mba na a̱ bvwong, da̱ni di ba̱nyet ba̱hwa ba n ka̱n dyat ni.
A̱ngbom zzek
10Ma nwan, a ka̱n tssup zzek nzuk a bu hali nzuk a bu kyang a n nin tyyi rya i swat ka̱sa nzuk a ni. A cyang ntyyi rya nzuk a bu hakuri nzuk u, cat a n cat ba̱nyet i bu ka̱sak ka n nin gbung rya ni. 11A cyang ka̱bvung ka n sswa ni, bu yya na ba yya da̱ nzuk ni. A bvwo sa̱rei nkyang a n shai Antakiya ni bu Ikoniya bu Listira, wato a̱ka̱tuk ka̱bvung u n sswa ka̱ yemi ni, ma A̱gwam Ka̱za a̱ n tun a̱ wruk i. 12Koyan nu a̱ ni tyong Ka̱za ni a̱ mon diccu bu Yesu ni, dolet na̱ sswa ka̱bvung. 13Ma ba̱ka̱tuk ba̱nyet bu ba̱nyet raai ba̱nyet, seko ba bvwut-bvwut a̱ naat, a̱raai ba̱nyet ba ba ma̱n ba̱ raai. 14Ma da̱ nwan ni, se a sseng i ka̱ryong ka ba yi na̱ zzek ni, ka̱nying ka a breng di cet i. A bvwo ba̱nyet ba a̱ na̱ zzek da̱ nka ni; 15brak nyyai a yet ka̱bawon a ka̱n bvwo ba̱ryat Ka̱za ba a̱ ni na̱ ryi a̱za̱ncyi shya sucet a rot ntyyi rya nwan na di Yesu Kristi ni. 16Sa̱rei ba̱ryat ba a̱ shyi i kpa Ka̱za na ni, Ka̱za a̱mi a̱ yin ba̱ tyyi a ndya ba̱nyet a; rot a̱mi ba byyi kpungtun a̱za̱gbang zzek ka̱ryong, bu jyi ka̱ywap, bu trung digrap, bu tyyei kyang a myim yya ni, 17a̱tuba nu a̱ yet a̱yin Ka̱za ni a̱ ga maai yya kozan a̱tsatsak kyang u ni myim Ka̱za ni.
Currently Selected:
2 Timoti 3: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
2 Timoti 3
3
A̱ngbom nom u
1Nwan se a bvwo ansham, a̱ngbom nom u a̱ ni byyi ka̱bvung. 2Ba̱nyet a̱ ni nwa cat a̱ccu mba a̱ tyyi ba̱nyet cat krum, bu ba̱nyet ya cin, ba̱nyet gba a̱ccu mba, ba̱yanyet a̱ yet ba̱nyet pfwei ba̱nyet, ba̱nyet wi tyong ba̱tyyi, ba̱nyet sang zigode, ba̱nyet witssup, 3ba̱nyet rak ba̱yaan, ba̱nyet breng ba̱yaan a mpfwa, ba̱nyet bvei ba̱yaan diraa, ba̱nyet cyi breng a̱ccu mba, ba̱nyet na̱kpot, ba̱nyet rak a̱tsatsak nkyang, 4ba̱nyet ya amana, ba̱nyet hweyak a̱pfo, bu ba̱nyet cat ya yei ba̱nyet. Ba cat pfong ansham ndwam mba a̱ ra̱u tssup Ka̱za. 5Ba breng diyrek tssup ti, ma ba ton cet tssup a. Ntaka̱i ba̱nyet iya ba̱ tyong gba̱gbang. 6Ba̱yanyet mba a̱ na tat a̱ nwai i na̱sa na̱yaan a̱ si raai ba̱nyring ba a̱ sang a̱za̱ncyi ni a̱ bo hwrang ba̱ a̱ka̱tukyya mba nu, a̱ka̱tuk cat mba nu a̱ ba̱ ra a̱ si tyyi a kozan taka̱i a̱ka̱tukyya. 7Kozan ka̱tuk ba̱nyring bani a̱ myyam, ma ba maai a̱ bvwo ka̱ryong ka ba. 8Da̱ni di Yanisu bu Yambarisu ba yin yrek Musa ni, a̱ rak ku hok a, a̱mi meyang ba̱nyet bani ba ma̱n hweyak a̱pfo mba di ka̱ryong ka. Ba̱nyet a̱mi a̱huhwa mba nu na̱ ka̱n cyik a̱ tyyi zan, da̱ni di ntyyi ndya mba na ni ba bvwo Ka̱za ba. 9Ma ba ni tat gbang ba koyan a̱ ryi wai mba na a̱ bvwong, da̱ni di ba̱nyet ba̱hwa ba n ka̱n dyat ni.
A̱ngbom zzek
10Ma nwan, a ka̱n tssup zzek nzuk a bu hali nzuk a bu kyang a n nin tyyi rya i swat ka̱sa nzuk a ni. A cyang ntyyi rya nzuk a bu hakuri nzuk u, cat a n cat ba̱nyet i bu ka̱sak ka n nin gbung rya ni. 11A cyang ka̱bvung ka n sswa ni, bu yya na ba yya da̱ nzuk ni. A bvwo sa̱rei nkyang a n shai Antakiya ni bu Ikoniya bu Listira, wato a̱ka̱tuk ka̱bvung u n sswa ka̱ yemi ni, ma A̱gwam Ka̱za a̱ n tun a̱ wruk i. 12Koyan nu a̱ ni tyong Ka̱za ni a̱ mon diccu bu Yesu ni, dolet na̱ sswa ka̱bvung. 13Ma ba̱ka̱tuk ba̱nyet bu ba̱nyet raai ba̱nyet, seko ba bvwut-bvwut a̱ naat, a̱raai ba̱nyet ba ba ma̱n ba̱ raai. 14Ma da̱ nwan ni, se a sseng i ka̱ryong ka ba yi na̱ zzek ni, ka̱nying ka a breng di cet i. A bvwo ba̱nyet ba a̱ na̱ zzek da̱ nka ni; 15brak nyyai a yet ka̱bawon a ka̱n bvwo ba̱ryat Ka̱za ba a̱ ni na̱ ryi a̱za̱ncyi shya sucet a rot ntyyi rya nwan na di Yesu Kristi ni. 16Sa̱rei ba̱ryat ba a̱ shyi i kpa Ka̱za na ni, Ka̱za a̱mi a̱ yin ba̱ tyyi a ndya ba̱nyet a; rot a̱mi ba byyi kpungtun a̱za̱gbang zzek ka̱ryong, bu jyi ka̱ywap, bu trung digrap, bu tyyei kyang a myim yya ni, 17a̱tuba nu a̱ yet a̱yin Ka̱za ni a̱ ga maai yya kozan a̱tsatsak kyang u ni myim Ka̱za ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.