2 Korinti 6
6
1Njit ba̱nyet ba yya pfong ani bu Ka̱za ni zi ya naai, da̱ni di yi ka̱n shya aliheri Ka̱za nu ni yi ryok ku breng ba̱tai ba. 2Yi hok kyang a Ka̱za ka hywa ni:
“Ka̱nak nwan ka a̱ ba a a̱tsak ka̱ram,
N na̱ hok ka̱ram ka a naai ni,
N na̱ brang i nom a yet nying na̱ san ni.”
Yi hok ansham, ba̱nyying a̱mi a̱ yet a̱tsak ka̱ram san aliheri Ka̱za nu, ka̱pfun a̱mi a̱ yet nom a ba ni ya san ni.
Hakuri Bulut ka̱yat wahala
3Zi cat a̱yin a̱ ryi hywak an pfong njit a ba; rot a̱mi zi kwan i ryi zi tyyi a̱yin digrap ba. 4Seko zi yya kozan kyang n tyyei ka̱sak ka zin yet ba̱kwwa Ka̱za ni: zi sseng di cet ka̱yat ka̱bvung bu wahala i yya kozan kyang bu hakuri. 5Zi ka̱n sswa tsot, ba bo za tyei a jaru, a̱ za mang di kpang; ka̱ram ka̱yaan zi yya pfong a sswa cet njit i, ka̱ram ka̱yaan nda za kaat, ka̱ram ka̱yaan zi kwai cihywat. 6-7Dizizrak ti zi tyyei ni bu bvwo njit a bu hakuri njit u bu pfong dizot ba̱nyet ti, sa̱rei zi yya i gi tyyei ka̱sak ka zin yet ba̱kwwa Ka̱za ni. Tswa Ka̱za shyi ba̱ njit, gwai a zi gwai ba̱yaan ni yet nying ka̱ryong, ba̱ryat ba zi bu tyyei ni a̱ bo yet ka̱ryong. Ka̱yat cet Ka̱za zi byyi dizizrak di dikpan zwang ti zi nin kwan i bun ya cam ni. 8Ba̱yanyet a̱ za cin ba̱yanyet ba za byyai, ba̱yanyet a̱ za pfwei ba̱yanyet ba za dyep. Ko ban za yei ba̱nyet diraa ni, zi yet ba̱nyet ka̱ryong. 9Ko di ban za breng a nkyang ni ba, ba̱nyet ba̱gingang a̱ za bvwo. Ba ka̱n za twang a̱ tyei a a̱kukwi, ma nyin yi bvwo zi yet ba̱cet. Ko ban yya da̱ njit i, ba za hywaai ba. 10Ko ban za tyei rya byyan ni, njit zi gwai kozan ka̱ram. Zi tai byyi dizot, ma zi tyyi ba̱yanyet shya. Zi ryi anye zi byyi kyang ba, ma ba kyang a zi sang ni.
11Ba̱nyet Korinti, zi ka̱n ya tyyei kozan kyang ba̱zizrak, zi ya yrang ndya njit a. 12Zi ya yrang ndya njit a; nyin a̱mi wu rak za yrang ndya nyin na. 13N dyat ba̱ nyin di na̱won nzuk ni. Yi za yrang ndya nyin da̱ni zin ya yrang njiit a ni.
Yi ta̱rwam yi bu mon bu ba̱nyet ba a̱ wi tssup Ka̱za ni
14Yi ryok cong ka̱bvwa ka̱yring bu ba̱nyet ba a̱ wi tssup Ka̱za ni ba. A̱nza̱tuk a̱tsatsak ba̱ a̱ka̱tuk ba nin mon? Ko a̱nza̱tuk ka̱ta̱nom bu ka̱tuk ba nin mon? 15Kristi a̱ ni yya ni a̱ mon bu Ka̱ta̱nyrang? Ki a̱nzan a̱ yet ka̱mon ba̱nyet tssup bu ba̱nyet witssup? 16Ki a̱nzan a̱ mon bat Ka̱za bu a̱briga a̱bvei? Njit a̱mi yet bat Ka̱za ka̱nying sucet. Da̱ni di Ka̱za ka ka̱n hywa ni,
“N ni swrang ba̱ mba.
N ni yet Ka̱za mba,
ba ma̱n yet ba̱nyet nzuk.”
17Nkpa n byyi A̱gwam Ka̱za na̱n hywa,
“Yi wruk i ba̱ wwon
i ya gang i ryen mba.
Yi ryok byram a̱shishik kyang ba,
nzuk meyang n ma̱ ya san
18n bo yet a̱tyyi nyin,
yi ma̱n yet na̱won nzuk, zam bu na̱neyang.
A̱mi A̱gba̱dang A̱gwam ba̱gwam na̱n hywa.”
Currently Selected:
2 Korinti 6: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
2 Korinti 6
6
1Njit ba̱nyet ba yya pfong ani bu Ka̱za ni zi ya naai, da̱ni di yi ka̱n shya aliheri Ka̱za nu ni yi ryok ku breng ba̱tai ba. 2Yi hok kyang a Ka̱za ka hywa ni:
“Ka̱nak nwan ka a̱ ba a a̱tsak ka̱ram,
N na̱ hok ka̱ram ka a naai ni,
N na̱ brang i nom a yet nying na̱ san ni.”
Yi hok ansham, ba̱nyying a̱mi a̱ yet a̱tsak ka̱ram san aliheri Ka̱za nu, ka̱pfun a̱mi a̱ yet nom a ba ni ya san ni.
Hakuri Bulut ka̱yat wahala
3Zi cat a̱yin a̱ ryi hywak an pfong njit a ba; rot a̱mi zi kwan i ryi zi tyyi a̱yin digrap ba. 4Seko zi yya kozan kyang n tyyei ka̱sak ka zin yet ba̱kwwa Ka̱za ni: zi sseng di cet ka̱yat ka̱bvung bu wahala i yya kozan kyang bu hakuri. 5Zi ka̱n sswa tsot, ba bo za tyei a jaru, a̱ za mang di kpang; ka̱ram ka̱yaan zi yya pfong a sswa cet njit i, ka̱ram ka̱yaan nda za kaat, ka̱ram ka̱yaan zi kwai cihywat. 6-7Dizizrak ti zi tyyei ni bu bvwo njit a bu hakuri njit u bu pfong dizot ba̱nyet ti, sa̱rei zi yya i gi tyyei ka̱sak ka zin yet ba̱kwwa Ka̱za ni. Tswa Ka̱za shyi ba̱ njit, gwai a zi gwai ba̱yaan ni yet nying ka̱ryong, ba̱ryat ba zi bu tyyei ni a̱ bo yet ka̱ryong. Ka̱yat cet Ka̱za zi byyi dizizrak di dikpan zwang ti zi nin kwan i bun ya cam ni. 8Ba̱yanyet a̱ za cin ba̱yanyet ba za byyai, ba̱yanyet a̱ za pfwei ba̱yanyet ba za dyep. Ko ban za yei ba̱nyet diraa ni, zi yet ba̱nyet ka̱ryong. 9Ko di ban za breng a nkyang ni ba, ba̱nyet ba̱gingang a̱ za bvwo. Ba ka̱n za twang a̱ tyei a a̱kukwi, ma nyin yi bvwo zi yet ba̱cet. Ko ban yya da̱ njit i, ba za hywaai ba. 10Ko ban za tyei rya byyan ni, njit zi gwai kozan ka̱ram. Zi tai byyi dizot, ma zi tyyi ba̱yanyet shya. Zi ryi anye zi byyi kyang ba, ma ba kyang a zi sang ni.
11Ba̱nyet Korinti, zi ka̱n ya tyyei kozan kyang ba̱zizrak, zi ya yrang ndya njit a. 12Zi ya yrang ndya njit a; nyin a̱mi wu rak za yrang ndya nyin na. 13N dyat ba̱ nyin di na̱won nzuk ni. Yi za yrang ndya nyin da̱ni zin ya yrang njiit a ni.
Yi ta̱rwam yi bu mon bu ba̱nyet ba a̱ wi tssup Ka̱za ni
14Yi ryok cong ka̱bvwa ka̱yring bu ba̱nyet ba a̱ wi tssup Ka̱za ni ba. A̱nza̱tuk a̱tsatsak ba̱ a̱ka̱tuk ba nin mon? Ko a̱nza̱tuk ka̱ta̱nom bu ka̱tuk ba nin mon? 15Kristi a̱ ni yya ni a̱ mon bu Ka̱ta̱nyrang? Ki a̱nzan a̱ yet ka̱mon ba̱nyet tssup bu ba̱nyet witssup? 16Ki a̱nzan a̱ mon bat Ka̱za bu a̱briga a̱bvei? Njit a̱mi yet bat Ka̱za ka̱nying sucet. Da̱ni di Ka̱za ka ka̱n hywa ni,
“N ni swrang ba̱ mba.
N ni yet Ka̱za mba,
ba ma̱n yet ba̱nyet nzuk.”
17Nkpa n byyi A̱gwam Ka̱za na̱n hywa,
“Yi wruk i ba̱ wwon
i ya gang i ryen mba.
Yi ryok byram a̱shishik kyang ba,
nzuk meyang n ma̱ ya san
18n bo yet a̱tyyi nyin,
yi ma̱n yet na̱won nzuk, zam bu na̱neyang.
A̱mi A̱gba̱dang A̱gwam ba̱gwam na̱n hywa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.