1 Tasaloni 1
1
1Wasika a̱ni a̱ nyyai da̱ njit, Bulut bu Sila bu Timoti, a̱ naat di ba̱nyet tssup ba a̱ shyi Tasalonika ni, ba̱nying A̱tyyi njit Ka̱za bu A̱gwam njit Yesu Kristi.
Ka̱za a̱ ya ryi a̱liheri a̱ bo ya wwon nda.
Tyyi rya ba̱ a̱tsatsak nswat nyin nu i brang ba̱nyet ba̱gingang
2Zi na ya yring kozan ka̱ram zin yya a̱duwa, da̱ njit ba na bring dyep Ka̱za mi a̱za̱ nyin ba. 3Kozan ka̱ram zi na ya yring a̱ta̱ssi Ka̱za bu A̱tyyi njit, ka̱sak ka yin tyyei ntyyi ndya nyin na an pfong ni, ka̱sak ka cat nyin na kun ya tyyi yi yya pfong ba̱t i, bu ka̱sak ka nsak rya nyin na ka̱yat A̱gwam njit Yesu Kristi kun sseng di cet i. 4Ba̱wumbeyang, zi bvwo Ka̱za a̱ ya cat, a̱ ya tssa yi ka̱ tssup, 5rot ka̱ram ka zi yin ya tyyei Ka̱sham Ba̱ryat ka ni, ba yin yet a̱kpam ba̱ryat ba, ma Tswa Ka̱za yin yya pfong nji di cet, njit zi bu bvwo an ndya njit a ba̱ryat ba a̱ yet ka̱ryong. Yi bvwo taka̱i swat a zi yin swat ba̱ nyin ni; zihywak nyin a̱mi zi yin swat.
6Yi myyep taka̱i swat njit a bu taka̱i nying A̱gwam njit Yesu Kristi; ko ba̱ryat ba ba yin ya ba di ka̱bvung ni, yi ba̱ san bu shok ji Tswa Ka̱za zi wwat i, 7har yi tyyi ba̱nyet ba ba̱yanyet ba ni cyang a̱n myyam da̱ mba ni; sa̱rei ba̱nyet tssup ba shyi ka̱byen Makidoniya bu A̱kaya ni. 8Rot nyin tyyi ba̱ryat Ka̱za ba a̱ nwa a pfwo ba̱nyet koke, ba bu i ka̱byen Makidoniya bu Akaya ba, ma koke nkhang wrak Ka̱za ndya nyin na sin tat. Njit ma zi bu bvat kyang hywa ba. 9Mba di na̱nu mba, a̱ tsaai nkhang tazwa ba njit a da̱ nyin, ka̱sak ka yin wwon na̱za na yi yin yya mbvak nyin na̱ kok ntong ni, i nwa tssup Ka̱za ka̱ryong ka a̱ swat a̱cet i; 10bu ka̱sak ka yin swat tot Ka̱won nu ka, Yesu, a̱ brek nyyai Tazwa ka ni. Nu a̱mi a̱ yin kwu, Ka̱za a̱ bo ku yrek nyyai yabyen. Yesu nu a̱mi a̱ yet a̱ntyok za san i diryen Ka̱za ti za bai ni.
Currently Selected:
1 Tasaloni 1: kaj
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.
1 Tasaloni 1
1
1Wasika a̱ni a̱ nyyai da̱ njit, Bulut bu Sila bu Timoti, a̱ naat di ba̱nyet tssup ba a̱ shyi Tasalonika ni, ba̱nying A̱tyyi njit Ka̱za bu A̱gwam njit Yesu Kristi.
Ka̱za a̱ ya ryi a̱liheri a̱ bo ya wwon nda.
Tyyi rya ba̱ a̱tsatsak nswat nyin nu i brang ba̱nyet ba̱gingang
2Zi na ya yring kozan ka̱ram zin yya a̱duwa, da̱ njit ba na bring dyep Ka̱za mi a̱za̱ nyin ba. 3Kozan ka̱ram zi na ya yring a̱ta̱ssi Ka̱za bu A̱tyyi njit, ka̱sak ka yin tyyei ntyyi ndya nyin na an pfong ni, ka̱sak ka cat nyin na kun ya tyyi yi yya pfong ba̱t i, bu ka̱sak ka nsak rya nyin na ka̱yat A̱gwam njit Yesu Kristi kun sseng di cet i. 4Ba̱wumbeyang, zi bvwo Ka̱za a̱ ya cat, a̱ ya tssa yi ka̱ tssup, 5rot ka̱ram ka zi yin ya tyyei Ka̱sham Ba̱ryat ka ni, ba yin yet a̱kpam ba̱ryat ba, ma Tswa Ka̱za yin yya pfong nji di cet, njit zi bu bvwo an ndya njit a ba̱ryat ba a̱ yet ka̱ryong. Yi bvwo taka̱i swat a zi yin swat ba̱ nyin ni; zihywak nyin a̱mi zi yin swat.
6Yi myyep taka̱i swat njit a bu taka̱i nying A̱gwam njit Yesu Kristi; ko ba̱ryat ba ba yin ya ba di ka̱bvung ni, yi ba̱ san bu shok ji Tswa Ka̱za zi wwat i, 7har yi tyyi ba̱nyet ba ba̱yanyet ba ni cyang a̱n myyam da̱ mba ni; sa̱rei ba̱nyet tssup ba shyi ka̱byen Makidoniya bu A̱kaya ni. 8Rot nyin tyyi ba̱ryat Ka̱za ba a̱ nwa a pfwo ba̱nyet koke, ba bu i ka̱byen Makidoniya bu Akaya ba, ma koke nkhang wrak Ka̱za ndya nyin na sin tat. Njit ma zi bu bvat kyang hywa ba. 9Mba di na̱nu mba, a̱ tsaai nkhang tazwa ba njit a da̱ nyin, ka̱sak ka yin wwon na̱za na yi yin yya mbvak nyin na̱ kok ntong ni, i nwa tssup Ka̱za ka̱ryong ka a̱ swat a̱cet i; 10bu ka̱sak ka yin swat tot Ka̱won nu ka, Yesu, a̱ brek nyyai Tazwa ka ni. Nu a̱mi a̱ yin kwu, Ka̱za a̱ bo ku yrek nyyai yabyen. Yesu nu a̱mi a̱ yet a̱ntyok za san i diryen Ka̱za ti za bai ni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2011, Wycliffe Bible Translators, Inc. All rights reserved.