Ovafilipi 4
4
Omaronga
1Punao, vakwetu vandje, eṋe ovasuverwa, zikameye moruwano rweṋu na Muhona! Ami mbe mu suvera tjinene nu mbi mu zera. Oweṋe enyando randje nu mbi rihivira eṋe.
2Ami me rongo Evodia, nu me rongo Sintike kutja ve kare nomutima umwe mu Muhona. 3Ami wina me riyarikaṋa kove, omuungure wapamwe na ami omuṱakame kutja u vatere ovakazendu mba. Owo va ungura tjinene puna ami okuzuvarisa Ombuze Ombwa, puna Klemens novaungure ovakwao vapamwe na ami; omana wawo ya tjangwa membo romuinyo.
4Nyandeye mu Muhona aruhe! Me yarukire po rukwao: Nyandeye! 5Oupore weṋu ngau tjiukwe i ovandu avehe. Muhona u ri pokuya! 6Amu rikendere otjiṋa, nungwari mozongumbiro zeṋu azehe ningireye ku Ndjambi imbi mbi mwa hepa, aruhe amamu tja okuhepa ku ye. 7Nohange ya Ndjambi ndja kapita ozondunge azehe zovandu mai ṱakamisa omitima vyeṋu nouripura weṋu mu Kristus Jesus.
8Nambano, omambo wandje omasenina me tja nai: Vakwetu, rizemburukeye noviṋa oviwa nu mbya pwa ondangero, okutja oviṋa vyouatjiri noviyakurwa, nousemba noukohoke, norusuvero nouwa nondangu ombwa. 9Nu imbi mbi mwa hongwa i ami, nu mbi mwa pewa i ami, nu mbi mwa zuva nu mbi mwa muna mu ami, vi tjiteye. Nu Ndjambi, eye ngu yandja ohange, ma kara puna eṋe.
Okutja okuhepa koviyandjewa
10Ami mba yoroka tjinene mu Muhona kutja kombunda yoruveze orure nai mwa raisa rukwao kutja nga mba mu rizemburuka na ami, kakutja eṋe mwe ndji zemba, nungwari kamu munine indwi oruveze okuraisa kutja mu ndji zemburuka. 11Ami hi nokuhungira otjiṋa hi motjimbe tjouhepe wandje, tjinga ambe rihonga okukara nohange na imbi mbi mbi na vyo. 12Ami me tjiwa kutja okukara noviṱiṱi otjikeṋa nokutja okukara novingi otjikeṋa. Ami mba iririra avihe, kutja okukuta poo kutja okuṱondjara, kutja okukara novingi poo kutja okukara noviṱiṱi. 13Ami me yenene okutjinda avihe, Kristus tjinga e ndji pa omasa womasorero.
14Nungwari okokuwa ku eṋe kutja mwe ndji vatera momauzeu wandje. 15Neṋe, Vafilipi, mamu tjiwa nawa kutja tji mba zire mo mOmakedonie momautiro womazuvarisiro wandje wOmbuze Ombwa, oweṋe mbu mwa ri ombongo aiyerike ndje ndji vatera; noweṋe porweṋu mbu mwa ri norupa movihite na movipite vyovimariva vyandje. 16#Oviu 17:1#2Kor 11:9Wina tji mba ri mOtesalonika eṋe potuingi mwe ndji yama mouhepe wandje. 17Nu kakutja ami ee vanga okupewa oviyandjewa porwavyo, nungwari ee vanga kutja ovitjitwa vyeṋu oviwa vi takavarere ko. 18#Eks 29:18Norutuu ndwi ondu ri otjiraisiro tjandje tjoviṋa avihe mbi mwe ndji pa; novyo vya yenena! Navihe mbi mba hepere, nambano mbi na vyo, Epafroditus tjinga e ndji etera oviyandjewa vyeṋu avihe. Oviyandjewa vyeṋu ovyo ombunguhiro yomoro omuwa komurungu wa Ndjambi, ombunguhiro ndji tjata ku ye, neye me nonyuṋe. 19Nu Ndjambi wandje me mu pe avihe mbi mwa hepa, otja koutumbe we ouingi tjinene mu Kristus Jesus. 20Nu Ndjambi wetu Tate nga pewe ondjozikiro aruhe nga ko nga aruhe! Amen.
Ozombinika
21Minikeye otjiwaṋa tja Ndjambi atjihe tji tji ri otja Kristus Jesus. Ovakwetu mbe ri puna ami mba mave mu minike. 22Ovakambure va Ndjambi avehe mave mu minike, tjinene imba vondjuwo yombara yokombanda.
23Otjari tja Muhona Jesus Kristus ngatji kare na eṋe amuhe.
Currently Selected:
Ovafilipi 4: HRR-UNI
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
Ovafilipi 4
4
Omaronga
1Punao, vakwetu vandje, eṋe ovasuverwa, zikameye moruwano rweṋu na Muhona! Ami mbe mu suvera tjinene nu mbi mu zera. Oweṋe enyando randje nu mbi rihivira eṋe.
2Ami me rongo Evodia, nu me rongo Sintike kutja ve kare nomutima umwe mu Muhona. 3Ami wina me riyarikaṋa kove, omuungure wapamwe na ami omuṱakame kutja u vatere ovakazendu mba. Owo va ungura tjinene puna ami okuzuvarisa Ombuze Ombwa, puna Klemens novaungure ovakwao vapamwe na ami; omana wawo ya tjangwa membo romuinyo.
4Nyandeye mu Muhona aruhe! Me yarukire po rukwao: Nyandeye! 5Oupore weṋu ngau tjiukwe i ovandu avehe. Muhona u ri pokuya! 6Amu rikendere otjiṋa, nungwari mozongumbiro zeṋu azehe ningireye ku Ndjambi imbi mbi mwa hepa, aruhe amamu tja okuhepa ku ye. 7Nohange ya Ndjambi ndja kapita ozondunge azehe zovandu mai ṱakamisa omitima vyeṋu nouripura weṋu mu Kristus Jesus.
8Nambano, omambo wandje omasenina me tja nai: Vakwetu, rizemburukeye noviṋa oviwa nu mbya pwa ondangero, okutja oviṋa vyouatjiri noviyakurwa, nousemba noukohoke, norusuvero nouwa nondangu ombwa. 9Nu imbi mbi mwa hongwa i ami, nu mbi mwa pewa i ami, nu mbi mwa zuva nu mbi mwa muna mu ami, vi tjiteye. Nu Ndjambi, eye ngu yandja ohange, ma kara puna eṋe.
Okutja okuhepa koviyandjewa
10Ami mba yoroka tjinene mu Muhona kutja kombunda yoruveze orure nai mwa raisa rukwao kutja nga mba mu rizemburuka na ami, kakutja eṋe mwe ndji zemba, nungwari kamu munine indwi oruveze okuraisa kutja mu ndji zemburuka. 11Ami hi nokuhungira otjiṋa hi motjimbe tjouhepe wandje, tjinga ambe rihonga okukara nohange na imbi mbi mbi na vyo. 12Ami me tjiwa kutja okukara noviṱiṱi otjikeṋa nokutja okukara novingi otjikeṋa. Ami mba iririra avihe, kutja okukuta poo kutja okuṱondjara, kutja okukara novingi poo kutja okukara noviṱiṱi. 13Ami me yenene okutjinda avihe, Kristus tjinga e ndji pa omasa womasorero.
14Nungwari okokuwa ku eṋe kutja mwe ndji vatera momauzeu wandje. 15Neṋe, Vafilipi, mamu tjiwa nawa kutja tji mba zire mo mOmakedonie momautiro womazuvarisiro wandje wOmbuze Ombwa, oweṋe mbu mwa ri ombongo aiyerike ndje ndji vatera; noweṋe porweṋu mbu mwa ri norupa movihite na movipite vyovimariva vyandje. 16#Oviu 17:1#2Kor 11:9Wina tji mba ri mOtesalonika eṋe potuingi mwe ndji yama mouhepe wandje. 17Nu kakutja ami ee vanga okupewa oviyandjewa porwavyo, nungwari ee vanga kutja ovitjitwa vyeṋu oviwa vi takavarere ko. 18#Eks 29:18Norutuu ndwi ondu ri otjiraisiro tjandje tjoviṋa avihe mbi mwe ndji pa; novyo vya yenena! Navihe mbi mba hepere, nambano mbi na vyo, Epafroditus tjinga e ndji etera oviyandjewa vyeṋu avihe. Oviyandjewa vyeṋu ovyo ombunguhiro yomoro omuwa komurungu wa Ndjambi, ombunguhiro ndji tjata ku ye, neye me nonyuṋe. 19Nu Ndjambi wandje me mu pe avihe mbi mwa hepa, otja koutumbe we ouingi tjinene mu Kristus Jesus. 20Nu Ndjambi wetu Tate nga pewe ondjozikiro aruhe nga ko nga aruhe! Amen.
Ozombinika
21Minikeye otjiwaṋa tja Ndjambi atjihe tji tji ri otja Kristus Jesus. Ovakwetu mbe ri puna ami mba mave mu minike. 22Ovakambure va Ndjambi avehe mave mu minike, tjinene imba vondjuwo yombara yokombanda.
23Otjari tja Muhona Jesus Kristus ngatji kare na eṋe amuhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.