Ovakolose 2
2
1Nu me vanga okumutjivisa kutja ami mbi kondjera eṋe tjinene novature va Laodisea novakwao avehe mbe hiya rora okundjimuna keho. 2Ami mbi tjita nai kokutja owo ve panḓiparisiwe nu ve kutwe kumwe morusuvero, nu ve ramangere oukoto wondjiviro aihe, kokutja ve tjiwe otjiundikwa tja Ndjambi tji tji ri Kristus omuini. 3Mu ye omu mwa horekwa ovihuze avihe vyounongo nondjiviro ya Ndjambi.
4Ami otji me mu raere kutja ape ningi omundu ngu me mu pukisa nomapopero wovineya. 5Nandarire kutja eṋe kamu nokundjimuna keho tjinga ambi ri kokure, ami mbi ri puna eṋe mombepo. Nu mbi nenyando okumuna kutja mu kara pamwe mouhirona, nokutja mwa zikama pamwe mongamburiro yeṋu mu Kristus.
Ongarero yetu i urisiwa mu Kristus
6Tjinga amwa yakura Kristus Jesus otja ngu ri muhona, otjinga amamu sokukara noruwano na ye. 7Nangananiseye omize vyeṋu mu ye, tungeye ongarero yeṋu mu ye, nu mu hare omasa mongamburiro yeṋu otja tji mwa hongwa, nu mu tje okuhepa ku Ndjambi tjinene.
8Ṱakamiseye kutja ape ha ningi omundu ngu me mu pora ku ye nomapopero woposyo nomapukise otja komihingo vyomahongero wovandu notja komazikamisiro womahonaparero wozombepo zouye, nungwari ku ku he ri komuhingo wa Kristus. 9Orondu mu Kristus omu mwa tura omeurisiro aehe wa Ndjambi kosaneno yorutu rwe. 10Nu mu Kristus eṋe mu noruwano na Ndjambi okuura, eye onguri otjiuru tjouhona notjouvara auhe.
11Nu moruwano na Kristus eṋe wina mwa sukarekwa, nu ka nomasukarekero nge sukarekwa i ovandu, nungwari onomasukarekero nge sukarekwa i Kristus, notji mwa kuturwa kokuhonaparerwa i ouvi. 12#Rom 6:4Orondu tji mwa papitisiwa, eṋe mwa pakwa puna Kristus. Nu mombapitisimo eṋe wina mwa pendurwa puna Kristus, tjinga amwa kambura momasa wa Ndjambi ngwa pendura Kristus movakoke. 13#Ef 2:1-5Eṋe wina mwa ri ovakoke motjimbe tjouvi na motjimbe tjokutja mwa ri ovahasukara. Nungwari nambano Ndjambi we mu pendura komuinyo puna Kristus, nu we tu isira ourunde wetu auhe. 14#Ef 2:15Eye wa zemisa embo rozondjo pamwe nomazikamisiro waro ngaa e tu rondora. Eye wa isa po embo ndi oparukaze mokupapera ro kotjikoroise. 15Eye wa teya omasa wouhonapare nowouvara wozombepo ozombi, nu we ze raisa komurungu wovandu mokuzetwara otja ovakamburwa morukosi rwondoṋeno rwa Kristus.
16 #
Rom 14:1-6
Otji pe hi nokukara omundu ngu me mu raere kutja mamu ri tjike nu mamu nu tjike. Nu amu rikendere omayuva omayapuke poo eyuva rOmatendameno wOmueze poo esabata. 17Oviṋa mbi ovyo otjizire uriri tjaimbi vyoruveze ndu maru ya; nu imbwi ouatjiri auhe ounanḓengu owo oKristus. 18Amu riyandjere okupangurwa i omundu ngu norutjato momerisusuparisiro na momerikotameneno wovaengeri, nu ngu tja wa muna ovirimunikise ngamwa avihe. Omundu otja ingwi u rihiva omungandjo uriri mokuripura na ye omuini, 19#Ef 4:16nu ka kakatere ku Kristus, otjiuru tjombongo. Nu mu Kristus orutu aruhe omu ru kura nu ru hondjerwa kumwe i omahakaeneno womaṱupa naru ṱizirwa kumwe i omisepa, naru hapa otja Ndjambi pe vanga.
Okuṱa puna Kristus
20Eṋe mwa ṱa puna Kristus, notji mwa kuturwa komahonaparero wozombepo zouye. Nu okutjavi tji mu nongarero ohamukwao na indji youye mbwi? Okutjavi tji mu kara nonḓuviro komaraerero aehe ngamwa otja inga: 21“O kambura ko!”, “O roro ko!”, “O ṱunu ko!” 22Oviṋa avihe mbi vi heya oviṋa, mbi ungurisiwa nu mbi yanda; novyo omazikamisiro nomahongero wovandu porwe. 23Omahongero nga ye munika aayo mu nounongo mongaro yawo yokurikotamena kovaengeri na momerisusuparisiro wotjavivi na mokuhihamisa orutu tjinene. Nungwari ovyo, tjiri, kavi nombatero mokutjaera ozonḓuma zorutu.
Currently Selected:
Ovakolose 2: HRR-UNI
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
Ovakolose 2
2
1Nu me vanga okumutjivisa kutja ami mbi kondjera eṋe tjinene novature va Laodisea novakwao avehe mbe hiya rora okundjimuna keho. 2Ami mbi tjita nai kokutja owo ve panḓiparisiwe nu ve kutwe kumwe morusuvero, nu ve ramangere oukoto wondjiviro aihe, kokutja ve tjiwe otjiundikwa tja Ndjambi tji tji ri Kristus omuini. 3Mu ye omu mwa horekwa ovihuze avihe vyounongo nondjiviro ya Ndjambi.
4Ami otji me mu raere kutja ape ningi omundu ngu me mu pukisa nomapopero wovineya. 5Nandarire kutja eṋe kamu nokundjimuna keho tjinga ambi ri kokure, ami mbi ri puna eṋe mombepo. Nu mbi nenyando okumuna kutja mu kara pamwe mouhirona, nokutja mwa zikama pamwe mongamburiro yeṋu mu Kristus.
Ongarero yetu i urisiwa mu Kristus
6Tjinga amwa yakura Kristus Jesus otja ngu ri muhona, otjinga amamu sokukara noruwano na ye. 7Nangananiseye omize vyeṋu mu ye, tungeye ongarero yeṋu mu ye, nu mu hare omasa mongamburiro yeṋu otja tji mwa hongwa, nu mu tje okuhepa ku Ndjambi tjinene.
8Ṱakamiseye kutja ape ha ningi omundu ngu me mu pora ku ye nomapopero woposyo nomapukise otja komihingo vyomahongero wovandu notja komazikamisiro womahonaparero wozombepo zouye, nungwari ku ku he ri komuhingo wa Kristus. 9Orondu mu Kristus omu mwa tura omeurisiro aehe wa Ndjambi kosaneno yorutu rwe. 10Nu mu Kristus eṋe mu noruwano na Ndjambi okuura, eye onguri otjiuru tjouhona notjouvara auhe.
11Nu moruwano na Kristus eṋe wina mwa sukarekwa, nu ka nomasukarekero nge sukarekwa i ovandu, nungwari onomasukarekero nge sukarekwa i Kristus, notji mwa kuturwa kokuhonaparerwa i ouvi. 12#Rom 6:4Orondu tji mwa papitisiwa, eṋe mwa pakwa puna Kristus. Nu mombapitisimo eṋe wina mwa pendurwa puna Kristus, tjinga amwa kambura momasa wa Ndjambi ngwa pendura Kristus movakoke. 13#Ef 2:1-5Eṋe wina mwa ri ovakoke motjimbe tjouvi na motjimbe tjokutja mwa ri ovahasukara. Nungwari nambano Ndjambi we mu pendura komuinyo puna Kristus, nu we tu isira ourunde wetu auhe. 14#Ef 2:15Eye wa zemisa embo rozondjo pamwe nomazikamisiro waro ngaa e tu rondora. Eye wa isa po embo ndi oparukaze mokupapera ro kotjikoroise. 15Eye wa teya omasa wouhonapare nowouvara wozombepo ozombi, nu we ze raisa komurungu wovandu mokuzetwara otja ovakamburwa morukosi rwondoṋeno rwa Kristus.
16 #
Rom 14:1-6
Otji pe hi nokukara omundu ngu me mu raere kutja mamu ri tjike nu mamu nu tjike. Nu amu rikendere omayuva omayapuke poo eyuva rOmatendameno wOmueze poo esabata. 17Oviṋa mbi ovyo otjizire uriri tjaimbi vyoruveze ndu maru ya; nu imbwi ouatjiri auhe ounanḓengu owo oKristus. 18Amu riyandjere okupangurwa i omundu ngu norutjato momerisusuparisiro na momerikotameneno wovaengeri, nu ngu tja wa muna ovirimunikise ngamwa avihe. Omundu otja ingwi u rihiva omungandjo uriri mokuripura na ye omuini, 19#Ef 4:16nu ka kakatere ku Kristus, otjiuru tjombongo. Nu mu Kristus orutu aruhe omu ru kura nu ru hondjerwa kumwe i omahakaeneno womaṱupa naru ṱizirwa kumwe i omisepa, naru hapa otja Ndjambi pe vanga.
Okuṱa puna Kristus
20Eṋe mwa ṱa puna Kristus, notji mwa kuturwa komahonaparero wozombepo zouye. Nu okutjavi tji mu nongarero ohamukwao na indji youye mbwi? Okutjavi tji mu kara nonḓuviro komaraerero aehe ngamwa otja inga: 21“O kambura ko!”, “O roro ko!”, “O ṱunu ko!” 22Oviṋa avihe mbi vi heya oviṋa, mbi ungurisiwa nu mbi yanda; novyo omazikamisiro nomahongero wovandu porwe. 23Omahongero nga ye munika aayo mu nounongo mongaro yawo yokurikotamena kovaengeri na momerisusuparisiro wotjavivi na mokuhihamisa orutu tjinene. Nungwari ovyo, tjiri, kavi nombatero mokutjaera ozonḓuma zorutu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.