1 Ovakorinte 11
11
1 #
1Kor 4:16; Flp 3:17 Horereye ku ami, ami otja punga ambi horera ku Kristus!
Omihingo omisemba vyomerikotameneno
2Ami me mu tanga, tjinga aruhe amu zemburuka ovitjitwa vyandje namu ṱakamisa omahongero ngu mba yandja ku eṋe. 3Nungwari ami me vanga kutja mu tjiwe nawa kutja Kristus eye otjiuru tjomurumendu auhe, nomurumendu eye otjiuru tjomukazendu we, nu Ndjambi eye otjiuru tja Kristus. 4Nomurumendu auhe ngu ma kumbu poo ngu ma zuvarisa ombuze ya Ndjambi e notjiṋa kotjiuru, eye ma yamburura Kristus ngu ri otjiuru tje. 5Nomukazendu auhe ngu ma kumbu poo ngu ma zuvarisa ombuze ya Ndjambi e hi notjiṋa kotjiuru, eye ma yamburura omurumendu we ngu ri otjiuru tje; eye otjiṋa tjimwe nomukazendu ngwa kururwa ozondjise. 6Nomukazendu tje hi nokutwa ko otjikutjire kotjiuru, nga ṱokukururwa ozondjise. Nu tjinga e ri ohoṋi komukazendu okukondwa poo okukururwa ozondjise, eye nga kare notjikutjire kotjiuru.
7 #
Gen 1:26, 27 Nomurumendu ka sokukutjira otjiuru tje, orondu eye osaneno nondjozikiro ya Ndjambi; nungwari omukazendu eye ondjozikiro yomurumendu. 8#Gen 2:18-23Orondu omurumendu tje ha zire momukazendu, nungwari omukazendu e ri ngwa za momurumendu. 9Nu wina omurumendu ka utirirwe omukazendu, nungwari omukazendu ongwa utirwa omurumendu. 10Nomukazendu opa sokukutjira otjiuru tje okuraisa kutja u ri kehi youvara womurumendu we motjimbe tjovaengeri. 11Nu komurungu wa Muhona omukazendu katjiṋa nokuhinomurumendu, nu wina omurumendu katjiṋa nokuhinomukazendu. 12Orondu omukazendu wa za momurumendu, nu momuhingo tjingewo omurumendu wa kwatwa i omukazendu. Noviṋa avihe vi za mu Ndjambi!
13Pangureye otjiṋa hi oveni: Okokuwa omukazendu okukumba ku Ndjambi e hi notjikutjire kotjiuru are? 14Indu mwa hongwa nu otji pe ri kutja omurumendu tja hapisa ozondjise ozonde, otjo ohoṋi, 15nungwari omukazendu tja hapisa ozondjise ozonde, otjo ondatero. Ozondjise ozonde za yandjewa komukazendu otja otjikutjire tjotjiuru. 16Nu tji pena ngu ma vanga okupatasana otjiṋa hi na ami, ami me mu raere ingwi okutja: Kutja oweṱe, kutja ozombongo za Ndjambi, katu nomihingo vyarwe momerikotameneno.
Omariro Omayapuke wa Muhona
(Mt 26:26-29; Mk 14:22-25; Lk 22:14-20)
17Nu motjiṋa hi ami hi nokumutanga, omaworonganeno weṋu tjinga ayehe mu etere ouwa, nungwari tjinga aye mu zunḓa. 18Nu vari rutenga ami mba raerwa kutja eṋe mu nohaṋikiro mozombongarero zeṋu; nu me tjangovasi munda umwe otjinga ape ri. 19Nu hapo pe sokukara ohaṋikiro mokati keṋu, kokutja imba mbe ri ovayapuke mongamburiro ve munikire po. 20Tji mamu wongara pamwe otja ombongo, eṋe kamu nakurya Omariro Omayapuke wa Muhona. 21Orondu pomariro weṋu wapamwe auhe u rya ovikurya vye omuini tjimanga, nu tjiva ave ṱondjara, nu tjiva ave ṱomavinu. 22Indu eṋe kamu nozonganda zeṋu ku mamu yenene okurira ko nokunwina ko are? Poo mamu nyeṋuna ombongo ya Ndjambi nokuṱisa ohoṋi imba mbe hi notjiṋa okurya are? Nami hi tje vi ku eṋe? Hi mu tange nao? Kako katji me tjiti!
23Ami mba pewa i Muhona inga omahongero ngu mbe mu honga: Kutja Muhona Jesus mouṱuku ma rondorwa, eye wa toora omboroto, 24a tja okuhepa ku Ndjambi, e i koyora na tja: “Ihi otjo orutu rwandje ndu maru yandjerwa eṋe. Ihi tji tjiteye kokundjizemburukirako.” 25#Eks 24:8; Jer 31:31-34 Eks 24:6-8Nu momuhingo tjingewo kombunda yokurya, eye wa toora otjinwino na tja: “Otjinwino hi otjo omerikutiropamwe omape wa Ndjambi nga tuwa ko otjihako nombinḓu yandje. Aruhe tji mamu tji nu, tjiteye nai kokuzemburuka ami.”
26Ihi matji hee kutja aruhe tji mamu ri omboroto ndji namu nu motjinwino hi, mamu zuvarisa onḓiro ya Muhona nga eye tji ma kotoka. 27Auhe ngu ma ri omboroto ndji na nu otjinwino tja Muhona momuhingo mbu ha sere, eye ma tura ondjo korutu na kombinḓu ya Muhona. 28Omundu auhe opu ma sokurikonḓonona omuini rutenga, nu tjazumba a ri komboroto ndji nu a nu kotjinwino hi. 29Orondu ingwi ngu ma ri na nu e hi nokutjiwa katjotjiri kutja indwi orutu rwa Muhona, eye me riyetere omuini ombanguriro, tji ma ri nokunwa. 30Nopu pa karera ovandu ovengi ovingundi novavere mokati keṋu, novengi va ṱa. 31Eṱe andakuzu momuhingo mbwi rutenga matu rikonḓonona oveni, katjatu kara kehi yombanguriro ya Ndjambi. 32Nungwari nambano eṱe tu pangurwa nu tu verwa i Muhona, kokutja atu ha imbirahiwa mombanguriro puna ouye.
33Nu vari, vakwetu, tji mamu worongana okurya Omariro Omayapuke wa Muhona, undjasaneye. 34Nu tji pena ngu nondjara, nga rye koye, kokutja amu ha kara kehi yombanguriro ya Ndjambi tji mamu worongana. Nu imbi oviṋa ovikwao ami me yokuvituṋa tji mbe ya.
Currently Selected:
1 Ovakorinte 11: HRR-UNI
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.
1 Ovakorinte 11
11
1 #
1Kor 4:16; Flp 3:17 Horereye ku ami, ami otja punga ambi horera ku Kristus!
Omihingo omisemba vyomerikotameneno
2Ami me mu tanga, tjinga aruhe amu zemburuka ovitjitwa vyandje namu ṱakamisa omahongero ngu mba yandja ku eṋe. 3Nungwari ami me vanga kutja mu tjiwe nawa kutja Kristus eye otjiuru tjomurumendu auhe, nomurumendu eye otjiuru tjomukazendu we, nu Ndjambi eye otjiuru tja Kristus. 4Nomurumendu auhe ngu ma kumbu poo ngu ma zuvarisa ombuze ya Ndjambi e notjiṋa kotjiuru, eye ma yamburura Kristus ngu ri otjiuru tje. 5Nomukazendu auhe ngu ma kumbu poo ngu ma zuvarisa ombuze ya Ndjambi e hi notjiṋa kotjiuru, eye ma yamburura omurumendu we ngu ri otjiuru tje; eye otjiṋa tjimwe nomukazendu ngwa kururwa ozondjise. 6Nomukazendu tje hi nokutwa ko otjikutjire kotjiuru, nga ṱokukururwa ozondjise. Nu tjinga e ri ohoṋi komukazendu okukondwa poo okukururwa ozondjise, eye nga kare notjikutjire kotjiuru.
7 #
Gen 1:26, 27 Nomurumendu ka sokukutjira otjiuru tje, orondu eye osaneno nondjozikiro ya Ndjambi; nungwari omukazendu eye ondjozikiro yomurumendu. 8#Gen 2:18-23Orondu omurumendu tje ha zire momukazendu, nungwari omukazendu e ri ngwa za momurumendu. 9Nu wina omurumendu ka utirirwe omukazendu, nungwari omukazendu ongwa utirwa omurumendu. 10Nomukazendu opa sokukutjira otjiuru tje okuraisa kutja u ri kehi youvara womurumendu we motjimbe tjovaengeri. 11Nu komurungu wa Muhona omukazendu katjiṋa nokuhinomurumendu, nu wina omurumendu katjiṋa nokuhinomukazendu. 12Orondu omukazendu wa za momurumendu, nu momuhingo tjingewo omurumendu wa kwatwa i omukazendu. Noviṋa avihe vi za mu Ndjambi!
13Pangureye otjiṋa hi oveni: Okokuwa omukazendu okukumba ku Ndjambi e hi notjikutjire kotjiuru are? 14Indu mwa hongwa nu otji pe ri kutja omurumendu tja hapisa ozondjise ozonde, otjo ohoṋi, 15nungwari omukazendu tja hapisa ozondjise ozonde, otjo ondatero. Ozondjise ozonde za yandjewa komukazendu otja otjikutjire tjotjiuru. 16Nu tji pena ngu ma vanga okupatasana otjiṋa hi na ami, ami me mu raere ingwi okutja: Kutja oweṱe, kutja ozombongo za Ndjambi, katu nomihingo vyarwe momerikotameneno.
Omariro Omayapuke wa Muhona
(Mt 26:26-29; Mk 14:22-25; Lk 22:14-20)
17Nu motjiṋa hi ami hi nokumutanga, omaworonganeno weṋu tjinga ayehe mu etere ouwa, nungwari tjinga aye mu zunḓa. 18Nu vari rutenga ami mba raerwa kutja eṋe mu nohaṋikiro mozombongarero zeṋu; nu me tjangovasi munda umwe otjinga ape ri. 19Nu hapo pe sokukara ohaṋikiro mokati keṋu, kokutja imba mbe ri ovayapuke mongamburiro ve munikire po. 20Tji mamu wongara pamwe otja ombongo, eṋe kamu nakurya Omariro Omayapuke wa Muhona. 21Orondu pomariro weṋu wapamwe auhe u rya ovikurya vye omuini tjimanga, nu tjiva ave ṱondjara, nu tjiva ave ṱomavinu. 22Indu eṋe kamu nozonganda zeṋu ku mamu yenene okurira ko nokunwina ko are? Poo mamu nyeṋuna ombongo ya Ndjambi nokuṱisa ohoṋi imba mbe hi notjiṋa okurya are? Nami hi tje vi ku eṋe? Hi mu tange nao? Kako katji me tjiti!
23Ami mba pewa i Muhona inga omahongero ngu mbe mu honga: Kutja Muhona Jesus mouṱuku ma rondorwa, eye wa toora omboroto, 24a tja okuhepa ku Ndjambi, e i koyora na tja: “Ihi otjo orutu rwandje ndu maru yandjerwa eṋe. Ihi tji tjiteye kokundjizemburukirako.” 25#Eks 24:8; Jer 31:31-34 Eks 24:6-8Nu momuhingo tjingewo kombunda yokurya, eye wa toora otjinwino na tja: “Otjinwino hi otjo omerikutiropamwe omape wa Ndjambi nga tuwa ko otjihako nombinḓu yandje. Aruhe tji mamu tji nu, tjiteye nai kokuzemburuka ami.”
26Ihi matji hee kutja aruhe tji mamu ri omboroto ndji namu nu motjinwino hi, mamu zuvarisa onḓiro ya Muhona nga eye tji ma kotoka. 27Auhe ngu ma ri omboroto ndji na nu otjinwino tja Muhona momuhingo mbu ha sere, eye ma tura ondjo korutu na kombinḓu ya Muhona. 28Omundu auhe opu ma sokurikonḓonona omuini rutenga, nu tjazumba a ri komboroto ndji nu a nu kotjinwino hi. 29Orondu ingwi ngu ma ri na nu e hi nokutjiwa katjotjiri kutja indwi orutu rwa Muhona, eye me riyetere omuini ombanguriro, tji ma ri nokunwa. 30Nopu pa karera ovandu ovengi ovingundi novavere mokati keṋu, novengi va ṱa. 31Eṱe andakuzu momuhingo mbwi rutenga matu rikonḓonona oveni, katjatu kara kehi yombanguriro ya Ndjambi. 32Nungwari nambano eṱe tu pangurwa nu tu verwa i Muhona, kokutja atu ha imbirahiwa mombanguriro puna ouye.
33Nu vari, vakwetu, tji mamu worongana okurya Omariro Omayapuke wa Muhona, undjasaneye. 34Nu tji pena ngu nondjara, nga rye koye, kokutja amu ha kara kehi yombanguriro ya Ndjambi tji mamu worongana. Nu imbi oviṋa ovikwao ami me yokuvituṋa tji mbe ya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Herero Revision Bible © Bible Society in Namibia, 2021.