Zakharia Uram 5
5
Zakharia biryi liki nabaryi dinyi eibmou kunumna ara akubdob kerek sengna asi keki yibanmou asi eibmou uram deyok
5:1-4
1Zakharia biryi kunumna liki nabaryi dinyi eibmouci, nukmou ara ato eboka nukmou, “Niryi asing donokoka dinman uca, akurtalen kerek sengna asi keki yibanmar asi asing eibman. 2Ura, Malaikat Tuhan biryi ni eibman dinyi ati, ‘Ara, unatoa eibmarim do?’ eboka asibdenmanir. Uca, niryi ato eboka uram dekeibman, ‘Ara, kerek sengna asi akubdeibyi dinyi ilila asi im karin kengkeng eryibanmar asi eibman. A kerek sengna cang kiklina ara toubnibaryi ba, ila kiklina ara dumbaryi asi eibman,’ ebman. 3Ba, erci nisi ato ebmar, ‘A kerek sengna umbura ara a mutuk Yehuda mutuk nang nirya ati, urabminikwande uram asi kerek sekeibwe dinyi asi eibmarim. A kerek sengna dinatam deici ara ukula don nang ara a mutuk dam aryi yakdonokwande deyok ati sekeibwe. Ura, ton tam deici ara tola uram eboka kunurminingna nang ababyi a mutuk dam aryi yakdonokwande deyok ati sekeibwe. 4Er Iya Erebdobnyi, imtam yin doun nang sienyi biryi ato ebdeibwe. A kerek sengna ara Niryi a mutuk dam asi dobkwetebse. Ba, Ni si deici aryi urana uram ara tola uram eboka kunurdeiramingnyi nang ai umbura dam wengyankwande. Ani, a urana uram asi sun ai umbura dam mabokabdiryi co babyi keil babyi nirya obminikwande,’ ebmar asi kekebman,” eboka nukmou.
Zakharia biryi liki tabaryi dinyi eibmou kunumna ara ner tentok asi tower aling umbura wekmou asi eibmou uram deyok
5:5-11
5Zakharia biryi kunumna liki tabaryi dinyi eibmouci, nukmou ara ato. “Ni ab tonkwa uram sisingmanoumwe uram eryuryangananyi tubto lak kibdanmar ura, nisi ato ebmar, ‘A dirandum. A anamyankwamar keica ara unatoa anabkwamar asi ebkwamarim,’ eboka arukmanir. 6Ura, niryi ersi, ‘Ara, unatoa da?’ eboka asibdenman. Uca, erci, ‘A anabmar keica si ara, tower aling,’ ebmar. Ura, erci tubto, ‘Ara, im dangna mutuk tukwe dangna mutuk yu dinyi kununga ati kiklibdeibmar dinyi asi eibmarim,’ ebmar. 7Ura, niryi diran uca, a tower aling bublan tirikna kukeibde asi ner tentok a tower aling umbura bukmar asing eibman. 8Ura, uram eryuryangananyi biryi, ‘Ara, Er Imtamnyi uram asi diboka kununa kum dinyi ati kikliboka kunubdeibmar,’ ebmar. Ura, erci a ner asi tubto a tower aling umbura dokdonokde ura, keil si timah dobtaleboka a tower aling bublan tirikna sibarya tam asi takdongobmar. 9Ura, niryi asing donokoka diran uca, nerabwe bitinyi sun ol asi kumwe aryi urdonongmar. Ba, ni tam urasin deiboka langlang eryanganmaring asi eibman. A nerabwe sun ol mikib ara maka okbayol langlang eryibaranto to kuboka langlang eryanganmaring. Akiryi sun bitinyi nerabwe aryi a tower aling doboka bobding ura, im kan tukwe kan asi langlang erbinmaring asi eibman. 10Ura, niryi ni ab tonkwa uram sisingmanim Malaikat bisi, ‘A tower aling bobanmaring ara dantam bobinkwamaring ati bobanmaring do?’ eboka asibdenman. 11Uca, erci nisi ato eboka uram dekeibmanir, ‘Ara, sunci Sinear ebok Babel ebok kimnung mutuk asi a ner ati ai dobdeibkwamaringci bobanmaring. Atei sirya dobdeibdingnyi ura, a ner ara a dobdeibmaringnyi ai umbura kaibkwanding ba, a kuronkwande ati bobanmaring,’ ebmar,” eboka nukmou.
Currently Selected:
Zakharia Uram 5: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Zakharia Uram 5
5
Zakharia biryi liki nabaryi dinyi eibmou kunumna ara akubdob kerek sengna asi keki yibanmou asi eibmou uram deyok
5:1-4
1Zakharia biryi kunumna liki nabaryi dinyi eibmouci, nukmou ara ato eboka nukmou, “Niryi asing donokoka dinman uca, akurtalen kerek sengna asi keki yibanmar asi asing eibman. 2Ura, Malaikat Tuhan biryi ni eibman dinyi ati, ‘Ara, unatoa eibmarim do?’ eboka asibdenmanir. Uca, niryi ato eboka uram dekeibman, ‘Ara, kerek sengna asi akubdeibyi dinyi ilila asi im karin kengkeng eryibanmar asi eibman. A kerek sengna cang kiklina ara toubnibaryi ba, ila kiklina ara dumbaryi asi eibman,’ ebman. 3Ba, erci nisi ato ebmar, ‘A kerek sengna umbura ara a mutuk Yehuda mutuk nang nirya ati, urabminikwande uram asi kerek sekeibwe dinyi asi eibmarim. A kerek sengna dinatam deici ara ukula don nang ara a mutuk dam aryi yakdonokwande deyok ati sekeibwe. Ura, ton tam deici ara tola uram eboka kunurminingna nang ababyi a mutuk dam aryi yakdonokwande deyok ati sekeibwe. 4Er Iya Erebdobnyi, imtam yin doun nang sienyi biryi ato ebdeibwe. A kerek sengna ara Niryi a mutuk dam asi dobkwetebse. Ba, Ni si deici aryi urana uram ara tola uram eboka kunurdeiramingnyi nang ai umbura dam wengyankwande. Ani, a urana uram asi sun ai umbura dam mabokabdiryi co babyi keil babyi nirya obminikwande,’ ebmar asi kekebman,” eboka nukmou.
Zakharia biryi liki tabaryi dinyi eibmou kunumna ara ner tentok asi tower aling umbura wekmou asi eibmou uram deyok
5:5-11
5Zakharia biryi kunumna liki tabaryi dinyi eibmouci, nukmou ara ato. “Ni ab tonkwa uram sisingmanoumwe uram eryuryangananyi tubto lak kibdanmar ura, nisi ato ebmar, ‘A dirandum. A anamyankwamar keica ara unatoa anabkwamar asi ebkwamarim,’ eboka arukmanir. 6Ura, niryi ersi, ‘Ara, unatoa da?’ eboka asibdenman. Uca, erci, ‘A anabmar keica si ara, tower aling,’ ebmar. Ura, erci tubto, ‘Ara, im dangna mutuk tukwe dangna mutuk yu dinyi kununga ati kiklibdeibmar dinyi asi eibmarim,’ ebmar. 7Ura, niryi diran uca, a tower aling bublan tirikna kukeibde asi ner tentok a tower aling umbura bukmar asing eibman. 8Ura, uram eryuryangananyi biryi, ‘Ara, Er Imtamnyi uram asi diboka kununa kum dinyi ati kikliboka kunubdeibmar,’ ebmar. Ura, erci a ner asi tubto a tower aling umbura dokdonokde ura, keil si timah dobtaleboka a tower aling bublan tirikna sibarya tam asi takdongobmar. 9Ura, niryi asing donokoka diran uca, nerabwe bitinyi sun ol asi kumwe aryi urdonongmar. Ba, ni tam urasin deiboka langlang eryanganmaring asi eibman. A nerabwe sun ol mikib ara maka okbayol langlang eryibaranto to kuboka langlang eryanganmaring. Akiryi sun bitinyi nerabwe aryi a tower aling doboka bobding ura, im kan tukwe kan asi langlang erbinmaring asi eibman. 10Ura, niryi ni ab tonkwa uram sisingmanim Malaikat bisi, ‘A tower aling bobanmaring ara dantam bobinkwamaring ati bobanmaring do?’ eboka asibdenman. 11Uca, erci nisi ato eboka uram dekeibmanir, ‘Ara, sunci Sinear ebok Babel ebok kimnung mutuk asi a ner ati ai dobdeibkwamaringci bobanmaring. Atei sirya dobdeibdingnyi ura, a ner ara a dobdeibmaringnyi ai umbura kaibkwanding ba, a kuronkwande ati bobanmaring,’ ebmar,” eboka nukmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)