Bilangan Uram 8
8
Er Iya Erebdobnyi ai berengna uk ubna yabla uram deyok
8:1-4
(Kel. 25:31-40; 37:17-24; Im. 24:1-4)
1Er Iya Erebdobnyi biryi Musa bisi ato ebmou, 2“Harun bisi ato ebdum, ‘Uk ubna tabaryi abdeibnin yibinkwandum. Ura, a abdeibmaminyi uk ubna aryok roti kwaning deirin lamna ab, tong teleb co yung deirin lamna ab nirya berekwandur,’ ebdum,” ebmou. 3Ura, Er Iya Erebdobnyi biryi Musa dam ebdeibmou to kuboka Harun biryi uk ubna abdeibnin yibinmou. 4Uk dana deibnin yibinmou ai ara emas keil aryi keil teikoka kibnibnin yibinamnyi. Ara, uk ubna yabla aryi kuboka uk ubna taruk aryi co keta ababyi emas keil aryi kikniboka deiamnyi. Ara, Er Iya Erebdobnyi biryi Musa dam ebdeiamwe to kuboka kikniamnyi.
Lewi yala nang wa tikeibmai deyok uram
8:5-22
5Er Iya Erebdobnyi biryi Musa bisi ato ebmou. 6“Israel nang kankan dam aryi Lewi yala nang yuk wibdum. Ba, sunci Er Iya Erebdobnyi ai wa irmilin nang kibkwaming ati, me ilikdob nang ato kibdeibdum. 7Sirya ilikdeibminyi ura, ato kubkwandum, ‘Sun malyi kun dinyi kilina ati me asok dikoka akwandum. Ura, Lewi yala nang asi sun nong otong nirya kurubkabmunci sun ongon aling nirya me ilikdarur,’ ebkwandum. Ato kubmangnyi deyok aryi sunda beterdongona kum ninyi kibkwande. 8Sirya ura, sun Lewi yala nang aryi bisam sapi yim ukuryok neblobmaci asi oboka dama deirin dinyi ab, yina-yina dama deirin dinyi ati roti kwaning kiknina tepung tong teleb en dinyi lubmangnyi dinyi ab, boyankwanung. Ani, Musa kanci sun Lewi yala nang malyi kun dinyi kilina ati yuk yim bisam sapi ukuryok neblobmaci asi boyankwandum. 9Ura, sun Israel nang nirya naboka bulubdeibkwandum. Ura, Lewi yala nang ara Kemah Suci ai dam tikeibkwandum. 10Ba, Lewi yala nang Ni Iya Erebdobnyi dam yangnyi ura, sun Israel nang nirya ara Lewi yala nang kisok dub taruk deibkwanung. 11Ura, Harun biryi Lewi yala nang asi Israel nang ati Ni Iya Erebdobnyi biti amuboka dama deibkwanurur. Ato kubmaci deyok aryi sunda Ni Iya Erebdobnyi ai wa irmilin nang kibkwaming. 12Ura, Lewi yala nang aryi bisam sapi yim ukuryok neblobmaci bisam bitinyi kisok dub taruk deibdongobkwanung. Ura, ton bisam sapi yim ara Er Iya Erebdobnyi biti dama deiboka nong nirya uk dabkwanung. Ba, ton bisam sapi yim ara oboka sun malyi kun dinyi kilina ati dama deibkwanung. Ato kubmangnyi deyok aryi sun malyi kuramingnyi dinyi kilibkwande. 13Ba, Lewi yala nang ara Harun ab, er mabwe ab urasin dam tingdeiryankwandum. Ba, sunsi Ni Iya Erebdobnyi bisi amuboka karebkwanurum.
14Ato kubmaminyi deyok aryi Lewi yala nang ara Israel yala nang dam aryi wibdobkwaming. Ba, sun Lewi yala nang ara Ni Imtamnyi mabwe kibkwaming. 15Sirya ato kubminyi ura, sun Lewi yala nang ara Ni Imtamnyi ai Kemah Suci ai umbura wa ur ibkwaming. 16Ura, sun Lewi yala nang ara Ni Imtamnyi biti karebnindau. Ba, sunsi Israel yala nang du deinung mabwe ati, unuboka, ‘Lewi yala nang asi du mabwe,’ tenen wibse. Ati, sun Lewi yala nang ara Ni Imtamnyi dinyi. 17Ura, Niryi Mesir mutuk ninyi sun yuma mabwe obmaminyi talak aryi Israel yuma mabwe wibdeibse. Ati, sun Israel nang yuma mundu boboka mabwe deibkwandum babyi, sun winin dinyi yuma mi deibkwanduma babyi ara wiboka Niti karebkwanindarur. 18A deyok aryi sun Lewi yala nang ara a yuma mabwe unubman. 19Ba, Israel nang kankan dam aryi Lewi yala nang asi Harun ab, er mabwe ab taruk dam dobkarebman. Ba, sun Lewi yala nang aryi Kemah Suci ai wa inkwaming. Ani, sun Lewi yala nang aryi Israel yala nang nirya antaniboka Ni Imtamnyi dam kibdeibkwaming. Akiryi Israel nang ara Ni Imtamnyi dinyi beterdongona mem dinyi dam yangnyi ababyi sunsi ikin dinyi karena kum kubkwan,” ebmou.
20Ura, Musa ab, Harun ab, Israel nang nirya ab aryi Er Iya Erebdobnyi ebdeibmou to kuboka kubmai. Ara, Lewi yala nang asi Er Iya Erebdobnyi biti dama deiboka karebmai. 21Ura, Lewi yala nang ara me kekeboka sun ongon aling ababyi ilikmaici, betebdongobdanmai dinyi kilibdanmai. Ura, Harun biryi Lewi yala nang asi Er Iya Erebdobnyi biti amuboka dama deibmou. Ani, Er Imtamnyi dam antanibdeibmouci, Kemah Suci wa ina ati kikiman kibdeibmou. 22Ura, Lewi yala nang Er Iya Erebdobnyi ai Kemah Suci ai umbura wengbinmaici, wa ibkalibmai. Bok, a wa ibkalibmai ababyi Harun ab, er mabwe ab aryi kalikmai. Ara, Er Iya Erebdobnyi biryi Musa dam ebdeibmou to kuboka kunubmai. Ato kuboka Lewi yala nang asi ukubmai.
Lewi yala nang yuma kobdob wa don talak aryi kuboka sirya irban talak uram deyok
8:23-26
23Er Iya Erebdobnyi biryi Musa bisi ato ebmou. 24“Lewi yala nang aryi ato kunkwanung. Kwalina 25 baryi kubmaci nang ara Kemah Suci ai umbura wa ibkwanung. 25Bok, kwalina 50 baryi kimbinmaci nang ara Ni Imtamnyi ai wa iranci dinyi ara deiblobkwandur. 26Ura, anyi biryi wa ininto ara Lewi yala bok, er weit yabwe Lewi yala nang aryi Ni Imtamnyi ai wa iramingnyi nang asi ur milibkwandur. Bok, anyi bira er wa yuk ina ara kum kubkwande. Musa kanci ato kuboka sun Lewi yala nang asi wa karebkwandum,” ebmou.
Currently Selected:
Bilangan Uram 8: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 8
8
Er Iya Erebdobnyi ai berengna uk ubna yabla uram deyok
8:1-4
(Kel. 25:31-40; 37:17-24; Im. 24:1-4)
1Er Iya Erebdobnyi biryi Musa bisi ato ebmou, 2“Harun bisi ato ebdum, ‘Uk ubna tabaryi abdeibnin yibinkwandum. Ura, a abdeibmaminyi uk ubna aryok roti kwaning deirin lamna ab, tong teleb co yung deirin lamna ab nirya berekwandur,’ ebdum,” ebmou. 3Ura, Er Iya Erebdobnyi biryi Musa dam ebdeibmou to kuboka Harun biryi uk ubna abdeibnin yibinmou. 4Uk dana deibnin yibinmou ai ara emas keil aryi keil teikoka kibnibnin yibinamnyi. Ara, uk ubna yabla aryi kuboka uk ubna taruk aryi co keta ababyi emas keil aryi kikniboka deiamnyi. Ara, Er Iya Erebdobnyi biryi Musa dam ebdeiamwe to kuboka kikniamnyi.
Lewi yala nang wa tikeibmai deyok uram
8:5-22
5Er Iya Erebdobnyi biryi Musa bisi ato ebmou. 6“Israel nang kankan dam aryi Lewi yala nang yuk wibdum. Ba, sunci Er Iya Erebdobnyi ai wa irmilin nang kibkwaming ati, me ilikdob nang ato kibdeibdum. 7Sirya ilikdeibminyi ura, ato kubkwandum, ‘Sun malyi kun dinyi kilina ati me asok dikoka akwandum. Ura, Lewi yala nang asi sun nong otong nirya kurubkabmunci sun ongon aling nirya me ilikdarur,’ ebkwandum. Ato kubmangnyi deyok aryi sunda beterdongona kum ninyi kibkwande. 8Sirya ura, sun Lewi yala nang aryi bisam sapi yim ukuryok neblobmaci asi oboka dama deirin dinyi ab, yina-yina dama deirin dinyi ati roti kwaning kiknina tepung tong teleb en dinyi lubmangnyi dinyi ab, boyankwanung. Ani, Musa kanci sun Lewi yala nang malyi kun dinyi kilina ati yuk yim bisam sapi ukuryok neblobmaci asi boyankwandum. 9Ura, sun Israel nang nirya naboka bulubdeibkwandum. Ura, Lewi yala nang ara Kemah Suci ai dam tikeibkwandum. 10Ba, Lewi yala nang Ni Iya Erebdobnyi dam yangnyi ura, sun Israel nang nirya ara Lewi yala nang kisok dub taruk deibkwanung. 11Ura, Harun biryi Lewi yala nang asi Israel nang ati Ni Iya Erebdobnyi biti amuboka dama deibkwanurur. Ato kubmaci deyok aryi sunda Ni Iya Erebdobnyi ai wa irmilin nang kibkwaming. 12Ura, Lewi yala nang aryi bisam sapi yim ukuryok neblobmaci bisam bitinyi kisok dub taruk deibdongobkwanung. Ura, ton bisam sapi yim ara Er Iya Erebdobnyi biti dama deiboka nong nirya uk dabkwanung. Ba, ton bisam sapi yim ara oboka sun malyi kun dinyi kilina ati dama deibkwanung. Ato kubmangnyi deyok aryi sun malyi kuramingnyi dinyi kilibkwande. 13Ba, Lewi yala nang ara Harun ab, er mabwe ab urasin dam tingdeiryankwandum. Ba, sunsi Ni Iya Erebdobnyi bisi amuboka karebkwanurum.
14Ato kubmaminyi deyok aryi Lewi yala nang ara Israel yala nang dam aryi wibdobkwaming. Ba, sun Lewi yala nang ara Ni Imtamnyi mabwe kibkwaming. 15Sirya ato kubminyi ura, sun Lewi yala nang ara Ni Imtamnyi ai Kemah Suci ai umbura wa ur ibkwaming. 16Ura, sun Lewi yala nang ara Ni Imtamnyi biti karebnindau. Ba, sunsi Israel yala nang du deinung mabwe ati, unuboka, ‘Lewi yala nang asi du mabwe,’ tenen wibse. Ati, sun Lewi yala nang ara Ni Imtamnyi dinyi. 17Ura, Niryi Mesir mutuk ninyi sun yuma mabwe obmaminyi talak aryi Israel yuma mabwe wibdeibse. Ati, sun Israel nang yuma mundu boboka mabwe deibkwandum babyi, sun winin dinyi yuma mi deibkwanduma babyi ara wiboka Niti karebkwanindarur. 18A deyok aryi sun Lewi yala nang ara a yuma mabwe unubman. 19Ba, Israel nang kankan dam aryi Lewi yala nang asi Harun ab, er mabwe ab taruk dam dobkarebman. Ba, sun Lewi yala nang aryi Kemah Suci ai wa inkwaming. Ani, sun Lewi yala nang aryi Israel yala nang nirya antaniboka Ni Imtamnyi dam kibdeibkwaming. Akiryi Israel nang ara Ni Imtamnyi dinyi beterdongona mem dinyi dam yangnyi ababyi sunsi ikin dinyi karena kum kubkwan,” ebmou.
20Ura, Musa ab, Harun ab, Israel nang nirya ab aryi Er Iya Erebdobnyi ebdeibmou to kuboka kubmai. Ara, Lewi yala nang asi Er Iya Erebdobnyi biti dama deiboka karebmai. 21Ura, Lewi yala nang ara me kekeboka sun ongon aling ababyi ilikmaici, betebdongobdanmai dinyi kilibdanmai. Ura, Harun biryi Lewi yala nang asi Er Iya Erebdobnyi biti amuboka dama deibmou. Ani, Er Imtamnyi dam antanibdeibmouci, Kemah Suci wa ina ati kikiman kibdeibmou. 22Ura, Lewi yala nang Er Iya Erebdobnyi ai Kemah Suci ai umbura wengbinmaici, wa ibkalibmai. Bok, a wa ibkalibmai ababyi Harun ab, er mabwe ab aryi kalikmai. Ara, Er Iya Erebdobnyi biryi Musa dam ebdeibmou to kuboka kunubmai. Ato kuboka Lewi yala nang asi ukubmai.
Lewi yala nang yuma kobdob wa don talak aryi kuboka sirya irban talak uram deyok
8:23-26
23Er Iya Erebdobnyi biryi Musa bisi ato ebmou. 24“Lewi yala nang aryi ato kunkwanung. Kwalina 25 baryi kubmaci nang ara Kemah Suci ai umbura wa ibkwanung. 25Bok, kwalina 50 baryi kimbinmaci nang ara Ni Imtamnyi ai wa iranci dinyi ara deiblobkwandur. 26Ura, anyi biryi wa ininto ara Lewi yala bok, er weit yabwe Lewi yala nang aryi Ni Imtamnyi ai wa iramingnyi nang asi ur milibkwandur. Bok, anyi bira er wa yuk ina ara kum kubkwande. Musa kanci ato kuboka sun Lewi yala nang asi wa karebkwandum,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)