Bilangan Uram 6
6
Er Iya Erebdobnyi dam kuboka wa in nang si nazir nang ati yan memebdeibmou uram deyok
6:1-21
1Er Iya Erebdobnyi biryi Musa bisi ato ebmou, 2“Sun Israel nang asi, ‘Ato kubdarur,’ eboka yan memebdeibdum, ‘Ara, sal kum ner kum aryi, “Er Iya Erebdobnyi dam kuboka wa ibkwan,” eboka iya dib uram aryi ebkwandur. Ara, nazar uram talak ebkwandur. 3#Luk. 1:15Ato ebci ura, nazirnyi kum, nazir ner kum kiboka anggur me ab, walina talen me ab, anggur me yung aryi kikniramingnyi me ab, anggur du ukuryok dakmangnyi dinyi ab, tumakanci anggur du ab ara yina mem! 4Ba, Er Iya Erebdobnyi dam kuboka Er wa ibkwamaci talak nirya ara anggur du ab, kala ab nirya ara yina mem! 5Ani, Er Iya Erebdobnyi dam kuranci ura, kisok otong kurukoka dilo kimdeirdana mem! Ban otong ababyi deibloanci ba, cang kibkwandur. Ukubde kuranci tok ani, sirya Er Iya Erebdobnyi biryi ebdeianci uki sirya kubci ura, kukwandur. 6Er Iya Erebdobnyi dam kuranci bok, ninyi dibmangnyi ura, a tukwi deibmangnyi dam dirbana mem! 7Ara, er nai kum, er kwin kum, er weit ner kum, er weit sal kum dibmangnyi ababyi dirbana mem! Dirbinmaci ura, erbiramnyi betebdongobdankwande. A dirbinmaci ura, er otong cang aryi anyi bira nazirnyi kubmaci ara lak kiboka erbiramnyi betebdongobkwande ati ebman.
8Erci, “Er Iya Erebdobnyi dam kuboka wa ibkwan,” eranci talak nirya ara iya lek akwe kubkwandur. 9Bok, ninyi lukdandoka dam a dibci ba, asing eibci ura, er otong ara uki tabaryi tum aryi kukwandur. 10Ba, uki inbaryi tum ara maka emnanyi bitinyi kum, maka tekukur bitinyi kum boboka Er Iya Erebdobnyi ai wa inanyi imam bisi Kemah Suci ai bisik bublan dam bobinkwandur. 11Ura, imam biryi ton maka ara a bobinmarinyi biryi ninyi lukdandoka dibmangnyi nang eibmaci ba, betebdongobdanmaci dinyi ati kilin maka kibkwandur. Ba, ton maka ara a betebdongobdanmaci dinyi ati nong nirya dama deiboka uk dabkwandur. Ura, a uki tum aryok er otong ara takloande ba, ilinto kibkwandur. Ura, Er Iya Erebdobnyi dam akwe kubkwandur. 12Ba, anyi bira tubto, “Er Iya Erebdobnyi dam kuboka wa ibkwan,” eboka uram talak ebdeibkwandur. Erci bisam domba mi kwalina tentok kubmaci bisam asi er malyi kun dinyi kilina ati boyankwandur.
13Ura, Er Iya Erebdobnyi dam kuboka wa ina uki sirya bisibci ura, anyi bira Kemah Suci ai bisik bublan dam bobinkwanung. 14Ba, anyi biryi Er Iya Erebdobnyi biti nong nirya dama deiboka uk dan yim bisam domba kwalina uki tentok kubmaci bisam domba boyankwandur. Tonda, ner bisam domba kwalina uki tentok kubmaci bisam ara er malyi kun dinyi kilina ati dama deibkwamaci ati boyankwandur. Tonda, Er Imtamnyi ab antanina dama deibkwamaci ati yim bisam domba boyankwandur. Ba, a boyanmaci bisam winiryi nirya ara nong bol tungdena kum kubmaci bisam akwe boyankwandur. 15Ani, bungbung ena dongona kum roti kwaning ab, minyak zaitun dongobmangiryi iniboka kisoka nun kiknibmangnyi roti kwaning ab, zaitun du yung lubmangnyi ilil roti ab, yina-yina dinyi ati Er Imtamnyi biti, “Ni Nai, Ni babya,” eboka dama deirin dinyi ab, anggur du me lingdongon dama dinyi ab boyankwandur. 16Ba, a boyanmaci dinyi nirya ara Er Imtamnyi biti dama deirinanyi si imam biryi Er Iya Erebdobnyi dam boyankwandur. Ura, obokabdiryi, ton domba bisam ner ara malyi kun dinyi kilin dinyi ati dama deibkwandur. Ba, ton bisam domba yim ara nong nirya uk dan ati dama deibkwandur. 17Ba, bisam domba winiryi dinyi ab, bungbung ena dongona kum roti kwaning ab ara Er Imtamnyi ab antanin dinyi ati dama deibkwandur. Ani, yina dama deirin dinyi ab, anggur me dama deirin dinyi ab ati er imam biryi dama deiboka Er Iya Erebdobnyi bisi karebkwandur. 18Ura, a dama bobinmarinyi otong ara Kemah Suci ai bisik bublan dam bindoka kukwandur. Ba, a kukmaci otong ara Er Iya Erebdobnyi dam kimna ati bisam dama deibmariba, uk dabmangnyi deici uk dongobkwandur. 19Sirya dongobci ura, a dama deibmaci bisam domba dinatam yubmangnyi taruk doboka bungbung ena dongona kum roti kwaning kisok inibmangnyi ab, ila nun inibmangnyi roti kwaning ab doboka Er Iya Erebdobnyi dam uram talak eandinyi taruk te tang deici deibkwandur. 20Ura, imam besar Harun biryi a yina ara Er Iya Erebdobnyi biti amuboka karebkwandur. A yina ara beterdongona mem yina ati imam nang dinyi kibkwandur. Ba, a domba bisam mundu ab, dinatam yan ababyi ara ato kubkwandum ebdeibwe to kuboka kubkwandur. Sirya ura, a bobinmarinyi bira anggur me ur yibkwandur.
21Ara, Er Iya Erebdobnyi bisi iya dib uram aryi, “Iya Erebdobnyi wa iboka ato dama deibkwaman,” dama deibkwamangnyi nang yan memen dinyi ati yan memebdeibwe. Bok, yuk dinyi ati ilinto dama deirbinkwamaci ura, “Ato-ato kubkwandarur,” eboka yan memebdeibwe to kuboka dama deibkwandarur,’ ebdeibdum.” Ato kuboka Er Imtamnyi biryi Musa dam ebmou to kuboka Musa biryi Harun bisi ebmou.
Kisal dangni dinyi doron uram deyok
6:22-27
22Er Iya Erebdobnyi biryi Musa bisi ato eboka uram ebdeibmou, 23“Er Iya Erebdobnyi biti ninyi dama deirin nang sienyi Harun ab, er mabwe ab asi ato ebdum, ‘Sunci Israel yala nang asi kisal dangni dinyi karebkwamangnyi ura, a uram asi ebkwanung,
24“Er Iya Erebdobnyi biryi sunsi kisal dakoka kalingsina teleb.
25Nun Nai Er Iya Erebdobnyi sunti, ‘Ni mabwe nermabwe,’ tenen berengdeirisina teleb.
26Nun nai Er Iya Erebdobnyi biryi sunsi berekeiboka antanirdeirisina dinyi teleb,”
ebkwandarur,’ ebdum.
27Ato eboka Harun ab, er mabwe ab aryi, Ni si asi Israel yala nang dam deibingnyi ura, Niryi sunsi kisal dangni dinyi karebkwan,” ebmou.
Currently Selected:
Bilangan Uram 6: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 6
6
Er Iya Erebdobnyi dam kuboka wa in nang si nazir nang ati yan memebdeibmou uram deyok
6:1-21
1Er Iya Erebdobnyi biryi Musa bisi ato ebmou, 2“Sun Israel nang asi, ‘Ato kubdarur,’ eboka yan memebdeibdum, ‘Ara, sal kum ner kum aryi, “Er Iya Erebdobnyi dam kuboka wa ibkwan,” eboka iya dib uram aryi ebkwandur. Ara, nazar uram talak ebkwandur. 3#Luk. 1:15Ato ebci ura, nazirnyi kum, nazir ner kum kiboka anggur me ab, walina talen me ab, anggur me yung aryi kikniramingnyi me ab, anggur du ukuryok dakmangnyi dinyi ab, tumakanci anggur du ab ara yina mem! 4Ba, Er Iya Erebdobnyi dam kuboka Er wa ibkwamaci talak nirya ara anggur du ab, kala ab nirya ara yina mem! 5Ani, Er Iya Erebdobnyi dam kuranci ura, kisok otong kurukoka dilo kimdeirdana mem! Ban otong ababyi deibloanci ba, cang kibkwandur. Ukubde kuranci tok ani, sirya Er Iya Erebdobnyi biryi ebdeianci uki sirya kubci ura, kukwandur. 6Er Iya Erebdobnyi dam kuranci bok, ninyi dibmangnyi ura, a tukwi deibmangnyi dam dirbana mem! 7Ara, er nai kum, er kwin kum, er weit ner kum, er weit sal kum dibmangnyi ababyi dirbana mem! Dirbinmaci ura, erbiramnyi betebdongobdankwande. A dirbinmaci ura, er otong cang aryi anyi bira nazirnyi kubmaci ara lak kiboka erbiramnyi betebdongobkwande ati ebman.
8Erci, “Er Iya Erebdobnyi dam kuboka wa ibkwan,” eranci talak nirya ara iya lek akwe kubkwandur. 9Bok, ninyi lukdandoka dam a dibci ba, asing eibci ura, er otong ara uki tabaryi tum aryi kukwandur. 10Ba, uki inbaryi tum ara maka emnanyi bitinyi kum, maka tekukur bitinyi kum boboka Er Iya Erebdobnyi ai wa inanyi imam bisi Kemah Suci ai bisik bublan dam bobinkwandur. 11Ura, imam biryi ton maka ara a bobinmarinyi biryi ninyi lukdandoka dibmangnyi nang eibmaci ba, betebdongobdanmaci dinyi ati kilin maka kibkwandur. Ba, ton maka ara a betebdongobdanmaci dinyi ati nong nirya dama deiboka uk dabkwandur. Ura, a uki tum aryok er otong ara takloande ba, ilinto kibkwandur. Ura, Er Iya Erebdobnyi dam akwe kubkwandur. 12Ba, anyi bira tubto, “Er Iya Erebdobnyi dam kuboka wa ibkwan,” eboka uram talak ebdeibkwandur. Erci bisam domba mi kwalina tentok kubmaci bisam asi er malyi kun dinyi kilina ati boyankwandur.
13Ura, Er Iya Erebdobnyi dam kuboka wa ina uki sirya bisibci ura, anyi bira Kemah Suci ai bisik bublan dam bobinkwanung. 14Ba, anyi biryi Er Iya Erebdobnyi biti nong nirya dama deiboka uk dan yim bisam domba kwalina uki tentok kubmaci bisam domba boyankwandur. Tonda, ner bisam domba kwalina uki tentok kubmaci bisam ara er malyi kun dinyi kilina ati dama deibkwamaci ati boyankwandur. Tonda, Er Imtamnyi ab antanina dama deibkwamaci ati yim bisam domba boyankwandur. Ba, a boyanmaci bisam winiryi nirya ara nong bol tungdena kum kubmaci bisam akwe boyankwandur. 15Ani, bungbung ena dongona kum roti kwaning ab, minyak zaitun dongobmangiryi iniboka kisoka nun kiknibmangnyi roti kwaning ab, zaitun du yung lubmangnyi ilil roti ab, yina-yina dinyi ati Er Imtamnyi biti, “Ni Nai, Ni babya,” eboka dama deirin dinyi ab, anggur du me lingdongon dama dinyi ab boyankwandur. 16Ba, a boyanmaci dinyi nirya ara Er Imtamnyi biti dama deirinanyi si imam biryi Er Iya Erebdobnyi dam boyankwandur. Ura, obokabdiryi, ton domba bisam ner ara malyi kun dinyi kilin dinyi ati dama deibkwandur. Ba, ton bisam domba yim ara nong nirya uk dan ati dama deibkwandur. 17Ba, bisam domba winiryi dinyi ab, bungbung ena dongona kum roti kwaning ab ara Er Imtamnyi ab antanin dinyi ati dama deibkwandur. Ani, yina dama deirin dinyi ab, anggur me dama deirin dinyi ab ati er imam biryi dama deiboka Er Iya Erebdobnyi bisi karebkwandur. 18Ura, a dama bobinmarinyi otong ara Kemah Suci ai bisik bublan dam bindoka kukwandur. Ba, a kukmaci otong ara Er Iya Erebdobnyi dam kimna ati bisam dama deibmariba, uk dabmangnyi deici uk dongobkwandur. 19Sirya dongobci ura, a dama deibmaci bisam domba dinatam yubmangnyi taruk doboka bungbung ena dongona kum roti kwaning kisok inibmangnyi ab, ila nun inibmangnyi roti kwaning ab doboka Er Iya Erebdobnyi dam uram talak eandinyi taruk te tang deici deibkwandur. 20Ura, imam besar Harun biryi a yina ara Er Iya Erebdobnyi biti amuboka karebkwandur. A yina ara beterdongona mem yina ati imam nang dinyi kibkwandur. Ba, a domba bisam mundu ab, dinatam yan ababyi ara ato kubkwandum ebdeibwe to kuboka kubkwandur. Sirya ura, a bobinmarinyi bira anggur me ur yibkwandur.
21Ara, Er Iya Erebdobnyi bisi iya dib uram aryi, “Iya Erebdobnyi wa iboka ato dama deibkwaman,” dama deibkwamangnyi nang yan memen dinyi ati yan memebdeibwe. Bok, yuk dinyi ati ilinto dama deirbinkwamaci ura, “Ato-ato kubkwandarur,” eboka yan memebdeibwe to kuboka dama deibkwandarur,’ ebdeibdum.” Ato kuboka Er Imtamnyi biryi Musa dam ebmou to kuboka Musa biryi Harun bisi ebmou.
Kisal dangni dinyi doron uram deyok
6:22-27
22Er Iya Erebdobnyi biryi Musa bisi ato eboka uram ebdeibmou, 23“Er Iya Erebdobnyi biti ninyi dama deirin nang sienyi Harun ab, er mabwe ab asi ato ebdum, ‘Sunci Israel yala nang asi kisal dangni dinyi karebkwamangnyi ura, a uram asi ebkwanung,
24“Er Iya Erebdobnyi biryi sunsi kisal dakoka kalingsina teleb.
25Nun Nai Er Iya Erebdobnyi sunti, ‘Ni mabwe nermabwe,’ tenen berengdeirisina teleb.
26Nun nai Er Iya Erebdobnyi biryi sunsi berekeiboka antanirdeirisina dinyi teleb,”
ebkwandarur,’ ebdum.
27Ato eboka Harun ab, er mabwe ab aryi, Ni si asi Israel yala nang dam deibingnyi ura, Niryi sunsi kisal dangni dinyi karebkwan,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)