Bilangan Uram 33
33
Israel nang Mesir aryi kuboka Moab mutuk binamnyi uram deyok
33:1-49
1Ura, Israel nang Mesir mutuk aryi deiblobmaici, sun yala yuk-yuk Musa ab, Harun ab aryi boboka a mutuk bindoka kunman ani, o mutuk bindoka kurabni ani, kibde baramnyi. 2Ura, Er Iya Erebdobnyi biryi Musa bisi, “Israel nang mabde baramnyi mutuk ab, atei ab nirya kerek sekwandum,” eboka arukmou. 3Ura, “Israel nang Mesir mutuk atei si Rameses aryi anabmai wala ara yuma wala tanggal 15 baryi anabmai. A anabmai uki tum ara weik uki tum si Paskah tum bisibmaici, anabmai. Ura, Er Iya Erebdobnyi biryi dibliliboka kalikmou deici aryi Mesir atei deiblobmaici anabdobmai. Ba, Mesir atei kuramnyi ninyi nirya ababyi Israel nang anabdobmai dinyi nirya asing eibmai. 4Israel nang anabmai talak ara Mesir atei nang ara Er Iya Erebdobnyi mikib aryi Mesir atei nang yuma deiamnyi mabwe nirya obmou ba, tukwe dongonmai talak aryi anabdobmai. Ara, Er Iya Erebdobnyi mikib lak kibmouci, Mesir nang moloramnyi kwemdeina weneboka malyi kibdeibmou. 5Ura, Israel nang Mesir weik atei Rameses aryi anabdobmaici, Sukot atei bindoka keis ol ai doboka mabmai. 6Sukot atei aryi anabdobnyi ura, yini mutuk kubkub kuramwe atei si Etam bindoka keis ol ai dobmaici, kunmai. 7Etam atei aryi anabdobnyi ura, tamuboka Pi-Hahirot atei Baal-Zefon atei yaletam kuboka Migdol atei dam bindoka kunmai. 8Ura, Pi-Hahirot mutuk aryi anabdobyi ura, weik me kwan si Laut Teberau dingiamwe kouboka yini mutuk si Etam binmai. Ani, uki winiryi bisik dam mabde baramnyi ani, Mara mutuk bindoka keis ol ai dobmai. 9Mara mutuk aryi anabdobnyi ura, Elim mutuk binmai. A mutuk ara me u amolbaryi anaamwe. Tonda, a mutuk dam ara yin co du si kurma 70 baryi tikamwe. 10Elim aryi anabdobyi ura, Laut Teberau dingiamwe kubkub mutuk bindoka keis ol ai dobmai. 11Teberau aryi anabdobnyi ura, yini mutuk si Sin dam bindoka ai dobmai. 12Sin mutuk aryi anabdobnyi ura, Dofka mutuk ai bindoka dobmai. 13Dofka aryi anabdobyi ura, Alus mutuk bindoka ai dobmai. 14Alus aryi anabdobnyi ura, Rafidim mutuk bindoka ai dobmai. A mutuk ara me iya kum mutuk asi binmaici, ai dobmai. 15Rafidim mutuk aryi anabdobnyi ura, Sinai mutuk kon dam bindoka ai dobmai. 16Sinai mutuk kon dam aryi anabdobnyi ura, Kibrot-Taawa mutuk bindoka ai dobmai. 17Kibrot-Taawa aryi anabdobyi ura, Hazerot mutuk bindoka ai dobmai. 18Hazerot aryi anabdobnyi ura, Ritma atei bindoka ai dobmai. 19Ritma mutuk aryi anabdobnyi ura, Rimon-Peros mutuk bindoka ai dobmai. 20Rimon-Peros aryi anabdobnyi ura, Libna mutuk bindoka ai dobmai. 21Libna aryi anabdobnyi ura, Risa mutuk bindoka ai dobmai. 22Risa mutuk aryi anabdobyi ura, Kehelata mutuk bindoka ai dobmai. 23Kehelata mutuk dam aryi anabdobnyi ura, Har-Syafer mutuk bindoka ai dobmai. 24Har-Syafer mutuk aryi anabdobyi ura, Harada mutuk bindoka ai dobmai. 25Harada mutuk dam aryi anabdobnyi ura, Makhelot mutuk bindoka ai dobmai. 26Makhelot mutuk aryi anabdobmaici, Tahat mutuk bindoka ai dobmai. 27-37Ani, anda mutuk asi bindoka ai dobni ani, dakoka bobnaryi o mutuk bindoka ai doramnyi. Ara, anda mutuk asi kubde baramnyi ara Tarah mutuk ab, Mitka mutuk ab, Hasmona mutuk ab, Moserot mutuk ab, Bene-Yaakan mutuk ab, Hor-Gidgad mutuk ab, Yotbata mutuk ab, Abrona mutuk ab, Ezion-Geber mutuk ab, yini mutuk Zin dam Kadesh mutuk ab, ai dobnin yangaramnyi ani, Edom mutuk wiliba mutuk dam Hor mutuk kon dam bindoka keis ol ai doamnyi.
38Ura, Er Iya Erebdobnyi biryi Harun bisi, ‘Hor mutuk kon dub welebirum,’ ebmou. Ura, Harun bira Hor mutuk kon dub dibmou. A dibmou uki ara Israel nang Mesir atei aryi anaboka bisik dam yangaramnyi ani, kwalina uki 40 baryi wengbinmaici, amubaryi wala dobmouci, tanggal satu kubmou uki tum aryi dibmou. 39Ba, Harun er kun uki kwalina nungna ara 123 baryi kurbinmou ura, Hor mutuk kon dub dibmou.
40A talak ara Kanaan mutuk me youkwetam Negeb mutuk kuboka Arad atei weik sienyi Kanaan yalanyi bira, ‘Israel nang yanganung,’ ena uram kekebmou.
41Ura, Israel nang Hor mutuk kon dam aryi anabdobmaici, Zalmona mutuk bindoka keis ol ai dobmai. 42Zalmona mutuk aryi anabdobmaici, Funon mutuk bindoka ai dobmai. 43Funon mutuk aryi anabdobyi ura, Obot mutuk bindoka ai dobmai. 44Obot mutuk aryi anabdobyi ura, keil bobde yamuramnyi mutuk Moab mutuk bok, Abarim atei bindoka ai dobmai. 45Keil yamuramnyi mutuk aryi anabdobyi ura, Dibon-Gad mutuk bindoka ai dobmai. 46Dibon-Gad mutuk aryi anabdobyi ura, Almon-Diblataim bindoka ai dobmai. 47Almon-Diblataim aryi anabdobyi ura, Abarim mutuk kon Nebo atei dam bindoka ai dobmai. 48Abarim mutuk aryi anabdobyi ura, Moab mutuk lu bok, Yordan me yibinamwe dam Yerikho atei dam bindoka ai dobmai. 49Ani, Moab mutuk lu bok, me Yordan yibinamwe dam aryi Bet-Yesimot atei dam kuboka Abel-Sitim atei dam bindoka keis ol ai dobde kuramnyi.” Ato kuboka Israel nang mabde yanamnyi to ati Musa biryi kerek sekmou.
Me Yordan kouboka Kanaan mutuk wengbinkwamai ati yan memebdeibmou uram deyok
33:50-56
50Ura, Moab mutuk lu bok, me Yordan yibinamwe kubkub, Yerikho atei dam kunmai talak aryi Er Iya Erebdobnyi biryi Musa bisi ato ebmou. 51“Israel nang asi ato ebdum, ‘Me Yordan kouboka Kanaan mutuk wengbinkwamarum. 52Ati, Kanaan mutuk kunung nang nirya oboka yakdonokwandarur. Ani, sun kwemdeina logam aryi kiknibyi dinyi ab, keil aryi kiknibyi dinyi ab, sun kwemdeina mutuk kon dub aryi dama deiboka molonung ai ab nirya daluboka uk dabkwandarur. 53A mutuk tukwe ara Ni Iya Erebdobnyi biryi sunti nuksise mutuk. Ati, sunci a mutuk bindoka nirya arabdobmunci sun mutuk kibdarur. 54Ani, sun mutuk kibci ura, yala yuk-yuk si sekdongoboka im sukdemunyi ba, si sekmamunyi to yala laki kibci ura, a laki kibmaci yala ati yuk-yuk tukwe nukwandarur. Ba, yala weik nang ara tukwe weikanun nukwandarur. Bok, yala mitik nang ara tukwe mitikanun nukwandarur. 55Bok, sunci Kanaan mutuk kunung nang asi orkana kum kubmunyi ura, sunci sun asing asi me wininga aryi tulungnande to kubkwansing. Ani, yan tabula torande to kubkwansing. Ani, sunci sunsi neneboka iya malyi kibkwansing. 56Ba, sun Israel nang aryi Kanaan mutuk kunung nang nirya kum yakoka obkabmunyi ura, Ni Iya Erebdobnyi, “Sun Kanaan nang nirya obkwan,” tenebse dinyi ara sun Israel nang asi obkwansin,’ ebdum,” ebmou.
Currently Selected:
Bilangan Uram 33: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 33
33
Israel nang Mesir aryi kuboka Moab mutuk binamnyi uram deyok
33:1-49
1Ura, Israel nang Mesir mutuk aryi deiblobmaici, sun yala yuk-yuk Musa ab, Harun ab aryi boboka a mutuk bindoka kunman ani, o mutuk bindoka kurabni ani, kibde baramnyi. 2Ura, Er Iya Erebdobnyi biryi Musa bisi, “Israel nang mabde baramnyi mutuk ab, atei ab nirya kerek sekwandum,” eboka arukmou. 3Ura, “Israel nang Mesir mutuk atei si Rameses aryi anabmai wala ara yuma wala tanggal 15 baryi anabmai. A anabmai uki tum ara weik uki tum si Paskah tum bisibmaici, anabmai. Ura, Er Iya Erebdobnyi biryi dibliliboka kalikmou deici aryi Mesir atei deiblobmaici anabdobmai. Ba, Mesir atei kuramnyi ninyi nirya ababyi Israel nang anabdobmai dinyi nirya asing eibmai. 4Israel nang anabmai talak ara Mesir atei nang ara Er Iya Erebdobnyi mikib aryi Mesir atei nang yuma deiamnyi mabwe nirya obmou ba, tukwe dongonmai talak aryi anabdobmai. Ara, Er Iya Erebdobnyi mikib lak kibmouci, Mesir nang moloramnyi kwemdeina weneboka malyi kibdeibmou. 5Ura, Israel nang Mesir weik atei Rameses aryi anabdobmaici, Sukot atei bindoka keis ol ai doboka mabmai. 6Sukot atei aryi anabdobnyi ura, yini mutuk kubkub kuramwe atei si Etam bindoka keis ol ai dobmaici, kunmai. 7Etam atei aryi anabdobnyi ura, tamuboka Pi-Hahirot atei Baal-Zefon atei yaletam kuboka Migdol atei dam bindoka kunmai. 8Ura, Pi-Hahirot mutuk aryi anabdobyi ura, weik me kwan si Laut Teberau dingiamwe kouboka yini mutuk si Etam binmai. Ani, uki winiryi bisik dam mabde baramnyi ani, Mara mutuk bindoka keis ol ai dobmai. 9Mara mutuk aryi anabdobnyi ura, Elim mutuk binmai. A mutuk ara me u amolbaryi anaamwe. Tonda, a mutuk dam ara yin co du si kurma 70 baryi tikamwe. 10Elim aryi anabdobyi ura, Laut Teberau dingiamwe kubkub mutuk bindoka keis ol ai dobmai. 11Teberau aryi anabdobnyi ura, yini mutuk si Sin dam bindoka ai dobmai. 12Sin mutuk aryi anabdobnyi ura, Dofka mutuk ai bindoka dobmai. 13Dofka aryi anabdobyi ura, Alus mutuk bindoka ai dobmai. 14Alus aryi anabdobnyi ura, Rafidim mutuk bindoka ai dobmai. A mutuk ara me iya kum mutuk asi binmaici, ai dobmai. 15Rafidim mutuk aryi anabdobnyi ura, Sinai mutuk kon dam bindoka ai dobmai. 16Sinai mutuk kon dam aryi anabdobnyi ura, Kibrot-Taawa mutuk bindoka ai dobmai. 17Kibrot-Taawa aryi anabdobyi ura, Hazerot mutuk bindoka ai dobmai. 18Hazerot aryi anabdobnyi ura, Ritma atei bindoka ai dobmai. 19Ritma mutuk aryi anabdobnyi ura, Rimon-Peros mutuk bindoka ai dobmai. 20Rimon-Peros aryi anabdobnyi ura, Libna mutuk bindoka ai dobmai. 21Libna aryi anabdobnyi ura, Risa mutuk bindoka ai dobmai. 22Risa mutuk aryi anabdobyi ura, Kehelata mutuk bindoka ai dobmai. 23Kehelata mutuk dam aryi anabdobnyi ura, Har-Syafer mutuk bindoka ai dobmai. 24Har-Syafer mutuk aryi anabdobyi ura, Harada mutuk bindoka ai dobmai. 25Harada mutuk dam aryi anabdobnyi ura, Makhelot mutuk bindoka ai dobmai. 26Makhelot mutuk aryi anabdobmaici, Tahat mutuk bindoka ai dobmai. 27-37Ani, anda mutuk asi bindoka ai dobni ani, dakoka bobnaryi o mutuk bindoka ai doramnyi. Ara, anda mutuk asi kubde baramnyi ara Tarah mutuk ab, Mitka mutuk ab, Hasmona mutuk ab, Moserot mutuk ab, Bene-Yaakan mutuk ab, Hor-Gidgad mutuk ab, Yotbata mutuk ab, Abrona mutuk ab, Ezion-Geber mutuk ab, yini mutuk Zin dam Kadesh mutuk ab, ai dobnin yangaramnyi ani, Edom mutuk wiliba mutuk dam Hor mutuk kon dam bindoka keis ol ai doamnyi.
38Ura, Er Iya Erebdobnyi biryi Harun bisi, ‘Hor mutuk kon dub welebirum,’ ebmou. Ura, Harun bira Hor mutuk kon dub dibmou. A dibmou uki ara Israel nang Mesir atei aryi anaboka bisik dam yangaramnyi ani, kwalina uki 40 baryi wengbinmaici, amubaryi wala dobmouci, tanggal satu kubmou uki tum aryi dibmou. 39Ba, Harun er kun uki kwalina nungna ara 123 baryi kurbinmou ura, Hor mutuk kon dub dibmou.
40A talak ara Kanaan mutuk me youkwetam Negeb mutuk kuboka Arad atei weik sienyi Kanaan yalanyi bira, ‘Israel nang yanganung,’ ena uram kekebmou.
41Ura, Israel nang Hor mutuk kon dam aryi anabdobmaici, Zalmona mutuk bindoka keis ol ai dobmai. 42Zalmona mutuk aryi anabdobmaici, Funon mutuk bindoka ai dobmai. 43Funon mutuk aryi anabdobyi ura, Obot mutuk bindoka ai dobmai. 44Obot mutuk aryi anabdobyi ura, keil bobde yamuramnyi mutuk Moab mutuk bok, Abarim atei bindoka ai dobmai. 45Keil yamuramnyi mutuk aryi anabdobyi ura, Dibon-Gad mutuk bindoka ai dobmai. 46Dibon-Gad mutuk aryi anabdobyi ura, Almon-Diblataim bindoka ai dobmai. 47Almon-Diblataim aryi anabdobyi ura, Abarim mutuk kon Nebo atei dam bindoka ai dobmai. 48Abarim mutuk aryi anabdobyi ura, Moab mutuk lu bok, Yordan me yibinamwe dam Yerikho atei dam bindoka ai dobmai. 49Ani, Moab mutuk lu bok, me Yordan yibinamwe dam aryi Bet-Yesimot atei dam kuboka Abel-Sitim atei dam bindoka keis ol ai dobde kuramnyi.” Ato kuboka Israel nang mabde yanamnyi to ati Musa biryi kerek sekmou.
Me Yordan kouboka Kanaan mutuk wengbinkwamai ati yan memebdeibmou uram deyok
33:50-56
50Ura, Moab mutuk lu bok, me Yordan yibinamwe kubkub, Yerikho atei dam kunmai talak aryi Er Iya Erebdobnyi biryi Musa bisi ato ebmou. 51“Israel nang asi ato ebdum, ‘Me Yordan kouboka Kanaan mutuk wengbinkwamarum. 52Ati, Kanaan mutuk kunung nang nirya oboka yakdonokwandarur. Ani, sun kwemdeina logam aryi kiknibyi dinyi ab, keil aryi kiknibyi dinyi ab, sun kwemdeina mutuk kon dub aryi dama deiboka molonung ai ab nirya daluboka uk dabkwandarur. 53A mutuk tukwe ara Ni Iya Erebdobnyi biryi sunti nuksise mutuk. Ati, sunci a mutuk bindoka nirya arabdobmunci sun mutuk kibdarur. 54Ani, sun mutuk kibci ura, yala yuk-yuk si sekdongoboka im sukdemunyi ba, si sekmamunyi to yala laki kibci ura, a laki kibmaci yala ati yuk-yuk tukwe nukwandarur. Ba, yala weik nang ara tukwe weikanun nukwandarur. Bok, yala mitik nang ara tukwe mitikanun nukwandarur. 55Bok, sunci Kanaan mutuk kunung nang asi orkana kum kubmunyi ura, sunci sun asing asi me wininga aryi tulungnande to kubkwansing. Ani, yan tabula torande to kubkwansing. Ani, sunci sunsi neneboka iya malyi kibkwansing. 56Ba, sun Israel nang aryi Kanaan mutuk kunung nang nirya kum yakoka obkabmunyi ura, Ni Iya Erebdobnyi, “Sun Kanaan nang nirya obkwan,” tenebse dinyi ara sun Israel nang asi obkwansin,’ ebdum,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)