Bilangan Uram 18
18
Imam nang kunun dinyi ab, Lewi yala nang kunun dinyi ab uram
18:1-32
1Er Iya Erebdobnyi biryi Harun bisi ato ebmou, “Kan ab, kan mabwe ab, Lewi yala nang ab aryi Ni ai Kemah Suci ai umbura asi lebesekdau ati ikin dinyi takubdobkwandum. Ara, yuk nang nirya kuma, eda kan ab, kan mabwe ab aryi imam nang iraming wa asi lebesekdau ati Harun kan ab, kan mabwe ab akwe ikin takubkwandum. 2Ba, kan du weit yabwe, kan abwe Lewi yala nang nirya ara kan dam yankwanung. Ba, sun ab, kan ab tonkwa Harun kan wa inmaminyi to kuboka ibmilibkwanking. Kan ab, kan mabwe ab ara Er Imtamnyi biryi, ‘Ukubdarur-ukuna mem,’ en uram dongon ai bisik bublan dam kunmarum. 3Sun Lewi yala nang aryi kanti sun wa karebse to kuboka kunubkwaming. Ara, sun wa karebdobto ara Ni ai Kemah Suci ai dam nirya wa in dinyi karebse. Bok, sunci Er Imtamnyi biti dama deirin keil lamna damtoto yangana mem. Tonda, sunci Kemah Suci umbura beterdongona mem bona bolina mem. Ara, sunbabyi, kanbabyi dibmunyob ati ebman. 4Sun Lewi yala nang ara Harun kan ab tonkwa Kemah Suci ai dam wa inkwandum. Ani, yuk yala nang ara kan ab tonkwa wa ina mem! 5Ba, Harun kan ab, kan mabwe ab akwe Kemah Suci ai umbura ab, Niti dama deirin keil lamna dikum ab wa ibkwandarur. Ati, sunci a wa ibmunyi ura, Ni Imtamnyi bira sun Israel ninyi nirya asi yu bosina kum kubkwasunun. 6Ni Iya Erebdobnyi biryi kan du weit yabwe Lewi yala nang asi Israel nang kankan dam aryi wiboka Harun kanti karebkise. Ara, Ni Imtamnyi biryi wiboka Ni ai Kemah Suci ai baitam wa in nang kibse. 7Bok, Harun kan ab, kan mabwe ab akwe imam nang kibkwanung. Ba, dama deirban keil dungna dub ab, Kemah Suci ai umbura weik ai ab, iya beterdongona mem ai si Ruang Mahakudus umbura ab ara Harun kanci kalingkwandum. Ara, Ni Imtamnyi biryi kan ab, kan mabwe ab asi imam wa karebkise. Bok, sun yuk nang aryi beterdongona mem ai umbura kubwe dinyi dam binmangnyi ura, a binmarinyi bira dibkwande,” ebmou.
8Ura, Er Iya Erebdobnyi biryi Harun bisi tubto ato ebmou, “Kan bikwandum! Sun Israel ninyi aryi Ni Imtamnyi biti dama deiboka uk dan dinyi boyanmangnyi dinyi nirya ara Harun kan taruk dam karebkise. Ani, a dinyi ara kan ab, kan mabwe ab ati iya ebdeibse. 9Ba, Niti dama deirin dinyi ara keil lamna dub uk kum dabmangnyi dinyi ara Harun kan dinyi kibdeibse. Ara, kouryin dinyi Korban Sajian ab, ‘Malyi kun dinyi kilibsute,’ tenen Korban Penghapus dosa ab, malyi kun dinyi dengdan dinyi Korban Penebus Salah ab ara Harun kan ab, kan mabwe ab karebse. 10Anda dinyi ara iya beterdongona mem dinyi deyok aryi sunci a dinyi beterdongona mem dikum ara Ni ai dam aryi yibkwandarur. Bok, a dinyi yibkwamamunyi ara sal demang yibkwandarur. 11Ani, Israel nang aryi yuk dinyi ati dama deiryanmangyi dinyi ab, Niti amuboka dama deirin dinyi ababyi kan dinyi kubkwandur. Ara, kan ab, kan mabwe nermabwe ab ati iya karebsise ati ur yibkwandarur. Ba, kan ai ninyi beterdongona kum ninyi nirya ara ur yibkwanung. 12Ni Imtamnyi biryi Harun kansi Israel nang yuma kibmangnyi yina teleb, Ni Iya Erebdobnyi biti dama deiryanmangnyi dinyi karebkise. Ara, anggur teleb ab, zaitun me yung teleb ab, gandum du teleb ab ara kanti karebkise. 13Ba, wa iamingnyi dinyi nirya aryi kiboka Ni Imtamnyi biti dama deiryanmangnyi dinyi ara kanti karebkise. Ati, kan ai ninyi beterdongona kum ninyi nirya ara ur yibkwanung. 14Ara, Israel nang aryi Ni Iya Erebdobnyi biti dama deiryankwaming dinyi nirya ara Harun kan dinyi kibkwande. 15Ani, Israel nang aryi yuma deibkwaming mabwe ab, yuma deibkwaming bisam yabwe ab ara Ni Iya Erebdobnyi biti dama deiryankwaming. A dama deiryangnyi dinyi ara Harun kan dinyi kibkwande. Bok, yuma mabwe ab, yuma yina kum bisam yabwe ara unuboka uang asi karebkwanung. 16Ba, ukuryok deibmangnyi mabwe sun kun uki wala tentok kibci ura, sun dama dengna ati uang boyankwanung. Ba, dekwamangnyi ura, perak ikin mitikanun 57 gram baryi dekwanung. Ara, Ni Er Imtamnyi ai dam kikliboka ikin kikliramingnyi to kuboka dekwanung. 17Bok, bisam sapi yim yuma mi ab, bisam domba yim yuma mi ab, bisam kambing yim yuma mi ab ara unuboka uang boyangana mem! Eda a bisam ara Ni Iya Erebdobnyi bisam ati ngang asi sekwandum. Ura, anda bisam ining ara keil lamna deyok dam dikoka minta ara siltong teleb ena ati uk dabkwandum. Ba, a siltong yubnyi ura, kanyi teleb kibkwanir. 18Ba, a obmangnyi bisam tub ara Harun kan dinyi kibwande. Ara, bisam taram ab, dinatam taruk ab Ni urasintam amuboka Niti dama deibmangnyi dinyi to ara kan dinyi kibkwande. 19Ura, Israel nang aryi Ni Iya Erebdobnyi biti dama deiryanmangnyi dinyi ara Niryi Harun kan ab, kan mabwe ab, kan nermabwe ab ati karebsise. A dinyi ara, ‘Iya kanti karebkisiryi,’ kan ab, Ni Imtamnyi ab uram talak erdeirirdan dinyi kibse. Ba, a dinyi ara iya ukubmurubde baraminyi tok ani, odei-odei binkwaminga nirya ukubmurubkwaming,” ebmou. 20Ura, Er Iya Erebdobnyi biryi Harun bisi ato ebmou, “Niryi Israel yala nang asi uram talak ebdeibse mutuk wengbingnyi ura, yala yuk-yuk tukwe karebkwan. Bok, Harun kansi tukwe ton kum karebkwankin. Eda, Ni Iya Erebdobnyi bira kan kam kun dinyi kibkwande. Tonda, Niti dama deiriryangnyi dinyi ara kan yin dinyi kibkwande,” ebmou.
21Er Iya Erebdobnyi biryi Harun bisi ato ebmou, “Israel nang aryi sun kouryina yuma kibmangnyi yina aryi meici kukoka olong takubaryi kiboka olong tentok asi dama deiryankwaming ara Ni Imtamnyi biryi Lewi yala nang asi karebse. A dinyi ara Lewi yala nang sun Kemah Suci ai dam wa iramingnyi dengna ati karebse. 22Bok, yuk Israel yala nang ara Ni Iya Erebdobnyi ai Kemah Suci ai ara yangana mem! A yangnyi ura, betebdongobkwaming. Ba, a betebdongobmangnyi deyok aryi dibkwaming. 23Ani, uku talak ara Lewi yala nang aryi Kemah Suci ai dam asi Ni Imtamnyi ai wa ibkwaming. Ani, sun betebdongoamingyi dinyi aryi ikin bobdobkwaming. A uram ebdeibman ara iya ukubmurubde binamunyi tok ani, odei-odei binkwanduma nirya ukubkwaming. Ba, Lewi yala nang ara Kanaan mutuk tukwe ton kum talebkwaming. 24Ara, sun tukwe aryi wa ibde yininto dinyi ara Ni Iya Erebdobnyi biti Israel nang aryi kouryina dama deibmangnyi dinyi ara sunti karebse. A deyok aryi sun Lewi yala nang ara Kanaan mutuk tukwe ton kum talebkwaming,” ebmou.
25Ura, Er Iya Erebdobnyi biryi Musa bisi ato ebmou, 26“Lewi yala nang asi uram ato ebdum, ‘Israel nang aryi kouryina yuma kibmangnyi yina meici kukoka takubaryi kiboka olong tentok asi Ni Imtamnyi biti dama deiryanmangnyi dinyi ara sun dinyi kibwe. Bok, a dama deiryanmangnyi dinyi ara sun Lewi yala nang aryi Er Imtamnyi biti a boyanmangnyi dinyi tentok-tentok doboka Imtamnyi biti dama deibkwandarur. 27A dama deibmamunyi dinyi ara ukuryok gandum du ab, ukuryok anggur me ab dama deibmangnyi dinyi tentok-tentok doboka sun Lewi yala nang aryi Er Imtamnyi biti dama deibkwandarur. 28Ba, sun Lewi yala nang aryi Israel nang kouryina boyandoka dama deibmangnyi dinyi doboka sunbabyi Er Iya Erebdobnyi bisi dama deibkwandarur. A dama deibkwamamunyi ara imam Harun bisi boyankwandarur. 29Ba, a dama deibkwamamunyi dinyi ara telebto dinyi akwe doboka Er Iya Erebdobnyi biti dama deibkwandarur. 30A dinyi sirya dama deibmunyi ura, takdongobmamunyi dinyi ara dobdobkwandarur. Ara, kouryina wa iramingnyi nang ababyi yuma dinyi dama deiryangnyi ura, takdongobmangnyi dinyi kiraming to, sun Lewi yala nang aryi Israel nang dama deibmangnyi dinyi tentok-tentok doboka sun yuma kiraming to asi Er Imtamnyi biti dama deibkwandarur. 31A takdongobmamunyi dinyi ara sun ai ninyi dantam-dantam kuramingnyi dam bobindoka tonkwa yibdobkwandarur. Ara, sun Lewi yala nang aryi Er Iya Erebdobnyi ai wa indarur dinyi dengna kibkwande. 32Ara, sun Israel nang dama deibkwamamunyi dinyi aryi telebto dinyi aryi doboka Er Iya Erebdobnyi biti sirya dama deibmamunyi deyok aryi, a yina yibmamunyi ati malyi dinyi dorona kum kubkwandum. Bok, Er Iya Erebdobnyi biti Israel nang aryi wa iamunyi dinyi yuma kibmamunyi kouryina dama deirina kum kubmamunyi cok yibmamunyi ura, din dinyi molobdankwandum,’ ebdum,” ebmou.
Currently Selected:
Bilangan Uram 18: MTG
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)
Bilangan Uram 18
18
Imam nang kunun dinyi ab, Lewi yala nang kunun dinyi ab uram
18:1-32
1Er Iya Erebdobnyi biryi Harun bisi ato ebmou, “Kan ab, kan mabwe ab, Lewi yala nang ab aryi Ni ai Kemah Suci ai umbura asi lebesekdau ati ikin dinyi takubdobkwandum. Ara, yuk nang nirya kuma, eda kan ab, kan mabwe ab aryi imam nang iraming wa asi lebesekdau ati Harun kan ab, kan mabwe ab akwe ikin takubkwandum. 2Ba, kan du weit yabwe, kan abwe Lewi yala nang nirya ara kan dam yankwanung. Ba, sun ab, kan ab tonkwa Harun kan wa inmaminyi to kuboka ibmilibkwanking. Kan ab, kan mabwe ab ara Er Imtamnyi biryi, ‘Ukubdarur-ukuna mem,’ en uram dongon ai bisik bublan dam kunmarum. 3Sun Lewi yala nang aryi kanti sun wa karebse to kuboka kunubkwaming. Ara, sun wa karebdobto ara Ni ai Kemah Suci ai dam nirya wa in dinyi karebse. Bok, sunci Er Imtamnyi biti dama deirin keil lamna damtoto yangana mem. Tonda, sunci Kemah Suci umbura beterdongona mem bona bolina mem. Ara, sunbabyi, kanbabyi dibmunyob ati ebman. 4Sun Lewi yala nang ara Harun kan ab tonkwa Kemah Suci ai dam wa inkwandum. Ani, yuk yala nang ara kan ab tonkwa wa ina mem! 5Ba, Harun kan ab, kan mabwe ab akwe Kemah Suci ai umbura ab, Niti dama deirin keil lamna dikum ab wa ibkwandarur. Ati, sunci a wa ibmunyi ura, Ni Imtamnyi bira sun Israel ninyi nirya asi yu bosina kum kubkwasunun. 6Ni Iya Erebdobnyi biryi kan du weit yabwe Lewi yala nang asi Israel nang kankan dam aryi wiboka Harun kanti karebkise. Ara, Ni Imtamnyi biryi wiboka Ni ai Kemah Suci ai baitam wa in nang kibse. 7Bok, Harun kan ab, kan mabwe ab akwe imam nang kibkwanung. Ba, dama deirban keil dungna dub ab, Kemah Suci ai umbura weik ai ab, iya beterdongona mem ai si Ruang Mahakudus umbura ab ara Harun kanci kalingkwandum. Ara, Ni Imtamnyi biryi kan ab, kan mabwe ab asi imam wa karebkise. Bok, sun yuk nang aryi beterdongona mem ai umbura kubwe dinyi dam binmangnyi ura, a binmarinyi bira dibkwande,” ebmou.
8Ura, Er Iya Erebdobnyi biryi Harun bisi tubto ato ebmou, “Kan bikwandum! Sun Israel ninyi aryi Ni Imtamnyi biti dama deiboka uk dan dinyi boyanmangnyi dinyi nirya ara Harun kan taruk dam karebkise. Ani, a dinyi ara kan ab, kan mabwe ab ati iya ebdeibse. 9Ba, Niti dama deirin dinyi ara keil lamna dub uk kum dabmangnyi dinyi ara Harun kan dinyi kibdeibse. Ara, kouryin dinyi Korban Sajian ab, ‘Malyi kun dinyi kilibsute,’ tenen Korban Penghapus dosa ab, malyi kun dinyi dengdan dinyi Korban Penebus Salah ab ara Harun kan ab, kan mabwe ab karebse. 10Anda dinyi ara iya beterdongona mem dinyi deyok aryi sunci a dinyi beterdongona mem dikum ara Ni ai dam aryi yibkwandarur. Bok, a dinyi yibkwamamunyi ara sal demang yibkwandarur. 11Ani, Israel nang aryi yuk dinyi ati dama deiryanmangyi dinyi ab, Niti amuboka dama deirin dinyi ababyi kan dinyi kubkwandur. Ara, kan ab, kan mabwe nermabwe ab ati iya karebsise ati ur yibkwandarur. Ba, kan ai ninyi beterdongona kum ninyi nirya ara ur yibkwanung. 12Ni Imtamnyi biryi Harun kansi Israel nang yuma kibmangnyi yina teleb, Ni Iya Erebdobnyi biti dama deiryanmangnyi dinyi karebkise. Ara, anggur teleb ab, zaitun me yung teleb ab, gandum du teleb ab ara kanti karebkise. 13Ba, wa iamingnyi dinyi nirya aryi kiboka Ni Imtamnyi biti dama deiryanmangnyi dinyi ara kanti karebkise. Ati, kan ai ninyi beterdongona kum ninyi nirya ara ur yibkwanung. 14Ara, Israel nang aryi Ni Iya Erebdobnyi biti dama deiryankwaming dinyi nirya ara Harun kan dinyi kibkwande. 15Ani, Israel nang aryi yuma deibkwaming mabwe ab, yuma deibkwaming bisam yabwe ab ara Ni Iya Erebdobnyi biti dama deiryankwaming. A dama deiryangnyi dinyi ara Harun kan dinyi kibkwande. Bok, yuma mabwe ab, yuma yina kum bisam yabwe ara unuboka uang asi karebkwanung. 16Ba, ukuryok deibmangnyi mabwe sun kun uki wala tentok kibci ura, sun dama dengna ati uang boyankwanung. Ba, dekwamangnyi ura, perak ikin mitikanun 57 gram baryi dekwanung. Ara, Ni Er Imtamnyi ai dam kikliboka ikin kikliramingnyi to kuboka dekwanung. 17Bok, bisam sapi yim yuma mi ab, bisam domba yim yuma mi ab, bisam kambing yim yuma mi ab ara unuboka uang boyangana mem! Eda a bisam ara Ni Iya Erebdobnyi bisam ati ngang asi sekwandum. Ura, anda bisam ining ara keil lamna deyok dam dikoka minta ara siltong teleb ena ati uk dabkwandum. Ba, a siltong yubnyi ura, kanyi teleb kibkwanir. 18Ba, a obmangnyi bisam tub ara Harun kan dinyi kibwande. Ara, bisam taram ab, dinatam taruk ab Ni urasintam amuboka Niti dama deibmangnyi dinyi to ara kan dinyi kibkwande. 19Ura, Israel nang aryi Ni Iya Erebdobnyi biti dama deiryanmangnyi dinyi ara Niryi Harun kan ab, kan mabwe ab, kan nermabwe ab ati karebsise. A dinyi ara, ‘Iya kanti karebkisiryi,’ kan ab, Ni Imtamnyi ab uram talak erdeirirdan dinyi kibse. Ba, a dinyi ara iya ukubmurubde baraminyi tok ani, odei-odei binkwaminga nirya ukubmurubkwaming,” ebmou. 20Ura, Er Iya Erebdobnyi biryi Harun bisi ato ebmou, “Niryi Israel yala nang asi uram talak ebdeibse mutuk wengbingnyi ura, yala yuk-yuk tukwe karebkwan. Bok, Harun kansi tukwe ton kum karebkwankin. Eda, Ni Iya Erebdobnyi bira kan kam kun dinyi kibkwande. Tonda, Niti dama deiriryangnyi dinyi ara kan yin dinyi kibkwande,” ebmou.
21Er Iya Erebdobnyi biryi Harun bisi ato ebmou, “Israel nang aryi sun kouryina yuma kibmangnyi yina aryi meici kukoka olong takubaryi kiboka olong tentok asi dama deiryankwaming ara Ni Imtamnyi biryi Lewi yala nang asi karebse. A dinyi ara Lewi yala nang sun Kemah Suci ai dam wa iramingnyi dengna ati karebse. 22Bok, yuk Israel yala nang ara Ni Iya Erebdobnyi ai Kemah Suci ai ara yangana mem! A yangnyi ura, betebdongobkwaming. Ba, a betebdongobmangnyi deyok aryi dibkwaming. 23Ani, uku talak ara Lewi yala nang aryi Kemah Suci ai dam asi Ni Imtamnyi ai wa ibkwaming. Ani, sun betebdongoamingyi dinyi aryi ikin bobdobkwaming. A uram ebdeibman ara iya ukubmurubde binamunyi tok ani, odei-odei binkwanduma nirya ukubkwaming. Ba, Lewi yala nang ara Kanaan mutuk tukwe ton kum talebkwaming. 24Ara, sun tukwe aryi wa ibde yininto dinyi ara Ni Iya Erebdobnyi biti Israel nang aryi kouryina dama deibmangnyi dinyi ara sunti karebse. A deyok aryi sun Lewi yala nang ara Kanaan mutuk tukwe ton kum talebkwaming,” ebmou.
25Ura, Er Iya Erebdobnyi biryi Musa bisi ato ebmou, 26“Lewi yala nang asi uram ato ebdum, ‘Israel nang aryi kouryina yuma kibmangnyi yina meici kukoka takubaryi kiboka olong tentok asi Ni Imtamnyi biti dama deiryanmangnyi dinyi ara sun dinyi kibwe. Bok, a dama deiryanmangnyi dinyi ara sun Lewi yala nang aryi Er Imtamnyi biti a boyanmangnyi dinyi tentok-tentok doboka Imtamnyi biti dama deibkwandarur. 27A dama deibmamunyi dinyi ara ukuryok gandum du ab, ukuryok anggur me ab dama deibmangnyi dinyi tentok-tentok doboka sun Lewi yala nang aryi Er Imtamnyi biti dama deibkwandarur. 28Ba, sun Lewi yala nang aryi Israel nang kouryina boyandoka dama deibmangnyi dinyi doboka sunbabyi Er Iya Erebdobnyi bisi dama deibkwandarur. A dama deibkwamamunyi ara imam Harun bisi boyankwandarur. 29Ba, a dama deibkwamamunyi dinyi ara telebto dinyi akwe doboka Er Iya Erebdobnyi biti dama deibkwandarur. 30A dinyi sirya dama deibmunyi ura, takdongobmamunyi dinyi ara dobdobkwandarur. Ara, kouryina wa iramingnyi nang ababyi yuma dinyi dama deiryangnyi ura, takdongobmangnyi dinyi kiraming to, sun Lewi yala nang aryi Israel nang dama deibmangnyi dinyi tentok-tentok doboka sun yuma kiraming to asi Er Imtamnyi biti dama deibkwandarur. 31A takdongobmamunyi dinyi ara sun ai ninyi dantam-dantam kuramingnyi dam bobindoka tonkwa yibdobkwandarur. Ara, sun Lewi yala nang aryi Er Iya Erebdobnyi ai wa indarur dinyi dengna kibkwande. 32Ara, sun Israel nang dama deibkwamamunyi dinyi aryi telebto dinyi aryi doboka Er Iya Erebdobnyi biti sirya dama deibmamunyi deyok aryi, a yina yibmamunyi ati malyi dinyi dorona kum kubkwandum. Bok, Er Iya Erebdobnyi biti Israel nang aryi wa iamunyi dinyi yuma kibmamunyi kouryina dama deirina kum kubmamunyi cok yibmamunyi ura, din dinyi molobdankwandum,’ ebdum,” ebmou.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@LAI 2007 (New Testament), @LAI2022 (Old and New Testament)